bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Samuel 23
1 Samuel 23
Kamba (Mbivilia) 1956
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
1
Na mamũtavya Ndaviti, makyasya, Sisya, Avilisiti nĩmekũkita ku Keila, nao nĩmeũvutana ngetha ivũĩonĩ.
2
Kwondũ wa ũu Ndaviti akũlya Yeova, akyasya, Nĩende na kũmakũna Avilisiti aa? Na Yeova amwĩa Ndaviti, Thi, na kũna Avilisiti, na ũitangĩĩa Keila.
3
Na andũ ma Ndaviti mamwĩa, Sisya, nĩtũũkĩa vaa Yuta: nĩ mbee veana ata ĩndĩ ethĩwa tũkathi ku Keila tũkite na ita sya Avilisiti?
4
Na ĩndĩ Ndaviti akũlya Yeova o ĩngĩ. Na Yeova amũsũngĩa, na amwĩa, Ũkĩla, theea ku Keila; nũndũ ngamanengane Avilisiti kw’okonĩ kwaku.
5
Na Ndaviti na andũ make mathi Keila, na mokita na Avilisiti, na matava indo syoo, na mamoaa ũai mũnene. Na ĩndĩ Ndaviti amatangĩĩa ala matwĩe Keila.
6
Na kweethĩwa, yĩla Aviathali mwana wa Aimeleki wakĩie athi kũla kwĩ Ndaviti ku Keila, atheea e na evoti kw’okonĩ kwake.
7
Na kwatavanw’a kwa Saulo kana Ndaviti nĩwũkĩte ku Keila. Na Saulo asya, Ngai nũmũnenganĩte kw’okonĩ kwakwa; nũndũ nũvingĩwe nthĩnĩ, kwondũ wa kũlika katũla ke na mbingĩlo na ivingi.
8
Na Saulo ameta andũ onthe kaũnĩ, matheee ku Keila, mathyũlũlũke matw’ĩkanĩsye Ndaviti na andũ make.
9
Na Ndaviti nĩwesĩ kana Saulo nũsũanĩĩte kũmwĩka naĩ; na amwĩa mũthembi Aviathali, Ete evoti vaa.
10
Na ĩndĩ Ndaviti asya, Ame Yeova, Ngai wa Isilaeli, mũthũkũmi waku nĩwĩw’ĩte vate ndĩi kana Saulo emantha kũka Keila, anange ndũa nũndũ wakwa.
11
Andũ ma Keila makanengane nyie kw’okonĩ kwake? Saulo akatheea, o tondũ mũthũkũmi waku wĩw’ĩte? Ame Yeova, Ngai wa Isilaeli, nĩngũkwĩsũva, mũtavye mũthũkũmi waku. Na Yeova amũsũngĩa, Akatheea.
12
Na ĩndĩ Ndaviti akũlya, Andũ ma Keila makanengane nyie na andũ makwa kw’okonĩ kwa Saulo? Na Yeova amũsũngĩa, Makaũnengane.
13
Na ĩndĩno Ndaviti na andũ make, ala maĩ ta maana thanthatũ, mookĩla na mauma Keila, na maenda o vala maĩ matonya kũthi. Na kwatavanw’a kwa Saulo kana Ndaviti nũindũkĩte kuma Keila; nake aeka kũthi.
14
Na Ndaviti ekala weũnĩ ngomenĩ syĩ vinya, na ekala nthĩ yĩ iĩma weũnĩ wa ku Nzivu. Na Saulo amũmantha kĩla mũthenya, ĩndĩ Ngai ndaamũnengane kw’okonĩ kwake.
15
Na Ndaviti oona kana Saulo nĩwumaalĩte amanthe thayũ wake: na Ndaviti aĩ weũnĩ wa ku Nzivu mũtitũnĩ.
16
Na Yonathani mwana wa Saulo ookĩla, na aenda kwa Ndaviti mũtitũnĩ, na amwĩkĩa kw’oko kwake vinya nthĩnĩ wa Ngai.
17
Na amwĩa, Ndũkakĩe; nũndũ kw’oko kwa Saulo ĩthe wakwa kũikakwona; naku ũkeethĩwa mũsumbĩ wa Isilaeli, nakwa ngeethĩwa nĩ wa kelĩ ũsumbĩnĩ; na Saulo ĩthe wakwa nĩwĩsĩ ũu naw’o.
18
Na me elĩ matianĩa ũtianĩo me mbee wa Yeova: na Ndaviti atũa mũtitũnĩ, na Yonathani athi nyũmba kwake.
19
Nĩvo ĩndĩ Anzivu mambatie kwa Saulo ku Ngivea, makĩmwĩa, Ndaviti ndevithĩte kwitũ ngomenĩ syĩ vinya mũtitũnĩ, kĩĩmanĩ kya Akila, kĩla kĩ ngalĩya ĩtheo ya yalata?
20
Yu ĩndĩno, we mũsumbĩ, theea, kwĩanana na kwenda kw’onthe kwa thayũ waku kwa kũtheea; na ũndũ witũ ũkeethĩwa kũmũnengane kw’okonĩ kwa mũsumbĩ.
21
Na Saulo amea, Ĩthĩwai mwĩ aathime nĩ Yeova; nũndũ nĩmũmbĩw’ĩe ĩnee.
22
Endai, nĩngũmwĩsũva, mũmine nzika, na mũkĩmanya na kwona vandũ vake vala kĩtumũlo kyake kĩĩ, na ũla ũmwonete vau; nũndũ nĩndavĩtw’e ekaa na ũseleke mũno.
23
Kwondũ wa ũu, sisyai, na mũimanya nesa mawĩvitho onthe kũla wĩvithaa mwene, na mũkyũka ĩngĩ kwakwa mwĩsĩ ki, nakwa ngathi nenyu: na kũkeethĩwa, ethĩwa akeethĩwa ĩ nthĩ, ngamũmantha vyũ katĩ wa ngili sya Yuta syonthe.
24
Namo mookĩla, na mamba kũthi Nzivu kũte Saulo: ĩndĩ Ndaviti na andũ make maĩ weũnĩ wa Maoni, o ku Alava ngalĩ ya ĩtheo ya yalata.
25
Na Saulo na andũ make mathi kũmũmantha. Na mamũtavya Ndaviti: kwondũ wa ũu atheea ĩvianĩ, na ekala weũnĩ wa Maoni. Na yĩla Saulo wewie ũu, amũatĩĩa Ndaviti ku weũnĩ wa Maoni
26
Na Saulo aendela ngalĩ ĩno ya kĩĩma, na Ndaviti na andũ make ngalĩ ĩya ya kĩĩma: na Ndaviti eekalaata athonoke nũndũ wa kũkĩa Saulo; nũndũ Saulo na andũ make nĩmamathyũlũlũkĩte Ndaviti na andũ make ngalĩ syonthe mamakwate.
27
Ĩndĩ Saulo ookĩwa nĩ mũtũmwa, akĩmwĩa, Ĩkalaate, na ũkyũka; nũndũ Avilisiti nĩmavithũkĩe nthĩ.
28
Na ĩndĩ Saulo asyoka aeka kũatĩĩa Ndaviti, na aenda okite na Avilisiti: kwondũ ũu meeta vandũ vau Sela‐amalekothi.
29
Na Ndaviti ambata kuma vau, na atũa ngomenĩ syĩ vinya sya Eni‐ngeti.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31