bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 12
2 Samuel 12
Kamba (Mbivilia) 1956
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
1
Na Yeova atũma Nathani kwa Ndaviti. Na avika vala ũĩ, na amwĩa, Kwai andũ elĩ ndũanĩ ĩmwe; ũmwe mũthwĩĩ, na ũla ũngĩ ngya.
2
Ũ mũthwii aĩ na ndĩthya nyingĩ mũno sya mbũi na malondu na sya ng’ombe;
3
ĩndĩ ĩ ngya ndĩaĩ na kĩndũ, ate o kamwatĩ kamwe, kala wathooie na kũkaĩthasya: nako keanĩa kwake, na vamwe na syana syake; nĩkaĩsaa kalĩu kake mwene, na kanyusaa kĩkombe kyake mwene, na kakomaa kĩthũinĩ kyake, na kailyĩ kwake ta mwĩĩtu.
4
Na kwathokie mũendi wa kyalo kwa ũ mũthwii, nake alea kwosa ndĩthyanĩ yake mwene ya mbũi na malondu na ndĩthyanĩ yake ya ng’ombe, akulĩle ũ mũendi wa kyalo ũla wamũthokee, ĩndĩ oosa katena ka ĩlondu ka mũndũ ũsu ngya, na akaseũvĩsya mũndũ ũsu ũla wamũthokeie.
5
Na ũthatu wa Ndaviti wakanĩa mũndũ ũsu mũno; na amwĩa Nathani, O tondũ Yeova wĩ thayũ, mũndũ ũla wekie ũu nĩwaĩle kũkw’a:
6
na akatũnga vandũ va kala katena kũndũ kũna, nũndũ nĩwekie ũndũ ũsu, na nũndũ ndaĩ na tei.
7
Na Nathani amwĩa Ndaviti, Nue mũndũ ũsu. Ũũ nĩw’o Yeova, Ngai wa Isilaeli, ũnũkwasya, Nĩnakwĩtĩkĩsye mauta wĩthĩwe mũsumbĩ wa Isilaeli, na nĩnakũvonokisye kuma kw’okonĩ kwa Saulo;
8
na nĩnakũnengie nyũmba ya vwana waku, na iveti sya vwana waku kĩthũinĩ kyaku, na nakũnenga nyũmba ya Isilaeli na ya Yuta; na kethĩwa ũu waĩ ũnini, nĩthĩwa nakwongeleele kĩna na kĩna.
9
Nũndũ wa kĩ ũvũthĩtye ndeto ya Yeova, wĩke ũthũku ene? Nũkũnĩthĩtye Ulia ũla Mũititi na ũvyũ, na nĩwosete kĩveti kyake kĩthĩwe kĩveti kyaku, na nũmũaĩte na ũvyũ wa ana ma Amimoni.
10
Kwondũ wa ũu ĩndĩ ũvyũ ndũkauma nyũmbanĩ yaku o na ĩndĩĩ, nũndũ nũmbũthĩtye, na nũtwaĩte kĩveti kya Ulia ũla Mũititi kĩthĩwe kĩveti kyaku.
11
Ũũ nĩw’o Yeova ũnũkwasya, Sisya, ngakũkĩlĩlya ũthũku ũla wĩuma nyũmbanĩ yaku mwene; na ngoosa iveti syaku wene na metho maku, na kwinenga mũtũi waku, na akakoma na iveti syaku syũa yĩĩ yene.
12
Nũndũ nĩweekie ũu kĩmbĩthĩ: ĩndĩ nyie ngeeka ũndũ ũũ Isilaeli onthe mene, o na syũa.
13
Na Ndaviti amwĩa Nathani, Nĩnĩmũvĩtanĩsye Yeova. Na Nathani amwĩa Ndaviti, O na Yeova nũvetete naĩ yaku; ndũkakw’a.
14
Ĩndĩ, nĩkwĩthĩwa nũnengete amaitha ma Yeova mwanya mũnene wa kũmũuma kwondũ wa wĩko ũsu, o na kana kala wasyaĩwa kaitĩa kũkw’a.
15
Na Nathani aenda nyũmbanĩ kwake. Na Yeova akũna kana kala kĩveti kya Ulia kyamũsyaĩe Ndaviti, na kawaa mũno.
