bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 22
2 Samuel 22
Kamba (Mbivilia) 1956
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
1
Na Ndaviti aneena na Yeova ndeto sya wathi ũũ mũthenya ũla Yeova wamũvonokisye kuma mokonĩ ma amaitha make onthe, na kw’okonĩ kwa Saulo:
2
na asya, Yeova nĩ ĩvia yakwa, na ngome yakwa, na mũvonokya wakwa, o wakwa;
3
Ngaĩ, nĩ ĩvia yakwa, ngeevitha nthĩnĩ wake; Ngao yakwa, na ũvya wa ũtangĩĩo wakwa, mwako wakwa mũtũlu mũno wa mũnyoolo, na wĩvitho wakwa; Mũtangĩĩi wakwa, nũndangĩĩaa vala ve ũng’endu.
4
Ngeekaĩla Yeova, ũla waĩle kũtaĩwa: Na ĩndĩ ngatangĩĩwa kuma kwa amaitha makwa.
5
Nũndũ itulumo sya kĩw’ũ nĩsyanthyũlũlũkile; Wingĩ wa maũndũ mate kĩkĩo kya Ngai nĩwambĩkĩie w’ĩa.
6
Ndii sya Seoli nĩsyeendingĩlile; Itei sya kĩkw’ũ nĩsyangwatie.
7
Thĩnanĩ wakwa nĩnamwĩkaĩlile Yeova; Ĩĩ, nĩnamwĩkaĩlile Ngai wakwa: Na eew’a wasya wakwa e ĩkalũnĩ yake, Na kĩĩo kyakwa kyalika matũnĩ make.
8
Nĩvo ĩndĩ nthĩ yathingithangie na kũtetema, Myambĩlĩlyo ya ĩtu yatetema Na yathingithangw’a, nĩkwĩthĩwa aĩ mũthilĩku.
9
Syũki yambata kuma manyiũũnĩ make, Na mwaki kuma kanyw’anĩ wake nĩwaminaa: Makaa makanw’a nĩw’o.
10
O na akonza matu, na atheea; Na kĩvindu kya ngokomi kyaĩ ungu wa nyaĩĩ syake.
11
Na aenda akuĩtwe nĩ mũkeluvi, na aũlũka; Ĩĩ, nĩwonekie nthwaunĩ sya kĩseve.
12
Na atw’ĩkĩthya kĩvindu malwanda mamũthyũlũlũkĩte, Kũmbana kwa iw’ũ, mathweo makamu matunĩ.
13
Nũndũ wa ũtisu mbee wake Makaa ma mwaki makanw’a.
14
Yeova atunduma e ĩtunĩ, Na Ũla Wĩ Ĩũlũ wa Onthe aumya wasya wake.
15
Na ekya mĩsyĩ, na amanyaĩĩkya; Atisya ũtisi, na amathokoan’ya.
16
Na ĩndĩ mokinyĩlo ma ũkanga moneka, Myambĩlĩlyo ya nthĩ vavuũwa, Nĩ ũkan’yo wa Yeova, Aiveveea mĩthũmũ ya manyiũũ make.
17
Atũmana kuma ĩũlũ, ambosa; Anumya iw’ũnĩ nyingĩ;
18
Ambonokya kuma kwa mũmaitha wakwa wĩ vinya, Kuma kwa ala mamenaa; nũndũ maĩ na vinya kwĩ nyie.
19
Mambithũkĩa mũthenya wa wanangĩko wakwa mũnene; Ĩndĩ Yeova nĩwe wanũnũmĩlye.
20
O na anumaalya vandũ vaamu; Ambonokya, nũndũ nĩwatanĩthaw’a ninyie.
21
Yeova anduva kwĩanana na ũlũngalu wakwa; Nũndĩvĩte kwĩanana na ũtheu wa moko makwa.
22
Nũndũ nĩnĩkwatĩte nzĩa sya Yeova, Na ndyaatia Ngaĩ wakwa ngeka ũthũku.
23
Nũndũ motw’ĩo make onthe maĩ mbee wakwa; O na myamũlo yake, ndyaamĩtia.
24
O na naĩ mwĩanĩu kwake; Na neesiĩĩa ũthũku wakwa.
25
Kwondũ wa ũu Yeova nĩwandĩvie kwĩanana na ũlũngalu wakwa, Kwĩanana na ũtheu wakwa ũla wonaa na metho make.
