bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 18
2 Samuel 18
Kamba (Mbivilia) 1956
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 19 →
1
Na Ndaviti atala andũ ala maĩ nake, na amaiĩa makavuteni ma ngili ngili na makavuteni ma maana.
2
Na Ndaviti atilangan’ya andũ mathi me nguthu itatũ, kĩlungu kĩmwe kw’okonĩ kwa Yoavu, na kĩlungu kĩngĩ kw’okonĩ kwa Avisai mwana wa Nzeluia, mwana‐a‐ĩthe wa Yoavu, na kĩlungu kĩngĩ kw’okonĩ kwa Itai Mũngiti. Na mũsumbĩ amea andũ, Nditĩa kũthi nenyu nyie mwene.
3
Ĩndĩ andũ masya, Ndũkathi: nũndũ ethĩwa tũkakĩa, matikatũsũanĩa; o na ethĩwa nyunzu yaitũ ĩkakw’a, matikatũsũanĩa: ĩndĩ we wĩ vata ta ngili ĩkũmi maitũ; kwondũ wa ũu nĩ kavaa wĩthĩwe wĩyũmbanĩtye kũtũtethasya wĩ ndũanĩ.
4
Na mũsumbĩ amea, O ũndũ mwĩona wĩ ũseo mbee now’o nĩĩka. Na mũsumbĩ aũngama ũtee wa mbingĩlo, na andũ onthe maumaala maana na maana na ngili na ngili.
5
Na mũsumbĩ eeaĩa Yoavu na Avisai na Itai, akĩmea, Mũsũvĩei ũ mwanake, o Avisalomu, kwondũ wakwa. Na andũ onthe meew’a yĩla mũsumbĩ weaĩe makavuteni onthe ũndũ wa Avisalomu.
6
Na ĩndĩ andũ maumaala maenda kĩthekanĩ mokite na Isilaeli: na kaũ waĩ mũtitũnĩ wa Evalaimu.
7
Na andũ ma Isilaeli makũnĩwa kw’o nĩ athũkũmi ma Ndaviti, na kwaĩ ũai mũnene kw’o mũthenya ũsu wa andũ ngili mĩongo ĩlĩ.
8
Nũndũ kaũ nĩwanyaĩĩkĩe ku ĩũlũ wa nthĩ yonthe; na mũtitũ wamina andũ aingĩ kwĩ ala maminiwe na ũvyũ.
9
Na Avisalomu esa kũkomana na athũkũmi ma Ndaviti. Na Avisalomu aendete akuĩtwe nĩ nyũmbũ yake, na nyũmbũ yavĩtĩla ungu wa mbonge nthungu sya mũtĩ wa mwaloni mũnene, na mũtwe wake wakwatwa nĩ mwaloni, na ookĩlw’a ĩũlũ wa nthĩ; na nyũmbũ ĩla yaĩ ungu wake yathi.
10
Na mũndũ ũmwe oona ũu, na atavya Yoavu, na amwĩa, Sisya, nĩnonie Avisalomu aniinĩte mwaloninĩ.
11
Na Yoavu atavya mũndũ ũla wamũtavisye, Na, sisya, nĩwonie ũu, na nĩkĩ ũtanamũkũnĩa vau akavalũka nthĩ? Nakwa nĩthĩwa nakũnenga ilungu ĩkũmĩ sya vetha, na mũsivi.
12
Na ũ mũndũ amwĩa Yoavu, O na ethĩwa ngoona ĩlungu ngili sya vetha kw’okonĩ, ndyĩtĩkĩla kũmũtambũũkĩa mwana wa mũsumbĩ kw’oko kwakwa: nũndũ mũsumbĩ eaĩe we na Avisai na Itai tũkĩw’a, akĩmwĩa, Ĩsũvĩei mũndũ o na wĩva ndakakiite ũ mwanake Avisalomu.
13
Keka ũu, kethĩwa nĩkie ũndũ ũte wa w’o ĩũlũ wa thayũ wake (na vati ũvoo ũvithĩtwe mũsumbĩ), we mwene wĩthĩwa ũngalyũkĩle.
14
Nĩvo ĩndĩ Yoavu waisye, Nditonya kwĩkalanga naku ta ũu. Nake oosa tũtumo tũtatũ na kw’oko kwake, na atũtonyethya ngoonĩ ya Avisalomu mũkuthũ, e o thayũ vu mwaloninĩ.
15
Na anake ĩkũmi ala makuaa mĩio ya kaũ ya Yoavu mamwĩlingĩla na mamũkũna Avisalomu, mamũaa.
16
Na Yoavu avuva soo, na andũ masyoka maeka kũatĩĩa Isilaeli; nũndũ Yoavu nĩwasiĩĩe andũ.
17
Na moosa Avisalomu na mamwĩkya yĩla ĩimanĩ ĩnene yaĩ mũtitũnĩ, na mamũmbĩĩa kĩvumbu kĩnene kya mavia: na Isilaeli onthe makĩĩa kĩla ũmwe ĩeemanĩ yake.
