bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Samuel 30
1 Samuel 30
Kamba (Mbivilia) 1956
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
1
Na kweethĩwa, yĩla Ndaviti na andũ make mavikĩte Nzikilaki mũthenya wa katatũ, Aamaleki maĩ manavithũkĩa ngalĩ ya Ĩtheo, na Nzikilaki, na maĩ manakũna Nzikilaki, na kũmĩvĩvya na mwaki,
2
na maĩ manatava aka na onthe ala maĩ nthĩnĩ wayo, anini o na anene: matyaaũaa o na ũmwe, ĩndĩ mamatwaa, na meeendea.
3
Na yĩla Ndaviti na andũ make mavikie ndũanĩ, sisya, yaĩ mbĩvye na mwaki; na iveti syoo, na ana moo, na eĩtu moo, maĩ atave.
4
Nĩvo ĩndĩ Ndaviti na andũ ala maĩ nake mookĩlilye wasya woo na kũĩa, kũvika matyaĩ na ũtonyi ũngĩ wa kũĩa.
5
Na iveti ilĩ sya Ndaviti nĩsyataviwe, Ainoamu Mũyesileeli, na Avikaili ũla waĩ kĩveti kya Navali Mũkalimeli.
6
Na Ndaviti aũũya mũno; nũndũ andũ maneenie ũndũ wa kũmũkima na mavia, nĩkwĩthĩwa ngoo sya andũ onthe syeew’aa woo, kĩla mũndũ ũndũ wa ana make na eĩtu make: ĩndĩ Ndaviti eeyĩkĩa vinya nthĩnĩ wa Yeova Ngai wake.
7
Na Ndaviti amwĩa mũthembi Aviathali, mwana wa Aimeleki, Nĩngũkwĩsũva, ndetee evoti vaa. Na Aviathali amũtwaĩa Ndaviti ĩla evoti.
8
Na Ndaviti akũlya Yeova, akyasya, Ethĩwa nĩngũatĩĩa nguthu ĩno, ngamĩwĩla? Nake amũsũngĩa, Atĩĩa; nũndũ nĩ w’o ũkamĩwĩla, na ũkeetũngĩa syonthe vate ndĩi.
9
Kwondũ wa ũu Ndaviti athi, we na andũ maana thanthatũ ala maĩ vamwe nake, na mavika kalũsĩnĩ ketawa Mbesoli, vala ala matiĩtwe ĩtina mekalĩte.
10
Ĩndĩ Ndaviti aatĩĩaa, we na andũ maana ana; nũndũ maana elĩ matiĩlĩtwe ĩtina, ala maĩ anyalu ũndũ matatonya kũinga kala kalũsĩ Mbesoli.
11
Na meethĩa Mũmisili weũnĩ, na mamũetee Ndaviti, na mamũnenga lĩu, na aya; na mamũnenga manzĩ anyw’e;
12
na mamũnenga kĩlungu kya kakũmbwa ka makũyũ, na itũngo ilĩ sya nzavivũ mbovu: na amina ũya, veva wake wamũsyokea ĩngĩ; nũndũ ndaĩte lĩu, o na kũnyw’a manzĩ mĩthenya ĩtatũ na matukũ atatũ.
13
Na Ndaviti amũkũlya, Wĩ waũ? Na wumĩte va? Na asũngĩa, Nyie nĩ mwanake wa ku Misili, mũthũkũmi wa Mũamaleki; na vwana wakwa nĩwandiie, nĩkwĩthĩwa yu nĩ matukũ atatũ nĩ mũwau.
14
Nĩtwavithũkie ngalĩ ya Ĩtheo ya Akelethi, na kũla kwa Yuta, na ngalĩ ya Ĩtheo ya Kalevu; na twavĩvya Nzikilaki na mwaki.
15
Na Ndaviti amũkũlya, Ũkandwaa kũla kwĩ nguthu ĩsu? Na asũngĩa, Mbĩavĩa Ngai, kana ndũkambũaa, o na kũnengane mokonĩ ma vwana wakwa, nakwa ngakũtheesya kũla kwĩ nguthu ĩsu.
