bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 24
2 Samuel 24
Kamba (Mbivilia) 1956
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
1
Na ĩngĩ ũthatu wa Ngai wakanĩa Isilaeli, na atuma Ndaviti ameka naĩ, akyasya, Enda, ũtale Isilaeli na Yuta.
2
Na mũsumbĩ amwĩa Yoavu kavuteni wa nguthu, ũla waĩ nake, Enda yu kũũ na kũũ mbaĩnĩ syonthe sya Isilaeli, kuma Ndani kũvika Mbeeli‐sieva, ũtale andũ, nĩ kana nĩmanye ũtalo wa andũ.
3
Na Yoavu amwĩa mũsumbĩ, Yu Yeova Ngai waku namongeleele andũ, o ũndũ methĩwa meana, kũndũ ĩana; na metho ma mwĩaĩi wakwa nĩmone ũu: ĩndĩ mwĩaĩi wakwa mũsumbĩ etanĩa ũndũ ũũ nĩkĩ?
4
Ĩndĩ o na ũu w’onthe ndeto ya mũsumbĩ yamũkĩlya Yoavu vinya, o na makavuteni ma nguthu. Na Yoavu na makavuteni ma nguthu mauma vala ve mũsumbĩ, matale andũ ma Isilaeli.
5
Na mainga Yolotani, na mamba maeema moo Aloeli, ngalĩ ya kw’oko kwa aũme ya ndũa ĩla yĩ mwandanĩ wa Ngati katĩ, na kũvika Yaseli:
6
na ĩndĩ mavika Ngileati, na nthĩ ya Tatimu‐otisi; na mavika Ndani‐yaani, na mathyũlũlũka kũvika Sitoni,
7
na mavika ngome yĩ vinya ya Tile, na ndũa syonthe sya Aivi, na sya Akanaani; na maumaala maenda ngalĩ ya ĩtheo ya Yuta kũvika Mbeeli‐sieva.
8
Na ĩndĩ yĩla maminie kũthi kũũ na kũũ nthĩ yonthe, masyoka Yelusaleme maminĩte myei kenda na mĩthenya mĩongo ĩlĩ.
9
Na Yoavu amũnenga mũsumbĩ ũtalo w’onthe wa andũ: na nthĩnĩ wa Isilaeli kwaĩ andũ me ũkũmbaũ ala makũaa ũvyũ ngili maana nyanya; na andũ ma Yuta maĩ ngili maana atano.
10
Na ngoo ya Ndaviti yamũthĩn’ya ĩtina wa kũtala andũ. Na Ndaviti amwĩa Yeova, Nĩnĩvĩtĩtye mũno ũndũnĩ ũũ ũla nĩkĩte: ĩndĩ yu, ame Yeova, nĩngũkwĩsũva, veta ũthũku wa mũthũkũmi waku; nũndũ nĩnĩkĩte ũtumanu mũno.
11
Na yĩla Ndaviti wokĩlile kĩoko, ndeto ya Yeova yamũkĩa mwathani Ngati, mwoni wa kwa Ndaviti, ĩkĩmwĩa,
12
Enda ũneene na Ndaviti, Ũũ nĩw’o Yeova ũnũkwasya, Nĩngũũnenga maũndũ atatũ: nyuva ũmwe wamo, nĩ kana nĩkwĩke w’o.
13
Na ĩndĩ Ngati aenda vala ve Ndaviti, na amũtavya, na amũkũlya, Myaka mũonza ya yũa ĩkakũkĩa nthĩ yaku? Kana ũkenda kũkĩa amaitha maku myei ĩtatũ makũatĩĩĩte? Kana kũkeethĩwa mũimũ mĩthenya ĩtatũ nthĩ yaku? Yu kwavindĩĩsya ũsũanĩe ũsũngĩo ũla ngũmũtũngĩa ũla ũndũmie.
14
Na Ndaviti amwĩa Ngati, Nĩ mũvivinye mũno: tũvalũke yu kw’okonĩ kwa Yeova; nũndũ matei make nĩ manene; na ndikavalũke kw’okonĩ kwa mũndũ.
15
Kwondũ wa ũu Yeova atũma mũimũ ĩũlũ wa Isilaeli kuma kĩoko o kũvika ĩvinda yĩla yatw’ĩtwe; na kwakwie ma andũ kuma Ndani kũvika Mbeeli‐sieva andũ ngili mĩongo mũonza.
16
Na yĩla mũlaĩka watambũũkisye kw’oko kwake kwelekela Yelusaleme amyanange, Yeova eealyũla ũndũ wa ũthũku ũsu, na eea mũlaĩka ũla wanangaa andũ, Nũũ; yu siĩĩa kw’oko kwaku. Na mũlaĩka wa Yeova aĩ vakuvĩ na kĩvũĩo kya Alauna Mũyevusi.
17
Na Ndaviti aneena na Yeova yĩla wonie mũlaĩka ũla wakũnaa andũ, na asya, Sisya, nĩnĩvĩtĩtye, na nĩnĩkĩte na ngũlũ; ĩndĩ malondu aa, mekĩte ata? Nĩngũkũvoya, kw’oko kwaku nĩkwĩthĩwe ĩũlũ wakwa, na ĩũlũ wa nyũmba ya asa wakwa.
18
Na Ngati amũkĩa Ndaviti mũthenya ũsu, na amwĩa, Ambata, ũmwakĩe Yeova kĩthembeo kĩvũĩonĩ kya Alauna Mũyevusi.
19
Na Ndaviti ambata kwĩanana na ndeto sya Ngati, o tondũ Yeova weaie.
20
Na Alauna asisya, na oona mũsumbĩ na athũkũmi make mokĩte mamwelekele: na Alauna aumaala, na amwĩkunamĩsya mũsumbĩ ũthyũ wake welekele nthĩ.
21
Na Alauna amũkũlya, Nũndũ wa kĩ mwĩaĩi wakwa mũsumbĩ woka kwa mũthũkũmi wake? Na Ndaviti asya, Nĩkũthooee kĩvũĩo, nĩmwakĩe Yeova kĩthembeo, nĩ kana ũthĩn’yo ũũ ũsiĩĩwe wumwe andũnĩ.
22
Na Alauna amwĩa Ndaviti, Mwĩaĩi wakwa mũsumbĩ nĩose na kũthemba kĩla wĩona kĩ kĩseo: sisya, ng’ombe sya nthembo ya kũvĩvw’a, na ivũi na masoki ma ng’ombe methĩwe ngũ:
23
ii syonthe, ame mũsumbĩ, Alauna nũnũũnenga mũsumbĩ. Na Alauna amwĩa mũsumbĩ, Yeova Ngai waku nakwĩtĩkĩle.
24
Na mũsumbĩ amwĩa Alauna, Aiee; ĩndĩ nditĩa kũkĩthooa na thooa; o na ndikamũthembea Yeova Ngai wakwa nthembo sya kũvĩvw’a ila ndathooete. Na ĩndĩ Ndaviti athooa kĩvũĩo o na ng’ombe na sekeli mĩongo ĩtano sya vetha.
25
Na Ndaviti amwakĩa Yeova kĩthembeo vau, na athemba nthembo sya kũvĩvw’a na nthembo sya mũuo. Na ĩndĩ Yeova eesũvĩka kwondũ wa ĩ nthĩ, na ũthĩn’yo wasiĩĩwa nthĩnĩ wa Isilaeli.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24