bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Samuel 18
1 Samuel 18
Kamba (Mbivilia) 1956
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
1
Na kweethĩwa, yĩla waminie kũneena na Saulo, ngoo ya Yonathani yakwatana na ngoo ya Ndaviti, na Yonathani amwenda o tondũ wĩyendete mwene.
2
Na Saulo amwosa mũthenya ũsu, na ndaaĩtĩkĩla kũmũeka enũke ĩngĩ nyũmbanĩ kwa ĩthe wake.
3
Nĩvo ĩndĩ Yonathani na Ndaviti matianĩe ũtianĩo, nĩkwĩthĩwa nĩwamwendie o tondũ wĩyendete mwene.
4
Na Yonathani aumya ngũa ndasa ĩla wekĩe, na ngũa syake, o na kũvika ũvyũ wake, na ũta wake, na mũsivi wake, na amũnenga Ndaviti.
5
Na Ndaviti aendaa o vala Saulo wamũtũmaa, na eeyĩkalya na kĩlĩko: na Saulo amwia ĩũlũ wa andũ ma kaũ, na waĩ ũseo woninĩ wa andũ onthe, na o wonini wa athũkũmĩ ma Saulo.
6
Na kweethĩwa yĩla menũkĩte, yĩla Ndaviti wasyokete kuma kũaa ũla Mũvilisiti, aka mauma ndũanĩ syonthe sya Isilaeli, makina na makĩsũnga, mamũthaũe mũsumbĩ Saulo matanĩte, me na tũthembe, na me na syĩndũ sya kũinga.
7
Na ala aka maina makĩtĩkĩanĩsya makĩinga, makyasya, Saulo nĩwũaĩte ngili syake, Na Ndaviti ngili syake makũmi.
8
Na Saulo aĩ mũthilĩku mũno, na ndeto isu syamwĩw’ĩthya woo; nake asya, Nĩmatalĩla Ndaviti ngili makũmi, na mandalĩla o ngili: na atonya kwĩthĩwa na kĩngĩ kyaũ ate o ũsumbĩ?
9
Na kuma mũthenya ũsu na kũendeea Saulo amũsiasya Ndaviti na itho ĩthũku.
10
Na kweethĩwa ũnĩ ũsu, veva mũthũku wumĩte kwa Ngai wooka na vinya mũnene ĩũlũ wa Saulo, na athana e nyũmbanĩ nthĩnĩ: na Ndaviti ainga na kw’oko kwake, o tondũ wekaa o kĩla mũthenya. Na Saulo aĩ na ĩtumo yake kw’okonĩ kwake;
11
na Saulo ekya ĩtumo; nũndũ aisye, Nĩmũtonyanĩsye Ndaviti na wako. Na Ndaviti eevonokya vala ũĩ kelĩ.
12
Na Saulo nĩwamũkĩaa Ndaviti, nĩkwĩthĩwa Yeova aĩ vamwe nake, na nĩwamũekete Saulo.
13
Kwondũ wa ũu Saulo amumya kwake, na amũtw’a kavuteni wake wa andũ ngili; nake aumaalaa na akĩsyoka e mbee wa andũ.
14
Na Ndaviti eeyĩkalya na kĩlĩko mĩendelenĩ yake yonthe; na Yeova aĩ vamwe nake.
15
Na yĩla Saulo wonie kana nĩweyĩkalilye na kĩlĩko mũno, ekala akĩmũkĩa.
16
Ĩndĩ Isilaeli onthe na Yuta nĩmamwendaa Ndaviti; nũndũ nĩwaumaalaa na kũsyokaa e mbee woo.
17
Na Saulo amwĩa Ndaviti, Sisya, mwĩĩtu wakwa ũla mũkũũ Melavu, nĩwe nĩkũnenga ethĩwe mũkau: ĩndĩ no wĩthĩwe wĩ na ũkũmbaũ nũndũ wakwa, na ũkyũkitĩthasya makaũ ma Yeova. Nũndũ Saulo aisye, Kw’oko kwakwa kũikethĩwe ĩũlũ wake, ĩndĩ kw’oko kwa Avilisiti kwĩthĩwe ĩũlũ wake.
