bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Samuel 2
1 Samuel 2
Kamba (Mbivilia) 1956
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 3 →
1
Na Aana avoya, na asya: Ngoo yakwa nĩnĩũtanĩa Yeova; Ũvya wakwa nĩ mũkĩlye nĩ Yeova; Kanyw’a wakwa nĩ mũnenevye ĩũlũ wa amaitha makwa; Nĩkwĩthĩwa nĩngũtana ũtangĩĩonĩ waku.
2
Vati ũngĩ mũtheu ta Yeova; Nũndũ kũtiĩ ate o we, O na kũti ĩvia o na yĩva ta Ngai waitũ.
3
Ndũkaneene na ngathĩĩo nene ũu ĩngĩ; Wĩnenevyo ndũkaume kanyw’anĩ waku; Nũndũ Yeova nĩ Ngai wa ũmanyi, Na meko nĩmathimawa nĩwe.
4
Mata ma ngũmbaũ nĩ matũlĩku; Na ala malulutĩkangile nĩmavotoetwe vinya.
5
Ala maĩ avũnu nĩmeethũkũmĩe mone lĩu; Na ala maĩ na nzaa nĩmaekie kwĩw’a nzaa: Ĩĩ, ngũngũ nĩsyaĩte syana mũonza; Na kĩla kĩ na syana mbingĩ nĩkĩũleela.
6
Yeova nĩwũaaa, na nũthayũũkasya: Nũtheeasya kũvika Seoli, na nĩwambatasya kumya vo.
7
Yeova nũtw’ĩkĩthasya ngya, na nũthuasya: Nũtheeasya, o na nĩwũkĩlasya.
8
Nĩwũkĩlasya ngya yume kĩtoonĩ, Nũmũkĩlasya mũthĩni aume ũtũndanĩ wa syaa, Atume mekala na anene me mbee ũsumbĩnĩ, Na kũtiĩwa kĩvĩla kya ũsumbĩ kya ũsung’wa: Nũndũ ituĩ sya nthĩ nĩ sya Yeova, Na ailĩĩle nthĩ ĩũlũ wasyo.
9
Akasũvĩaa nyaĩĩ sya atheu make; Ĩndĩ ala athũku makavindĩthw’a kĩvindunĩ; Nũndũ vati mũndũ ũkakĩlya nũndũ wa vinya.
10
Ala makĩlanasya vinya na Yeova makavevenzwa; Akamatundumĩa e ĩtunĩ: Yeova akasilĩla itulu sya nthĩ; Na akamũnenga mũsumbĩ wake vinya, Na kũkĩlya ũvya wa mwĩtĩkĩw’a mauta wake.
11
Na Elikana athi Lama nyũmba kwake. Na ũ mwana amũthũkũmaa Yeova e mbee wa mũthembi Eli.
12
Na ĩndĩ ana ma Eli maĩ andũ athe; matyamwĩsĩ Yeova.
13
Na kĩmanyĩo kya athembi andũnĩ kyaĩ, atĩ yĩla mũndũ o na wĩva wathembaa nthembo, mũthũkũmi wa mũthembi nĩwokaa yĩla nyama iũtheũka, akwete kĩtonyi kya nyama kĩ maeo atatũ kw’okonĩ kwake;
14
na akĩsovelya katevenĩ, kana ĩsilianĩ, kana kĩtevenĩ, kana mbisũnĩ; kyonthe kĩla kĩtonyi kya nyama kyaumasya nĩkyo mũthembi wosaa. Ũũ nĩw’o meekaa ku Silo kwa Aisilaeli onthe ala mookaa kw’o.
15
Ĩĩ, mbee wa matanavĩvya mathunya, mũthũkũmi wa mũthembi nĩwokaa, na akĩmwĩa mũndũ ũla ũnũkũthemba, Nenga nyama ya kũmũvĩvĩsya mũthembi; nũndũ ndekwenda kwaku nyama ila ntheũkye, ĩndĩ nĩ ila mbĩthĩ.
16
Na ethĩwa ũ mũndũ nĩwamwĩie, Matitĩa kwamba kũvĩvya mathunya, na ĩndĩ ũkyosa o ũndũ ngoo yaku ĩnĩkwenda; nĩvo ĩndĩ wamwĩaa, Aiee, ĩndĩ wĩnenga yo oyu: na ethĩwa ti ũu, nĩngũmyosa na vinya.
17
Na naĩ ya anake asu yaĩ nene mũno kwa Yeova; nũndũ andũ nĩmavũthisye nthembo ya Yeova.
18
Ĩndĩ Samueli athũkũmaa vu mbee wa Yeova, e o kana, ekĩĩte evoti ya katane.
19
Na ĩngĩ inyia wake nĩwamũtumĩaa ngũa nini ndasa, na amũtwaĩaa o kĩla mwaka, yĩla wambataa na mũũme wake kũthemba nthembo ya mwaka.
