bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 17
2 Samuel 17
Kamba (Mbivilia) 1956
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
1
Na ĩngĩ Aithoveli amwĩa Avisalomu, Ndeka nĩnyuve yu andũ ngili ĩkũmi na ilĩ, na ngookĩla na kũmũatĩĩa Ndaviti ũtukũ ũũ:
2
na ngamũkwata yĩla wĩ na mĩnoo na moko make mate vinya, na ngamũtelemya; na andũ onthe ala me nake makakũka; na ngakũna mũsumbĩ e weka;
3
na ngatũnga andũ onthe kwaku: mũndũ ũsu ũla ũũmũmantha ailyĩ ta kethĩwa onthe nĩmasyoka: na ĩndĩ andũ onthe makeethĩwa na mũuo.
4
Na kũneena kũu kwamwendeesya Avisalomu mũno, na atumĩa onthe ma Isilaeli.
5
Nĩvo ĩndĩ Avisalomu waisye, Yu mwĩtei Usiai Mũaliiki nake, twĩw’e naw’o ũndũ ũkwasya.
6
Na yĩla Usiai wokie kwa Avisalomu, Avisalomu aneena nake, akĩmwĩa, Aithoveli nũneenete ũũ na ũũ: nĩtũkwĩka ta ndeto syake? Ethĩwa tĩ ũu, neena.
7
Na Usiai amwĩa Avisalomũ, Ũtao ũla Aithoveli wanengane ĩvinda yĩĩ ti mũseo.
8
Na Usiai aendeea kwasya, Nĩwĩsĩ ĩthe waku na andũ make, atĩ nĩ ngũmbaũ, na me na woo ililikanonĩ syoo, ta nduva yĩ kĩthekanĩ ĩvenetwe tũswii twayo; na ĩthe waku nĩ mũndũ wa kaũ, na ndeĩtĩkĩla kũkoma vamwe na andũ.
9
Sisya, nũvithĩtwe yu ĩimanĩ, kana vandũ vangĩ: na kũkeethĩwa, yĩla amwe moo meamba kũvalũka, o ũla wĩĩw’a ũndũ ũsu akasya, Ve ũaanĩ katĩ wa andũ ala maatĩĩaa Avisalomu.
10
O na ũla wĩ na ũkũmbaũ, ũla ngoo yake ĩilyĩ ngoo ya mũnyambũ, akatweka vyũ; nũndũ Isilaeli onthe nĩmesĩ ĩthe waku nĩ ngũmbaũ, na ala me nake me na ũkũmbaũ.
11
Ĩndĩ nĩngũtaa atĩ Isilaeli onthe mombanw’e vamwe vala ũĩ, kuma Ndani kũvika Mbeeli‐sieva, ta kĩthangathĩ kĩ ũtee wa ũkanga ũndũ wa kwingĩva; naku mwene ũkĩenda kaũnĩ.
12
Na ĩndĩ tũkamũwĩla vandũ o va wĩoneka, na tũkamũvalũkĩla o tondũ ĩmwe yĩvalũkaa nthĩ; nake na andũ onthe ala me nake tũtikatialya o na ũmwe.
13
Na ũndũ ũngĩ, ethĩwa akalĩka ndũanĩ, nĩvo Isilaeli onthe meete makanda ndũanĩ ĩsu, na tũkamĩkusĩĩsya ũsĩnĩ, mũvaka kũtikoneka vo kavila kamwe kanini.
14
Na Avisalomu na andũ onthe ma Isilaeli masya, Ũtao wa Usiai Mũaliiki nĩ mũseo kwĩ ũtao wa Aithoveli. Nũndũ Yeova nũtw’ĩte kwananga ũtao mũseo wa Aithovelĩ, nĩ kana Yeova aete ũthũku ĩũlũ wa Avisalomu.
15
Nĩvo ĩndĩ Usiai wameie athembi Nzatoki na Aviathali, Aithoveli amũtaa Avisalomu na atumĩa ma Isilaeli ũna na ũna; nakwa nataa ũna na ũna.
