bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Samuel 17
1 Samuel 17
Kamba (Mbivilia) 1956
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 18 →
1
Na ĩndĩ Avilisiti nĩmoombanisye ita syoo syũkite, nao moombanĩe ku Soko, ĩla ya Yuta, na mamba maeema katĩ wa Soko na Aseka, ku Evesi‐ndamimu.
2
Na Saulo na andũ ma Isilaeli moombana, na mamba maeema mwandanĩ wa Ela, na mataũsya ita mokite na Avilisiti.
3
Na Avilisiti maũngama kĩĩmanĩ mũingo ũmwe, na Isilaeli maũngama kĩĩmanĩ mũingo ũla ũngĩ: na kwaĩ kyanda katĩ woo.
4
Na vauma mũkiti mũnene mwakonĩ wa maeema wa Avilisiti, wetawa Ngoliathu, wa Ngathi, ũla kĩũngamo kyake kyaĩ mĩkono thanthatũ na ĩkwata ya kĩtaa.
5
Nake aĩ na ngovia ya ũthuku mũtwe wake, na eekĩĩte kakoti ka iaa; na ũito wa kakoti waĩ sekeli ngili itano sya ũthuku.
6
Na aĩ na ngolo sya kaũ sya ũthuku maũũnĩ make, na katumo ka ũthuku katĩ wa ituo.
7
Na mũtĩ wa ĩtumo yake watilyĩ ta mũamba wa mũtumi wa ngũa; na ũito wa mũthya wa ĩtumo yake waĩ sekeli maana thanthatũ sya kĩaa: na mũkui wa ngao yake aendaa amũtongoesye.
8
Nake aũngama na anĩĩsya ita sya Isilaeli, na aikũlya, Mumaalĩle kĩ kũtaũsya ita? Nyie ndi Mũvilisiti, nenyu mũti athũkũmi kwa Saulo? Ĩnyuvĩei mũndũ, na natheee kũla nĩĩ.
9
Ethĩwa atonya kũkita nakwa, na kũmbũaa, nĩvo ĩndĩ twĩtw’ĩka athũkũmi menyu; ĩndĩ ethĩwa ngamũkĩlya vinya, na kũmũaa, mũkatw’ĩka ĩndĩ athũkũmi maitũ, na mũkatũthũkũmaa.
10
Mũvilisiti asya, Nĩngũvũthya ita sya Isilaeli ũmũnthĩ; nengai mũndũ, nĩ kana tũkite nĩ nake.
11
Na yĩla Saulo na Isilaeli onthe meewie ndeto isu sya Mũvilisiti, mateva, na meew’a w’ĩa mũno.
12
Na ĩndĩ Ndaviti aĩ mwana wa ũla Mũevilathi wa Mbethi‐leemu‐yuta, ũla wetawa syĩtwa yake Yese; nake aĩ na ana nyanya: na mũndũ ũsu aĩ mũndũ mũkũũ mĩthenyanĩ ya Saulo, na e wa myaka mingĩ andũnĩ.
13
Na ala ana atatũ akũũ ma Yese nĩmamũatĩĩĩte Saulo kaũnĩ: na masyĩtwa ma ana make atatũ ala maendie kaũnĩ nĩ Eliavu ĩkithathi, na ũla ũmũatĩĩe nĩ Avinatavu, na wa katatũ nĩ Samama.
14
Na Ndaviti aĩ ĩlumaita; na asu atatũ akũũ mamũatĩĩĩte Saulo.
15
Na ĩndĩ Ndaviti aendaa na kũsyokaa kuma kwa Saulo nĩ kana aĩthye malondu ma ĩthe wake ku Mbethi‐leemu.
16
Na ũla Mũvilisiti athengeeaa kĩoko na wĩoo, na eeyonan’ya mwene mĩthenya mĩongo ĩna.
17
Na Yese amwĩa Ndaviti mwana wake, Osa yu nũndũ wa ana‐a‐mwenyu eva ya lĩu wa mbaa ngetha mũkaange, na imũtũ ii ĩkũmi, na twaĩa ana‐a‐mwenyu mĩtũkĩ mwakonĩ wa maeema;
18
na ũkĩtwaĩa kavuteni wa ngili yoo ngũmbwa ĩkũmi sya matulu, na ũisisya ũndũ ana‐a‐mwenyu mailyĩ, na ũkĩete ũvoo woo.
19
Na ĩndĩ Saulo, namo, na andũ onthe ma Isilaeli, maĩ mwandanĩ wa Ela makyũkita na Avilisiti.
20
Na Ndaviti ookĩla kĩoko tene, na atia malondu me na mũsũvĩi, na oosa, na athi, o tondũ Yese wamwĩaĩe; nake avika vala vandũ va makasya, o yĩla nguthu ĩla yaendaa kũkita yauasya ngemi nũndũ wa kaũ.
21
Na Isilaeli na Avilisiti mataũsya ita mokite, ita syelekele ita.
