Isaiah 57

Mien Bible (Thai Script) © Thailand Bible Society, 2007

← Chapter 56 Jump to: Chapter 58 →

1คู้ เมี่ยน ไต่ มี่ง หย่า ไม้ ม่าย หาย เต้า เยียม เฮญี้ยว จั๋ง. กัน หลง ทิน-ฮู่ง เญย เมี่ยน เกวย เสย, ไม้ ม่าย เมี่ยน เม่ง แปะ. คู้ เมี่ยน ไต่ มี่ง ฯฒฯ เปย๋า ดุ๊ด เหฒะ หน่าน.

2นิ่น บัว ตุ๊ เปียะ แป้ง ออน เญย ต๋อง. เฮญี้ยว หฒีง เญย เมี่ยน เยียม โฒ้ว กะญั์ว ตุ๊ ฮิด ขวน.

3“มป่า ก๊าน เฮย มเซียะ ตอน เญย ตอน-เจว๊ย เหธา เหฮยียน โหฆ ไฟ หม่าย ป๊วน-ซิน เญย เมี่ยน เญย น่าม โญ์ว, อ๋อย หฒุ ต้าย น้าย ม่าะ!

4เม่ย บัว จั๊ด หาย เต้า? เม่ย บัว หมอง ฑุ่ย ไหฮล เบียด ฮว้วด หาย เต้า? เม่ย บัว โหฒว เหธว หลุ่น เญย น่าม โญ์ว, ก๊อง-แปะ ดั๊ว เมี่ยน เญย ฟุน-ฟะ, ไม้ เฒ์ย?

5เม่ย บัว เยียม บะอง เฒวย เดี๋ยง บุด๋ง หย่า เยียม ติ้วๆ เดี๋ยง-เญี์ยม กะเดี๊ย สาน. เม่ย บัว เยียม ฮ์อง กะญั์ว, เยียม หละเปย๊ย-ง่าม กะเดี๊ย, ไต๋ เม่ย บัว เญย น่าม โญ์ว.

6เม่ย บัว เยียม ฮ์อง กะญั์ว, หละเปย๊ย-บย่าง บุด๋ง ม่าย เม่ย บัว เญย ป่วน. น้าย เต๋ย, เซ น้าย เต๋ย เป๋น เม่ย บัว เญย ป่วน. เม่ย บัว เฒาะ เธี้ย เหฒี่ย เญย เหธา ฝ่ง ห่อ เหฒี่ย เญย ล่าง หฒิ ฝ่ง ห่อ นิ่น บัว. น้าย เต๋ย สี่ เยีย ฮนั้ง หาย นอ ไฮ่ หญ่าง ตุ๊?

7เยียม ฮลัง ไห่ เญย บง-ฮลัง เม่ย บัว ติ่ม ต๋อง เปว๋ย, หย่า เยียม หน่าย ฝ่ง ห่อ เหฒี่ย.

8เยียม แก้ง ฆะฮ้า แหมง หย่า เยียม แก้ง โหฒ่ว เม่ย บัว เหลียบ เม่ย บัว เญย จั๋ง-โห่. เม่ย บัว กวั่ง เยีย, เฑียน ฆอย สวัง, ฯฒฯ ฝาว โหธว คอย สวัง จั๊ง. เม่ย บัว เหธา นิ่น บัว ก๊อง หอบ, เม่ย บัว ฮนั้ม นิ่น บัว เญย โหธว, หย่า หมั่ง นิ่น บัว แล่ง แก๊ง เญย ซิน.

9เม่ย บัว ต้อ เจี๊ยน โย่ว มี่ง เถา โมเล้ก เฒี่ยน, หย่า จา เต๋ย ววม-ดาง. เม่ย บัว พ้าย เม่ย บัว เญย กง-โฒ่ มี่ง โก เญย ต๋อง, ฒู้ง เหฌี่ย เถา เยี่ยม เกน.

10เม่ย บัว โค้ว เหว่ย หฒุ เม่ย บัว เญย เจ๊า โก, มป่า เม่ย บัว ไม้ ก๊อง, ‘ไม้ ลั่ม ฮนั้ม ต๋อง อ๊ะ.’ เม่ย บัว แอ๋ง ม่าย ชะ เฮ้น เจี์ย ต้าย เม่ย บัว ฯฒฯ ไม้ เมา.

11“ม่าย หาย หญู่ง แฮะ เม่ย บัว กั้ม เหฑีย หธีง ต้าย ก๊อง-แปะ, ไม้ จั๋ง เยีย, หย่า ไม้ ฮนั้ม เถา เยีย เหยียด เต๋ย? เยีย เญี์ยน เจี๊ยน ไม้ โค โล เล่า เม่ย บัว หธีง ต้าย ไม้ กั้ม เหฑีย เยีย ไฟ?

12เยีย อ๋อย ก๊อง ธ้วด เม่ย บัว ฝุน กั้น โหฒว ตุ๊ หอบ เหธา เม่ย บัว โหฒว เญย สี่, มป่า น้าย เต๋ย ไม้ เถง เม่ย บัว.

13เม่ย บัว เห่ว เจี๊ยน โท้ เญย เฒี่ยง โห่, ปุน เม่ย บัว เซียว ต้าย น้าย เต๋ย หมิ่ว-ฝัง เหฌียว เม่ย บัว ม่าะ! หฑยาว อ๋อย เฒาะ นิ่น บัว ป่วน มี่ง, เลี่ยม เท้า เหยียด หฑุ่น เฉีย หย่า อ๋อย ป่วน นิ่น บัว มี่ง หมี่ อ๊ะ. มป่า หาย เต้า ด้าว เขา เยีย ตุ๊ หฑิบ น้าย นอม เต่ย-ปูง, หย่า ตุ๊ เยีย เญย ธีง-เหฑ่ง บง เป๋น นิ่น บัว เญย ป่วน.”

14แอ๋ง ม่าย เต้า อ๋อย ก๊อง, “หฒ่อ เจ๊า, หฒ่อ เจ๊า, หลิ่ว เล์ย เหฒียง เจ๊า ม่าะ! เฒาะ ฆอย ท้อง เยีย เญย แปะ ฝีง เญย เจ๊า เญย เหยียด ฒู้ง กะน้าย.”

15เหว่ย หฒุ เยียม เก้า ฮลัง เจี๋ย วั้ว เต้า, เซ เหยียด ลิ์ว เยียม, ม่าย บั๋ว เห่ว ธีง-เหฑ่ง เญย ทิน-ฮู่ง, ฮนั้ง น้าย ก๊อง, “เยีย เยียม ฮลัง เญย, ธีง-เหฑ่ง เญย ต๋อง, เยีย หย่า เหธา เฒียะ ตุ๊ กั้น ต่อง, เฮญี้ยว มุน, เหญี่ยม กั้น โหฒว ไฝ เญย เมี่ยน เยียม. เหว่ย ปุน เหญี่ยม กั้น โหฒว ไฝ เญย เมี่ยน เญย เฮญี้ยว ฟี้ง เจี์ย, หย่า ปุน เฒียะ ตุ๊ กั้น ต่อง, เฮญี้ยว มุน เญย เมี่ยน เญย เฮญี้ยว ฟี้ง เจี์ย ต้าย.

16เหว่ย หฒุ เยีย ไม้ เหยียด ลิ์ว แฑง, หย่า ไม้ หฒั่นๆ เฉีย เจี์ย. เฑ่า เหย เยีย เหฒย ต้าย ม่าย แหม่ง เญย เมี่ยน เยียม เยีย เญย หฑะเฮมียน เฮญี้ยว หนัม.

17เยีย เฉีย เจี์ย นิ่น เหว่ย หฒุ นิ่น เม้า ฯฒฯ ป์าม ฒุ์ย. เยีย เบ๊าะ นิ่น, เยีย ปวัง เยีย เญย เฮมียน ไม้ หมั่ง นิ่น หย่า เฉีย เจี์ย นิ่น. มป่า นิ่น หธ่อ เอย เจี๊ยน นิ่น เฮญี้ยว หั่น เญย โหฒว.

18เยีย ปวัด นิ่น โหฒว เญย เจ๊า มป่า เยีย หธ่อ อ๋อย หฒ่อ นิ่น. เยีย อ๋อย ต้อ นิ่น, แอ๋ง ออน นิ่น เญย เฮญี้ยว.

19เยีย ปุน เฑ่า เญี้ยม เญย เมี่ยน เธง เยีย.” เฒี้ยว ก๊อง, “แป้ง ออน, ปุน เยียม โก, เยียม ฟัด เญย เมี่ยน ตุ๊ แป้ง ออน. เยีย หย่า อ๋อย หฒ่อ นิ่น.”

20มป่า เอ๊าะ เมี่ยน ฮนั้ง ค้อย เญย ววม เมี้ยด มี่ง เมี้ยด ต้าย, ไม้ ไฮ่ เยียม ตี่ง. ววม-หล่าง แป๊ด ธ้วด ววม-ปั่ม เหธา ไล่ ฮลบ เญย ววม-โหฌะ.”

21เยีย เญย ทิน-ฮู่ง ก๊อง, “เอ๊าะ เมี่ยน ไม้ ไฮ่ ม่าย แป้ง ออน.”

← Chapter 56 Jump to: Chapter 58 →