Isaiah 66

Mien Bible (Thai Script) © Thailand Bible Society, 2007

← Chapter 65 Jump to:

1เฒี้ยว ฮนั้ง น้าย นอ ก๊อง, “ลู่ง เซ เยีย เญย เหว่ย, เดา เซ เยีย หลอง เหฒา เญย ต๋อง. เม่ย บัว เหว่ย เยีย เหธย เญย ติ่น อ๋อย ฮนั้ง หาย นอ? เยีย ตุ๊ ฮิด ขวน เญย ต๋อง อ๋อย เยียม หาย?”

2เฒี้ยว ฮนั้ง น้าย ก๊อง, “น้าย เต๋ย เหยียด ฒู้ง เซ เยีย กั้น เญย ปั์ว เหฒย ต้าย ไม้ เฒ์ย? นิ่น บัว เหยียด ฒู้ง ฯฒฯ ธ้วด ต้าย อ๊ะ. “มป่า เยีย หมั่ง เญย เมี่ยน เซ ฮนั้ง น้าย. นิ่น เหญี่ยม กั้น โหฒว ไฝ, เฒียะ ตุ๊ นิ่น เซ โหฒว ต่อง เญย เมี่ยน. เหว่ย เยีย ก๊อง เญย หว่า นิ่น ซิน หฒิน.

3มป่า หาย เต้า หล่ง ง่ง เหฒี่ย เซ ฮนั้ง ไต๋ เมี่ยน. หาย เต้า หล่ง ปะกี ยู่ง เหฒี่ย เซ ฮนั้ง เบ๊าะ จู๊ เญย จาง เน้า. หาย เต้า ฝ่ง ห่อ ล่าง หฒิ เซ ฮนั้ง หล่ง ตู์ง เญย ฑย้าม ฝ่ง ห่อ. หาย เต้า ปั๊ว ฮูง เซ ฮนั้ง นิ่น หฒั่ง หมิ่ว-ฝัง. น้าย หญู่ง เมี่ยน กิ๊น กั้น เญย เจ๊า. นิ่น บัว เญย เฮญี้ยว อะเฮน้ย โหฒว กั้ม เฑี้ย เญย สี่.

4เยีย ฯฒฯ อ๋อย กิ๊น เหฒะ หน่าน ห่อย นิ่น บัว, ปุน นิ่น บัว หฒุ นิ่น บัว กั้ม เหฑีย เญย สี่, เหว่ย หฒุ เยีย เห่ว, ไม้ ม่าย เหยียด เต้า เตา. เยีย ก๊อง หว่า, ไม้ ม่าย หาย เต้า หมวัง. นิ่น บัว เยียม เยีย เญย หฑะเฮมียน โหฒว เอ๊าะ เญย สี่, หย่า กิ๊น เยีย ไม้ อะเฮน้ย เญย สี่.”

5เม่ย บัว เหว่ย เฒี้ยว เญย หว่า ซิน หฒิน เญย เมี่ยน อ้า! หมวัง นิ่น เญย หว่า ม่าะ! “เม่ย บัว เญย ก๋อ-โย์ว, ต้ง ฑอง เม่ย บัว วั้ว เต๋ย หย่า เหว่ย เยีย เญย เม่ง หฒุ่น เม่ย บัว ธ้วด มี่ง แอ๋ง ก๊อง, ‘โท้ ปุน เฒี้ยว ตุ๊ ฌัง-หล่าง, เยีย บัว ฯฒฯ ตุ๊ ปวัด เม่ย เญย ออน-เหลาะ.’ มป่า น้าย เต๋ย เมี่ยน อ๋อย หฒุ ป่าย เฮมียน.

6หมวัง ม่าะ! ม่าย เฉีย โธ่ๆ เญย เยียม ฒี่ง กะญั์ว ธ้วด. เยียม หฒั่ง ทิน-ฮู่ง เญย เปย๊า หย่า ธ้วด บุย เญย เฉีย. เซ เฒี้ยว วิ่น ปุน นิ่น เญย วิน-วั้ง เญย เฉีย บุย.

7“เยีย เญย ธีง-เหฑ่ง ฒี่ง เซ ฮนั้ง เต้า มเซียะ ตอน ไม้ แก้ง มุน, นิ่น ยู์ง ด่าง. ไม้ แก้ง มุน กู้งว์า นิ่น ยู์ง ธ้วด เต้า ตอน.

