Isaiah 11

Mien Bible (Thai Script) © Thailand Bible Society, 2007

← Chapter 10 Jump to: Chapter 12 →

1เจียดซี เญย กอน อ๋อย ธ้วด ติ้ว หธุน, นิ่น เญย ฑู่ง อ๋อย ธ้วด ฆว้า ฆว่า หย่า เฒี่ยง เปี๊ยว.

2เฒี้ยว เญย สีง ลี่ง อ๋อย เยียม นิ่น, สีง ลี่ง ปุน นิ่น ม่าย ธง-เม่ง เหธา ว่วน ฒาง, สีง ลี่ง ปุน นิ่น ไฮ่ ธ่าง ล่าง หย่า ม่าย ต้ม ชะ, สีง ลี่ง ปุน นิ่น ไฮ่ เม่ง แปะ หย่า ปุน นิ่น ท่าย เฒี้ยว.

3นิ่น ฒู้ง อ๋อย ปวั๊ง เฮญี้ยว ท่าย เฒี้ยว. นิ่น ไม้ เฒ์ย หฒิว กั้น เญย มฒีง ปวัด เญย เซี้ยม, หย่า ไม้ เฒ์ย หฒิว นิ่น เญย มน่อม ไฮ์ เญย ตุ๋น สี่.

4นิ่น อ๋อย หล่ง หอบ เญย เจ๊า เซี้ยม เมี่ยน จ่ม เมี่ยน, หย่า แป้ง ฟิม เญย ตุ๋น เยียม ลู่ง เดี๊ย หฒุ ฒัด เหฌี่ย เญย เมี่ยน. นิ่น อ๋อย เหฌี่ย หลี่ง ตี่ง ลู่ง เดี๊ย เมี่ยน เญย ฒุ์ย, หย่า ไต๋ เอ๊าะ เมี่ยน.

5นิ่น อ๋อย หล่ง แป้ง ฟิม เญย เจ๊า ต๋อง โหว-ฮลาง, หย่า หล่ง เหฒียบ ฒัวะ เญย เจ๊า โหฒว หละซิน ไซ เจี๊ยน.

6เฮยี่ย จู๊ ฯฒฯ เหธา ปะกี ยู่ง ตอน เยียม, ดะม่าว เบ๋ว หย่า เหธา ยู่ง ตอน เปว๋ย, ง่ง ตอน เหธา เซี่ยน หลุน จวั่ง เยียม จวั่ง หญั่น, ฝุเจว๊ย-ไฝ หย่า อ๋อย ต้อ นิ่น บัว.

7ง่ง เญ์ย ฒู้ง เหธา เจี๊ยบ จวั่ง หญั่น, นิ่น บัว เญย ตอน จวั่ง เปว๋ย, เซี่ยน หย่า อ๋อย หญั่น เบย้า ฆ้าว ฮนั้ง ง่ง นอ.

8หธ่อ ฮบ หญอ เญย กู้งว์า อ๋อย เยียม นาง-เจี๊ยะ เญย ค้วด-ด่าง เหญียน, กวั่ง หญอ เญย กู้งว์า อ๋อย ลม เปียะ นาง-โตะ เญย ค้วด.

9ตะฟ่าน เยียม เยีย เญย ธีง-เหฑ่ง บง เญย ต๋อง, น้าย เต๋ย กะน้าย ไม้ ห่อย, ไม้ โหฒว เหมียด. เหว่ย หฒุ ฮิ้ว เฒี้ยว เญย เมี่ยน ปวั๊ง เหฑ่ง ลู่ง เดี๊ย, ฮนั้ง ววม ปวั๊ง ค้อย นอ.

10เถา วั้ว ฮนอย, ม่าย เต้า เจียดซี เญย เฒ้ย-ฟุน อ๋อย เหลียบ เจี์ย โหฒว หม่าน ฝีง เญย จั๋ง-โห่, หม่าน กั๊วะ เมี่ยน ฯฒฯ ต้าย ล์อ นิ่น. นิ่น ฮิด เญย ต๋อง ม่าย ฌัง-หล่าง ไห่.

11เถา วั้ว ฮนอย, เฒี้ยว อ๋อย ซูง ตะเหญ่ย หฑุ่น ปั์ว เหว่ย เซียว นิ่น เหฒ่ง เหฌี่ย เญย แปะ ฝีง, เซ เยียม อัดซีเลีย, อียิบ, ปัดโล้ด, เอทีโอเปีย, เอลาม, บาบีโลน, ฮามัด เหธา ค้อย-โฑว เญย เมี่ยน.

12นิ่น อ๋อย เหลียบ เจี์ย ต้ม เก้ ปุน หม่าน กั๊วะ เมี่ยน, แอ๋ง ต้อ อิสะลาเอน หฒุ กว๊าด มี่ง เญย เมี่ยน ต้าย ฒุ้น. นิ่น อ๋อย เยียม เดา-เป้ย เญย เปยย ปูง ลู่ง กอน, ปุน หฒุ เยียม หฑาน เญย ยูดา เมี่ยน กั๊บ ฒุ้น.

13เอฟาอิม เหมว่ย เจี๊ยะ เญย สี่ ฯฒฯ เจี๋ย หมี่ อ๊ะ, ห่อย ยูดา เญย เมี่ยน หย่า หฒุ ไพ กวั่ง. เอฟาอิม ฯฒฯ ไม้ เหมว่ย เจี๊ยะ ยูดา, ยูดา หย่า ไม้ ห่อย เอฟาอิม อ๊ะ.

14นิ่น บัว อ๋อย เหฌี่ย มี่ง เบ๊าะ เยียม ไฟ ปูง เญย ฟีลิสะเตีย เมี่ยน. นิ่น บัว ล่ม ฑ่อย มี่ง ลู้ เยียม ตง ปูง เญย เมี่ยน. นิ่น บัว อ๋อย มี่ง ธ้าง เอโดม เหธา โมอับ. อัมโมน เมี่ยน หย่า หฒุ เยียม นิ่น บัว เญย ปั์ว-เดี๊ย.

15เฒี้ยว หย่า อ๋อย ปุน อียิบ เญย ค้อย-หธง ฆาย. นิ่น อ๋อย หฮวัง ปั์ว ปุน หฑยาว-จอม ป่วน เจี๋ย ยูเฟติด ด้าย กู้ หงว่าย. ด้าย ฯฒฯ ปุน ฆอย เป๋น เสี่ย ติ้ว โด๊ะ, ปุน เมี่ยน ไฮ่ เจี๋ย มี่ง, เหฒา หย่า ไม้ ดอน.

16ม่าย ติ้ว ต้ม เจ๊า ปุน นิ่น เญย แปะ ฝีง เหฒ่ง เหฌี่ย เญย เมี่ยน เยียม อัดซีเลีย หฑวน, ฮนั้ง ฒิ่น ด่าง อิสะลาเอน เมี่ยน เยียม อียิบ เต่ย-ปูง หฑวน เญย เจ๊า นอ.

← Chapter 10 Jump to: Chapter 12 →