bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 7
2 Samuel 7
Kamba (Mbivilia) 1956
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
1
Na kweethĩwa, yĩla mũsumbĩ wekalaa nyũmbanĩ yake, na Yeova wamũnengete kũthũmũa kuma amaithanĩ make onthe ala mathyũlũlũkĩte,
2
mũsumbĩ amwĩa mwathani Nathani, Sisya yu, nĩkalaa nyũmbanĩ ya mĩtĩ ya mĩkũũ, ĩndĩ ĩsandũkũ ya Ngai nĩyĩkalaa nthĩnĩ wa motũtũ ma ngũa.
3
Na Nathani amwĩa mũsumbĩ, Enda na ũkĩka w’onthe ũla wĩ ngoonĩ yaku; nũndũ Yeova e vamwe naku.
4
Na kweethĩwa ũtukũ ũsu, ndeto ya Yeova yamũkĩa Nathani, ikimwĩa,
5
Enda, ũmũtavye mũthũkũmi wakwa Ndaviti, Ũũ nĩw’o Yeova ũnũũkũlya, Ũkambakĩa nyũmba ya kwĩkala?
6
Nũndũ ndyaaĩkala nyũmbanĩ kuma mũthenya ũla nambatisye ana ma Isilaeli kuma Misili, o kũvika ũmũnthĩ, ĩndĩ nĩnĩendaa ĩeemanĩ na wĩkalonĩ.
7
Kũndũ kw’onthe kũla naatambũka na ana onthe ma Isilaeli, naaneena ndeto na mbaĩ o na yĩva ya Isilaeli, ĩla neeaĩe ĩĩthye andũ makwa Isilaeli, ngakũlya, Nũndũ wa kĩ mũtyaambakĩa nyũmba ya mĩtĩ ya mĩkũũ?
8
Na yu kwondũ wa ũu ũkamwĩe mũthũkũmi wakwa Ndaviti atĩĩ, Ũũ nĩw’o Yeova wa nguthu ũnũkwasya, Nĩnakumisye kyengonĩ kya malondu, yĩla waatĩĩaa malondu, nĩ kana wĩthĩwe mũnene wĩ mbee ũsumbĩnĩ andũnĩ makwa, o Isilaeli;
9
na naĩ vamwe naku o vala waendaa, na naveta amaitha maku onthe maume mbee waku; na ngakwonea syĩtwa ĩnene, ta syĩtwa ya ala anene ala me kũũ nthĩ.
10
Na ngatw’a vandũ kwondũ wa andũ makwa Isilaeli, na ngamavanda, nĩ kana matũae vandũ voo ene, na matikathamw’a ĩngĩ; o na ana ma ũthũku matikamathĩn’ya ĩngĩ, ta ĩvinda ya mbee,
11
na kuma mũthenya ũla neeaĩe asili methĩwe ĩũlũ wa andũ makwa Isilaeli; na ngakũthũmũsya kuma amaithanĩ maku onthe. Na ĩngĩ Yeova nũnũũkũtavya kana Yeova akakwakĩa nyũmba.
12
Yĩla matukũ maku meĩanĩa, na wĩkoma na aaĩthe maku, ngookĩlya ũsyao waku ĩtina waku, ũla ũkauma kĩnyunyũnĩ kyaku, na ngalũlũmĩlya ũsumbĩ wake.
13
Akaaka nyũmba kwondũ wa syĩtwa yakwa, na ngalũlũmĩlya kĩvĩla kya ũsumbĩ kya ũsumbĩko wake tene na tene.
14
Ngeethĩwa ĩthe wake, nake akeethĩwa mwana wakwa: ethĩwa akeeka ũthũku, ngamũsilĩla na ndata ya andũ, na makũna ma ana ma andũ;
15
ĩndĩ ũseo wakwa wĩ wendo ndũkauma kwake, o tondũ nawumisye kwa Saũlo, ũla navetie aume mbee waku.