16
Na yĩla wamũtheeisye, sisya, manyaĩĩkĩte nthĩ yonthe, makĩya, na makĩnyw’a, na makĩsũnga, nũndũ wa mũtavo ũsu w’onthe mũnene ũla matavĩte nthĩ ya Avilisiti, na nthĩ ya Yuta.
17
Na Ndaviti amakũna kuma kwĩ ũmithi o kũvika wĩoo wa ũnĩ ũla ũngĩ: na kũtyaavonoka mũndũ wamo, ate o anake maana ana, ala makuĩtwe nĩ ngamĩle na makĩie.
18
Na Ndaviti atũnga syonthe ila Aamaleki matwaĩte, na Ndaviti atangĩĩa iveti syake ilĩ.
19
Na kũtyaĩ kĩndũ kyaatiala kwoo, kĩnini kana kĩnene, ana o na eĩtu, o na mũtavo, o na kĩndũ o na kĩva kĩla meetavĩe: Ndaviti nĩwatũngie syonthe.
20
Na Ndaviti oosa ndĩthya syonthe sya mbũi na malondu na sya ng’ombe, ila maingĩte mbee wa indo ila ingĩ, na asya, Ii nĩ mũtavo wa Ndaviti.
21
Na Ndaviti avika vala ve ala andũ maana elĩ, ala maĩ anyalu mataĩ matonya kũmũatĩĩa Ndaviti, o ala mamatiĩlĩte kalũsĩnĩ Mbesoli; na mauma mamũthaũe Ndaviti, na kũthaũa andũ ala maĩ nake: na yĩla Ndaviti wathengeeie andũ, amakethya.
22
Nĩvo ĩndĩ andũ athũku o na ala athe onthe, katĩ wa asu maendie na Ndaviti, masũngĩie, na masya, Nĩkwĩthĩwa matyaaenda naitũ, tũtikamenenga kĩndũ o na kĩmwe kya mũtavo ũla tũtũngĩte, ate o kĩla mũndũ kĩveti kyake na syana syake, nĩ kana amatongoesye, mathi.
23
Nĩvo ĩndĩ Ndaviti waisye, Mũtitonya kwĩka ũu, ana‐a‐asa makwa, na kĩla Yeova ũtũnengete, ũla ũtũsũvĩĩte, na kũnengane kw’okonĩ kwitũ nguthu ĩla yatũvithũkĩe.
24
Na nũũ ũla wĩmwĩthukĩĩsya ũndũnĩ ũũ? Nũndũ o tondũ kĩanda kya ũla ũkatheeaa kaũnĩ kĩkethĩawa, now’o kĩanda kya ũla ũkekalaa na mĩio kĩkethĩawa: makaaĩawa ũndũ ũmwe.
25
Na kweethĩwa kuma mũthenya ũsu na kũendeea, atw’a ũndũ ũsu mwamũlo na ũtw’ĩo kwondũ wa Isilaeli kũvika ũmũnthĩ.
26
Na yĩla Ndaviti wavikie Nzikilaki, atwaĩa atumĩa ma Yuta sya mũtavo, o anyanyae make, akĩmea, Sisya, nĩ mũthĩnzĩo ũndũ wenyu wa mũtavo wa amaitha ma Yeova:
27
kwa ala maĩ Mbethi‐eli, na kwa ala maĩ Lamothi ya ngalĩ ya Ĩtheo, na kwa ala maĩ Yatili,
28
na kwa ala maĩ Aloeli, na kwa ala maĩ Sivimothi, na kwa ala maĩ Esitemoa,
29
na kwa ala maĩ Lakali, na kwa ala maĩ ndũanĩ sya Ayelameeli, na kwa ala maĩ ndũanĩ sya Akeni,
30
na kwa ala maĩ Olima, na kwa ala maĩ Mboli‐asani, na kwa ala maĩ Athaki,
31
na kwa ala maĩ Eviloni, na kũndũ kw’onthe kũla Ndaviti o na andũ make makothaa kwanganga.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31