Isaiah 18

Mien Bible (Thai Script) © Thailand Bible Society, 2007

← Chapter 17 Jump to: Chapter 19 →

1เยียม วั้ว หง่าน หฒิ เอทีโอเปีย เญย ด้าย ม่าย ด๊าด ดัดๆ บุย เญย เต่ย-ปูง อ๋อย หฒุ โค้ว อ๊ะ.

2ต้ง หล่ง เธีย-ต๋อย เยี่ยน เมี้ย โหฒว ฑั้ง ฝูง โต่ว เฝียน เมี่ยน กัน ค้อย มี่ง วั้ว นอม เต่ย-ปูง. เม่ย บัว เซี้ยบ ไห่ เญย โต่ว เฝียน เมี่ยน อ้า! มี่ง อ๊ะ. มี่ง ล์อ เหยียด ฝีง โฮล ฮลัง เญย, ด๊บ บย่าง เญย เมี่ยน. เป๋น เหยียด ฝีง ต้ง เยียม โก เยียม ฟัด เญย เมี่ยน กั้ม เหฑีย, เซ เหยียด ฝีง เฮ้น เญย เมี่ยน, ขูง อ๋อย ตุ๊ ฮี่ง ฮนั้ง. นิ่น บัว เญย เต่ย-ปูง ม่าย ด้าย ปุน ฆอย.

3เม่ย บัว ลู่ง เดี๊ย เญย หฒวัง เมี่ยน, เซ เยียม เดา-เป้ย เญย เมี่ยน อ้า! เยียม บง เหลียบ เก้ วั้ว หฒั่น, เม่ย บัว อ๋อย หฒุ หมั่ง. ไฮ์ ปย๊ม จอง เญย เฉีย บุย, อ๋อย หฒุ หมวัง!

4เฒี้ยว ฮนั้ง น้าย ก๊อง บั๋ว เยีย, “เยีย อ๋อย เยียม เยีย เญย ต๋อง เซ้กๆ เญย หมั่ง, ฮนั้ง ลู่ง ฑัง เญย หญุด โต์ว, ฮนั้ง เซียว แกง-หฒวัง เญย เฒี่ยง โห่ ยัวะ เญย ฮนอย เญย บยู่ง-ซุ้ย โหม่ว.”

5เหว่ย หฒุ ไม้ แก้ง เซียว เญย เฒี่ยง โห่, ฆอย เปี้ยง เหฒี่ย ลิ์ว, เปี้ยง หย่า เป๋น อ๋อย หฒัวะ เญย อะหงุ่น เปี๊ยว, นิ่น อ๋อย หล่ง ฌิ้ว จั๊บ ฆอย เฮมย-หธุน, แอ๋ง ฮงะ กวั่ง โหล่ว มี่ง เญย เฮมย-ฆว่า.

6นิ่น อ๋อย กวั่ง นิ่น บัว ปุน เยียม บง เญย ต้ม จ๊าง หญั่น, หย่า ปุน หล่ม เญย เฮยี่ย ฒ่อย หญั่น. ฆาย กอง ม่าย หญั่น กะน้าย-ไต่ เญย เหนาะ หญั่น, ตง-เกน ม่าย เฮยี่ย ฒ่อย ต้าย เป๊ด.

7เถา วั้ว หฒั่น, ม่าย เมี่ยน อ๋อย ต้อ ฒี่ง เหญ่ย ต้าย ปุน เน่น เจี๋ย เญย เฒี้ยว. เซ เหยียด ฝีง โฮล ฮลัง เญย, ด๊บ บย่าง เญย เมี่ยน. เป๋น เหยียด ฝีง ต้ง เยียม โก เยียม ฟัด เญย เมี่ยน กั้ม เหฑีย. เซ เหยียด ฝีง เฮ้น เญย เมี่ยน, ขูง อ๋อย ตุ๊ ฮี่ง ฮนั้ง. นิ่น บัว เญย เต่ย-ปูง ม่าย ด้าย ปุน ฆอย. นิ่น บัว อ๋อย ต้อ ฒี่ง เหญ่ย ต้าย เถา สิโอน บง, เซ เหลียบ เน่น เจี๋ย เญย เฒี้ยว เญย เม่ง เญย ต๋อง.

← Chapter 17 Jump to: Chapter 19 →