8หาย เต้า ไฮ์ น้าย หญู่ง สี่? หาย เต้า ปวัด เจี๋ย น้าย หญู่ง สี่? เหยียด นอม กั๊วะ เหยียด ฮนอย ฮนั้ง ไฮ่ ธ้วด ต้าย ไฟ? เหยียด กั๊วะ เมี่ยน ดุ ตั้ง ฮนั้ง ไฮ่ ยู์ง ธ้วด เสย ไฟ? เหว่ย หฒุ สิโอน เยี้ยด มุน นิ่น ยู์ง ธ้วด นิ่น เญย น่าม โญ์ว หมี่ อ๊ะ.”

9เฒี้ยว ก๊อง, “เยีย ต้อ นิ่น เถา ดุ๊ด ซิน เญย เฒี่ยง โห่ หย่า ไม้ ปุน นิ่น ยู์ง ไฟ? เถา เฒี่ยง โห่ ยู์ง เยีย ปุน กู้งว์า-บัวะ ดิบ ไฟ?” เม่ย บัว เญย ทิน-ฮู่ง ฮนั้ง น้าย นอ ก๊อง.

10“เม่ย บัว เหยียด ฒู้ง ฮนั้ม เยลูซาเลม เญย เมี่ยน อ้า! อ๋อย หฒุ เหธา นิ่น เฌียน-โย่ว ออน-เหลาะ. เม่ย บัว เฑ่า เญี้ยม นิ่น เญย เหยียด ฒู้ง เมี่ยน, อ๋อย หฒุ เหธา นิ่น เก้ง! ออน-เหลาะ ไห่.

11เม่ย บัว ตุ๊ เยียม นิ่น ออน เฮญี้ยว เญย หละค้วด ฮบ หญอ เป๊ว เหฑ่ง. เม่ย บัว หย่า อะเฮน้ย นิ่น ปู๋ง-หฒัวะ เญย ฌัง-หล่าง.”

12เหว่ย หฒุ เฒี้ยว ฮนั้ง น้าย ก๊อง, “เยีย อ๋อย ปุน แป้ง ออน เหลี่ยว เจี๋ย นิ่น ฮนั้ง ด้าย นอ, ปุน หม่าน กั๊วะ เญย ฒิ่น ฒ่อย ฮนั้ง โด๊ะ ปวั๊ง โม่ว เหลี่ยว ต้าย. เม่ย บัว ฯฒฯ ฮนั้ง ฝุเจว๊ย ฮบ มา เญย หญอ, ม่าย มา ฮล้อบ เจี๊ยน, ปุน กู้งว์า เยียม นิ่น เญย ธั่ม ฒุ่ย โซว.

13ฮนั้ง มา ออน นิ่น เญย ฝุเจว๊ย เญย เฮญี้ยว, เยีย หย่า ฮนั้ง วั้ว นอ ออน เม่ย บัว เญย เฮญี้ยว. เม่ย บัว หย่า เยียม เยลูซาเลม ตุ๊ ออน เฮญี้ยว.”

14เม่ย บัว หมั่ง ปวัด, ฮนั้ง หน่าย เม่ย บัว ฯฒฯ อะเฮน้ย. เม่ย บัว ฯฒฯ เฮ้น หย่า หวั่ง เสียง. เมี่ยน ฯฒฯ เฒียะ ตุ๊ เฒี้ยว เญย ปั์ว เถง นิ่น เญย หฒวัง โปว, มป่า นิ่น เญย กะเฉีย แป๊ด ธ้วด ปุน นิ่น เญย วิน-วั้ง.

15หมั่ง ม่าะ! เฒี้ยว อ๋อย เยียม โต์ว กะญั์ว ต้าย, นิ่น เบ๊าะ จ๋า เญย เธีย หย่า ฮนั้ง หฑยาว-หฒุ่น. นิ่น อ๋อย เฉีย เจี์ย เจี๊ยน ต้าย, ปุน กะเฉีย แป๊ด ธ้วด วิ่น ปุน นิ่น บัว, หย่า หล่ง โต์ว-เบียด ตี่ง นิ่น บัว เญย ฒุ์ย.

16เหว่ย หฒุ เฒี้ยว อ๋อย หล่ง โต์ว เหธา นิ่น เญย หฑุ ด๊าว เซี้ยม ตี่ง หม่าน เมี่ยน เญย ฒุ์ย, ฯฒฯ ม่าย เมี่ยน ธั้ม เญย หฒุ เฒี้ยว ไต๋ ไต่. เฒี้ยว ก๊อง,

17“สา หวุย, เฝียว กั้น ธีง-เหฑ่ง เหว่ย เปียะ หฮวีง กะญั์ว, กัน เจี๊ยน เหยียด เต้า เมี่ยน เญย ฆะฮ้า ฆาง มี่ง, เซ กัน หญั่น ตู์ง-อ๊อ เหธา น์าว เหธา เหฒีย หญู่ง กั้ม เฑี้ย ไห่ เญย กะน้าย วั้ว เต๋ย, ฯฒฯ ล่ม ฑ่อย เถา นิ่น บัว เซ้ด เมว์ย เญย ฮนอย.