20
Na Eli amũathima Elikana na mũka wake, na amwĩa, Yeova nakũnenge ũsyao kwa kĩveti kĩĩ nũndũ wa kyu kĩla kyeetiw’e kwa Yeova. Na menũka mũsyĩ kwoo.
21
Na Yeova amũkĩa Aana, na aitava, na asyaa ana atatũ na eĩtu elĩ. Na kamwana Samueli keana ke o mbee wa Yeova.
22
Na ĩndĩ Eli aĩ mũkũu mũno; na nĩwew’aa onthe ala ana make meekaa Isilaeli onthe, na ũndũ makomaa na aka ala matethasya wĩa mũomonĩ wa yĩla ĩeema ya kũmbanĩa.
23
Na amea, Mwĩkaa maũndũ ta asu nĩkĩ? Nũndũ nĩw’aa mĩkĩle yenyu mĩthũku kuma andũnĩ aa onthe.
24
Aiee, ana makwa; nũndũ ti ũvoo mũseo ũla nĩw’aa: nĩmũtuma andũ ma Yeova mavĩtya.
25
Ethĩwa mũndũ ũmwe nũkũvĩtanĩsya ũngĩ, Ngai akamũsilĩla; ĩndĩ ethĩwa mũndũ nũkũvĩtanĩsya Yeova, nũũ ũla wĩmwĩsũvanĩa? Ĩndĩ mo, matyaaĩthukĩĩsya wasya wa ĩthe woo, nĩkwĩthĩwa Yeova asũanĩaa kũmoaa.
26
Na kamwana Samueli kaendeea kwĩana, na kaendeea kwona ũseo kwa Yeova o na andũnĩ.
27
Na kwooka mũndũ wa Ngai kwa Eli, na amwĩa, Ũũ nĩw’o Yeova ũnũũkũlya, Nĩneeyonanisye nyie mwene nyũmbanĩ ya ĩthe waku, yĩla maĩ ũkombonĩ Misili nyũmbanĩ ya Valao?
28
Na nyie nĩnamũnyuvie kuma mbaĩnĩ syonthe sya Isilaeli atw’ĩke mũthembi wakwa, ambatae kĩthembeonĩ kyakwa, na kũtoeeasya ũvani, na kwĩkĩaa evoti e mbee wakwa? Na nĩnanengie nyũmba ya ĩthe waku nthembo syonthe sya ana ma Isilaeli ila ivĩvaw’a na mwaki?
29
Nũndũ wa kĩ mũtheelaa nthembo yakwa ya kũtonywa na nthembo ĩngĩ yakwa, ila nĩaĩte ũtũonĩ wakwa, na kũtaĩaa ana maku kwĩ nyie, nĩ kana mwĩnoasye inyw’ĩ ene na nthembo syonthe ila syĩ vata mbee sya Isilaeli, andũ makwa?
30
Kwondũ wa ũu Yeova, Ngai wa Isilaeli, easya, Nĩ w’o, nĩnaisye kana nyũmba yaku, na nyũmba ya ĩthe waku, ikaendaa mbee wakwa tene na tene: ĩndĩ yu Yeova easya, Ũu wĩthĩwe kũasa nakwa; nũndũ ala mandaĩaa ngamataĩa, na ala mambũthasya makatalwa ta vathei.
31
Sisya, mĩthenya nĩyũkĩte, yĩla ngatila kw’oko kwaku, na kw’oko kwa nyũmba ya ĩthe waku, na vaikaaĩthĩwa mũtumĩa nyũmbanĩ yaku.
32
Na nũkona ũnyamao wa ũtũo wakwa, ũthwiinĩ w’onthe ũla Ngai ũkanenga Isilaeli; na vaikaaĩthĩwa mũtumĩa nyũmbanĩ yaku tene na tene.
33
Na mũndũ waku, ũla ndakaveta kĩthembeonĩ kyakwa, akeethĩwa wa kwananga metho maku, na wa kwĩw’ĩthya ngoo yaku woo; na mosyaanĩo onthe ma nyũmba yaku makakusaa me ma ĩika.
34
Na ũũ ũkeethĩwa wonan’yo kwaku, ũla ũkakĩtĩka kwa ana maku elĩ, Ovini na Vineasi: makakw’a me elĩ mũthenya ũmwe.
35
Na nĩngeyũkĩlĩlya mũthembi wĩ kĩthito, ũla ũkeka kwĩanana na ũla wĩ ngoonĩ yakwa na kĩlilikanonĩ kyakwa: na nĩngamwakĩa nyũmba nũmu; na nũkaendaa mbee wa ũla mwĩtĩkĩw’a mauta wakwa tene na tene.
36
Na nĩkũkethĩwa, kĩla ũmwe ũkatiala nyũmbanĩ yaku nũkoka na kũtulya ndu kwake kana one kĩlungu kya vetha na kĩmũtũ kĩmwe, na akasya, Ndikya, nĩngũkwĩsũva, wĩanĩ ũmwe wa athembi, nĩ kana nĩtonye kũya kalungu kanini ka kĩmũtũ.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31