bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 15
2 Samuel 15
Kamba (Mbivilia) 1956
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 16 →
1
Na kweethĩwa ĩtĩna wa ũu, Avisalomu eeyũmbanĩsya ĩkasya na mbalasi na andũ mĩongo ĩtano ma kũsembaa mbee wake.
2
Na Avisalomu ookĩla kĩoko tene, na aũngama ũtee wa nzĩa ĩla ĩelete mbingĩlonĩ: na kweethĩwa, yĩla mũndũ o na wĩva wethĩawa na ĩkoani yĩla yaaĩle kũetwe kwa mũsumbĩ yĩsilwe, nĩvo Avisalomu wamwĩtaa na kũkũlya, Wĩ wa ndũa yĩva? Na akyasya, Mũthũkũmi waku nĩ wa mbaĩ ĩmwe ya Isilaeli.
3
Na Avisalomu aimwĩa, Sisya, maũndũ maku nĩ maseo na ma w’o; ĩndĩ vati mũndũ wiĩtwe nĩ mũsumbĩ wa ũkwĩthukĩĩsya.
4
Na ĩngĩ Avisalomu akyasya, A! Kethĩwa nĩndw’ĩkĩthw’a mũsili ĩ nthĩ, nĩ kana kĩla mũndũ ũla wĩ na ĩkoani kana ũndũ o na wĩva akokaa kwakwa, na ngĩmũsilĩla sila wa katĩ!
5
Na kweethĩwa atĩ yĩla mũndũ o na wĩva wathengeea kũmwĩkunamĩsya, aĩtambũũkya kw’oko kwake, na aimũkwata, na kũmũmumunya.
6
Ũu nĩw’o Avisalomu wekaa Isilaeli onthe ala mamũkĩe mũsumbĩ ũndũ wa kũsilanw’a: na ĩndĩ Avisalomu ooya ngoo sya andũ ma Isilaeli.
7
Na kweethĩwa myaka mĩongo ĩna yathela, Avisalomu amwĩa mũsumbĩ, Nĩngũkwĩsũva, ndeka nĩende na kwĩanĩsya wĩvĩto wakwa, ũla namwĩvĩtĩe Yeova, ku Eviloni.
8
Nũndũ mũthũkũmi waku nĩwevĩtie wĩvĩto yĩla natwĩe Ngesuli nthĩ ya Silia, ngyasya, Ethĩwa Yeova akandũnga ĩngĩ Yelusaleme w’o, nĩvo ĩndĩ ngamũthũkũma Yeova.
9
Na mũsumbĩ amwĩa, Enda na mũuo. Na ĩndĩ ookĩla na athi Eviloni.
10
Ĩndĩ Avisalomu atũma athiani mbaĩnĩ syonthe sya Isilaeli, akyasya, O yĩla mwĩĩw’a wasya wa soo, nĩvo ĩndĩ mwĩasya, Avisalomu nĩ mũsumbĩ ku Eviloni.
11
Na vamwe na Avisalomu kwaendie andũ maana elĩ kuma Yelusaleme, ala meetĩtwe, na mathi kwondũ wa kũtamanya kwoo; na matyeesĩ ũndũ.
12
Na Avisalomu atũmana Aithoveli Mũngilo, mũtai wa Ndaviti, oke kuma ndũanĩ yake, o ku Ngilo, yĩla wathembaa nthembo. Na wĩw’ano ũsu mũthũku waĩ vinya; nũndũ andũ nĩmaingĩvĩĩe mavinda onthe ngalĩ ya Avisalomu.
13
Na kwookie mũtũmwa kwa Ndaviti, akĩmwĩa, Ngoo sya andũ ma Isilaeli niatĩĩe Avisalomu.
14
Na Ndaviti amea athũkũmi make onthe ala maĩ Yelusaleme Ũkĩlai, tũindũke; ethĩwa tĩ ũu vatikethĩwa ũmwe waitũ ũkavonoka aume kw’okonĩ kwa Avisalomu; ĩkalaatei tũende ndakese kũtũkwata mĩtũkĩ, na kũtũetee ũthũku, na kũkũna ndũa kwa kũmitemanga na ũvyũ.
15
Na athũkũmi ma mũsumbĩ mamwĩa mũsumbĩ, Sisya, athũkũmi maku nĩmeyũmbanĩtye kwĩka o ũndũ mwĩaĩĩ wakwa mũsumbĩ wĩnyuva.
16
Na mũsumbĩ aumaala aenda, na andũ onthe ma nyũmba yake mamũvikĩla. Na mũsumbĩ atia aka ĩkũmi, ala maĩ aka ngombo, masũvĩae nyũmba.
17
Na mũsũmbĩ aumaala aenda, na andũ onthe mamũatĩĩa; na mekalanga Mbethimelaka.
18
Na athũkũmi make onthe mavĩta vakuvĩ nake; na Akelethi onthe, na Avelethi onthe, na Angiti onthe, andũ maana thanthatũ ala mookie mamũatĩĩe kuma Ngathi, mavĩta maenda mbee wa mũsumbĩ.
