bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Samuel 25
1 Samuel 25
Kamba (Mbivilia) 1956
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
1
Na Samueli akw’a; na Isilaeli onthe moombana, na mamũĩĩa, na mamũthika nyũmbanĩ yake ku Lama. Na Ndaviti ookĩla, na atheea weũnĩ wa Valani.
2
Na kwaĩ mũndũ ku Maoni, ũla ũthwii wake waĩ ku Kalimeli; na mũndũ ũsu aĩ nguma mũno, na aĩ na malondu ngili itatũ, na mbũi ngili ĩmwe: na atilĩlaa malondu w’ĩa ku Kalimeli.
3
Na ĩndĩ syĩtwa ya mũndũ ũsu eetawa Navali; na syĩtwa ya mũka wake Avikaili; na mũndũ mũka ũsu aĩ na ũmanyi mũseo na ũthyũ mũseo: ĩndĩ ũ mũndũ aĩ mwai na mũthũku mĩkĩlenĩ yake; nake aĩ wa nyũmba ya Kalevu.
4
Na Ndaviti eew’a e weũnĩ atĩ Navali nũnũũtila malondu make w’ĩa.
5
Na Ndaviti atũma anake ĩkũmi, na Ndaviti atavya ala anake, Ambatai Kalimeli, na mũkĩthi kwa Navali, na mũkĩmũkethya syĩtwanĩ yakwa:
6
na ũũ nĩw’o mwĩneena nake ũla wĩkalaa athimĩkĩte, Mũuo wĩthĩwe kwaku, na mũuo wĩthĩwe kwa nyũmba yaku, na mũuo wĩthĩwe kwa syonthe ila wĩ nasyo.
7
Na yu nĩnĩw’ĩte kana wĩ na atili ma w’ĩa: na aĩthi maku nĩmekalanĩtye naitũ, na tũtyaameka naĩ, o na kũtyaĩ kĩndũ kyaaa kwoo, ĩvinda yonthe yĩla maĩ ku Kalimeli.
8
Kũlya anake maku, na makakũtavya: kwondũ wa ũu anake nĩmone ũseo vala ũĩ; nũndũ nĩtũkũka mũthenya mũseo: nĩngũkwĩsũva, nenga athũkũmi maku, na Ndaviti mwana waku, o kĩla kĩkoneka kw’okonĩ kwaku.
9
Na yĩla anake ma Ndaviti mavikie, maneena na Navali syĩtwanĩ ya Ndaviti kwĩanana na ndeto isu syonthe, na makilya.
10
Na Navali asũngĩa athũkũmi ma Ndaviti, na amea, Ndaviti nũũ? Na mwana wa Yese nũũ? Kwĩ athũkũmi aingĩ matukũ aa ala mevithaa kĩla mũndũ kuma kwa vwana wake.
11
Ngoosa ĩndĩ imũtũ syakwa, na kĩw’ũ kyakwa, na nyama syakwa ila nũaĩe ala makwa matilaa w’ĩa, na ngĩnenga andũ ala ndesĩ kũla maumĩte?
12
Kwondũ wa ũu anake ma Ndaviti meetulũla na nzĩa yoo, na masyoka, na mavika mamũtavya kwĩanana na ndeto isu syonthe.
13
Na Ndaviti amea andũ make, Ĩvotoei kĩla mũndũ ũvyũ wake. Na meevotoa kĩla mũndũ ũvyũ wake; nake Ndaviti eevotoa ũvyũ ũla wake: na kwambata andũ ta maana ana maatĩĩe Ndaviti; na andũ maana elĩ mekala na mĩio.
14
Ĩndĩ mwanake ũmwe aneena na Avikaili, kĩveti kya Navali, aikĩtavya, Sisya, Ndaviti atũmie atũmwa kuma weũnĩ makethye vwana waitũ; nake amauma.
15
Ĩndĩ ala andũ matwĩkaa nesa mũno, na tũtyaaĩkwa naĩ, o na tũtyaasya kĩndũ, o yĩla twaendanasya nao, yĩla twaĩ weũnĩ:
16
mailyĩ ta ũvai kwitũ ũtukũ o na mũthenya, ĩvinda yonthe yĩla twaĩ namo tũkĩĩthya malondu.
