bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 19
2 Samuel 19
Kamba (Mbivilia) 1956
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
1
Na Yoavu atavw’a, sisya, mũsumbĩ nũnũkũĩa na kũmũmetea Avisalomu.
2
Na ũkĩlyo mũthenya ũsu nĩwaalyũlilwe wĩthĩwe kũmeta kwa andũ onthe: nũndũ andũ meewie kũkyaw’a mũthenya ũsu, Mũsumbĩ nũnũkwĩw’a woo ũndũ wa mwana wake.
3
Na andũ maenda ndũanĩ na kĩmbithĩ mũthenya ũsu, o tondũ andũ ala masonokaa maendaa na kĩmbithĩ yĩla makĩa kuma kaũnĩ.
4
Na mũsumbĩ avw’ĩka ũthyũ wake, na mũsumbĩ aĩa na wasya mũnene, We mwana wakwa Avisalomu, we Avisalomu, mwana wakwa, mwana wakwa!
5
Na Yoavu alika nyũmbanĩ vala ve mũsumbĩ, na amwĩa, Ũmũnthĩ nũsonokethetye mothyũ ma athũkũmi maku onthe, ala ũmũnthĩ matangĩĩe thayũ waku, na mathayũ ma ana maku na eĩtu maku, na mathayũ ma iveti syaku, na mathayũ ma aka maku ngombo;
6
ũndũ ũmendaa ala makũmenaa, na kũmenaa ala makwendaa. Nũndũ ũmũnthĩ nĩwonanĩtye, kana anene me mbee ũsumbĩnĩ na athũkũmi ti kĩndũ kwaku: nũndũ ũmũnthĩ nĩngwona, kethĩwa Avisalomu ekalile thayũ, na ithyonthe tũkĩkw’a ũmũnthĩ, ũu wĩthĩwa ũkwendeesye mũno ĩndĩ.
7
Yu kwondũ wa ũu ũkĩla umaale, noineena na athũkũmi maku na ndeto sya ũkiakisyo nũndũ nĩngwĩvĩta na Yeova, ethĩwa ndwĩumaala, kũtikekala mũndũ naku ũtukũ ũũ: na ũu ũkeethĩwa ũthũku kwaku kwĩ ũthũku w’onthe ũla wakũkwatie kuma wana waku kũvika yu.
8
Na ĩndĩ mũsumbĩ ookĩla, na ekala nthĩ mbingĩlonĩ. Na matavya andũ onthe, makĩmea, Sisya, mũsumbĩ nĩwĩkalĩte nthĩ mbingĩlonĩ: na andũ onthe mooka vala ve mũsumbĩ. Na ĩndĩ Isilaeli maĩ manakĩĩa kĩla mũndũ ĩeemanĩ yake.
9
Na andũ onthe nĩmatetanasya mbaĩnĩ syonthe sya Isilaeli, makyasya, Mũsumbĩ nĩwatũvonokisye kuma mokonĩ ma amaitha maitũ, na atũtangĩĩa kuma mokonĩ ma Avilisiti; na yu nũkĩĩte Avisalomu akauma ĩ nthĩ.
10
Na Avisalomu ũla twamwĩtĩkĩsye mauta atũsumbĩke, nũkw’ĩĩe kaũnĩ. Kwondũ wa ũu ĩndĩ nĩkĩ mũtiũneena ndeto o na ĩmwe ũndũ wa kũtũnga mũsumbĩ?
11
Na mũsumbĩ Ndaviti atũmana kwa athembi Nzatoki na Aviathali, akĩmea, Neenai na atumĩa ma Yuta, mũkĩmea, Inyw’ĩ mwĩ ma ĩtina ma kũtũnga mũsumbĩ nyũmbanĩ yake nĩkĩ? Nũndũ kũneena kwa Isilaeli onthe nĩkũvikĩte kwa mũsumbĩ, kũmũete nyũmbanĩ kwake.
12
Inyw’ĩ mwĩ ana‐a‐asa makwa, mwĩ ĩvĩndĩ yakwa na mwĩĩ wakwa: nũndũ wa kĩ ĩndĩ inyw’ĩ mwĩ ma ĩtina ma kũtũnga mũsumbĩ?
13
Na mũkũlyei Amasa, Ndwĩ ĩvĩndĩ yakwa na mwĩĩ wakwa? Ngai nambĩke ũu, o na mbee, ethĩwa ndwĩĩthĩwa kavuteni wa nguthu mbee wakwa mavinda onthe vandũ va Yoavu.
