bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 13
2 Samuel 13
Kamba (Mbivilia) 1956
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
1
Na kweethĩwa ĩtina wa ũu, Avisalomu mwana wa Ndaviti aĩ na mwĩĩtu‐a‐inyia mwanake, ũla wetawa syĩtwa yake Tamali; na Aminoni mwana wa Ndaviti amwenda.
2
Na Aminoni eethĩn’ya kũvika awaa nũndũ wa mwĩĩtua‐ĩthe Tamali; nĩkwĩthĩwa aĩ mwĩĩtu mũtheu; na Aminoni oona kwĩthĩwa ta vinya kũmwĩka ũndũ.
3
Ĩndĩ Aminoni aĩ na mũnyanyae ũla wetawa syĩtwa yake Yonatavu, mwana wa Simea, mwana‐a‐inyia wa Ndaviti: na Yonatavu aĩ mũndũ nzeleke mũno.
4
Na amũkũlya, Nũndũ wa kĩ, we mwana wa mũsumbĩ, ũũmosa ta ũu o kĩla mũthenya? Ndũndavya? Na Aminoni amwĩa, Nĩmwendaa Tamali, mwĩĩtu‐a‐inyia wa mwana‐a‐asa Avisalomu.
5
Na Yonatavu amwĩa, Koma ũkomonĩ waku wĩwaĩthye: na yĩla au wĩũka ũkũsisya, mwĩe, Nĩngũkwĩsũva, mwĩĩtu‐a‐asa Tamali nioke, anenge lĩu wa ũya, na akĩseũvya lĩu nene, nĩ kana nĩwone, na kũya kuma kw’okonĩ kwake.
6
Na ĩndĩ Aminoni akoma, na eewaĩthya: na yĩla mũsumbĩ wokie kũmũsisya, Aminoni amwĩa mũsumbĩ, Nĩngũkwĩsũva, mwĩĩtu‐a‐asa Tamali nĩoke na kũnzeũvisya tũmũtũ twĩlĩ nene, nĩye kuma kw’okonĩ kwake.
7
Na ĩndĩ Ndaviti atũmana nyũmba vala ve Tamali, akĩmwĩa, Enda yu nyũmbanĩ ya mwana‐a‐au Aminoni, noimũseũvĩsya lĩu.
8
Na ĩndĩ Tamali aenda nyũmbanĩ ya mwana‐a‐ĩthe Aminoni; na aĩ anakoma. Na oosa ngũmbwa, na amyũmba, na aseũvya tũmũtũ ene, na atũua.
9
Na oosa kĩkaangi, na atũtulũla ene; ĩndĩ alea kũya. Na Aminoni asya, Andũ onthe nĩmaume vaa nĩĩ. Na kĩla mũndũ auma vala ũĩ.
10
Na Aminoni amwĩa Tamali, Ete lĩu kasũmbanĩ nĩye kuma kw’okonĩ kwaku. Na Tamali oosa tũmũtũ tũla waseũvĩtye, na amũtwaĩa Aminoni mwana‐a‐ĩthe vu kasũmbanĩ.
11
Na yĩla watũthengeeisye vala ũĩ aye, amũkwata na amwĩa, Ũka, ũkome nakwa, mwĩĩtu‐a‐asa.
12
Na amũsũngĩa, Aiee, mwana‐a‐asa, ndũkanginde; nũndũ ũndũ ta ũsu ndwaĩle kwĩkwa nthĩnĩ wa Isilaeli; ndũkeke ũtumanũ ũũ.
13
Nakwa, ngaenda na nthoni syakwa nakũ? Naku ngalĩ ĩ yaku, ũkeethĩwa ta ũmwe wa ndia sya Isilaeli. Kwondũ wa ũu nĩngũkwĩsũva, neena na mũsumbĩ; nũndũ ndakakũvata ũindwaa.
14
Ĩndĩ ndaaĩtĩkĩla kwĩthukĩĩsya wasya wake; ĩndĩ nũndũ aĩ vinya kwĩ we, amũkĩlya vinya na amũkinda.
15
Nĩvo ĩndĩ Aminoni wamũmenie na kĩmena kĩnene mũno; nũndũ kĩmena kĩla wamũmenie kyaĩ kĩnene kwĩ wendo ũla wamwendaa naw’o. Na Aminoni amwĩa, Ũkĩla, thi.
16
Nake amwĩa, Ti w’o, nũndũ ĩvĩtyo yĩĩ ĩnene ya kũngũa nĩ ĩthũku kwĩ yĩla yĩngĩ wambĩka. Ĩndĩ ndaaĩtĩkĩla kũmwĩthukĩĩsya.
17
Na ĩndĩ eeta mũthũkũmi wake ũla wamũthũkũmaa, na amwĩa, Umaalya mũndũ mũka ũũ aume vaa nĩĩ, noivinga mũomo ki aumaala.
18
Nake eekĩte ngũa yĩ langi wa mĩthemba mingĩ; nũndũ eĩtu atheu ma mũsumbĩ meekĩaa ngũa ta isu. Na ĩndĩ mũthũkũmi wake amumaalya, na avinga mũomo ki amumaalya.
19
Na Tamali eekĩa mũu mũtwe wake, na atembũanga ngũa yake yĩ langi wa mĩthemba mingĩ, ĩla wekĩĩte; na ailĩĩla kw’oko kwake mũtwe kwake, na eeendea, akĩĩa na wasya aendete.
