bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Samuel 26
1 Samuel 26
Kamba (Mbivilia) 1956
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
1
Na Anzivu mooka kwa Saulo ku Ngivea, makyasya, Ndaviti ndevithĩte kĩĩmanĩ kya Akila, kĩla kyelekele yalatanĩ?
2
Nĩvo ĩndĩ Saulo wokĩlile, na atheea weũnĩ wa ku Nzivu, e na andũ anyuve ngili itatũ sya Isilaeli vamwe nake, amanthe Ndaviti weũnĩ wa Nzivu.
3
Na Saulo amba maeema nzĩanĩ, kĩĩmani kya Akila, kĩla kyelekele yĩla yalata. Ĩndĩ Ndaviti atũaa weũnĩ, na oona kana Saulo nũmũatĩĩe weũnĩ.
4
Kwondũ wa ũu Ndaviti atũma athiani, na amanya kana Saulo nĩ mũku vate nzika.
5
Na Ndaviti ookĩla, na avika vandũ vala Saulo wambĩte maeema; na Ndaviti oona vandũ vala Saulo wakomete, e na Avineli mwana wa Neli, kavuteni wa nguthu yake: na Saulo akomete katĩ wa vala vandũ vaĩ makasya, na andũ nĩmambĩte maeema mamũthyũlũlũkĩte.
6
Nĩvo ĩndĩ Ndaviti wasũngĩie na akũlya Aimeleki Mũititi, na Avisai mwana wa Nzeluia, mwana‐a‐inyia wa Yoavu, akyasya, Ũla wĩtheea nakwa kwa Saulo mwakonĩ wa maeema nũũ? Na Avisai amwĩa, Nyie nĩngũtheea naku.
7
Na ĩndĩ Ndaviti na Avisai mavika kũla kwĩ andũ ũtukũ: na, sisya, Saulo akomete too katĩ wa vala vandũ vaĩ makasya, e na ĩtumo yake yĩtonyete nthĩ mũtwenĩ wake; na Avineli na andũ makomete mamũthyũlũlũkĩte.
8
Nĩvo ĩndĩ Avisai wamwĩie Ndaviti, Ngai nũnenganĩte mũmaitha waku kw’okonĩ kwaku ũmũnthĩ: yu ĩndĩ, nĩngũkwĩsũva, eka nĩmũtonyanĩsye na nthĩ na ĩtumo ĩtonya o yĩmwe, na ndimũtonya ĩvinda ya kelĩ.
9
Na Ndaviti amwĩa Avisai, Ndũkamwanange; nũndũ nũũ ũtonya kũtambũũkĩsya mwĩtĩkĩw’a mauta wa Yeova kw’oko kwake, na akethĩwa ate ĩvĩtyo?
10
Na Ndaviti asya, O tondũ Yeova wĩ thayũ, Yeova akamũkũna; kana mũthenya wake ũkavika akw’e; kana akatheea kaũnĩ, na kwaa.
11
Yeova ndakandeke nĩtambũũkĩsye mwĩtĩkĩw’a mauta wa Yeova kw’oko kwakwa: ĩndĩ yu, nĩngũkwĩsũva, osa ĩtumo yĩla yĩ mũtwenĩ wake, na sũva wa manzĩ, na tũkĩthi.
12
Na ĩndĩ Ndaviti oosa yĩla ĩtumo na ũla sũva wa manzĩ mũtwenĩ wa Saulo; namo mathi: na vati mũndũ waaona ũndũ ũsu, kana akomanya, o na vati waaamũka; nũndũ onthe nĩmakomete, nĩkwĩthĩwa too mũnene waumĩte kwa Yeova nĩwamavalũkĩle.
13
Nĩvo ĩndĩ Ndaviti wainganĩsye ngalĩ ĩla ĩngĩ, na aũngama kũasa mũtumbĩnĩ wa kĩĩma; ve mwanya mũnene katĩ woo;
14
na Ndaviti anĩĩsya andũ, na Avineli mwana wa Neli, akyasya, Ndũtumũa, Avineli? Nĩvo ĩndĩ Avineli wasũngĩie na akũlya, Nue ũũ ũkwanĩĩsya mũsumbĩ?