16
Na nyũmba yaku na ũsumbĩ waku ĩkalũlũmĩlw’a kwaku tene na tene: kĩvĩla kyaku kya ũsumbĩ kĩkalũlũmĩlw’a tene na tene.
17
Kwĩanana na ndeto ii syonthe, na kwĩanana na woni ũũ w’onthe, now’o Nathani wamũtavĩsye Ndaviti.
18
Na ĩndĩ mũsumbĩ Ndaviti alika nthĩnĩ, na ekala mbee wa Yeova; na akũlya, Nyie nĩ ũũ, ame Mwĩaĩi Yeova, na nyũmba yakwa yĩ kyaũ, ũndũ ũndetete kũvika vaa nĩĩ?
19
Na ũndũ ũsu nĩwonaa ta ũnini, ame Mwĩaĩi Yeova; ĩndĩ nũneenete ũvoo wa nyũmba ya mũthũkũmi waku kũvika ĩvinda yĩ vaasa mũno yĩla yĩkoka; na kaĩ ũu nĩwĩkawa nĩ andũ, ame Mwĩaĩi Yeova!
20
Na Ndaviti atonya ũkũtavya ũndũ ũngĩ mwaũ mbee wa ũu? Nũndũ nĩwĩsĩ mũthũkũmi waku, ame Mwĩaĩi Yeova.
21
Kwondũ wa ndeto yaku, na kwĩanana na ngoo yaku mwene, nĩwĩkĩte ũnene ũũ w’onthe, ũmanyĩthye mũthũkũmi wakũ ũndũ ũsu.
22
Kwondũ wa ũu wi mũnene, ame Yeova Ngai: nũndũ vati ũngĩ ũilyĩ taku, o na vati Ngai ũngĩ ate o we, kwĩanana na w’onthe ũla twĩw’ĩte na matũ maitũ.
23
Na nĩ yĩva mbaĩ ĩmwe kũũ nthĩ ĩilyĩ andũ maku, o Isilaeli, ala Ngai waendie kwĩyovoesya mwene methĩwe ũko wa andũ, na kwĩyonea syĩtwa, na ũkwĩka maũndũ manene, na maũndũ ma kũtĩsya kwondũ wa nthĩ yaku, kwa andũ maku, ala weeyovoesye kũmaumya Misili, kuma mbaĩnĩ na ngainĩ syasyo.
24
Na weelũlũmĩlĩĩsya andũ maku Isilaeli methĩwe ũko wa andũ kwaku tene na tene; naku, Yeova, watw’ĩka Ngai woo.
25
Na yu, ame Yeova Ngai, Ndeto ĩla ũneenete ũndũ wa mũthũkũmi waku, na ũndũ wa nyũmba yake, mĩlũlũmĩlye tene na tene, na ũkĩka o tondũ ũneenete.
26
Na syĩtwa yaku nĩyĩnenevw’e tene ne tene, kũkyaw’a, Yeova wa nguthu nĩ Ngai wa Isilaeli; na nyũmba ya mũthũkũmi waku Ndaviti ĩkalũlũmĩlw’a mbee waku.
27
Nũndũ we, ame Yeova wa nguthu, Ngai wa Isilaeli, nũmũvuanĩsye mũthũkũmi waku, ũkyasya, Ngakwakĩa nyũmba: kwondũ wa ũu mũthũkũmi waku nĩwonete ngoonĩ yake kũvoya mboya ĩno.
28
Na yu, ame Mwĩaĩi Yeova, nue Ngai, na ndeto syaku nĩ w’o, na nũmwathĩte mũthũkũmi waku ũndũ ũũ ũseo;
29
yu kwondũ wa ũu endeew’a nĩ kũathima nyũmba ya mũthũkũmi waku, nĩ kana yĩkalae tene na tene ĩ mbee waku; nũndũ we, ame Mwiaĩĩ Yeova, nũneenete ũu: na nyũmba ya mũthũkũmi waku nĩathimwe na ũathimo waku tene na tene.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24