bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 2
2 Samuel 2
Kamba (Mbivilia) 1956
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
1
Na kweethĩwa ĩtina wa ũu, Ndaviti akũlya Yeova, akyasya, Nambate ndũanĩ o na yĩva ya Yuta? Na Yeova amwĩa, Ambata. Na Ndaviti akũlya, Nambate va? Na asũngĩa, Eviloni.
2
Na ĩndĩ Ndaviti ambata kw’o, o na aka make eli, Ainoamu Mũyesileeli, na Avikaili ũla waĩ kĩveti kya Navali Mũkalimeli.
3
Na Ndaviti ambatya andũ make ala maĩ nake, kĩla mũndũ na andũ ma nyũmba yake: na matũa ndũanĩ sya Eviloni.
4
Na andũ ma Yuta mooka, na mamwĩtĩkĩĩsya Ndaviti mauta kw’o ethĩwe mũsumbĩ wa nyũmba ya Yuta. Na matavya Ndaviti, makyasya, Andũ ma Yavesi‐ngileati nĩmo ala mamwĩnzĩie Saulo nthĩ.
5
Na Ndaviti atũma atũmwa kwa andũ ma Yavesi‐ngileati, na amea, Athimwai nĩ Yeova, nũndũ nĩmwĩkĩte mwĩaĩĩ wenyu, o Saulo, ũseo ũũ, wa kũmwĩnzĩa nthĩ.
6
Na yu Yeova namwon’ye ũseo wĩ wendo na w’o: nakwa ngamwĩka nesa ũndũ wa ũseo ũsu, nũndũ nĩmwĩkĩte ũndũ ũsu.
7
Yu kwondũ wa ũu moko menyu methĩwe na vinya, nenyu mwĩthĩwe na ũkũmbaũ; nũndũ Saulo mwĩaĩi wenyu nĩ mũkw’ũ, na ĩngĩ nyũmba ya Yuta nĩmbĩtĩkĩsye mauta nĩthĩwe mũsumbĩ wayo.
8
Na yu Avineli mwana wa Neli, kavuteni wa nguthu ya Saulo, aĩ anamwosa Isi‐vosethi mwana wa Saulo, na kũmũtwaa ku Maanaimu;
9
na amũtw’ĩkĩthya mũsumbĩ wa Ngileati, na Aasuli, na Yesileeli, na Evalaimu, na Mbenyamini, na Isilaeli onthe.
10
Isi‐vosethi, mwana wa Saulo, aĩ wa myaka mĩongo ĩna yĩla wambĩlĩlye kũsumbĩka Isilaeli, na asumbĩka myaka ĩlĩ. Ĩndĩ nyũmba ya Yuta yaatĩĩa Ndaviti.
11
Na ĩvinda yĩla Ndaviti wasumbĩkie nyũmba ya Yuta ku Eviloni nĩ myaka mũonza na myei thanthatũ.
12
Na Avineli mwana wa Neli, na athũkũmi ma Isi‐vosethi mwana wa Saulo, mauma Maanaimu mathi Ngiveoni.
13
Na Yoavu mwana wa Nzeluia, na athũkũmi ma Ndaviti maumaala, na makomana nao vakuvĩ na ndia ya Ngiveoni; na mekala nthĩ, amwe ngalĩ ĩmwe ya ndia, na ala angĩ ngalĩ ĩla ĩngĩ ya ndia.
14
Na Avineli amwĩa Yoavu, Nĩngũkwĩsũva, anake mokĩle mathaũke twene. Na Yoavu asya, Mokĩle.
15
Na ĩndĩ mookĩla na mainga me atale: ĩkũmi na elĩ ma Mbenyamini, o ma Isi‐vosethi mwana wa Saulo, na athũkũmi ĩkũmi na elĩ ma Ndaviti.
16
Na makwatana mĩtwe kĩla ũmwe na ũla ũngĩ, na matonyanĩla mbaunĩ kĩla mũndũ na ũla ũngĩ: na ĩndĩ mavalũkanĩla vamwe: kwondũ wa ũu vandũ vau vetwa Elikathi‐asulimu, na vo ve Ngiveoni.
