bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Samuel 12
1 Samuel 12
Kamba (Mbivilia) 1956
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 13 →
1
Na Samueli amea Isilaeli onthe, Sisyai, nĩnĩthukĩĩĩtye wasya wenyu nthĩnĩ wa w’onthe ũla mũnandavisye, na nĩnĩmũsumbĩkĩsye mũsumbĩ.
2
Na yu, sisyai, mũsumbĩ ethi mbee wenyu; nakwa nĩ mũkũu na mũtwe wĩ mbuĩ; na, sisyai, ana makwa me vamwe nenyu: na nĩnaendaa mbee wenyu kuma wana wakwa kũvika ũmũnthĩ.
3
Nyie nĩ vaa: kũsĩĩai ĩũlũ wakwa Yeova ene, na mwĩtĩkĩw’a mauta wake ene: nosie ng’ombe yaũ? Kana nosie ĩng’oi yaũ? Kana navutie ũũ? Nathĩnisye ũũ? Kana nĩ kw’okonĩ kwaũ kũla noosie ĩvaki nĩlindwe metho makwa nĩyo? Na nĩngũmũtũngĩa inyw’ĩ.
4
Nao mamũsũngĩa, Ndwaatũvuta, kana kũtũthĩn’ya, o na ndwaaosa o na kĩ kw’okonĩ kwa mũndũ o na wĩva.
5
Nake amea, Yeova nĩ ngũsĩ ĩũlũ wenyu, na mwĩtĩkĩw’a mauta wake nĩ ngũsĩ mũnthĩ ũũ, kana mũinona kĩndũ kw’okonĩ kwakwa. Namo masya, Nĩwe ngũsĩ.
6
Na Samueli amea andũ, Nĩ Yeova ũla waiie Mose na Aluni, na ũla wamaetie aaĩthe menyu kuma nthĩ ya Misili.
7
Yu ĩndĩ kwondũ wa ũu ũngamai, kana nĩneenan’ye nenyu Yeova ene ũndũ wa meko onthe malũngalu ma Yeova, ala wekie kwenyu na kwa aaĩthe menyu.
8
Ĩtina wa Yakovo alika Misili, na aaĩthe menyu mamwĩkaĩla Yeova, nĩvo ĩndĩ Yeova watũmie Mose na Aluni, ala mamaumisye aaĩthe menyu Misili, na amatũsya vandũ vaa.
9
Ĩndĩ moolwa nĩ Yeova Ngai woo; na amathoosya kw’okonĩ kwa Sisela, kavuteni wa nguthu ya Asoli, na mokonĩ ma Avilisiti, na kw’okonĩ kwa mũsumbĩ wa Moavi; na mokita namo.
10
Na mamwĩkaĩla Yeova, na masya, Nĩtũvĩtĩtye, nĩkwĩthĩwa nĩtũmũtiĩte Yeova, na nĩtũthũkũmĩte Mbaalimu na Asetalothi: ĩndĩ yu tũvonokye kuma mokonĩ ma amaitha maitũ, na tũkaũthũkũma.
11
Na Yeova amũtũma Yelumbaali, na Mbetani, na Yevitha, na Samueli, na amũvonokya kuma mokonĩ ma amaitha menyu kĩla ngalĩko; na mwatũa mũte mũisyo.
12
Na yĩla mwoonie kana Naasu mũsumbĩ wa ana ma Amimoni nĩwamũkĩe okite nenyu, nĩmwambĩie, Aiee, ĩndĩ mũsumbĩ akatũsumbĩka; yĩla Yeova Ngai wenyu waĩ mũsumbĩ wenyu.
13
Yu ĩndĩ mũsisyei mũsumbĩ ũla mũnyuvĩte, na ũla mwĩtĩtye: na, sisyai, Yeova nũmũsumbĩkĩsye mũsumbĩ.
14
Ethĩwa mũkakĩaa Yeova, na kũmũthũkũmaa, na kwĩthukĩĩasya wasya wake, na kũleaa kũng’endea mwĩao wa Yeova, na inyw’ĩ o na mũsumbĩ ũla ũnũũmũsumbĩka mũkethĩawa aatĩĩi ma Yeova Ngai wenyu, nĩ ũseo:
15
ĩndĩ ethĩwa mũtikwĩtĩkĩla kwĩthukĩĩasya wasya wa Yeova, ĩndĩ kũng’endeaa mwĩao wa Yeova, nĩvo ĩndĩ kw’oko kwa Yeova kwĩĩthĩwa ĩũlũ wenyu, o tondũ kweethĩawa ĩũlũ wa aaĩthe menyu.
16
Yu ĩndĩ ũngamai mwone ũndũ ũũ ũnene, ũla Yeova ũnũkwĩka metho menyu mene.
17
Ti ĩketha ya nganũ ũmũnthĩ? Nĩngwĩkaĩla Yeova, nĩ kana aete kĩtundumo na mbua; nenyu mũkamanya na kwona kana ũthũku wenyu nĩ mũnene, ũla mwĩkĩte Yeova ene, mũkĩyĩtĩsya mũsumbĩ.
18
Na ĩndĩ Samueli eekaĩla Yeova; na Yeova aete kĩtundumo na mbua mũthenya ũsu; na andũ onthe mamũkĩa Yeova mũno na Samueli.
19
Na andũ onthe mamwĩa Samueli, Voyea athũkũmi maku kwa Yeova Ngai waku, nĩ kana tũikakw’e; nũndũ nĩtwongelete naĩnĩ sitũ syonthe ũthũku ũũ, kwĩyĩtĩsya mũsumbĩ.
20
Na Samueli amea andũ, Mũikakĩe: nĩ w’o, nĩmwĩkĩte ũthũku ũũ w’onthe; ĩndĩ mũtikathũke ũtee na kũlea kũmũatĩĩa Yeova, ĩndĩ mũthũkũmei Yeova na ngoo syenyu syonthe:
21
na mũtikathũke ũtee; nũndũ mwathũka, nĩvo ĩndĩ mwĩatĩĩa maũndũ ma mana ala matatonya kũuna kana kũvonokya, nũndũ nĩ ma mana.
22
Nũndũ Yeova ndakamatia andũ make nũndũ wa syĩtwa yake ĩnene, nĩkwĩthĩwa nĩkũmwendeesye Yeova kũmũtw’a inyw’ĩ ũko wa andũ kwake mwene.
23
Na ĩngĩ a vakwa nyie, kwĩthĩwe kũasa nakwa kũmũvĩtanĩsya Yeova ũndũ wa kũeka kũmũvoyea: ĩndĩ ngamũmanyĩsya mũendele mũseo na mũlũngalu.
24
No mũkĩei Yeova, na mũkĩmũthũkũma nthĩnĩ wa w’o na ngoo syenyu syonthe; nũndũ sũanĩai ũndũ mawĩa manenevete ala wekie nũndũ wenyu.
25
Ĩndĩ ethĩwa mũkaendeea kwĩkaa ũthũku, mũkanangwa, inyw’ĩ o na mũsumbĩ wenyu.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31