22
Na Ndaviti atia mũio wake kw’okonĩ kwa mũsũvĩi wa mĩio, na asemba itanĩ, na ooka na akethya ana‐a‐inyia.
23
Na o yĩla waneenaa nao, sisya, kwaumĩla ũla mũkiti mũnene, Mũvilisiti wa Ngathi, syĩtwa nĩ Ngoliathu, kuma mĩkwĩlĩnĩ ya Avilisiti, na aneena o kwĩanana na ila ndeto: na Ndaviti asyĩw’a.
24
Na andũ onthe ma Isilaeli, yĩla moonie ũ mũndũ, makũka mamũkĩĩte, na meew’a w’ĩa mũno.
25
Na andũ ma Isilaeli makũlan’ya, Nĩmũsyaĩtye mũndũ ũũ wambata? Vate ndĩi ambata o kũvũthĩĩsya Isilaeli: na kũkeethĩwa, mũndũ ũla wĩmũaa, mũsumbĩ akamũthusya ũthwii mwingĩ, na akamũnenga mwĩĩtu wake, na kũtw’ĩkĩthya nyũmba ya ĩthe wake ũthasyo nthĩnĩ wa Isilaeli.
26
Na Ndaviti aneena na andũ ala maũngamĩte vakuvĩ nake, akĩmakũlya, Kũkeekwa ata kwa mũndũ ũla wĩũaa Mũvilisiti ũũ, na kũveta kĩvũthya kyume kwa Isilaeli? Nũndũ Mũvilisiti ũũ ũte mwaĩke nũũ, kana avũthĩĩasye ita sya Ngai ũla wĩ thayũ?
27
Na andũ mamũsũngĩa o ta ũũ makyasya, Ũũ nĩw’o kwĩĩkwa mũndũ ũla wĩmũaa.
28
Na Eliavu mwana‐a‐inyia wake ũla mũkũũ eew’a yĩla waneenaa na andũ; na ũthatu wa Eliavu wamwakanĩa Ndaviti, na amũkũlya, Ũtheeie nĩkĩ? Na ũtiie malondu asu mavũthũ naũ ku weũnĩ? Nĩnĩsĩ ngathĩĩo syaku, na ũthũku wa ngoo yaku; Nũndũ ũtheeie kana ũtonye kwona kaũ.
29
Na Ndaviti akũlya, Neka ata yu? Vati kĩtumi?
30
Nake eethyũũa amũtia na eelekela ũngĩ, na aneena nake o ta ũla ũndũ: na andũ mamũsũngĩa o ta mbee.
31
Na yĩla ndeto syeew’ĩkie ila Ndaviti waneenie, nĩmaineenie o ta ũu kũla kwĩ Saulo; nake amũtũmana.
32
Na Ndaviti amwĩa Saulo, Vaikethĩwe mũndũ ũkw’a ngoo nũndũ wake; mũthũkũmi waku nũnũkũthi na kũkita na Mũvilisiti ũũ.
33
Na Saulo amwĩa Ndaviti, Ndũtonya kũthi kũkita na Mũvilisiti ũũ; nũndũ wĩ o kĩmwana, nake nĩ mũndũ wa kaũ kuma wana wake.
34
Na Ndaviti amwĩa Saulo, Mũthũkũmi waku nĩwaĩthasya malondu ma ĩthe; na yĩla kwookaa mũnyambũ, kana nduva, na kũkwata katena ka ĩlondu ndĩthyanĩ,
35
nauma namĩatĩĩa, na namĩkũna, na kũkavonokya kuma kanyw’anĩ wayo; na yĩla yokĩlaa ĩmbangĩe, ngĩmĩkwata kĩng’ew’a kyayo, na ngĩmĩkũna, ngĩmyũaa.
36
Mũthũkũmi waku nĩwakũnie syelĩ mũnyambũ na nduva: na Mũvilisiti ũũ ũte mwaĩke akeethĩwa ta imwe yasyo, nũndũ nũvũthĩĩsye ita sya Ngai ũla wĩ thayũ.
37
Na Ndaviti asya, Yeova ũla wambonokisye kuma kĩthunĩ kya mũnyambũ, na kuma kĩthunĩ kya nduva, akambonokya nume kw’okonĩ kwa Mũvilisiti ũũ. Na Saulo amwĩa Ndaviti, Thi, na Yeova akeethĩwa vamwe naku.
38
Na Saulo amwĩkĩa Ndaviti ngũa syake, na amwĩkĩa ngovia ya ũthuku mũtwe wake, na amwĩkĩa kakoti ka iaa.
39
Na Ndaviti eeyova ũvyũ wake ĩũlũ wa ngũa syake, nake atatanga kũthi; nũndũ ndambĩte kwitata. Na Ndaviti amwĩa Saulo, Nditonya kũthi na ii; nũndũ ndyaamba kwitata. Na Ndaviti asyumya.