20
Na Avisalomu mwana‐a‐inyia amũkũlya, Aminoni mwana‐a‐asa waku eĩ naku? Yu ĩndĩ vindya mwĩĩtu‐a‐ia: we nĩ mwana‐a‐au; ndũkaie ũndũ ũũ ngoonĩ. Kwondũ wa ũu Tamali ekala nyũmbanĩ ya mwana‐a‐inyia Avisalomu e na ĩvou.
21
Ĩndĩ yĩla mũsumbĩ Ndaviti wewie maũndũ asu onthe, athilĩka mũno.
22
Na Avisalomu ndaaneena na Aminoni ũseo kana ũthũku; nũndũ Avisalomu nĩwamenie Aminoni, nĩkwĩthĩwa nĩwakindie mwĩĩtu‐a‐inyia Tamali.
23
Na kweethĩwa ĩtina wa myaka ĩlĩ mĩima, Avisalomu aĩ na atili ma w’ĩa wa malondu ku Mbaali‐asoli, ĩla yĩ ũtee wa Evalaimu: na Avisalomu eeta ana onthe ma mũsumbĩ.
24
Na Avisalomu amũendea mũsumbĩ na amwĩa, Sisya yu, mũthũkũmi waku e na atili ma w’ĩa wa malondu; nĩngũkwĩsũva, mũsumbĩ na athũkũmi make maendan’ye na mũthũkũmi waku.
25
Na mũsumbĩ amwĩa Avisalomu, Aiee, mwana wakwa, tũtikoke ithyonthe, tũtikese ũkũtw’ĩkĩa mũio. Na amũthing’ĩĩsya: ĩndĩ nĩwaleile kũthi, ĩndĩ amũathima.
26
Na ĩndĩ Avisalomu amwĩa, Ethĩwa tĩ ũu, nĩngũkwĩsũva, mwana‐a‐asa Aminoni aendan’ye naitũ. Na mũsumbĩ akũlya, Aendan’ye naku nĩkĩ?
27
Ĩndĩ Avisalomu amũthing’ĩĩsya na aeka Aminoni na ana onthe ma mũsumbĩ maendan’ye nake.
28
Na Avisalomu eeaĩa athũkũmi make, akĩmea, Sisyai yu, yĩla ngoo ya Aminoni ĩnĩũtanw’a nĩ mbinyu; na yĩla nĩĩmwĩa, Kũnai Aminoni, mũaei ĩndĩ; mũtikakĩe; ndimwĩaĩe nyie? Ĩthĩwai na ũnyiau, na ũkũmbaũ.
29
Na athũkũmi ma Avisalomu mamwĩka Aminoni o tondũ Avisalomu weaie. Nĩvo ĩndĩ ana onthe ma mũsumbĩ mookĩlile, na kĩla mũndũ atũla nyũmbũ yake, na akĩa.
30
Na kweethĩwa, yĩla maĩ nzĩanĩ, ũvoo wamũvikĩa Ndaviti, kũkyaw’a, Avisalomu nĩwũaĩte ana onthe ma mũsumbĩ, na vati ũmwe ũtiele.
31
Nivo ĩndĩ mũsumbĩ wokĩlile, na atembũanga ngũa syake, na akoma nthĩ; na athũkũmi make onthe maũngama vakuvĩ matembũangĩte ngũa syoo.
32
Na Yonatavu, mwana wa Simea, mwana‐a‐inyia wa Ndaviti, asũngĩa na amwĩa, Mwĩaĩĩ wakwa ndakasũanĩe kana nĩmoaĩte anake onthe ana ma mũsumbĩ; nũndũ no Aminoni wũaiwe: nĩkwĩthĩwa ũndũ wa ũtw’ĩo wa Avisalomu ũndũ ũũ nĩwatwiwe kuma mũthenya ũla wakindie mwĩĩtu‐a‐inyia wake Tamali.
33
Yu kwondũ wa ũu mwĩaĩi wakwa mũsumbĩ ndakaie ũndũ ũsu ngoonĩ yake, asũanĩe ana onthe ma mũsumbĩ nĩ akw’ũ; nũndũ no Aminoni e weka mũkw’ũ.
34
Ĩndĩ Avisalomu akĩa. Na mwanake ũla wasyaĩĩasya aũngalalya metho make, na aketeea, na, sisya, andũ aingĩ nĩmokĩte na nzĩa yĩ mũongonĩ wake yĩ nguumo ya kĩĩma.
35
Na Yonatavu amwĩa mũsumbĩ, Sisya, ana ma mũsumbĩ nĩmokĩte: o tondũ mũthũkũmi waku waisye, now’o kũilyĩ.
36
Na kweethĩwa, amina kũneena, sisya, ana ma mũsumbĩ mooka, na mookĩlya mawasya moo na maĩa: na mũsumbĩ nake na athũkũmi make onthe maĩa mũno.
37
Ĩndĩ Avisalomu akĩa, na athi kwa Talimai mwana wa Amiuli mũsumbĩ wa Ngesuli. Na Ndaviti ametea mwana wake kĩla mũthenya.
38
Na ĩndĩ Avisalomu akĩa na athi Ngesuli, na ekala kw’o myaka ĩtatũ.
39
Na ngoo ya mũsumbĩ Ndaviti yaĩ na mea ma kũthi vala ve Avisalomu: nũndũ nĩwakiakiiw’e ũndũ wa Aminoni, nũndũ aĩ mũkw’ũ.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24