15
Na Ndaviti amwĩa Avineli, Ndwĩ o mũndũ ngũmbaũ? Na nũũ nthĩnĩ wa Isilaeli ũilyĩ taku? Na nĩkĩ ũtanasũvĩa mwĩaĩi waku mũsumbĩ? Nũndũ kũlikile ũmwe wa andũ anange mũsumbĩ mwĩaĩi waku.
16
Ũndũ ũũ wĩkie ti ũseo. O tondũ Yeova wĩ thayũ, inyw’ĩ nĩmwaĩle kũkw’a, nĩkwĩthĩwa mũtinasũvĩa mwĩaĩi wenyu, mwĩtĩkĩw’a mauta wa Yeova. Na yu onai ĩtumo ya mũsumbĩ kũla yĩĩ, na sũva wa manzĩ ũla wĩĩ mũtwenĩ wake.
17
Na Saulo amanya wasya wa Ndaviti, na akũlya, Wasya ũũ nĩ waku, mwana wakwa Ndaviti? Na Ndaviti asũngĩa, Nĩ wasya wakwa, mwĩaĩi wakwa, we mũsumbĩ.
18
Na akũlya, Mwĩaĩi wakwa aatĩĩaa mũthũkũmi wake nĩkĩ? Nũndũ nĩkĩte ata? Kana nĩ ũthũku mwaũ wĩ kw’okonĩ kwakwa?
19
Na yu ĩndĩ, nĩngũkwĩsũva, mwĩaĩi wakwa mũsumbĩ nĩew’e ndeto sya mũthũkũmi wake. Ethĩwa nĩ Yeova ũkũthokoanĩtye nakwa, nĩetĩkĩle nthembo: ĩndĩ ethĩwa nĩ ana ma andũ, nĩmaumanĩwe kũla kwĩ Yeova; nũndũ nĩmandũngĩtye ũmũnthĩ ndikalũman’ye na ũtiĩwa wa Yeova, makĩmbĩa, Thi, ũkathũkũme ngai ingĩ.
20
Yu ĩndĩ, nthakame yakwa ndĩkavalũke nthĩ kuma kũla kwĩ Yeova: nũndũ mũsumbĩ wa Isilaeli nĩwumaalĩte amanthe ngala o ta ũmwe ũsyĩmaa ngwae iĩmanĩ.
21
Nĩvo ĩndĩ Saulo waisye, Nĩnĩvĩtĩtye: syoka, mwana wakwa Ndaviti; nũndũ ndikakwĩka ũthũku ĩngĩ, nĩkwĩthĩwa thayũ wakwa wĩĩ na vata kwaku ũmũnthĩ: sisya, nĩnĩkanganĩtye ta ndia, na nĩnĩvĩtĩtye mũno mũnene.
22
Na Ndaviti asũngĩa na amwĩa, Sisya yĩla ĩtumo, we mũsumbĩ! Mwanake ũmwe ĩndĩ nĩoke ayose.
23
Na Yeova akatũngĩa kĩla mũndũ ũlũngalu wake na kĩthito kyake; nũndũ Yeova nũkũnenganie kw’okonĩ kwakwa ũmũnthĩ, na ndinetĩkĩla kũtambũũkĩsya mwĩtĩkĩw’a mauta wa Yeova kw’oko kwakwa.
24
Na, sisya, o tondũ thayũ waku wĩĩ na vata kwakwa mũthenya ũũ, o ta ũu thayũ wakwa wĩthĩwe na vata kwa Yeova, na nambonokye ũnyamaonĩ w’onthe.
25
Nĩvo ĩndĩ Saulo wamwĩie Ndaviti, Ĩthĩwa wĩ mũathime we, mwana wakwa Ndaviti: ũkeeka na ũtonyi, o na ũkakĩlya vinya vate ndĩi. Na ĩndĩ Ndaviti eeendea, na Saulo asyoka vandũ vake.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31