bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Samuel 20
1 Samuel 20
Kamba (Mbivilia) 1956
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 21 →
1
Na Ndaviti akĩa auma Naiothi yĩ Lama, na ooka na aneena mbee wa Yonathani, Nĩkĩte ata? Ũthũku wakwa nĩ mwaũ? Na naĩ yakwa nĩ myaũ kũla kwĩ au, kana amanthe thayũ wakwa?
2
Nake amwĩa, Ũu wĩthĩwe kũasa; we ndũkakw’a: sisya, asa ndekaa ũndũ ũnene o na ũnini, ate o ambumbũĩe w’o; na asa embithĩa ũndũ ũũ kĩ? Ũu ti w’o.
3
O na ĩngĩ Ndaviti eevĩta, na asya, Au nĩwĩsĩ nesa kana nĩnonete ũseo methonĩ maku; na easya, Yonathani ndakamanye ũũ, ndakese kwĩw’a woo: ĩndĩ w’o o tondũ Yeova wĩ thayũ, na o tondũ kyuu kyaku kĩ thayũ, no ĩtambya yĩ katĩ wakwa na kĩkw’ũ.
4
Nĩvo ĩndĩ Yonathani wamĩie Ndaviti, O ũndũ ũla ngoo yaku ĩnĩkwenda, ngakwĩka o w’o.
5
Na Ndaviti amwĩa Yonathani, Sisya, ũnĩ nĩ mũtiso wa mwei, na ndyaĩlwe nĩ kũtĩa kwĩkala vamwe na mũsumbĩ lĩunĩ: ĩndĩ eka nĩthi, ngevithe kĩthekanĩ kũvika mũthenya wa katatũ wĩoo.
6
Ethĩwa au akesa kwona nde vo, nĩvo ĩndĩ wĩasya, Ndaviti anangũlilye ũthei mũno kana asembe ku Mbethi‐leemu ndũanĩ kwoo; nũndũ kwĩ nthembo ya kĩla mwaka kw’o kwondũ wa mũvĩa w’onthe.
7
Ethĩwa akasya atĩĩ, Nĩ ũseo; mũthũkũmi waku akeethĩwa na mũuo: ĩndĩ ethĩwa akeethĩwa na ũthilĩku, manya ĩndĩ kana ũthũku nũtw’ĩtwe nĩwe.
8
Kwondũ wa ũu ĩka mũthũkũmi waku nesa; nũndũ nũmũlikĩtye mũthũkũmi waku ũtianĩonĩ wa Yeova vamwe naku: ĩndĩ ethĩwa ve ũthũku nthĩnĩ wakwa, mbũaa eue; nũndũ wĩndwaa kũla kwĩ au nĩkĩ?
9
Na Yonathani amwĩa, Ũu wĩthĩwe kũasa naku; nũndũ kethĩwa nĩthĩwa nĩsĩ kana ũthũku nũtw’ĩtwe nĩ asa wakwa wũke kwaku, nyie ĩndĩ ndikũtavya?
10
Na ĩndĩ Ndaviti amũkũlya Yonathani, Nũũ ũla wĩndavya ethĩwa au akakũsũngĩa na vinya?
11
Na Yonathani amwĩa Ndaviti, Ũka, tũthi kĩsesinĩ. Na maenda me elĩ kĩsesinĩ.
12
Na Yonathani amwĩa Ndaviti, Yeova, Ngai wa Isilaeli, nĩethĩwe ngũsĩ: yĩla nĩĩthĩwa nĩmũthimĩte asa wakwa ĩvinda ta yĩĩ ũnĩ, kana mũthenya wa katatũ, sisya, ethĩwa nĩvethĩwa ũseo welekele Ndaviti, nyie ndikatũmana ĩndĩ kwaku, na ngĩkumbũĩa?
13
Yeova eke ũu kwa Yonathani, o na mbee, kũkethĩwa kwendeesya asa wakwa akwĩke naĩ, ethĩwa ndikakumbũĩa, na ngĩũeka ũthi, nĩ kana ũende na mũuo: na Yeova ethĩwe vamwe naku, o tondũ wĩthĩĩtwe na asa wakwa.
14
Na ti o yĩla nĩ thayũ ũkambon’ya ũseo wĩ wendo wa Yeova, kana ndikakw’e;
15
ĩndĩ o na ĩngĩ ndũkaavete ũseo waku nyũmbanĩ yakwa tene na tene; aiee, o na yĩla Yeova ũkethĩwa amavetete amaitha ma Ndaviti kĩla ũmwe aume kũũ nthĩ.
16
Kwondũ wa ũu Yonathani atianĩa ũtianĩo na nyũmba ya Ndaviti, akyasya, Na Yeova nũkaandũa ũndũ ũũ kw’okonĩ kwa amaitha ma Ndaviti.
17
Na Yonathani atuma Ndaviti evĩta ĩngĩ, nũndũ wa wendo ũla waĩ naw’o kwake; nũndũ amwendete o tondũ wĩyendete mwene.
18
Na ĩndĩ Yonathani amwĩa, Ũnĩ nĩ mũtiso wa mwei: naku ũkooneka ũte vo, nĩkwĩthĩwa kĩvĩla kyaku kĩkeethĩwa kĩ kĩthei.
19
Na yĩla wĩĩthĩwa wĩkalĩte mĩthenya ĩtatũ, wĩtheea mĩtũkĩ, na ũkyũka vala vandũ weevithĩte yĩla maũndũ asu masiaw’a, na wĩĩkala vakuvĩ na ĩvia Eseli.
20
Nakwa ngekya mĩsyĩ ĩtatũ ũtee wayo, ta ngũathaa vandũ.