17
Yu ĩndĩ manya na ũisũanĩa ũndũ wĩĩka; nũndũ ũthũku nũtw’ĩtwe ĩũlũ wa vwana waitũ, na ĩũlũ wa nyũmba yake yonthe; nũndũ nĩ mũndũ ũte kĩĩĩ ũndũ mũndũ ũtatonya kũneena nake.
18
Nĩvo ĩndĩ Avikaili wekalaatile, na oosa imũtũ maana elĩ, na tũthatwa twĩlĩ twa mbinyu, na malondu atano me mathĩnze, na ithimi itano sya lĩu wa mbaa ngetha mũkaange, na itũngo ĩana sya nzavivũ mbovu, na tũkũmbwa maana elĩ twa makũyũ, na aĩkya mang’oi.
19
Na amea anake make, Endai mbee wakwa; sisya, nĩngũmũatĩĩa. Ĩndĩ ndaatavya mũũme wake Navali.
20
Na kweethĩwa, yĩla wakuĩtwe nĩ ĩng’oi yake, na akĩtheea athw’ĩkĩtwe nĩ kĩĩma, sisya, Ndaviti na andũ make matheea mamwelekele; na akomana namo.
21
Na ĩndĩ Ndaviti aĩtye, Vate ndĩi nasũvĩie mana syonthe ila mũndũ ũũ wĩ nasyo weũnĩ, ũndũ vate kĩndũ kĩmwe kyaaie kya syonthe ila syake: nake nũndũngĩĩte ũthũku vandũ va ũseo.
22
Ngai eke amaitha ma Ndaviti ũu, o na mbee, ethĩwa nĩngũmũtialĩlya o na mwana mũũme ũmwe kũvika kĩoko kũikya.
23
Na yĩla Avikaili wamwonie Ndaviti, eekalaata, na auma ĩng’oinĩ yake, na avalũka na ũthyũ wake mbee wa Ndaviti, na eekunamya kũvika nthĩ.
24
Na avalũka maũũnĩ make, na amwĩa, Ĩũlũ wakwa, mwĩaĩi wakwa, ĩũlũ wakwa wĩthĩwe ũla ũthũku; na nĩngũkwĩsũva, mũthũkũmi waku mwĩĩtu naneene matũnĩ maku, naku wĩthukĩĩsye ndeto sya mũthũkũmi waku mwĩĩtu.
25
Nĩngũkwĩsũva, mwĩaĩi wakwa ndakasisye mũndũ ũũ ũte kĩĩĩ, o Navali; nũndũ o ũndũ syĩtwa yake yĩtilyĩ, now’o ũtilyĩ; Navali nĩ syĩtwa yake, na ũtumanu wĩ nake: ĩndĩ mũthũkũmi waku mwĩĩtu ndaneona anake ma mwĩaĩi wakwa, ala ũnatũmie.
26
Yu ĩndĩ, mwĩaĩi wakwa, o tondũ Yeova wĩ thayũ, na o tondũ kyuu kyaku kĩ thayũ, nũndũ Yeova nũkũsiĩĩie ndũkethĩwe na ĩvĩtyo ya kwĩtĩkya nthakame, na kana ndũkekũlanĩlye na kw’oko kwaku mwene, yu ĩndĩ amaitha maku, na ala mamanthaa kwĩka mwĩaĩi wakwa naĩ, methĩwe ta Navali.
27
Na yu mũthĩnzĩo ũũ ũla mũthũkũmi waku ũetee mwĩaĩi wakwa, ũnengwe anake ala maatĩĩaa mwĩaĩi wakwa.
28
Nĩngũkwĩsũva, ekea ĩvĩtyo ya mũthũkũmi waku mwĩĩtu: nũndũ Yeova ndatĩa kũseũvĩsya mwĩaĩi wakwa nyũmba nũmu, nĩkwĩthĩwa mwĩaĩi wakwa nĩwũkitĩthasya makaũ ma Yeova; na ũthũku ndũkoneka nthĩnĩ waku matukũ maku onthe.
29
Na o na ethĩwa mũndũ nĩwũkĩlĩte akũatĩĩe, na kũmantha thayũ waku, ĩndĩ thayũ wa mwĩaĩi wakwa ũkoovanĩw’a kyovenĩ kya thayũ vamwe na Yeova Ngai waku; na mathayũ ma amaitha maku akamekya ũtee, o ta kamatanĩ ka kĩkũtha.