18
Na Ndaviti amũkũlya Saulo, Nyie nĩ ũũ, na thayũ wakwa nĩ kyaũ, kana mũvĩa wa asa wakwa nthĩnĩ wa Isilaeli, kana nĩtw’ĩke mũthoni wa mũsumbĩ?
19
Ĩndĩ kweethĩwa atĩ ĩvinda yĩla Melavu, mwĩĩtu wa Saulo, waĩlĩte kũnengwa Ndaviti, anengwa Atilieli Mũmeolathi ethĩwe mũka.
20
Na Mikali, mwĩĩtu wa Saulo, amwendete Ndaviti: namo mamũtavya Saulo, na ũndũ ũsu wamwendeesya.
21
Na Saulo asya, Ngamũnenga we, kana atw’ĩke kĩtei kwake, na kana kw’oko kwa Avilisiti kwĩthĩwe ĩũlũ wake. Kwondũ wa ũu Saulo amwĩa Ndaviti, Mũthenya ũũ nũkũtw’ĩka mũthonua ĩvinda ya kelĩ.
22
Na Saulo eeaĩa athũkũmi make, akĩmea, Neenan’yai na Ndaviti mwĩ nzama, na mũkĩmwĩa, Sisya, mũsumbĩ nũnũũkũtanĩa, na athũkũmi make onthe nĩmakwendete: yu kwondũ wa ũu tw’ĩka mũthoni wa mũsumbĩ.
23
Na athũkũmi ma Saulo matonyeesya ndeto isu matũnĩ ma Ndaviti. Na Ndaviti akũlya, Kwĩoneka kwenyu ta ũndũ ũvũthũ kũtw’ĩka mũthoni wa mũsumbĩ, nakwa nĩ mũndũ ngya, na ũtalawa ta vathei?
24
Na athũkũmi ma Saulo mamũtavya, makyasya, Ndaviti aneenie ũndũ ũtilyĩ ũu.
25
Na Saulo asya, Ũũ nĩw’o mwĩmũtavya Ndaviti, Mũsumbĩ ndekwenda ngasya o na yĩva, ĩndĩ no ikonde sya mbinũ sya Avilisiti ĩana, aĩvanĩw’e kwa amaitha ma mũsumbĩ. Na ĩndĩ Saulo asũanĩaa kũmũvalũkĩthya Ndaviti na moko ma Avilisiti.
26
Nayĩla athũkũmi make matavisye Ndaviti ndeto isu, nĩkwamwendeesye Ndaviti mũno kũtw’ĩka mũthoni wa mũsumbĩ. Na mĩthenya ndĩaathela;
27
na Ndaviti ookĩla na athi, we na andũ make, na amoaa ma Avilisiti andũ maana elĩ; na Ndaviti aete ikonde sya mbinũ syoo, na mainengane na ũtalo wĩanĩe kwa mũsumbĩ, nĩ kana atonye kũtw’ĩka mũthoni wa mũsumbĩ. Na Saulo amũnenga Mikali mwĩĩtu wake ethĩwe mũka.
28
Na Saulo oona na amanya kana Yeova aĩ vamwe na Ndaviti; na Mikali, mwĩĩtu wa Saulo, nĩwamwendete.
29
Na Saulo amũkĩa Ndaviti mũno mbee; na Saulo aĩ mũmaitha wa Ndaviti ĩndĩ yonthe.
30
Na ĩvinda yĩu anene ma mbee ũsumbĩnĩ ma Avilisiti maumaala: na kweethĩwa, o yĩla maumaalaa, Ndaviti eeyĩkalasya na kĩlĩko kĩnene kũte athũkũmi onthe ma Saulo; kũvika syĩtwa yake yataĩĩwa mũno.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31