21
Na, sisya, ngatũma kamwana, ngĩkea, Enda, ũmanthe mĩsyĩ. Ethĩwa ngakea kamwana, Sisya, mĩsyĩ yĩ ngalĩ ĩno yaku; myose, na ũkyũka; nũndũ ve mũuo kwaku na vati ũthũku, o tondũ Yeova wĩ thayũ.
22
Ĩndĩ ethĩwa ngatavya kamwana atĩĩ, Sisya, mĩsyĩ yĩ mbee waku; wĩĩendea; nũndũ Yeova nũkũtumĩte ũthi.
23
Na ũndũ wa ũvoo ũla we nakwa tũnaneenanisye, sisya, Yeova e katĩ wakwa naku tene na tene.
24
Kwondũ wa ũu Ndaviti eevitha kĩthekanĩ: na yĩla mũtiso wa mwei wavikie, mũsumbĩ ekala nthĩ aye lĩu.
25
Na mũsumbĩ ekala kĩvĩlanĩ kyake, ta mavinda ala angĩ, o kĩvĩlanĩ vakuvĩ na wako; na Yonathani aũngama, na Avineli ekalĩte vakuvĩ na Saulo: ĩndĩ vandũ va Ndaviti vaĩ vathei.
26
Ĩndĩ Saulo ndaaneena ũndũ mũthenya ũsu: nũndũ asũanĩie, Ve ũndũ ũmũkwatĩte, ti mũtheu; vate ndĩi ti mũtheu.
27
Na kweethĩwa ũnĩ ũsu ĩtina wa mũtiso wa mwei, ũla waĩ mũthenya wa kelĩ, atĩ vandũ va Ndaviti vaĩ vathei: na Saulo akũlya Yonathani mwana wake, Nũndũ wa kĩ mwana wa Yese ũtaneũka lĩunĩ, ĩoo, o na ũmũnthĩ?
28
Na Yonathani amũsũngĩa Saulo, Ndaviti anangũlilye mũno ũthei wa kũthi Mbethi‐leemu:
29
na anaisye, Eka nĩthi, nĩngũkwĩsũva; nũndũ mũvĩa witũ wĩ na nthembo ndũanĩ; na mwana‐a‐ia, nũnambĩaĩe nĩthĩwe vo: na yu, ethĩwa nĩnonie ũseo methonĩ maku, eka nĩthi, nĩngũkwĩsũva, ngamone ana‐a‐asa. Kwondũ wa ũu ndokĩte mesanĩ ya mũsumbĩ.
30
Nĩvo ĩndĩ ũthatu wa Saulo wamwakanĩe Yonathani, na amwĩa, We mwana wa kĩveti kĩema na kĩng’endu, nyie ndyĩsĩ kana we nĩweenyuvĩe mwana wa Yese kwa nthoni syaku mwene, na sya mwenyu e mũthei.
31
Nũndũ o yĩla mwana wa Yese wĩ thayũ kũũ nthĩ, we ndũkalũlũmĩlw’a, o na ũsumbĩ waku. Kwondũ wa ũu yu tũmana na ũimũete kwakwa, nũndũ we vate ndĩi akakw’a.
32
Na Yonathani amũsũngĩa Saulo ĩthe wake, na amũkũlya, Nũndũ wa kĩ waĩle kũawa? Ekĩte ata?
33
Na Saulo amwĩkya ĩtumo yake amũtonye; kwondũ wa ũu Yonathani amanya kana nĩkwatw’ĩtwe nĩ ĩthe wake kũmũaa Ndaviti.
34
Kwondũ wa ũu Yonathani ookĩla kuma mesanĩ e na ũthatu mwai, na ndaaya lĩu mũthenya wa kelĩ wa mwei; nũndũ nĩwewie woo nũndũ wa Ndaviti, nĩkwĩthĩwa ĩthe wake nĩwamũsonoketye.
35
Na kweethĩwa kĩoko kyu, atĩ Yonathani aumaala kĩsesinĩ e na kamwana ĩvinda yĩla ũtw’ĩte na Ndaviti.
36
Na atavya kamwana kake, Semba, mantha yu mĩsyĩ ĩla ngwĩkya. Na kamwana kakĩsemba, ekya mũsyĩ mbee wako.
37
Na yĩla kamwana kavikie vandũ vala ve mũsyĩ ũla Yonathani wekĩtye, Yonathani anĩĩsya kamwana, na asya, Mũsyĩ ti ũsu mbee waku?
38
Na Yonathani anĩĩsya kamwana, Semba mĩtũkĩ, ĩkalaate, ndũkekale. Na kamwana ka Yonathani koomban’ya mĩsyĩ; na kooka kwa vwana wako.
39
Ĩndĩ kamwana katyaamanya ũndũ o na wĩva: no Yonathani na Ndaviti meesi ũndũ ũsu.
40
Na Yonathani anenga kamwana kake mĩio yake ya kaũ, na akea, Enda, ũtwae ndũanĩ.
41
Na o yĩla kamwana kaĩ kanathi, Ndaviti ookĩla kuma vandũ kwelekela ngalĩ ya Ĩtheo, na avalũka nthĩ na ũthyũ wake, na eekunamya mavinda atatũ: na mamumunyana, na maĩanĩa ene kwa ene, kũvika Ndaviti aĩa avĩtũkya.
42
Na Yonathani amwĩa Ndaviti, Thi na mũuo, nũndũ twevĩtie ithyelĩ syĩtwanĩ ya Yeova, tũkyasya, Yeova akeethĩwa katĩ wakwa naku, na katĩ wa ũsyao wakwa na ũsyao waku, tene na tene. Nake ookĩla athi: na Yonathani athi ndũanĩ.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31