Isaiah 24

Mien Bible (Thai Script) © Thailand Bible Society, 2007

← Chapter 23 Jump to: Chapter 25 →

1หมั่ง ม่าะ! เฒี้ยว ฒู้ง อ๋อย ป่าย หว่าย ลู่ง เดี๊ย, ปุน ลู่ง เดี๊ย ฮวาง เหฑ่ง. นิ่น อ๋อย เนี้ยว เดา-เป้ย, หย่า ปุน แปะ ฝีง หฑาน เหฑ่ง.

2ไซ เมี่ยน ฮนั้ง หาย นอ, แปะ ฝีง หย่า ฮนั้ง วั้ว นอ, เฒี้ยว ฮนั้ง หาย นอ, นิ่น เญย โปว หย่า ฮนั้ง วั้ว นอ, เปย๊า-เฒี้ยว หม่า ฮนั้ง หาย นอ, นิ่น เญย มเซียะ โปว หย่า ฮนั้ง วั้ว นอ, หม่าย กะน้าย เญย เมี่ยน ฮนั้ง หาย นอ, ม์าย กะน้าย เญย เมี่ยน หย่า ฮนั้ง วั้ว นอ, ปู๋ง แฒะ เญย เมี่ยน ฮนั้ง หาย นอ, ก๊า แฒะ เญย เมี่ยน หย่า ฮนั้ง วั้ว นอ, เซียว แฒะ เญย เมี่ยน ฮนั้ง หาย นอ, เฉียม แฒะ เญย เมี่ยน หย่า ฮนั้ง วั้ว นอ.

3เดา-เป้ย ฯฒฯ ขูง เหฑ่ง, หฒุ กวั่ง ฮวาง, เหว่ย หฒุ เฒี้ยว ก๊อง น้าย เต๋ย หว่า.

4เดา-เป้ย ฆาย หย่า เหญา, ลู่ง เดี๊ย เหฒี่ย, เหญา เจี๊ยน เหฌี่ย. เก้า ตุ๊ เมี่ยน ท่าย วั้ว เต๋ย หย่า เฮย เจี๊ยน เหฌี่ย.

5เยียม ลู่ง เดี๊ย เญย เมี่ยน ปุน เดา-เป้ย ม่าย หวุย, เหว่ย หฒุ นิ่น บัว ไม้ กัน เล์ย-หลัด, หย่า โหฒว ต่อง โต์-เล์ย, แอ๋ง ปู๋ง ด๊อด เหยียด ลิ์ว เหลียบ เญย แหง่ง หว่า.

6เหว่ย น้าย เดา-เป้ย หฒุ เหฒียว, หฒุ นะ เหฑ่ง, เยียม น้าย เญย เมี่ยน หฒุ เหว่ย นิ่น บัว โหฒว ต่อง เญย สี่ ดาม-ตอง. เหว่ย น้าย ลู่ง เดี๊ย เมี่ยน หฒุ ปั๊ว ชุย เหฑ่ง, เหฒ่ง เหฌี่ย เญย เมี่ยน โหฒะ เญย.

7เซียง-อะหงุ่น ติ๊ว โหฒะ เจี๊ยน เหฌี่ย, อะหงุ่น เฮมย เหญา ฆาย. เหน่า หญิด เญย เมี่ยน เท้า ต้ม เฉีย.

8เบ๊าะ โฑ์ เญย เฉีย เซ้ก หมี่ อ๊ะ. โหฒว จอม เญย เมี่ยน หย่า ตี้ง หมี่ อ๊ะ. พัด ต้าน ป้า ออน-เหลาะ เญย เฉีย หย่า เซ้ก หมี่ อ๊ะ.

9เยียม น้าย มี่ง ไม้ ม่าย เมี่ยน ฮบ อะหงุ่น ติ๊ว ป๋าว ฑูง. เหว่ย ฮบ เญย เมี่ยน ติ๊ว-คู้ อิม หมี่ อ๊ะ.

10ฒี่ง กะญั์ว หลุ่น, เป๋น ฒี่ง ฮวาง. นอมๆ เปย๊า กวน ดิบ เหฑ่ง, ไม้ ปุน หาย เต้า ไฮ่ เปียะ.

11เยียม จาย-ห่อง เมี่ยน เห่ว หลาย ไม้ ม่าย ติ๊ว ฮบ. เหยียด ฒู้ง เฌียน-โย่ว หนัม หมี่ อ๊ะ. ป้าม เกน เญย ออน-เหลาะ หฒิด เหฑ่ง หมี่ อ๊ะ.

12ฒี่ง กะญั์ว ขูง ฮวางๆ วั้ว. ฒี่ง แก้ง หฒุ เบ๊าะ หว่าย เหฑ่ง.