14
Na athyũũa ngoo sya andũ onthe ma Yuta, o ta ngoo ya mũndũ ũmwe; na ĩndĩ matũmana kwa mũsumbĩ, makĩmwĩa, Syoka we, na athũkũmi maku onthe.
15
Na ĩndĩ mũsumbĩ asyoka, na avika Yolotani. Na Yuta mooka Ngilikali, nĩ kana maende kũmũthaũa mũsumbĩ, maingye mũsumbĩ Yolotani.
16
Na Simei mwana wa Ngela, Mũmbenyamini, ũla waĩ wa ndũa ya Mbaulimu, eekalaata na atheea na andũ ma Yuta amũthaũe mũsumbĩ Ndaviti.
17
Na kwaĩ andũ ngili ma Mbenyamini vamwe nake, na Nziva mũthũkũmi wa nyũmba ya Saulo, na ana make ĩkũmi na atano, na athũkũmi make mĩongo ĩlĩ vamwe nake; na mainga Yolotani mũsumbĩ ene.
18
Na kwainga ĩtalũ ĩlatye andũ ma nyũmba ya mũsumbĩ, na kwĩka o ũndũ wonaa wĩ ũseo. Na Simei mwana wa Ngela avalũka nthĩ mbee wa mũsumbĩ, yĩla waingaa Yolotani.
19
Na amwĩa mũsumbĩ, Mwĩaĩi wakwa ndakandalĩle ũthũku, o na ndũkalilikane ũndũ mũthũkũmi waku wekie na ngũlũ mũthenya ũla mwĩaĩi wakwa mũsumbĩ waumie Yelusaleme, atĩ mũsumbĩ aie ũndũ ũsu ngoonĩ yake.
20
Nũndũ mũthũkũmi waku nĩwĩsĩ nĩnĩvĩtĩtye: kwondũ wa ũu, sisya, nĩnooka ũmũnthĩ na nĩ wa mbee wa nyũmba yonthe ya Yosevu wa kũtheea kũkomana na mwĩaĩi wakwa mũsumbĩ.
21
Ĩndĩ Avisai mwana wa Nzeluia asũngĩa na akũlya, Simei ndeũawa ũndũ wa ũndũ ũsu, nĩkwĩthĩwa nĩwaumangie mwĩtĩkĩw’a mauta wa Yeova?
22
Na Ndaviti akũlya, Nyie nĩ ũndũ mwaũ nenyu, inyw’ĩ ana ma Nzeluia, nĩ kana mwĩthĩwe nthũ syakwa ũmũnthĩ? Mũndũ o na wĩva akoawa ũmũnthĩ nthĩnĩ wa Isilaeli? Nũndũ ndyĩsĩ nĩ mũsumbĩ wa Isilaeli ũmũnthĩ?
23
Na mũsumbĩ amwĩa Simei, Ndũkakw’a. Na mũsumbĩ amwĩavĩa.
24
Na Mevivosethi mwana wa Saulo atheea kũkomana na mũsumbĩ; na ndaathambya maũũ make, kana kũtila kĩng’ew’a kyake, kana kũthambya ngũa syake, kuma mũthenya ũla mũsumbĩ waendie kũvika mũthenya ũla wenũkie na mũuo.
25
Na kweethĩwa, yĩla wavikie Yelusaleme akomane na mũsumbĩ, mũsumbĩ amũkũlya, Nũndũ wa kĩ ndwaaenda nakwa, Mevivosethi?
26
Na asũngĩa, Mwĩaĩi wakwa, we mũsumbĩ, mũthũkũmĩ wakwa nĩwangengie: nũndũ mũthũkũmi waku aisye, Ngeetandĩkĩthĩsya ĩng’oi, nĩ kana nĩkuwe nĩyo, na kũthi na mũsumbĩ; nĩkwĩthĩwa mũthũkũmi waku nĩwaie maũũ.
27
Nake nũsukĩte mũthũkũmi waku kwa mwĩaĩi wakwa mũsumbĩ; ĩndĩ mwĩaĩi wakwa mũsumbĩ ailyĩ ta mũlaĩka wa Ngai: kwondũ wa ũu ĩka ũndũ wĩona wĩ ũseo.
28
Nũndũ nyũmba yonthe ya ĩthe wakwa yaĩ o ta andũ akw’ũ kwa mwĩaĩi wakwa mũsumbĩ; ĩndĩ nĩwaiie mũthũkũmi waku katĩ wa ala maĩsaa mesanĩ yaku mwene. Kwondũ wa ũu yu nĩ na waĩlo mwaũ wa kũmwĩkaĩla mũsumbĩ ĩngĩ?