19
Nĩvo ĩndĩ mũsumbĩ wamũkũlilye Itai Mũngiti, Nũndũ wa kĩ ũũendan’ya naitũ? Syoka, wĩkale na mũsumbĩ: nũndũ we wĩ mũndũ wa nthĩ ĩngĩ, na ĩngĩ ũla walũngilw’e kwoo; syoka vandũ vaku mwene.
20
Ũndũ ũnookie o ĩoo yĩ ĩthei, ũmũnthĩ nĩnaĩle ũkũtwaa ũende naitũ kũũ na kũũ, nakwa nĩthi o kũla ndonya? Syoka we, noitũnga ana‐a‐ĩthe maku; tei na w’o syĩthĩwe naku.
21
Na Itai asũngĩa mũsumbĩ, na amwĩa, O tondũ Yeova wĩ thayũ, na o tondũ mwĩaĩĩ wakwa mũsumbĩ wĩ thayũ, vate ndĩi o vala mwĩaĩi wakwa mũsumbĩ ũkethĩwa, ethĩwa nĩ kĩkw’ũnĩ kana thayũnĩ, o vo nĩvo mũthũkũmi waku ũkethĩwa.
22
Na Ndaviti amwĩa Itai, Enda ũinge. Na Itai Mũngiti ainga, na andũ make onthe, na twana tw’onthe tũnini tũla twaĩ nake.
23
Na nthĩ yonthe yaĩa na wasya mũnene, na andũ onthe mainga: o na mũsumbĩ mwene ainga kalũsĩ ka Kitiloni, na andũ onthe maingaa, melekele nzĩa ĩelete weũnĩ.
24
Na, sisya, Nzatoki nake ooka, na Alivai onthe vamwe nake, makuĩte ĩsandũkũ ya ũtianĩo ya Ngai; na maia ĩsandũkũ ya Ngai nthĩ: na Aviathali ambata, kũvika andũ onthe mamina kuma ndũanĩ.
25
Na mũsumbĩ amwĩa Nzatoki, Tũnga ĩsandũkũ ya Ngai ndũanĩ: ethĩwa ngoona ũseo methonĩ ma Yeova, akandũnga ĩngĩ, na kũmbon’ya yo, o na ũtũo wake:
26
ĩndĩ ethĩwa akasya atĩĩ, Ndikũtanĩa; sisya, ninyioo, nambĩke o ũndũ ũkwona wĩ ũseo.
27
Na ĩngĩ mũsumbĩ akũlya mũthembi Nzatokĩ, Ndwĩ mwoni? Syoka ndũanĩ na mũuo, na ana maku elĩ vamwe naku, Aimaasi mwana waku, na Yonathani mwana wa Aviathali.
28
Sisya, ngekala masyũkonĩ me weũnĩ, kũvika ndeto yooka kuma kwaku ya kũmanyĩthya.
29
Kwondũ wa ũu Nzatoki na Aviathali makua ĩsandũkũ ya Ngaĩ matũnga Yelusaleme: na mekala kw’o.
30
Na Ndaviti ambata kyambato kya kĩĩma kya Mĩthata, na aĩa ambatĩte; na eevw’ĩkĩte mũtwe, na athi maũũ me mathei: na andũ onthe ala maĩ nake kĩla mũndũ eevw’ĩka mũtwe, na mambata, makĩĩa mambatĩte.
31
Na ũmwe atavya Ndaviti, akĩmwĩa, Aithoveli nĩ ũmwe wa asamĩĩi vamwe na Avisalomu. Na Ndaviti asya, Ame Yeova, nĩngũũvoya, alyũla ũtao wa Aithoveli wĩthĩwe ũtumanu.
32
Na kweethĩwa, yĩla Ndaviti wavikie mũthyanĩ wa kyambato, vala Ngai wathaithĩawa, sisya, Usiai Mũaliiki amũthaũa atembũangĩte kanzũ wake, na e na mũthanga mũtwe.
33
Na Ndaviti amwĩa, Ethĩwa ũkaendan’ya nakwa, ũkeethĩwa mũio kwakwa ĩndĩ:
34
ĩndĩ ethĩwa ũkasyoka ndũanĩ, na kũmũtavya Avisalomu, Ngeethĩwa mũthũkũmi waku, we mũsumbĩ; o ũndũ nĩnaĩ mũthũkũmi wa au ĩvinda ĩvĩtu, now’o ngwĩthĩwa mũthũkũmi waku; nĩvo ĩndĩ wĩmbanangĩa ũtao wa Aithoveli.
35
Na ndwĩ na athembi Nzatoki na Aviathali vamwe naku kw’o? Kwondũ wa ũu kũkeethĩwa, ũvoo o na wĩva ũla ũkew’a kuma nyũmbanĩ ya mũsumbĩ, ũkatavya athembi Nzatoki na Aviathali.
36
Sisya, me na ana moo elĩ, Aimaasi, mwana wa Nzatoki, na Yonathani, mwana wa Aviathali, kw’o vamwe nao; na kwondũ woo mũkaetae kwakwa kĩla ũvoo ũla mũkew’aa.
37
Na ĩndĩ Usiai, mũnyanyae wa Ndaviti, alika ndũanĩ; na Avisalomu alika Yelusaleme.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24