bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 8
2 Samuel 8
Kamba (Mbivilia) 1956
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 9 →
1
Na kweethĩwa ĩtina wa ũu, Ndaviti akũna Avilisiti, na amakĩlya vinya: na Ndaviti oosa mũkwa o ndũa nyinyia kuma mokonĩ ma Avilisiti.
2
Na akũna Moavi, na amathima na ũlii wa kũthima, amakomethetye nthĩ; na athima na ũlii mĩta ĩlĩ ya kũawa, na mwĩta ũmwe wa ũlii wa kũekwa wĩ thayũ. Na Amoavi matw’ĩke athũkũmi ma Ndaviti, na kumasya koti.
3
O na Ndaviti amũkũna Atateseli mwana wa Leovu, mũsumbĩ wa Sova, aendete kũtũnga ũsumbĩko wake ĩngĩ ũla waĩ ũla Ũsĩnĩ.
4
Na Ndaviti amũvena andũ ma ũtũlaa mbalasi ngili na maana mũonza, na andũ ala maendaa na maũũ ngili mĩongo ĩlĩ: na Ndaviti atilanga mbalasi syonthe sya makasya mĩlangũ, ate o atialilye sya makasya ĩana.
5
Na yĩla Asilia ma Ndamasiku mookie kũmũtethya Atateseli mũsumbĩ wa Sova, Ndaviti akũna Asilia andũ ngili mĩongo ĩlĩ na ilĩ.
6
Nĩvo ĩndĩ Ndaviti waiie ngome sya asikalĩ ku Silia ya Ndamasiku; na Asilia matw’ĩka athũkũmi ma Ndaviti, na kumasya koti. Na Yeova anenga Ndaviti kũkĩlya vinya o vala waendaa.
7
Na Ndaviti oosa ngao sya thaavu ila syaĩ na athũkũmi ma Atateseli, na aiete Yelusaleme.
8
Na mũsumbĩ Ndaviti oosa ũthuku mwingĩ mũno kuma Mbeta na Mbelothai, ndũa sya Atateseli.
9
Na yĩla Toi mũsumbĩ wa Amathi wewie kana Ndaviti nũkũnĩte nguthu yonthe ya Atateseli,
10
nĩvo ĩndĩ Toi watũmie Yolamu mwana wake kwa mũsumbĩ Ndaviti, akamũkethye, na kũmũathima, nĩkwĩthĩwa aĩ anokita na Atateseli na kũmũkũna: nũndũ Atateseli eethĩawa na makaũ na Toi. Na Yolamu atwaa mĩio ya vetha, na mĩio ya thaavu, na mĩio ya ũthuku:
11
na ĩsu nayo mũsumbĩ Ndaviti amĩvathie yĩthĩwe mĩtheu kwa Yeova, vamwe na vetha na thaavu ila wavathie syĩthĩwe ntheu, ila sya mbaĩ syonthe ila waikĩlĩtye vinya;
12
sya Silia, na sya Moavi, na sya ana ma Amimoni, na sya Avilisiti, na sya Amalekĩ, na sya mũtavo wa Atateseli, mwana wa Leovu, mũsumbĩ wa Sova.
13
Na Ndaviti eeyonea syĩtwa yĩla wasyokie kuma kũmakũnĩa Asilia Kyandanĩ kya Mũnyũ, o andũ ngili ĩkũmi na nyanya.
14
Na aia ngome sya asikalĩ ku Etomu; Etomu kw’onthe aia ngome syĩ asikalĩ, na Aetomu onthe matw’ĩka athũkũmi ma Ndaviti. Na Yeova amũnenga Ndaviti kũkĩlya vinya o kũla waendaa.
15
Na Ndaviti asumbĩka Isilaeli onthe; na Ndaviti asilanasya andũ make onthe na sila wa katĩ na mũlũngalu.
16
Na Yoavu mwana wa Nzeluia aĩ mũnene wa nguthu; na Yeosavati mwana wa Ailuti aĩ mũandĩki wa maũndũ;
17
na Nzatoki mwana wa Aituvu, na Aimeleki mwana wa Aviathali, maĩ athembi; na Selaia aĩ mũandĩki;
18
na Mbenaia mwana wa Yeoiata aĩ mũnene wa Akelethi na Avelethi; na ana ma Ndaviti maĩ anene ũsumbĩkinĩ.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24