26
Kwa ũla wĩ tei ũkeeyonan’ya wĩ tei; Kwa mũndũ mwĩanĩu ũkeeyon’ya wĩ mwĩanĩu;
27
Kwa ũla mũtheu ũkeeyonan’ya wĩ mũtheu; Na kwa ũla mũng’endu ũkonan’ya wĩ na wai.
28
Na andũ ala mathĩnaw’a ũkaatangĩĩa; Ĩndĩ metho maku me ĩũlũ wa ala me na mĩng’athĩlĩlyo, nĩ kana ũmatheesye.
29
Nũndũ nue taa wakwa, ame Yeova; Na Yeova akamulĩka kĩvindu kyakwa.
30
Nũndũ kwondũ waku nĩngũvũthũa nguthu, Kwondũ wa Ngai wakwa nĩngũthaanyũka ũvai.
31
Ũndũ wa Ngai, nzĩa yake nĩ mbĩanĩu: Ndeto ya Yeova nĩtatĩtwe; Nake nĩ ngao ya onthe ala mevithaa nthĩnĩ wake.
32
Nũndũ Ngai nũũ, ate o Yeova? Na nũũ ũvai, ate o Ngai waitũ?
33
Ngai nĩ ngome yakwa yĩ vinya; Na nũtongoesya ala eanĩu nzĩanĩ yake.
34
Nũtw’ĩkĩthasya maũũ make ta maũũ ma ndaatai nga, Na nũnũngamasya ĩũlũ wa kũndũ kwakwa kũtũlu.
35
Nũmanyĩasya moko makwa kũkita, Kwondũ wa ũu moko makwa makootaa ũta wa ũthuku.
36
O na nũnengete ngao ya ũtangĩĩo waku; Na ũuu waku nũnenevetye.
37
Nũnenevetye matambya makwa ungu wakwa; Na maũũ makwa matyaatendelũka.
38
Nĩnĩkũĩte amaitha makwa, na kũmananga; O na ndyaaĩthyũũa kũvika maminwa.
39
Na nĩnĩmaminĩte, na kũmatonya mũkuthũ, na ĩndĩ matitonya kũkĩla: Ĩĩ, nĩmavalũkĩte ungu wa nyaĩĩ syakwa.
40
Nũndũ nũmbotoete vinya nũkite kaũ; Nũmekĩtye ĩtheo wakwa ala mambũkĩlĩle.
41
O na nũtumĩte amaitha makwa mambon’ya mĩongo, Nĩ kana nĩvete ala mamenaa.
42
Masisya, ĩndĩ vatyaĩ wa kũmatangĩĩa; Masisya o Yeova, ĩndĩ ndaamasũngĩa.
43
Nĩvo ĩndĩ namakimangie mavinya mũno ta kĩtoo kya nthĩ, Nĩnamakanyangie ta ndaka nzĩanĩ nene, na namanyaĩĩkya kũasa.
44
O na nũmbonoketye kuma motetan’yonĩ ma andũ makwa; Nũnzũvĩĩte nĩthĩwe mũtongoi wa i mbaĩ: Ũko wa andũ ũla ndaamanya ũkanthũkũma.
45
Andũ ma nthĩ ĩngĩ makeenyivya kwakwa: O yĩla meĩw’a ũvoo wakwa, makambĩw’a.
46
Andũ ma nthĩ ĩngĩ makathelekelya, Na makauma mawĩvithonĩ moo makĩtetema.
47
Yeova e thayũ; na ĩvia yakwa yĩtaĩwe: Na nanenevw’e Ngai, ĩvia ya ũtangĩĩo wakwa,
48
O Ngai ũla ũndĩvanĩsyaa, Na kũtheeasya ngo sya andũ syĩthĩwe ĩtheo wakwa,
49
Na ũla ũnumasya kuma kwa amaitha makwa: Ĩĩ, nũmbũkĩlasya ĩũlũ wa ala mambũkĩlĩĩlaa; Nũmbonokasya kwa mũndũ mũng’endu.
50
Kwondũ wa ũu ngakũtũngĩa mũvea, ame Yeova, katĩ wa i mbaĩ, Na ngakumya syĩtwa yaku.
51
Nũnengae mũsumbĩ wake ũvonokyo mũnene, Na kwonanasya ũseo wĩ wendo kwa mwĩtĩkĩw’a mauta wake, Kwa Ndaviti na ũsyao wake tene na tene.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24