bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Samuel 9
1 Samuel 9
Kamba (Mbivilia) 1956
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 10 →
1
Na ĩndĩ kwaĩ mũndũ wa Mbenyamini, ũla wetawa syĩtwa yake Kisu, mwana wa Avieli, mwana wa Nzeloli, mwana wa Mbekolathi, mwana wa Avia, mwana wa Mũmbenyamini, ngũmbaũ nene.
2
Na aĩ na mwana, ũla wetawa syĩtwa yake Saulo, mũndũ wa mũika na mũmbe nesa: na kũtyaĩ katĩ wa ana ma Isilaeli mũndũ mwanake kwĩ we: kuma ituonĩ syake kwambata aĩ mũasa kũte mũndũ o na wĩva.
3
Na mang’oi ma Kisu ĩthe wa Saulo maĩ mau. Na Kisu amwĩa Saulo mwana wake, Osa yu ũmwe wa athũkũmi ũthi nake, na ũkĩla, ũthi ũkamanthe mang’oi.
4
Na avĩtĩla katĩ wa nthĩ yĩ iĩma ya Evalaimu, na avĩtĩla katĩ wa nthĩ ya Salisa, ĩndĩ matyaamona: nĩvo ĩndĩ mavĩtĩle katĩ wa nthĩ ya Saalimu, na matyaĩ vo: na avĩtĩla katĩ wa nthĩ ya Ambenyamini, ĩndĩ matyaamona.
5
Na yĩla mavikie nthĩ ya Nzuve, Saulo amwĩa mũthũkũmi wake ũla waĩ nake, Ũka, tũsyoke, nau ndakese kũeka kũlilikana ũndũ wa mang’oi, na akambĩlĩlya kũũũya ũndũ witũ.
6
Na amwĩa, Sisya yu, ndũanĩ ĩno ve mũndũ wa Ngai, na nĩ mũndũ ũla ũtaĩawa; w’onthe ũla ũneenaa ũtw’ĩkaa wa w’o ki: yu nĩtũthi vo; nokwĩthĩwa atonya kũtũtavya ũndũ wa kyalo kĩĩ kitũ tũũthi.
7
Na ĩndĩ Saulo amwĩa mũthũkũmi wake, Ĩndĩ, sisya, ethĩwa nĩtũũthi, tũkamũtwaĩa ũ mũndũ kyaũ? Nũndũ kĩmũtũ nĩ kĩthelu mĩionĩ yaitũ, na vati mũthĩnzĩo wa kũmũtwaĩa mũndũ wa Ngai: twĩ na kyaũ ithyĩ?
8
Na ũ mũthũkũmi amũsũngĩa Saulo ĩngĩ, na asya, Sisya, nĩ na kĩlungu kya kana kya sekeli ya vetha kw’okonĩ kwakwa: ngamũnenga ũla mũndũ wa Ngai kyo, nĩ kana atwathĩĩe nzĩa yaitũ.
9
(Ĩvinda ya tene katĩ wa Isilaeli, yĩla mũndũ waendie kũkũlya Ngai, aasya ũũ, Ũka, tũthi kwa mwoni; ũndũ we ũla yu wĩtawa Mwathani ĩvinda ya tene eetawa Mwoni.)
10
Nĩvo ĩndĩ Saulo wamwĩie mũthũkũmi wake, Waneena nesa; ũka, tũthi. Kwondũ wa ũu mathi ndũanĩ vala ũ mũndũ wa Ngai waĩ.
11
Na yĩla mambatĩte maendete ndũanĩ, moona eĩtu ma mũika makĩthi kũtava kĩw’ũ, na mamakũlya, Mwoni e vaa?
12
Namo mamasũngĩa, na masya, E vo; sisyai, e vu mbee wenyu: ĩkalaatei yu, nũndũ ookie ndũanĩ ũmũnthĩ; nũndũ andũ nĩmeũthemba ũmũnthĩ vala vandũ vatũlu.
13
O yĩla mũũlika ndũanĩ, oyu mĩtũkĩ nĩmũkũmwona, mbee wa atanambata vala vandũ vatũlu aye; nũndũ andũ matiya mũvaka ooka, nĩkwĩthĩwa nũkũathima nthembo; na ĩtina makĩya ala metĩtwe. Yu ĩndĩ ambatai; nũndũ ĩvinda ta yĩĩ nĩmũkũmwona.