40
Na oosa ndata yake na kw’oko kwake, na eenyuvĩa mavia atano matendeu kalũsĩnĩ, na amekĩa ngusunĩ ya mũĩthi ĩla waĩ nayo, o ngusunĩ yake; na kĩkũtha kyake kyaĩ kw’okonĩ kwake: na amũthengeea Mũvilisiti.
41
Na ũla Mũvilisiti ookanga na athengeea Ndaviti; na mũndũ ũla wakuĩte ngao aenda mbee wake.
42
Na yĩla Mũvilisiti wasyaisye kũũ na kũũ, na amwona Ndaviti, amũmonda; nũndũ aĩ o kĩmwana, na mũtune, na vamwe na ũu aĩ na ũthyũ mũseo.
43
Na Mũvilisiti amwĩa Ndaviti, Nyie nĩ ngitĩ, kana ũmbũkĩe na ndata? Na Mũvilisiti amũumanĩa Ndaviti kwa ngai syake.
44
Na Mũvilisiti amwĩa Ndaviti, Ũka vaa nĩĩ, nakwa nĩngũnenga nyũnyi sya yayaya, na nyamũ sya kĩtheka mwĩĩ waku.
45
Na ĩndĩ Ndaviti amwĩa Mũvilisiti, We wĩmbũkĩa na ũvyũ, na ĩtumo, na katumo: ĩndĩ nyie nĩkũkĩa na syĩtwa ya Yeova wa nguthu, Ngai wa ita sya Isilaeli, ũla ũvũthĩĩsye.
46
Mũthenya ũũ Yeova nũkũũnengane kw’okonĩ kwakwa; na nĩngũũkũna, na ngĩtila mũtwe waku; na nĩngwinenga nyũnyi sya yayaya, na nyamũ mbai sya nthĩ, simba sya nguthu ya Avilisiti ũmũnthĩ; nĩ kana nthĩ yonthe ĩmanye kana ve Ngai nthĩnĩ wa Isilaeli,
47
na nĩ kana ĩkomano yĩĩ yonthe yĩtonye kũmanya kana Yeova ndatangĩĩaa na ũvyũ na ĩtumo: nũndũ ũ kaũ nĩ wa Yeova, na nũkũmũnengane mokonĩ maitũ.
48
Na kweethĩwa, yĩla Mũvilisiti wokĩlile, na ooka na athengeea akomane na Ndaviti, Ndaviti eekalaata, na asemba elekele ita akomane na Mũvilisiti.
49
Na Ndaviti eekĩa kw’oko kwake ngusunĩ yake, na aumya ĩvia vo, na ayĩkya na kĩkũtha, na amũkimĩla ũla Mũvilisiti kĩtulyanĩ; na ĩvia yalika nthĩnĩ wa kĩtulya kyake, nake avalũka nthĩ na ũthyũ wake.
50
Ũu nĩw’o Ndaviti wakĩlilye ũla Mũvilisiti vinya na kĩkũtha na ĩvia, na amũkũna Mũvilisiti, na amũaa; ĩndĩ vatyaĩ ũvyũ kw’okonĩ kwa Ndaviti.
51
Na ĩndĩ Ndaviti asemba, na aũngamĩĩa ũla Mũvilisiti, na oosa ũvyũ wake, na ookũa ndoonĩ yaw’o, na amũaa, na amũtila mũtwe naw’o. Na yĩla Avilisiti moonie kana mũkiti mũnene woo nĩwakw’a, makũka makĩa.
52
Na andũ ma Isilaeli na ma Yuta mookĩla, na mausya ngemi, na mamakũa Avilisiti kũvika ũlikĩlonĩ wa Ngathi, na kũvika mbingĩlonĩ sya Ekiloni. Na ala okite ma Avilisiti mavalũkanga nzĩanĩ kũvika Saalaimu, o kũvika Ngathi, na kũvika Ekiloni.
53
Na ana ma Isilaeli masyoka kuma kũmalũngya Avilisiti, nao moosa mũtavo mwakonĩ woo wa maeema.
54
Na Ndaviti oosa mũtwe wa ũla Mũvilisiti, na ooete Yelusaleme; ĩndĩ ĩ mĩio yake ya kaũ aia ĩeemanĩ yake.
55
Na yĩla Saulo wonie Ndaviti akĩthi kũkita na ũla Mũvilisiti, amũkũlilye Avineli, kavuteni wa nguthu, Avineli, kĩmwana kĩĩ nĩ mwana waũ? Na Avineli asũngĩa, O tondũ kyuu kyaku kĩ thayũ, we mũsumbĩ, nditonya kũmanya.
56
Na mũsumbĩ asya, Kũlya ũ mwanake nĩ mwana waũ.
57
Na yĩla Ndaviti wasyokete kuma kũaa ũla Mũvilisiti, Avineli amwosa, na amũete mbee wa Saulo e na mũtwe wa ũla Mũvilisiti kw’okonĩ kwake.
58
Na Saulo amũkũlya, Wĩ mwana waũ, we mwanake? Na Ndaviti asũngĩa, Nyie nĩ mwana wa mũthũkũmi waku Yese Mũmbethi‐leemu.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31