30
Na kũkeethĩwa, yĩla Yeova wĩĩthĩwa amwĩkĩte mwĩaĩi wakwa kwĩanana na ũseo w’onthe ũla ũneenete ũndũ waku, na ethĩwa akwiĩte mũnene wĩ mbee ũsumbĩnĩ ĩũlũ wa Isilaeli,
31
atĩ ũndũ ũũ ndũkethĩwa wa woo kwaku, o na ũlulutĩkyo wa ngoo kwa mwĩaĩi wakwa, ũndũ wetĩkĩsye nthakame vate kĩtumi, o na kana mwĩaĩi wakwa nĩwĩkũlĩte. Na yĩla Yeova wĩĩthĩwa amwĩkĩte mwĩaĩi wakwa nesa, yu ĩndĩ wĩlilikana mũthũkũmi waku mwĩĩtu.
32
Na Ndaviti amwĩa Avikaili, Nataĩwe Yeova, Ngai wa Isilaeli, ũla ũkũtũmie ũmũnthĩ ũkomane nakwa:
33
na ũathimwe ũmanyi waku, na ĩthĩwa wĩ mũathime we, ũla ũnziĩĩie ũmũnthĩ ndikethĩwe na ĩvĩtyo ya kwĩtĩkya nthakame, na ndikekũle na kw’oko kwakwa mwene.
34
Nũndũ nĩ w’o ki, o tondũ Yeova, Ngai wa Isilaeli, wĩ thayũ, ũla ũnziĩĩie ndikakwĩke naĩ, keka wĩkalaatile na kũka ũnthaũe, kĩoko kũikya kũtyĩthĩwa Navali atialĩlwa nĩ mwana mũũme o na ũmwe.
35
Kwondũ wa ũu Ndaviti oosa kw’okonĩ kwake ila wamũetee: na amwĩa, Ambata na mũuo nyũmbanĩ yaku; sisya, nĩnĩthukĩĩisye wasya waku, na nĩnakwĩtĩkĩlĩla.
36
Na Avikaili avika vala ve Navali; na, sisya, avokete mboka nyũmbanĩ yake, o ta mboka ya mũsumbĩ; na ngoo ya Navali yatanĩaa o nthĩnĩ wake, nũndũ amilĩtwe mũno: kwondũ wa ũu ndaamũtavya ũndũ ũnini kana ũnene, kũvika kĩoko kũikya.
37
Na kweethĩwa kĩoko kyu, yĩla mbinyu yaĩ ĩnamũlekya Navali, kĩveti kyake kyamũtavya maũndũ asu, na ngoo yake yakw’a nthĩnĩ wake, na atw’ĩka ta ĩvia.
38
Na kweethĩwa ĩtina wa ũu ta matukũ ĩkũmi, Yeova amũkũna Navali, na ĩndĩ akw’a.
39
Na yĩla Ndaviti wewie kana Navali aĩ mũkw’ũ, asya, Nataĩwe Yeova, ũla ũteteete ũndũ wa kũvũthw’a kwakwa kũla kumĩte kw’okonĩ kwa Navali, na nũsiĩĩĩte mũthũkũmi wake ndakeke ũthũku: na Yeova nũtũngĩte wĩko mũthũku wa Navali mũtwenĩ wake mwene. Na Ndaviti atũmana Avikaili akaneenwe nake amũtwae ethĩwe mũka.
40
Na yĩla athũkũmi ma Ndaviti mavikie kwa Avikaili ku Kalimeli, maneena nake, makĩmwĩa, Ndaviti nũtũtũmĩte kwaku, kũkũtwaa kwake wĩthĩwe mũka.
41
Nake ookĩla, na eekunamya na ũthyũ wake kũvika nthĩ, na asya, Sisya, mũthũkũmi waku mwĩĩtu nĩ mũthũkũmi wa kũthambya maũũ ma athũkũmi ma mwĩaĩi wakwa.
42
Na Avikaili eekalaata, na ookĩla, na athi akuĩtwe nĩ ĩng’oi, e na eĩtu atano ala mamũatĩĩaa; na avikĩla atũmwa ma Ndaviti, na atw’ĩka mũka wake.
43
Na Ndaviti atwaa Ainoamu wa Yesileeli nake; na matw’ĩka me elĩ aka make.
44
Na ĩndĩ Saulo aĩ ananenga Valiti mwana wa Laisa, ũla wa ku Ngalimu, Mikali mwĩĩtu wake, kĩveti kya Ndaviti.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31