14
Na mambata ndũanĩ; na makĩlika ndũanĩ, sisya, Samueli aumaala amelekele, ambate vala vandũ vatũlu.
15
Na ĩndĩ Yeova aĩ anamũvuanĩisye Samueli ta ĩoo Saulo atanoka, akĩmwĩa,
16
Ũnĩ ta ĩvinda yĩĩ ngatũma mũndũ kwaku kuma nthĩ ya Mbenyamini, na wĩmwĩtĩkĩsya mauta ethĩwe mũnene wĩ mbee ũsumbĩnĩ andũnĩ makwa Isilaeli; na akamatangĩĩa andũ makwa kuma mokonĩ ma Avilisiti: nũndũ nĩnĩsyaĩtye andũ makwa, nĩkwĩthĩwa kĩĩo kyoo nĩkĩmbikĩe.
17
Na yĩla Samueli wamwonie Saulo, Yeova amwĩa, Sisya, mũndũ ũla nĩnakũtavisye! Ũũ nĩwe wĩĩthĩwa na ũtonyi ĩũlũ wa andũ makwa.
18
Nĩvo ĩndĩ Saulo wamũthengee Samueli mbingĩlonĩ, na amwĩa, Ndavya, nĩngũkwĩsũva, vala nyũmba ya mwoni ĩĩ.
19
Na Samueli amũsũngĩa Saulo, na amwĩa, Ninyie mwoni; ambata ũndongoesye kũvika vala vandũ vatũlu, nũndũ mũkaya vamwe nakwa ũmũnthĩ: na kĩoko ngakũeka ũthi, na kũũtavya w’onthe ũla wĩ ngoonĩ yaku.
20
Na ũndũ wa mang’oi maku ala manaaie yu nĩ mĩthenya ĩtatũ mĩthelu, ndũkethĩn’ye ũndũ wamo; nũndũ nĩ moneku. Na w’onthe ũla ũkwendwa katĩ wa Isilaeli nĩ ũndũ waũ? Ti ũndũ waku, na ũndũ wa nyũmba yonthe ya ithe waku?
21
Na Saulo asũngĩa na asya, Nyie ndi Mũmbenyamini, wa mbaĩ ĩla nini mbee ya Isilaeli? Na mũvĩa wakwa tĩ mũnini mbee wa mĩvĩa yonthe ya mbaa Mbenyamini? Nũndũ wa kĩ ĩndĩ ũũneena nakwa ta ũu?
22
Na Samueli oosa Saulo na mũthũkũmi wake, na amalikya nyũmbanĩ ya aeni, na amekalya vandũ va mbee katĩ wa ala meetĩtwe, ala maĩ andũ ta mĩongo ĩtatũ.
23
Na Samueli amwĩa mũui, Ete kĩlungu kĩla nĩkũnengie, kĩla ngũtavisye, Ia vala ũĩ.
24
Na mũui oosa waswa, na kĩla kyaĩ ĩũlũ waw’o, na aia mbee wa Saulo. Na Samueli amwĩa, Sisya kĩla kĩiĩtwe! Kie mbee waku na ũkĩya; nĩkwĩthĩwa kũvika ĩvinda yĩla yĩĩ ĩtw’ĩtwe nĩkiiwe nũndũ waku, nũndũ naisye, Nĩnĩmetĩte andũ. Kwondũ wa ũu Saulo aĩsanĩa na Samueli mũthenya ũsu.
25
Na ĩtina wa matheea kuma vala vandũ vatũlu makĩlika ndũanĩ, aneenanĩsya na Saulo nyũmbanĩ ĩũlũ.
26
Na mookĩla tene: na kweethĩwa ta w’oa watema, Samueli amwĩta Saulo nyũmbanĩ ĩũlũ, akĩmwĩa, Ũkĩla, nĩ kana nĩkũeke ũthi. Na Saulo ookĩla, na maumaala me elĩ ũtee, we na Samueli.
27
Na makĩtheea mũminũkĩlyonĩ wa ndũa, Samueli amwĩa Saulo, Mwĩe mũthũkũmi avĩte mbee waitũ (na avĩta mbee), ĩndĩ amba kũũngama, nĩ kana nĩkũmanyĩthye ndeto ya Yeova.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31