bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Samuel 28
1 Samuel 28
Kamba (Mbivilia) 1956
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
1
Na kweethĩwa mĩthenya ĩsu, Avilisiti moomban’ya nguthu syoo kwondũ wa kaũ, mokite na Isilaeli. Na Akisi amwĩa Ndaviti, Manya vate ndĩi, kana ũkaumaala vamwe nakwa nguthunĩ, we na andũ maku.
2
Na Ndaviti amwĩa Akisi, Kwondũ wa ũu ũkamanya ũndũ mũthũkũmi waku wĩĩka. Na Akisi amwĩa Ndaviti, Kwondũ wa ũu ngaũtw’ĩkĩthya mũsũvĩi wa mũtwe wakwa tene na tene.
3
Na yu Samueli aĩ mũkw’ũ, na Isilaeli onthe nĩmamũĩĩĩte, na mamũthikĩte ku Lama, o ndũanĩ yake mwene. Na Saulo aĩ anaveta asu mesene na maveva, na ala mombasya ithitũ, makauma nthĩ.
4
Na Avilisiti moombana, na mooka na mamba maeema Sunemu; na Saulo oomban’ya Isilaeli onthe vamwe, na mamba maeema Ngilivoa.
5
Na yĩla Saulo wonie nguthu ya Avilisiti aĩ na w’ĩa, na ngoo yake yatetema mũno.
6
Na yĩla Saulo wakũlilye Yeova, Yeova ndaamũsũngĩa, na ndoto, o na Ulimu, o na athani.
7
Nĩvo Saulo wameie athũkũmi make, Manthĩai mũndũ mũka wĩsene na veva, nĩ kana nĩende kwake, na ngĩkũlya kwake. Na athũkũmi make mamwĩa, Sisya, kwĩ mũndũ mũka wĩsene na veva ku Eni‐ndoli.
8
Na Saulo eeyũlan’ya, na eekĩa ngũa ingĩ, na athĩ, we na andũ elĩ vamwe nake, na mavika kwa ũla mũndũ mũka ũtukũ: na amwĩa, Nĩngũkwĩsũva, ngaũĩsya na ũla veva wĩsene naw’o, na ũimbũkĩlĩlya o ũla nĩweta kwaku.
9
Na ũla mũndũ mũka amwĩa, Sisya, nĩwĩsĩ ũndũ Saulo wĩkĩte, ũndũ ũvetete asu mesene na maveva, na ala mombasya ithitũ, makauma nthĩ: nĩkĩ ĩndĩ ũũtea kĩtei ũndũ wa thayũ wakwa, ũtume nĩkw’a?
10
Na Saulo amwĩavĩa na Yeova, akĩmwĩa, O tondũ Yeova wĩ thayũ kũtikethĩwa ũsilĩlo o na wĩva ũkũkwata kwondũ wa ũndũ ũũ.
11
Nĩvo ĩndĩ ũla mũndũ mũka wamũkũlilye, Nĩkumĩlĩlya ũũ? Nake asũngĩa, Mbumĩlĩlya Samueli.
12
Na yĩla ũ mũndũ mũka wonie Samueli, akaya na wasya mũnene; na ũla mũndũ mũka aneena na Saulo, akyasya, Wangengea kĩ? Nũndũ nue Saulo.
13
Na mũsumbĩ amwĩa, Ndũkakĩe: wĩona kyaũ ĩndĩ? Na mũndũ mũka amwĩa Saulo, Nĩngwona ngai yũkĩte kuma nthĩnĩ wa nthĩ.
14
Nake amũkũlya, Avw’ana ata? Nake asũngĩa, Mũtumĩa mũkũũ nĩwambatĩte; na evw’ĩkĩte ngũa ndasa. Na Saulo amanya kana nĩ Samueli, na akunamya ũthyũ wake nthĩ, na eekunamya vyũ.
15
Na Samueli akũlya Saulo, Ũnthokoanĩsye kĩ ũmbambatye? Na Saulo asũngĩa, Nĩ mũthĩnu mũno; nũndũ Avilisiti nĩmeũkwatya kaũ nakwa, na Ngai nũndiĩte, o na ndanzũngĩaa ĩngĩ, na athani, o na ndoto: kwondũ wa ũu nakwĩta, nĩ kana ũmanyĩthye ũndũ ngwĩka.
16
Na Samueli amũkũlya, Wĩngũlya nĩkĩ ĩndĩ, na Yeova nake nũkũtiĩte, na atw’ĩkĩte mũmaitha waku?
17
Na Yeova nũkwĩkĩte, o tondũ waneenie na kanyw’a wakwa: na Yeova nũvenanĩte ũsumbĩ kw’okonĩ kwaku, na akonenga mũtũi waku, o Ndaviti.
18
Nĩkwĩthĩwa ndwĩw’aa wasya wa Yeova, na ndwaaĩka Amaleki kwĩanana na ũthilĩku wake mwai, kwondũ wa ũu Yeova nũkwĩkĩte ũndũ ũũ ũmũnthĩ.
19
O na ĩngĩ Yeova akanengane Isilaeli o vamwe naku kw’okonĩ kwa Avilisiti; na ũnĩ we na ana maku mũkeethĩwa vamwe nakwa: Yeova nake akanengane nguthu ya Isilaeli nayo kw’okonĩ kwa Avilisiti.
20
Nĩvo ĩndĩ o mĩtũkĩ Saulo wavalũkile nthĩ na mwĩĩ w’onthe, na aĩ na w’ĩa mũno, nũndũ wa ndeto sya Samueli: o na vatyaĩ vinya nthĩnĩ wake; nũndũ ndaĩte lĩu mũthenya ũsu w’onthe, na ũtukũ ũsu w’onthe.
21
Na ũla mũndũ mũka amũkĩa Saulo, na oona kana aũũyĩte mũno, na amwĩa, Sisya, mũthũkũmi waku mwĩĩtu nĩwĩthukĩĩisye wasya waku, na nĩniie thayũ wakwa kw’okonĩ kwakwa, na nĩnĩthukĩĩisye ndeto syaku ila ũneenie nakwa.
22
Yu ĩndĩ, nĩngũkwĩsũva, ĩthukĩĩsye naku wasya wa mũthũkũmi waku mwĩĩtu, na ndeka nĩkũathĩsye lĩu mũnini; na ũiya, nĩ kana wĩthĩwe na vinya, wĩendeete.
23
Ĩndĩ alea, na asya, Ndiya. Ĩndĩ athũkũmi make, vamwe na ũ mũndũ mũka mamũingĩĩsya; nake eethukĩĩsya wasya woo. Kwondũ wa ũu ookĩla nthĩ, na ekala ũkomonĩ.
24
Na ũ mũndũ mũka aĩ na kasaũ kanou nyũmbanĩ; na eekalaata, na akoaa; na oosa mũtu, na awũmba, na eekĩa iko aseũvya kĩmũtũ kĩte ĩlawa naw’o:
25
na akĩete mbee wa Saulo, na mbee wa athũkũmi make; na maya. Na ĩndĩ mookĩla, na mathi ũtukũ ũsu.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31