17
Na kaũ waĩ vinya mũno mũthenya ũsu; na Avineli akĩlw’a vinya, o na andũ ma Isilaeli, nĩ athũkũmi ma Ndaviti.
18
Na ana atatũ ma Nzeluia maĩ kw’o, Yoavu, na Avisai, na Asaeli: na Asaeli aĩ maũũ ta nthwaia nga.
19
Na Asaeli akũa Avineli; na amũkũĩte ndaathũka ngali ya kw’oko kwa aũme kana kwa aka aeke kũmũkũa Avineli.
20
Nĩvo ĩndĩ Avineli wasiisye ĩtina wake, na asya, Nue, Asaeli? Na asũngĩa, Ninyie.
21
Na Avineli amwĩa, Athũka ngalĩ ya kw’oko kwa aũme kwaku kana kwa aka, ũkwate mwanake ũmwe, nokyosa mĩio yake ya kaũ. Ĩndĩ Asaeli ndaaĩtĩkĩla kwathũka aeke ũmũkũa.
22
Na Avineli amwĩa Asaeli ĩngĩ, Athũka ũeke kũngũa: nĩkĩ ngũkũne ũvalũke nthĩ? Ngatonya ata ĩndĩ kũkĩlya ũthyũ wakwa vala ve Yoavu mwana‐a‐mwenyu?
23
Ĩndĩ alea kwathũka: kwondũ wa ũu Avineli amũtonya na mũla wa ĩtumo ĩvunĩ, na ĩtumo yaumĩlĩla mũongo; na avalũka vo, na akw’ĩa o vo: na kweethĩwa, o ala mavikĩe vandũ vala Asaeli wavalũkile akĩkw’a maũngama.
24
Ĩndĩ Yoavu na Avisai maatĩĩa Avineli: na syũa yathũa yĩla mavikie kĩĩmanĩ kya Ama, kĩla kĩ mbee wa Ngia nzĩanĩ ĩla ĩelete weũnĩ wa Ngiveoni.
25
Na ana ma Mbenyamini meeyũmbanĩsya vala ve Avineli, na matw’ĩka nguthu ĩmwe, na maũngama mũtumbĩnĩ wa kĩĩma.
26
Nĩvo ĩndĩ Avineli wamwĩtie Yoavu, na amũkũlya, Ũvyũ ũkamina matukũ onthe? Ndũũmanya kũkeethĩwa ũũ mũminũkĩlyonĩ? Kũkeethĩwa kũvika ĩndĩĩ ũkĩsa kũtavya andũ masyoke maeke kũatĩĩa ana‐a‐ĩthe moo?
27
Na Yoavu asya, O tondũ Ngai wĩ thayũ, o na kethĩwa ndũnaneena, vate ndĩi andũ meĩ yĩnũka kĩoko, na makĩeka kũatĩĩa kĩla ũmwe mwana‐a‐ĩthe wake.
28
Kwondũ wa ũu Yoavu avuva soo; na andũ onthe maũngama, na matyaaatĩĩa Isilaeli ĩngĩ, kana kũkita namo ĩngĩ.
29
Na Avineli na andũ make maenda ũtukũ ũsu w’onthe mavĩtĩla Alava; na mainga Yolotani, na mavĩtĩla Vithiloni yonthe, na mavika Maanaimu.
30
Na Yoavu asyoka aeka kũatĩĩa Avineli: na yĩla waminie kũmban’ya andũ onthe, athũkũmi ma Ndaviti maolekete andũ ĩkũmi na kenda, na Asaeli.
31
Ĩndĩ athũkũmi ma Ndaviti nĩmakũnĩte andũ ma Mbenyamini, o andũ ma Avineli, makakw’a andũ maana atatũ na mĩongo thanthatũ.
32
Na mamwosa Asaeli na mamũthika ngunganĩ ya ĩthe wake vala vathikawa akw’ũ, ĩla yaĩ Mbethi‐leemu. Na Yoavu na andũ make maenda ũtukũ w’onthe, na makeewe ku Eviloni.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24