bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 5
2 Samuel 5
Kamba (Mbivilia) 1956
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
1
Nĩvo ĩndĩ mbaĩ syonthe sya Isilaeli syookie Eviloni kwa Ndaviti, na syaneena, ikĩmwĩa, Sisya, twĩ ĩvĩndĩ yaku na mwĩĩ waku.
2
Mavinda mavĩtu yĩla Saulo waĩ mũsumbĩ waitũ, nue watongoesye Isilaeli kũmaumaalasyaa na kũmatũngaa: na Yeova akwĩa, Nue ũkethĩwa mũĩthi wa andũ makwa Isilaeli, na ũkethĩwa mũnene wĩ mbee ũsumbĩnĩ wa Isilaeli.
3
Kwondũ wa ũu atumĩa onthe ma Isilaeli mooka kwa mũsumbĩ ku Eviloni; na mũsumbĩ Ndavitĩ atianĩĩa ũtianĩo nao ku Eviloni mbee wa Yeova: na mamwĩtĩkĩsya Ndaviti mauta ethĩwe mũsumbĩ wa Isilaeli.
4
Ndaviti aĩ wa myaka mĩongo ĩtatũ yĩla wambĩlilye kũsumbĩka, na asumbĩka myaka mĩongo ĩna.
5
Ku Eviloni asumbĩka Yuta myaka mũonza na myei thanthatũ; na Yelusaleme asumbĩka Isilaeli onthe na Yuta myaka mĩongo ĩtatũ na ĩtatũ.
6
Na mũsumbĩ na andũ make maenda Yelusaleme mokite na Ayevusi, ala matwĩe ĩ nthĩ, ala maneenie na Ndaviti, makĩmwĩa, Ũtavetete ililinda na ala mathuaa, ndũkalika vaa; makĩsũanĩa, Ndaviti ndatonya kũlika vaa.
7
Ĩndĩ Ndaviti oosa ngome yĩ vinya ya Saioni; nayo nĩ ndũa ya Ndaviti.
8
Na Ndaviti aneena mũthenya ũsu, O ũla wĩthi kũkũna Ayevusi, nĩambate na mũtaũ wa manzĩ, na aikũna ala mathuaa na ililinda, ala mamenetwe nĩ ngoo ya Ndaviti. Kwondũ wa ũu measya, Ve ala mathuaa na ililinda; ndatonya kũlika ĩ nyũmba.
9
Na Ndaviti nĩwekalaa ngomenĩ ĩsu yĩ vinya, na amĩta ndũa ya Ndaviti. Na Ndaviti aaka athyũlũlũkĩtye, kuma Milo na kũendeea nthĩnĩ.
10
Na Ndaviti ongeleka kũneneva; nũndũ Yeova, Ngai wa nguthu, aĩ vamwe nake.
11
Na Ilamu mũsumbĩ wa Tile atũma atũmwa kwa Ndaviti, na mĩtĩ ya mĩkũũ, na aseũvya ma mbwaũ, na aki ma mavia; na mamwakĩa Ndaviti nyũmba.
12
Na Ndaviti amanya kana Yeova nũmũlũlũmĩlye ethĩwe mũsumbĩ wa Isilaeli, na nĩwũkĩlĩtye ũsumbĩ wake kwondũ wa andũ make Isilaeli.
13
Na Ndaviti atwaa aka angĩ ngombo na iveti ku Yelusaleme, ĩtina wa auma Eviloni; na ana na eĩtu angĩ masyawa nĩ Ndaviti.
14
Na aa nĩo masyĩtwa ma ala masyaĩwe Yelusaleme: Samua, na Sovavu, na Nathani, na Solomoni,
15
na Iviali, na Elisua, na Neveki, na Yavia,
16
na Elisama, na Eliata, na Eliveleti.
17
Na yĩla Avilisiti meewie kana nĩmamwĩtĩkĩsye Ndaviti mauta ethĩwe mũsumbĩ wa Isilaeli onthe, Avilisiti onthe mambata mamanthe Ndaviti; na Ndaviti eew’a ũu, na atheea vala ve ngome yĩ vinya.
18
Na Avilisiti maĩ manooka na makenyasya mwandanĩ wa Alevai.
19
Na Ndaviti akũlya Yeova, akyasya, Nambate kũkita na Avilisiti? Ũkamanengane kw’okonĩ kwakwa? Na Yeove amwĩa Ndaviti, Ambata; nũndũ vate ndĩi nganengane Avilisiti kw’okonĩ kwaku.
20
Na Ndaviti avika Mbaali‐velasimu, na Ndaviti amakũnĩa kw’o; na asya, Yeova nũtũlĩte amaitha makwa nene, ta vandũ vavũthũĩtwe nĩ manzĩ. Kwondũ wa ũu eeta syĩtwa ya vandũ vau Mbaali‐velasimu.
21
Na matia mĩvw’anano yoo kw’o; na Ndaviti na andũ make mamĩtwaa.
22
Na Avilisiti mambata o ĩngĩ, na meenyasya mwandanĩ wa Alevai.
23
Na yĩla Ndaviti wakũlilye Yeova, amwĩa, Ndũkambate: melingĩle ĩtina woo, noimavithũkĩa welekele mĩtĩnĩ ya mĩvolosati.
24
Na kũkeethĩwa, yĩla wĩĩw’a matuu ta ma andũ maendele mĩthyanĩ ya mĩvolosatĩ, nĩvo ĩndĩ wĩkuthũka; nũndũ nĩvo Yeova wumaalĩte mbee waku akũne nguthu ya Avilisiti.
25
Na Ndaviti eeka ũu, o tondũ Yeova wamwĩaĩe, na akũna Avilisiti kuma Ngeva kũvika Ngeseli.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24