16
Yu kwondũ wa ũu tũmana mĩtũkĩ, noitavya Ndaviti, ũkĩmwĩa, Ndũkakome ũtukũ ũũ masyũkonĩ me weũnĩ, ĩndĩ ndũkatĩe kũinga; mũsumbĩ ndakese kũminwa, na andũ onthe ala me nake.
17
Na ĩndĩ Yonathani na Aimaasi mekalĩte vakuvĩ na Eni‐lokeli; na mũthũkũmi mwĩĩtu, akothaa kũthi na kũmatavya; namo maithi na makĩtavya mũsumbĩ Ndaviti: nũndũ no mũvaka matikoneke makĩlika ndũanĩ.
18
Ĩndĩ kĩmwana kyamona, na kyatavya Avisalomu: na me elĩ maenda mĩtũkĩ, na mavika nyũmba ya mũndũ ku Mbaulimu, ũla waĩ na kĩthima nza kwake; na malika nthĩnĩ wakyo.
19
Na mũndũ mũka oosa na alan’ya kya kũkunĩka kanyw’a wa kĩthima, na anyaĩĩkya nganũ mbũe ĩũlũ wakyo; na vati ũndũ waamanyĩka.
20
Na athũkũmi ma Avisalomu mamũkĩa ũ mũndũ mũka nyũmbanĩ; na makũlya, Aimaasĩ na Yonathani maĩva? Na mũndũ mũka amea, Nĩmaingie kalũsĩ ke manzĩ. Na yĩla mamamanthie na malea kũmona, masyoka Yelusaleme.
21
Na kweethĩwa, ĩtina wa mathi, asu mauma kĩthimanĩ, na maenda na matavya mũsumbĩ Ndaviti; na mamwĩa Ndaviti, Ũkĩlai, mũinge manzĩ mĩtũkĩ; nũndũ Aithoveli nũtaanĩte ũu ĩũlũ wenyu.
22
Na ĩndĩ Ndaviti ookĩla, na andũ onthe ala maĩ nake, na mainga Yolotani: kĩoko kũikya kũtyatialĩte o na ũmwe wa asu ũtaingĩte Yolotani.
23
Na yĩla Aithoveli wonie ũtao wake ndwaaatĩĩwa, atandĩka ĩng’oi yake, na ookĩla, na enũka ndũanĩ yoo, na eeaa maũndũ ma nyũmba yake, na eesũsya mwene; na akw’a, na athikwa ngunganĩ ya ĩthe wake vala vathikawa akw’ũ.
24
Na ĩndĩ Ndaviti avika Maanaimu. Na Avisalomu ainga Yolotani, we na andũ onthe ma Isilaeli vamwe nake.
25
Na Avisalomu aia Amasa ethĩwe mũnene wa ĩ nguthu vandũ va Yoavu. Na ĩndĩ Amasa aĩ mwana wa mũndũ, ũla wetawa syĩtwa yake Ithala Mũisilaeli, ũla walikile kwa Avikaili mwĩĩtu wa Naasu, mwĩĩtu‐a‐inyia wa Nzeluia, inyia wa Yoavu.
26
Na Isilaeli na Avisalomu mamba maeema moo nthĩ ya Ngileati.
27
Na kweethĩwa, yĩla Ndaviti wavikie Maanaimu, Sovi mwana wa Naasu wa Lava wa ana ma Amimoni, na Makili mwana wa Amieli wa Londevali, na Mbalisilai Mũngileati wa Lokelimu,
28
maete mokomo, na masaani manene, na mĩio ya yũmba, na nganũ, na mbaale, na mũtu, na lĩu wa mbaa ngetha mũkaange, na mbooso, na ndengũ, na isyo ngaange,
29
na ũkĩ wa nzũkĩ, na mauta, na malondu, na ngũmbwa sya matulu ma ĩia ya ng’ombe, kwondũ wa Ndaviti, na kwondũ wa andũ ala maĩ nake, maye: nũndũ maasya, Andũ me na nzaa, na mĩnoo, na waũni, ku weũnĩ.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24