16
Kwondũ wa ũu Ndaviti avoya Ngai kwondũ wa kana; na Ndaviti atĩĩa ũya na avota nthĩnĩ, na akoma nthĩ ũtukũ mũima.
17
Na atumĩa ma nyũmba yake mookĩla, na maũngama vakuvĩ nake, mamũkĩlye nthĩ; ĩndĩ alea, o na ndaaya lĩu nao.
18
Na kweethĩwa mũthenya wa mũonza, kala kana kakw’a. Na athũkũmi ma Ndaviti makĩa kũmũtavya atĩ kana nĩkakwie; nũndũ masya, Sisya, yĩla kana keĩ thayũ, tũneenie nake, na ndanethũkĩĩsya wasya witũ: ai! Akeeyĩw’ĩthya woo wĩana ata, ethĩwa twĩnmũtavya atĩ kana nĩkakwie!
19
Ĩndĩ yĩla Ndaviti wonie athũkũmi make makĩneenan’ya na kĩwe, Ndaviti amanya atĩ kana nĩkakwie; na Ndaviti amakũlya athũkũmi make, Kana nĩkakwie? Na masya, Nĩkakwie.
20
Nĩvo ĩndĩ Ndaviti wokĩlile nthĩ, na athamba, na eevaka mauta, na akũan’ya ngũa syake; na alika nyũmbanĩ ya Yeova, na athaitha: na ĩndĩ asyoka nyũmbanĩ yake mwene; na yĩla wetisye, maia lĩu mbee wake, nake aya.
21
Nĩvo ĩndĩ athũkũmi make mamũkũlilye, Ũndũ ũũ nĩ mwaũ ũla wĩkĩte? Nĩwatĩĩie ũya na waĩa kwondũ wa kana, ke thayũ; ĩndĩ kana kakw’a, wookĩla na waya lĩu.
22
Na asya, Yĩla kana keĩ thayũ, natĩĩa ũya na kũĩa: nũndũ nĩnaisye, Nũũ wĩsĩ ethĩwa Yeova ndembĩka nesa, kana kekalae thayũ?
23
Ĩndĩ yu nĩkakwie, nĩtĩĩa ũya nĩkĩ? Nĩndonya kũkatũnga ĩngĩ? Ngathi vala kaĩ, ĩndĩ katikanzyokea.
24
Na Ndaviti akiakisya Mbathi‐sieva mũka wake, na alika vala ũĩ, na akoma nake: na asyaa mwana, na amwĩta syĩtwa yake Solomoni. Na Yeova amwenda;
25
na atũmana na kw’oko kwa mwathani Nathani; nake amwĩta syĩtwa yake Yetitia, kwondũ wa Yeova.
26
Na ĩndĩ Yoavu nĩwokitaa na Lava, ndũa ĩmwe ya ana ma Amimoni, na oosa ndũa ya kĩũsumbĩ.
27
Na Yoavu atũma atũmwa kwa Ndaviti, na asya, Nĩnũkitĩte na Lava; ĩĩ, nĩnosete ndũa yĩ manzĩ.
28
Yu kwondũ wa ũu ũmban’ya andũ ala matiele, na amba maeema ũtaũĩĩe ndũa, noimĩkwata; ndikese kwosa ĩ ndũa, na ĩkĩtanĩaw’a na syĩtwa yakwa.
29
Na Ndaviti oomban’ya andũ onthe, na athi Lava, na okita nayo, na amĩkwata.
30
Na aumya ngovia ya ũsumbĩ ya mũsumbĩ woo mũtwe kwake; na ũito wayo waĩ talendi wa thaavu, na yaĩ na tũvila twĩ thooa mũnene; na yeekĩwa mũtwe kwa Ndaviti. Na aumaalya mũtavo wa ĩ ndũa, mwingĩ mũno.
31
Na aumaalya andũ ala maĩ nthĩnĩ wayo, na amatilanga na mang’weli, na syĩndũ mbũĩ sya iaa sya kũvukũlya mavali, na mathoka ma iaa, na amavĩtĩlya kĩvĩvĩsyonĩ kya mavali: na ndũa syonthe sya Amimoni asyĩka ũu. Na Ndaviti na andũ onthe masyoka Yelusaleme.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24