bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 11
2 Samuel 11
Kamba (Mbivilia) 1956
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 12 →
1
Na kweethĩwa mwaka ũkyambĩlĩlya, ĩvinda yĩla asumbĩ maendaa kaũnĩ, Ndaviti atũma Yoavu, e na athũkũmi make, na Isilaeli onthe; na maananga ana ma Amimoni, na mathyũlũlũka Lava mamĩtw’ĩkanĩsye. Ĩndĩ Ndaviti ekala Yelusaleme.
2
Na kweethĩwa ĩ ya wĩoo, Ndaviti ookĩla kuma ũkomonĩ wake, na atambũka ĩũlũ wa kĩala kya nyũmba ya mũsumbĩ: na e kĩalanĩ oona mũndũ mũka akĩthamba; na mũndũ mũka ũsu aĩ mwanake kwa kũsiw’a.
3
Na Ndaviti atũmana akũlye ũndũ wa ũ mũndũ mũka. Na ũmwe asya, Ũũ ti Mbethi‐sieva, mwĩĩtu wa Eliamu, mũka wa Ulia Mũititi?
4
Na Ndaviti atũma atũmwa, mamũlatye; nake ooka kwake, na akoma nake (nũndũ nĩwatheetw’e ũvuku wake); na asyoka nyũmbanĩ yake.
5
Na mũndũ mũka aitava; na atũmana na amũtavya Ndaviti, na asya, Nĩ ĩvu.
6
Na Ndaviti atũmana kwa Yoavu, akĩmwĩa, Ndũmĩa Ulia Mũititi. Na Yoavu atũma Ulia kwa Ndaviti.
7
Na yĩla Ulia wavikie, Ndaviti amũkũlya ũndũ Yoavu ũilyĩ, na ũndũ andũ mailyĩ, na ũndũ kaũ ũendeee.
8
Na Ndaviti eea Ulia, Theea nyũmbanĩ yaku, noithambya maũũ maku. Na Ulia aumaala kuma nyũmbanĩ ya mũsumbĩ, na aatĩĩwa lĩu kuma kwa mũsumbĩ.
9
Ĩndĩ Ulia akoma ũtee wa mũomo wa nyũmba ya mũsumbĩ vamwe na athũkũmi onthe ma mwĩaĩi wake, na ndaatheea nyũmbanĩ yake.
10
Na yĩla mamũtavisye Ndaviti, makĩmwĩa, Ulia ndaneetheea nyũmbanĩ yake, Ndaviti amũkũlya Ulia, Ndumĩte kyalonĩ? Nũndũ wa kĩ ũtaneetheea nyũmbanĩ yaku?
11
Na Ulia amwĩa Ndaviti, Yĩla ĩsandũkũ, na Isilaeli, na Yuta, mekalaa malwandanĩ; na mwĩaĩĩ wakwa Yoavu, na athũkũmi ma mwĩaĩi wakwa, me mwakonĩ wa maeema weũnĩ; nakwa ngalika nyũmbanĩ yakwa, nĩye na kũnyw’a, na kũkoma na kĩveti kyakwa? O tondũ wĩ thayũ, no tondũ kyuu kyaku kĩ thayũ, ndikeka undũ ũsu.
12
Na Ndaviti amwĩa Ulia, Ĩkalanga vaa ũmũnthĩ naw’o, na ũnĩ ngakũeka ũthi. Na indĩ Ulia ekala Yelusaleme mũthenya ũsu, na ũni ũsu.
13
Na yĩla Ndaviti wamwĩtie, aya na anyw’a e mbee wake; atuma amilwa: na wĩoo aumaala kũkoma ũkomonĩ wake vamwe na athũkũmi ma mwĩaĩi wake, ĩndĩ ndaatheea nyũmbanĩ yake.
14
Na kweethĩwa kĩoko, Ndaviti amũandĩkĩa Yoavu valũa, na ootwaa na kw’oko kwa Ulia.
15
Na aandĩka valũanĩ, akyasya, Iai Ulia mbee vala ve kaũ mũvyũ, na mũimũkĩĩa, nĩ kana akũnwe, akw’e.
16
Na kweethĩwa, yĩla Yoavu wasyaĩĩsye ndũa, aia Ulia vandũ vala wĩsĩ ve andũ ngũmbaũ.
17
Na andũ ma ndũa maumaala, na mokita na Yoavu: na amwe ma andũ mavalũka, o ma athũkũmi ma Ndaviti; o na Ulĩa ũla Mũititi akw’a.
18
Nĩvo ĩndĩ Yoavu watũmanie na amũtavya Ndaviti maũndũ onthe ma kaũ;
19
na eeaĩa mũtũmwa, akĩmwĩa, Wamina kũtavya mũsumbĩ maũndũ onthe ma kaũ,
20
kũkeethĩwa ethĩwa ũthatu wa mũsumbĩ ũkookĩla, nake akwĩa, Nũndũ wa kĩ mũthengeeie ndũa ta ũu mũkite? Mũtyaamanya kana makekya me ũvainĩ?
21
Nũũ wakũnie Avimeleki mwana wa Yeluvesethi? Mũndũ mũka ndaamũlekelya nthio ya ĩvia e ũvainĩ, na akw’ĩa Thevesi? Nĩkĩ mũthengeeie ũvai ta ũu? Nĩvo ĩndĩ wĩasya, Mũthũkũmi waku Ulia Mũititi nake no mũkw’ũ.
22
Na ĩndĩ mũtũmwa athi, na avika na amwon’ya Ndaviti w’onthe ũla Yoavu wamũtũmĩe.
23
Na mũtũmwa amwĩa Ndaviti, Andũ nĩmatũkĩlilye vinya, na matũtindĩka kũvika weũnĩ, naitũ twamatũngĩthya o kũvika ũlikĩlonĩ mbingĩlonĩ.
24
Na aathi me ũvainĩ maatha athũkũmi maku; na amwe ma athũkũmi ma mũsumbĩ nĩ akw’ũ, na mũthũkũmi waku Ulia ũla Mũititi nake no mũkw’ũ.
25
Na ĩndĩ Ndaviti amwĩa mũtũmwa, Ũũ nĩw’o wĩmwĩa Yoavu, Ũndũ ũũ ndũkakwĩw’ĩthye woo, nũndũ ũvyũ nũminaa ũmwe o ta ũla ũngĩ; ongeleela kaũ waku vinya mbee ĩ ndũanĩ, noimĩng’uthũla: naku mwĩkĩe vinya.
26
Na yĩla kĩveti kya Ulia kyeewie Ulia mũũme wakyo nũkwie, kyamũĩĩa mũũme.
27
Na yĩla kũmeta kwathelile, Ndaviti atũmana na kyaetwe nyũmbanĩ yake, na kyatw’ĩka kĩveti kyake, na kyamũsyaĩa mwana. Ĩndĩ ũndũ ũsu ũla Ndaviti wekie nĩwamwĩw’ĩthisye Yeova woo.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24