bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 1
2 Samuel 1
Kamba (Mbivilia) 1956
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
1
Na kweethĩwa ĩtina wa kĩkw’ũ kya Saulo, yĩla Ndaviti waĩ anasyoka kuma kũmoaa Aamaleki, na Ndaviti aĩ anekala mĩthenya ĩlĩ Nzikilaki;
2
kweethĩwa mũthenya wa katatũ, sisya, mũndũ auma mwakonĩ wa maeema kwa Saulo, atembũangĩte ngũa syake, na e na mũthanga mũtwe wake: na kweethĩwa, yĩla wavikie vala ve Ndaviti, eevalũkya nthĩ, na eekunamya vyũ.
3
Na Ndaviti amũkũlya, Wauma va? Na amwĩa, Nĩnavonoka kuma mwakonĩ wa maeema wa Isilaeli.
4
Na Ndaviti amũkũlya, Ũvoo ũnaendie ata? Nĩngũkwĩsũva, ndavya. Na asũngĩa, Andũ nĩmanakĩie manauma kaũnĩ, o na andũ aingĩ nĩ avalũkye na nĩ akw’ũ; na Saulo na Yonathani mwana wake nao nĩ akw’ũ.
5
Na Ndaviti akũlya mwanake ũla wamũtavya, Wĩsĩ ata Saulo na Yonathani mwana wake nĩ akw’ũ?
6
Na mwanake ũla wamũtavya asya, Yĩla nĩnesie kwĩthĩwa kĩĩmanĩ kya Ngilivoa, sisya, Saulo aneetw’ĩĩkĩte na ĩtumo yake; na, sisya, makasya ma kaũ na andũ matũlĩte mbalasi mamũatĩĩa vakuvi.
7
Na yĩla ũnasyaisye ĩtina, ambona, na ambĩta. Nakwa nasũngĩa, Ninyioo.
8
Na angũlya, Nue ũũ? Na namũsũngĩa, Nyie nĩ Mũamaleki.
9
Na ambĩa, Nĩngũkwĩsũva, ũngama vakuvĩ nakwa, ũmbũaĩĩe; nũndũ nthikũ nĩngwatĩte, nũndũ thayũ wakwa no ũtiele nthĩnĩ wakwa kũvika yu.
10
Na ĩndĩ naũngama vakuvĩ nake, na namũaa, nũndũ nĩnĩneesĩ ndatonya kwĩkala thayũ ĩtina wa avalũka: na naumya ngovia ya ũsumbĩ ĩla ĩnaĩ mũtwe wake, na kĩtang’a kĩla kĩnaĩ kw’okonĩ kwake, na nĩnaiete vaa kwa mwĩaĩi wakwa.
11
Nĩvo ĩndĩ Ndaviti wakwatie ngũa syake, na aitembũanga; na andũ onthe ala maĩ nake o ta ũu:
12
na mameta, na kũĩa, na kũtĩĩa ũya kũvika wĩoo, kwondũ wa Saulo, na kwondũ wa Yonathani mwana wake, na kwondũ wa andũ ma Yeova, na kwondũ wa nyũmba ya Isilaeli; nũndũ nĩmavalũkilw’e na ũvyũ.
13
Na Ndaviti amũkũlya mwanake ũla wamũtavisye, Wĩ wa va? Na amũsũngĩa, Nĩ mwana wa mwĩkali wa ũenini, Mũamaleki.
14
Na Ndaviti amũkũlya, Nũndũ wa ki ndwaakĩa kũtambũũkya kw’oko kwaku wanange mwĩtĩkĩw’a mauta wa Yeova?
15
Na Ndaviti eeta mwanake ũmwe, na asya, Thengeea ũmũthũũmũkĩe. Na amũkũna akw’a.
16
Na Ndaviti amwĩa, Nthakame yaku yĩthĩwe ĩũlũ wa mũtwe waku; nũndũ kanyw’a waku nũkũkũsĩĩe, ũkyasya, Nĩnũaĩte mwĩtĩkĩw’a mauta wa Yeova.
17
Na Ndaviti aĩa kĩĩo kĩĩ kwondũ wa Saulo na kwondũ wa Yonathani mwana wake
18
(na ameaĩa mamanyĩsye ana ma yuta wathi wa ũta: sisya, nĩkũandĩkĩtwe ĩvukunĩ ya Yasali):
19
Ũnene waku, we Isilaeli, nĩwũaĩwe ĩũlũ wa kũndũ kwaku kũtũlu! Kaĩ! Ala me ũtonyi nĩ avalũku!
20
Ũu ndũkatavanw’e ku Ngathi, Ndũkanyaĩĩkw’e nzĩanĩ nene sya Asikeloni: Eĩtu ma Avilisiti matikese kũtana, Eĩtu ma ala mate aĩke maikese kũkĩlya vinya.
21
Inyw’ĩ iĩma sya Ngilivoa, Kũtikethĩwe ĩmwe kana mbua ĩũlũ wenyu, o na mĩũnda ya nthembo: Nũndũ nĩvo ngao ya ũla wĩ ũtonyi yekiw’e ĩkĩvũthw’a, Ngao ya Saulo ta ũtetĩkĩw’e mauta.
22
Vala ve nthakame ya ala oae, vale ve ũnou wa ala me ũtonyi, Ũta wa Yonathani ndwaasyoka ĩtina, Na ũvyũ wa Saulo ũtyaasyoka mana.
23
Saulo na Yonathani maĩ aseo na ma kwendeesya mathayũnĩ moo, O na kĩkw’ũnĩ kyoo matyaatanw’a: Maĩ mĩtũkĩ kwĩ ndiũ, Maĩ na vinya kwĩ mĩnyambũ.
24
Inyw’ĩ eĩtu ma Isilaeli, ĩĩai Saulo, Ũla wamwĩkĩie ngũa ndune mũno sya kwendeesya, Ũla wekĩie wanake wa thaavu ngũanĩ syenyu.
25
Kaĩ! Ala me ũtonyi nĩ avalũku kaũnĩ katĩ! Yonathani nĩwũaĩwe ĩũlũ wa kũndũ kwaku kũtũlu.
26
Nĩngũũũya kwondũ waku, mwana‐a‐ia Yonathani: Wambendeeasya mũno: Wendo waku kwakwa waĩ wa ũseng’ya, Ũvĩtũkĩte wendo wa aka.
27
Kaĩ! Ala me ũtonyi nĩ avalũku, Na mĩio ya kaũ nĩ myanangĩku!
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24