bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Samuel 20
2 Samuel 20
Kamba (Mbivilia) 1956
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 21 →
1
Na kweethĩwa kwaĩ mũndũ mwathe kw’o, ũla wetawa syĩtwa yake Sieva, mwana wa Mbikili, Mũmbenyamini: na avuva soo, na asya, Tũti na kĩanda nthĩnĩ wa Ndaviti, o na tũti na ũtiĩwa mwananĩ wa Yese: kĩla mũndũ aende maeemanĩ make, inyw’ĩ Isilaeli.
2
Kwondũ wa ũu andũ onthe ma Isilaeli mambata maeka kũatĩĩa Ndaviti, na maatĩĩa Sieva mwana wa Mbikili, ĩndĩ andũ ma Yuta malũman’ya na mũsumbĩ woo, kuma Yolotani kũvika Yelusaleme.
3
Na Ndaviti avika nyũmbanĩ yake Yelusaleme; na mũsumbĩ oosa ala aka make ĩkũmi ngombo, ala watiie masũvĩae nyũmba, na amekĩa ũsũvĩonĩ na amanenga lĩu ũmeanĩe, ĩndĩ ndaalika kwoo. Na ĩndĩ mavingĩwa kũvika mũthenya wa kũkw’a kwoo, makĩkala ta aka ndiwa.
4
Nĩvo ĩndĩ mũsumbĩ wamwĩie Amasa, Mbũmbanĩsya andũ ma Yuta mĩthenya ĩtatũ ĩtanathela, naku wĩĩthĩwa vaa.
5
Na ĩndĩ Amasa athi amomban’ye andũ ma Yuta vamwe; ĩndĩ ekalanga avĩtũkĩthya ĩvinda yĩla watw’ĩwe.
6
Na Ndaviti amwĩa Avisai, Yu Sieva mwana wa Mbikili akatwĩka ũthũku kwĩ ũla Avisalomu ũneekĩte: osa athũkũmi ma mwĩaĩi waku, noimũatĩĩa, ndakese kwĩseũvĩsya ndũa mbiie, na kwĩvonokesya vala tũtatonya kũmwona.
7
Na andũ ma Yoavu, na Akelethi, na Avelethi, na ngũmbaũ syonthe maumaala mamũatĩĩe; na mauma Yelusaleme, maatĩĩe Sieva mwana wa Mbikili.
8
Na yĩla maĩ ĩvianĩ ĩnene yĩ Ngiveoni, Amasa ooka amathaũe. Na Yoavu eevotoete ngũa yake ya kaũ ĩla wekĩĩte, na yaĩ na mũsivi wĩ ũvyũ ũlũmĩtw’e kĩnyunyunĩ kyake wĩ ndoonĩ yaw’o; na akyumaala wasomoka wavalũka.
9
Na Yoavu akũlya Amasa, Wĩ mũseo, mwana‐a‐ia? Na Yoavu akwata Amasa kĩng’ew’a na kw’oko kwake kwa aũme amũmumunye.
10
Ĩndĩ Amasa ndaasũva ũvyũ ũla waĩ kw’okonĩ kwa Yoavu: na ĩndĩ amũtonya naw’o ĩvu, na maa make metĩka nthĩ, na ndaamũtonya ĩngĩ; na akw’a. Na Yoavu na Avisai mwana‐a‐inyia mamũatĩĩa Sieva mwana wa Mbikili.
11
Na kwaũngama vakuvĩ nake mwanake ũmwe wa Yoavu, na asya, Ũla ũmwendaa Yoavu, na ũla wĩ ngalĩ ya Ndaviti, namũatĩĩe Yoavu.
12
Na Amasa ailitaa nthakamenĩ yake lelũnĩ katĩ. Na yĩla ũ mũndũ wonie andũ onthe nĩmaũngama, amũveta Amasa lelũnĩ amũtwaa kĩthekanĩ, na amũvw’ĩka ngũa, yĩla wonie kĩla mũndũ ũla wavĩtaa akĩũngama.
13
Yĩla waumiw’e lelũnĩ, andũ onthe maendeea makĩmũatĩĩa Yoavu, maatĩĩe Sieva mwana wa Mbikili.
14
Na avĩtĩla mbaĩnĩ syonthe sya Isilaeli kũvika Aveli, na Mbethi‐maaka, na Ambeli onthe: na moombanw’a vamwe, o nao mamũatĩĩa.
15
Na mavika na mamũthyũlũlũka mamũtw’ĩkanĩsya ku Aveli ya Mbethi‐maaka, na mamyũmbĩĩa ĩ ndũa kĩvumbu, na kyaaĩĩa ũvai mũlũmu; na andũ onthe ala maĩ na Yoavu makũnanga ũvai, mavalũkye.
16
Nĩvo ĩndĩ mũndũ mũka wĩ kĩlĩko waĩ ndũanĩ anĩĩsya, Ĩw’ai, ĩw’ai; nĩngũmwĩsũva, tavyai Yoavu, ũka vaa vakuvĩ, nĩneene naku.
17
Na athengeea vala ũĩ; na ũla mũndũ mũka amũkũlya, Nue Yoavu? Na asũngĩa, Ninyie. Na ĩndĩ amwĩa, Ĩw’a ndeto sya mũthũkũmi waku, mwĩĩtu. Nake asũngĩa, Nĩngwĩw’a.
18
Na ĩndĩ aneena, akyasya, Tene makothaa kũneena, makyasya, Maikatĩe kũkũlya ũtao ku Aveli: na ĩndĩ ũvoo ũithela.
19
Nyie nĩ wa ala ma Isilaeli ma mũuo na kĩthito: we nũkũmantha kwananga ndũa na nyinyia nthĩnĩ wa Isilaeli: wĩenda kũmina ũtiĩwa wa Yeova nĩkĩ?
20
Na Yoavu asũngĩa asya, Nĩkwĩthĩwe kũasa, nĩkwĩthĩwe kũasa nakwa, nĩmine kana kwananga.
21
Ũvoo ndũilyĩ ũu: ĩndĩ mũndũ wa nthĩ yĩ iĩma ya Evalaimu, syĩtwa yake eetawa Sieva mwana wa Mbikili, nũmũkĩlĩlye mũsumbĩ kw’oko kwake, o Ndaviti; mũnengane e weka, nakwa nĩngũkĩla na kũtia ndũa. Na ũla mũndũ mũka amwĩa Yoavu, Sisya, mũtwe wake nũkwĩkĩlw’a ũvainĩ kũla ũĩ.
22
Na ĩndĩ mũndũ mũka aenda kwa andũ onthe na ũĩ wake. Na matila mũtwe wa Sieva mwana wa Mbikili, na mamwĩkĩsya Yoavu. Na avuva soo, na manyaĩĩka mauma ndũanĩ, mathi kĩla mũndũ ĩeemanĩ yake. Na Yoavu asyoka Yelusaleme kwa mũsumbĩ.
23
Na ĩndĩ Yoavu aĩ mũnene wa ngũthu yonthe ya Isilaeli; na Mbenaia mwana wa Yeoiata aĩ mũnene wa Akelethi na Avelethi;
24
na Atolamu aĩ mũnene wa andũ ala matethethaw’a wĩa wa vinya; na Yeosavati mwana wa Ailuti aĩ mũandĩki wa maũndũ;
25
na Sieva aĩ mũandĩki; na Nzatoki na Aviathali maĩ athembi;
26
na Ila Mũyaili nake aĩ mũnene mbee ũsumbĩnĩ kwa Ndaviti.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24