13เยียม ลู่ง เดี๊ย หม่าน เมี่ยน บุด๋ง หย่า ฮนั้ง น้าย นอ, ฮนั้ง พยุ ลิ์ว เญย กะลั้น เดี๋ยง, ฮนั้ง แก๊ะ ป่า เญย อะหงุ่น เปี๊ยว ไม้ เหฒ่ง บัวะ เหฒีย นอม.

14นิ่น บัว ธ้วด เฉีย เฌียน-โย่ว เญย เห่ว, เยียม ไฟ ปูง เญย เมี่ยน เห่ว เจี๊ยน ฒุ่น เฒี้ยว เญย ฮ่าง ต้าว.

15เหว่ย น้าย เยียม ตง ปูง อ๋อย หฒุ ท่าย เฒี้ยว. เยียม ค้อย-โฑว เญย เมี่ยน อ๋อย หฒุ เธง เฒี้ยว, อิสะลาเอน เมี่ยน เญย ทิน-ฮู่ง.

16เยีย บัว ตุ๊ ไฮ์ เยียม จ่ม ลู่ง เดี๊ย ม่าย เมี่ยน ป๋าว ฑูง ก๊อง, “เธง โหฒว หอบ วั้ว เต้า เฒี้ยว. ” มป่า เยีย ก๊อง, “เยีย ไจ่ เจี๊ยน เหฌี่ย. เยีย ไจ่ เจี๊ยน เหฌี่ย. เยีย หฒุ โค้ว อ๊ะ. เบี๊ยน เฮญี้ยว เญย เมี่ยน เบี๊ยน เฮญี้ยว. เบี๊ยน เฮญี้ยว เญย เมี่ยน หฒะเก้ง! เบี๊ยน เฮญี้ยว อ๊ะ.”

17โอ ลู่ง เดี๊ย เมี่ยน อ้า! ม่าย กั้ม เหฑีย เญย สี่ เหธา แฒง เมี่ยน เญย เดา-ค้วด เหธา ต้ม โขว ฒั้ว เจี๊ยน เม่ย บัว.

18หาย เต้า ไฮ์ กั้ม เหฑีย เญย เฉีย ฯฒฯ เปย๋า, วั้ว เต้า ฒู้ง อ๋อย ด๊อด ค้วด. หาย เต้า เยียม ค้วด ญอง ธ้วด, ฒู้ง หฒุ โขว ฮลบ. ลู่ง เญย แก้ง ฆอย, เดา เญย กอน-โด๊ะ หย่า หฒุ ดั่น ต์ง.

19เดา ฮู้ หม่วน เหฑ่ง, เดา บ๋าย ฆอย, เดา หฒุ ดั่น ต์ง เสย ไห่.

20เดา ลี่งๆ คีงๆ ฮนั้ง ติ๊ว ฆวิน เญย เมี่ยน, หย่า ฮนั้ง ลิ่ว หฒุ หฑยาว ป่วน ลู่งๆ ไล่ๆ เญย. เดา เฮนี้ยๆ เญย หฒุ ตี่ง ฒุ์ย ฯฒฯ บาง เหฌี่ย, เหยียด ลิ์ว ไม้ ไฮ่ เจี์ย ต้าย.

21เถา วั้ว ฮนอย เฒี้ยว อ๋อย เยียม กู้ หงว่าย ลู่ง ตี่ง เยียม กู้ หงว่าย ลู่ง ม่าย หลี่ง ม่าย ชะ วั้ว เต๋ย เญย ฒุ์ย. นิ่น หย่า อ๋อย เยียม กะเดี๊ย เดา ตี่ง เยียม กะเดี๊ย เดา โหฒว ฮู่ง วั้ว เต๋ย เญย ฒุ์ย.

22นิ่น บัว ฯฒฯ หฒุ กั๊บ ฒุ้น ฮนั้ง หววน โล่ หฮมวัง เญย เมี่ยน. นิ่น บัว หฒุ หววน เจี๊ยน โล่ กะญั์ว, ฆะฮ้า ธั้ม-ฮนอย นิ่น บัว ฯฒฯ หฒุ ตี่ง ฒุ์ย.

23วั้ว หฒั่น หฮลา ฯฒฯ ไญ้, บะฮนอย หฒุ ป่าย เฮมียน เหว่ย หฒุ เน่น เจี๋ย เญย เฒี้ยว อ๋อย เยียม สิโอน บง หย่า เยียม เยลูซาเลม กุ๊น, ฯฒฯ ตอง เจี๊ยน ฒี่ง เญย เมี่ยน โก๋ หิ่น ธ้วด นิ่น เญย ฌัง-หล่าง.

← Chapter 23 Jump to: Chapter 25 →