18
Na Avisalomu yĩla waĩ thayũ aĩ anosa na kwĩũngamĩsya kĩtuĩ, kĩla kĩ mwandanĩ wa mũsumbĩ; nũndũ aisye, Ndi na mwana wa kwĩkalya syĩtwa yakwa yĩlilikenwe: na eeta kĩtuĩ na syĩtwa yake mwene; na nĩkĩtawa ũlilikan’yo wa Avisalomu, kũvika ũmũnthĩ.
19
Na ĩndĩ Aimaasi mwana wa Nzatoki asya, Eka nzembe yu, na kũmũtwaĩa mũsumbĩ ũvoo, ũndũ Yeova ũmũĩvanĩsye kwa amaitha make.
20
Na Yoavu amwĩa, Ndwĩĩthĩwa mũtwai wa ũvoo ũmũnthĩ, ĩndĩ ũkatwaa ũvoo mũthenya ũngĩ; ĩndĩ ũmũnthĩ ndwĩtwaa ũvoo, nĩkwĩthĩwa mwana wa mũsumbĩ nĩ mũkw’ũ.
21
Na ĩndĩ Yoavu amwĩa ũla Mũkusi, Enda, ũmũtavye mũsumbĩ ũndũ wonie. Na Mũkusi eekunamĩsya Yoavu, na asemba.
22
Nĩvo ĩndĩ Aimaasi mwana wa Nzatoki wamwĩie Yoavu ĩngĩ, Ĩndĩ nĩkwĩkĩke o ũndũ kwĩĩkĩka, nĩngũkwĩsũva, o nakwa ndeka nzembe ĩtina wa Mũkusi. Na Yoavu akũlya, Nũndũ wa kĩ ũkwenda kũsemba, mwana wakwa, nũndũ ndũkethĩwa na ĩtuvi kwondũ wa ũvoo?
23
Ĩndĩ nĩkwĩkĩke o ũndũ kwĩĩkĩka, ngasemba, asya ũu. Na amwĩa, Semba. Na ĩndĩ Aimaasi asemba na nzĩa ya Ũiĩnĩ, na amũkĩlya ũla Mũkusi maũũ.
24
Na Ndaviti ekalĩte katĩ wa mbingĩlo ilĩ: na mũsyaĩĩsya ambata kyalanĩ kĩ mbingĩlonĩ kũvika ũvainĩ, na aũngalalya metho make, na aketeea, na, sisya, mũndũ asembete e weka.
25
Na ũla mũsyaĩĩsya ookĩlya wasya, na atavya mũsumbĩ. Na mũsumbĩ asya, Ethĩwa e weka, ve ũvoo kanyw’anĩ wake. Na ooka asembete mũno, na athengeea.
26
Na ũ mũsyaĩĩsya oona mũndũ ũngĩ asembete; na ũ mũsyaĩĩsya anĩĩsya mũsũvĩi wa mũomo, na amwĩa, Sisya, mũndũ ũngĩ asembete e weka. Na mũsumbĩ asya, O nake mũetete ũvoo.
27
Na mũsyaĩĩsya asya, Nĩngwasya kũsemba kwa ũla wĩ mbee kũilyĩ kũsemba kwa Aimaasi mwana wa Nzatoki. Na mũsumbĩ asya, Nĩ mũndũ mũseo na nĩwũkĩte na ũvoo mũseo.
28
Na Aimaasi anĩĩsya, na atavya mũsumbĩ, Nĩ mũuo. Na eekunamya mbee wa mũsumbĩ ũthyũ wake welekele nthĩ, na asya, Nataĩwe Yeova Ngai waku ũla ũnenganĩte andũ ala mamũkĩlĩlye mwĩaĩi wakwa mũsumbĩ moko moo.
29
Na mũsumbĩ akũlya, Mwanake Avisalomu no mũseo? Na Aimaasi asũngĩa, Yila Yoavu watũmie mũthũkũmi wa mũsumbĩ, o nyie mũthũkũmi waku, nonie kĩtuu kĩnene, ĩndĩ ndinamanya nĩ kya kĩ.
30
Na mũsumbĩ amwĩa, Vĩta, noiũngama vaa. Na avĩta, na aũngama.
31
Na, sisya, ũla Mũkusi ooka; na Mũkusi asya, Nĩ na ũvoo kwondũ wa mwĩaĩi wakwa mũsumbĩ; nũndũ Yeova nũkũĩvanĩsye ũmũnthĩ kwa onthe ala makũkĩlĩle.
32
Na mũsumbĩ akũlya Mũkusi, Mwanake Avisalomu no mũseo? Na Mũkusi asũngĩa, Amaitha ma mwĩaĩĩ wakwa, na onthe ala makũkĩlĩlaa makwĩke naĩ, nĩmethĩwe ta mwanake ũsu.
33
Na mũsumbĩ atelema mũno, na ambata kasũmbanĩ ke mbingĩlonĩ ĩũlũ, na aĩa: na aendete, aasya atĩĩ, We mwana wakwa Avisalomu, mwana wakwa, mwana wakwa Avisalomu! Nenda kethĩwa ninyie ngwie vandũ vaku, we Avisalomu, mwana wakwa, mwana wakwa!
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24