18“เยีย ฮิ้ว ตุ๊ นิ่น บัว โหฒว เญย เหธา เยียม เฮญี้ยว ฮนั้ม เญย, เยีย ฯฒฯ ต้าย เซียว ฒุ้น หม่าน กั๊วะ หม่าน ฝีง เมี่ยน, นิ่น บัว ฯฒฯ ต้าย ปวัด เยีย เญย ฌัง-หล่าง.

19“เยีย อ๋อย เฒาะ นอม จั๋ง-โห่ อัน นิ่น บัว เญย บุด๋ง. เยีย หย่า อ๋อย พ้าย เต๋ย เปย๋า ธ้วด แหม่ง เญย เมี่ยน มี่ง เถา เหฒีย ฝีง, เซ มี่ง เถา ทานซิด, ลิเบีย, ลิเดีย (ม่าย เม่ง เต้า ไฮ่ ป๊วน จวัง-หฒิน เญย เมี่ยน,) หย่า เถา ทูบัน เหธา ยาวาน, ฒู้ง มี่ง เถา ไม้ ม่าย เมี่ยน ไฮ์ เจี๋ย เยีย เญย เม่ง ไฟ ปวัด เจี๋ย เยีย เญย ฌัง-หล่าง วั้ว เต๋ย โก ไห่ เญย ค้อย-โฑว. นิ่น บัว ฯฒฯ ฒุ่น เยีย เญย ฌัง-หล่าง เยียม หม่าน กั๊วะ บุด๋ง.

20นิ่น บัว ฯฒฯ ต้อ เม่ย บัว เญย เหยียด ฒู้ง ก๋อ-โย์ว เยียม หม่าน กั๊วะ ต้าย เถา เยลูซาเลม, เม่ย เญย ธีง-เหฑ่ง บง, เหว่ย ฝ่ง ห่อ ปุน เฒี้ยว. นิ่น บัว ฯฒฯ เก้ ม์า, เก้ ม์า-เธีย, ง่ง เธีย, ล่อ เหธา ล่อ ท่อ.” น้าย เซ เฒี้ยว ก๊อง เญย หว่า. “นิ่น บัว อ๋อย ต้อ นิ่น บัว ฮนั้ง อิสะลาเอน เมี่ยน หล่ง ธีง-เหฑ่ง เญย จา-สี่ ตั๊บ ฝ่ง ห่อ เหฒี่ย เญย ล่าง หฒิ ต้อ เถา หฒั่ง เฒี้ยว เญย เปย๊า.”

21เฒี้ยว ก๊อง, “เยีย หย่า อ๋อย เยียม นิ่น บัว บุด๋ง กิ๊น เต๋ย โหฒว ไซ เมี่ยน เหธา เลวี เมี่ยน.”

22เฒี้ยว ก๊อง, “เยีย อ๋อย เหฒย เญย เซียง-ลู่ง เซียง-เดา ฮนั้ง หาย นอ เหยียด ลิ์ว เยียม เยีย เญย หฑะเฮมียน, เม่ย บัว เญย เฒ้ย-ฟุน เหธา เม่ย บัว เญย บั๋ว หย่า อ๋อย ฮนั้ง วั้ว นอ เหยียด ลิ์ว เยียม.”

23เฒี้ยว ก๊อง, “โม์ว นอม หฮลา เญย แซง-เยี้ยด ฮนอย เหธา นอมๆ ตี้ง กง ฮนอย, หม่าน เมี่ยน อ๋อย ต้าย เยียม เยีย เญย หฑะเฮมียน เกว่ย เหฌี่ย ป๋าย เยีย.

24นิ่น บัว อ๋อย ธ้วด มี่ง หมั่ง แหง่ง เยีย วั้ว เต๋ย เมี่ยน เญย เซย. หญั่น นิ่น บัว เญย เซย วั้ว เต๋ย แกง-เมา เหยียด ลิ์ว ไม้ ไต่. ปั๊ว นิ่น บัว เญย โต์ว เหยียด ลิ์ว หย่า ไม้ ไต่. นิ่น บัว ฯฒฯ เป๋น ลู่ง เดี๊ย เมี่ยน กั้ม เฑี้ย ไห่ เญย กะน้าย.”

← Chapter 65 Jump to: