bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Samuel 10
1 Samuel 10
Kamba (Mbivilia) 1956
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 11 →
1
Nĩvo ĩndĩ Samueli wosie sũva wa mauta, na amwĩtĩkĩsya mũtwe wake; na amũmumunya, na asya, Ti kwakwĩthĩwa Yeova nũkwĩtĩkĩsye mauta wĩthĩwe mũnene wĩ mbee ũsumbĩnĩ ũtiĩwanĩ wake?
2
Ĩtina wa wauma vaa nĩĩ ũmũnthĩ, nĩvo ĩndĩ ũkũmethĩa andũ elĩ vakuvĩ na vala vathikiwe Lakeli, mũvakanĩ wa Mbenyamini ku Nzelisa; namo makakwĩa, Mang’oi ala waendie kũmantha nĩ moneku; na, sisya, ĩthe waku nũekete kũlilikana ũndũ wa mang’oi, na eũũya ũndũ waku, akyasya, Nĩĩka ata ũndũ wa mwana wakwa?
3
Na ĩndĩ ũkaendeea mbee kuma vau, na ũkavika mũtĩnĩ wa mwaloni wĩ Tavoli; na ũkakomanĩa vo na andũ atatũ makyambata kwa Ngai ku Mbethi‐eli, ũmwe atwaĩte tũtena tũtatũ, na ũngĩ atwaĩte imũtũ itatũ, na ũngĩ atwaĩte kathatwa ka mbinyu:
4
namo makaũkethya, na kũũnenga imũtũ ilĩ, na wĩosa mokonĩ moo.
5
Ĩtina wa ũu ũkavika kĩĩmanĩ kya Ngai, vala ve ngome ya asikalĩ ma Avilisiti: na kũkeethĩwa, yĩla wĩvika vau ndũanĩ, ũkakomana na nguthu ya athani matheeete makyuma vala vandũ vatũlu me na kĩnanda, na kathembe, na mũtũlilũ, na mbeve, mbee woo; namo makeethĩwa makyathana:
6
na Veva wa Yeova akooka na vinya mũnene ĩũlũ waku, naku ũkathana vamwe nao, na ũkaalyũlwa wĩthĩwe mũndũ ũngĩ.
7
Na kũkethĩwe, yĩla mawonan’yo asu meũkĩtĩkĩa, nĩvo ĩndĩ wĩĩka o ũndũ wĩona wĩ ũseo; nũndũ Ngai e vamwe naku.
8
Naku ũkatheee Ngilikali mbee wakwa; na, sisya, ngatheea kũla ũĩ, nĩthembe nthembo sya kũvĩvw’a, na kũthemba nthembo sya mũuo: wĩeteela mĩthenya mũonza, mũvaka nooka vala ũĩ, na kũkwon’ya ũndũ wĩĩka.
9
Na kweethĩwa, yĩla wethyũũie aume vala ve Samueli, Ngai amũnenga ngoo ĩngĩ: na mawonan’yo asu onthe makĩtĩka mũthenya ũsu.
10
Na yĩla mavikie vau kĩĩmanĩ, sisya, nguthu ya athani yakomana nake; na Veva wa Ngai ooka na vinya mũnene ĩũlũ wake, na athana e namo
11
Na kweethĩwa, yĩla onthe ala mamwĩsĩ mbee moonie atĩ, sisya, nĩwathanaa vamwe na athani, nĩvo ĩndĩ andũ maneenanisye ũmwe na ũla ũngĩ, Ũndũ ũũ nĩ mwaũ ũla wamũkĩa mwana wa Kisu? Saulo nake e o katĩ wa athanĩ?
12
Na ũmwe wa vandũ vau asũngĩa aikũlya, Na ĩthe woo nũũ? Kwondũ wa ũũ yatw’ĩka nthimo, Saulo nake e o katĩ wa athani?
13
Na yĩla maminie kwathana, ooka vala vandũ vatũlu.
14
Na mwendw’a‐ĩthe wa Saulo amũkũlya we na mũthũkũmi wake, Mwaendie nakũ? Nake asũngĩa, Kũmantha mang’oi; na yĩla tũneethĩie matineoneka, tũnooka kwa Samueli.
15
Na mwendw’a‐ĩthe wa Saulo amwĩa, Ndavya, nĩngũkwĩsũva, ũndũ Samueli ũnamũtavisye.
16
Na Saulo amwĩa mwendw’a‐ĩthe, Nĩwatũtavisya vyũ kana mang’oi nĩmanoonekie. Ĩndĩ ũndũ wa ũvoo ũsu wa ũsumbĩ, ũla Samueli waneenie, ndaamũtavya.
17
Na Samueli atũmana andũ onthe moke vamwe kwa Yeova ku Misiva;
18
na amea ana ma Isilaeli, Ũũ nĩw’o Yeova, Ngai wa Isilaeli, ũnũkwasya, Nĩnambatisye Isilaeli kuma Misili, na namũvonokya inyw’ĩ mokonĩ ma Amisili, na mokonĩ ma mosumbĩ onthe ala mamũthĩnasya:
19
ĩndĩ mũthenya ũũ nĩmwamũlea Ngai wenyu, ũla ũmũtangĩĩaa kuma mawanangĩkonĩ menyu onthe manene na mathĩnanĩ menyu; na nĩmũmũtavĩtye, Aiee, ĩndĩ twiĩe mũsumbĩ. Yu ĩndĩ ĩetei ene mbee wa Yeova kũatĩanĩa na mbaĩ syenyu, na kũatĩanĩa na ngili syenyu.
20
Na ĩndĩ Samueli athengeesya mbaĩ syonthe sya Isilaeli, na mbaĩ ya Mbenyamini yooswa.
21
Na athengeesya mbaĩ ya Mbenyamini kũatĩanĩa na mĩvĩa yoo, na mũvĩa wa Amatili wooswa; na Saulo mwana wa Kisu ooswa: ĩndĩ yĩla mamũmanthie, ndaatonya kwoneka.
22
Kwondũ wa ũu mamũkũlya Yeova ĩngĩ, Ve mũndũ ũngĩ wĩũka vaa? Na Yeova asũngĩa, Sisya, nĩwĩvithĩte mĩionĩ.
23
Namo masemba na mamũlatya kuma vo; na yĩla waũngamie katĩ wa andũ, aĩ mũasa kwĩ mũndũ o na wĩva kuma ituonĩ syake kwambata.
24
Na Samueli amea andũ onthe, Nĩmũmwona ũla Yeova ũnyuvĩte, kana vati ũngĩ ũtilyĩ take katĩ wa andũ onthe? Na andũ onthe mookĩlya wasya, makyasya, Mũsumbĩ nĩekale thayũ ĩvinda ĩasa.
25
Nĩvo ĩndĩ Samueli wamatavisye andũ mũthemba wa ũsumbĩ, na ooandĩka ĩvukunĩ, na ayia mbee wa Yeova. Na Samueli amombũũkya andũ onthe, kĩla mũndũ aende nyũmba kwake.
26
Na Saulo nake athi nyũmba kwake ku Ngivea; na vaenda vamwe nake nguthu, ala ngoo syoo Ngai wakiitĩte.
27
Ĩndĩ andũ amwe mate kĩĩĩ makũlya, Mũndũ ũũ akatũtangĩĩa ata? Namo mamũvũthya, na matyaamũetee mũthĩnzĩo. Ĩndĩ we akilya.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31