29
Na mũsumbĩ amũkũlya, Nĩkĩ ũendeee na kũneena maũndũ maku? Nĩngwasya, We na Nziva atũanai nthĩ.
30
Na Mevivosethi amwĩa mũsumbĩ, Ĩĩ, nĩose yonthe, nũndũ mwĩaĩi wakwa mũsumbĩ nĩ mũku na mũuo nyũmbanĩ yake mwene.
31
Na Mbalisilai Mũngileati atheea kuma Lokelimu; na ainga Yolotani vamwe na mũsumbĩ, amũtongoesye ainge Yolotani.
32
Na Mbalisilai aĩ mũndũ mũtumĩu mũno, o wa myaka mĩongo nyanya: na nĩwanengae mũsumbĩ kya ũya yĩla waĩ Maanaimu; nũndũ aĩ mũndũ wĩ nguma mũno.
33
Na mũsumbĩ amwĩa Mbalisilai, Ingan’ya nakwa, na ngakũnengae lĩu wĩ nakwa Yelusaleme.
34
Na Mbalisilai amũkũlya mũsumbĩ, Mĩthenya ya myaka ya thayũ wakwa nĩ yĩana, nĩ kana nambate na mũsumbĩ Yelusaleme?
35
Ũmũnthĩ nĩ wa myaka mĩongo nyanya: nĩndonya kũvathũkan’ya katĩ wa ũseo na ũthũku? Mũthũkũmi waku nũtonya kũsama kĩla nĩĩsaa kana kĩla nĩnyusaa? Nĩndonya kwĩw’a yu wasya wa aũme makina na aka makina? Nũndũ wa kĩ ĩndĩ mũthũkũmi waku waĩle kwĩthĩwa mũio kwa mwĩaĩi wakwa mũsumbĩ?
36
Mũthũkũmi waku endaa o kũinga Yolotani vamwe na mũsumbĩ: na nũndũ wa kĩ mũsumbĩ wĩenda kũndĩva na ũĩvo wĩana ũu?
37
Nĩngũkwĩsũva, mũthũkũmi waku naalũke, nĩ kana ngakw’ĩe ndũanĩ yaitũ ene, vakuvĩ na mbũa ya nau na mwaitũ. Ĩndĩ sisya, mũthũkũmi waku Kimiamu; nainge na mwĩaĩi wakwa mũsumbĩ; na ũmwĩke o ũndũ wĩona wĩ ũseo.
38
Na mũsumbĩ asũngĩa, Kimiamu akainga vamwe nakwa, na ngamwĩka ũndũ wĩona wĩ ũseo: na o ũla wĩenda kwakwa, now’o ngakwĩka.
39
Na andũ onthe mainga Yolotani, na mũsumbĩ ainga: na mũsumbĩ amũmumunya Mbalisilai, na amũathima; na asyoka kwake mwene.
40
Na ĩndĩ mũsumbĩ ainganĩsya Ngilikali, na Kimiamu aingan’ya nake: na andũ onthe ma Yuta, o na nyunzu ya andũ ma Isilaeli, mamũingya mũsumbĩ.
41
Na, sisya, andũ onthe ma Isilaeli mamũkĩa mũsumbĩ, na mamwĩa mũsumbĩ, Nĩkĩ ana‐a‐ĩthe maitũ andũ ma Yuta makũyie na kũingya mũsumbĩ na andũ ma nyũmba yake, o na andũ onthe ma Ndaviti vamwe nake Yolotani?
42
Na andũ onthe ma Yuta masũngĩa andũ ma Isilaeli, Nĩkwĩthĩwa mũsumbĩ nĩ wa mũvĩa witũ ũla wa vakuvĩ: mũthatĩtwe nĩ ũndũ ũũ nĩkĩ? Nongĩ nĩtũĩte kya kĩla mũsumbĩ ũthooete? Kana nũtũnengete mũthĩnzĩo o na wĩva?
43
Na andũ ma Isilaeli masũngĩa andũ ma Yuta, na masya, Twĩ na ianda ĩkũmi nthĩnĩ wa mũsumbĩ, o na twĩ na kĩanda nthĩnĩ wa Ndaviti kwĩ inyw’ĩ: nũndũ wa kĩ ĩndĩ mũnatũvũthisye, ũndũ mũtaneamba kũtũkũlya ũtao witũ ũndũ wa kũtũnga mũsumbĩ waitũ? Na ndeto sya andũ ma Yuta syaĩ mbai kwĩ ndeto sya andũ ma Isilaeli.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24