bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Numbers 11
Numbers 11
Kamba (Mbivilia) 1956
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 12 →
1
Na andũ manyungunyĩasya, makĩneena ũthũku matũnĩ ma Yeova: na Yeova eew’a ũu, ũthatu wake wakana; na mwaki wa Yeova wakana katĩ woo, na wavĩvya kũvika mũminũkĩlyo wa mwako wa maeema.
2
Na andũ asu mamwĩkaĩla Mose; na Mose amũvoya Yeova, na mwaki wanyiva.
3
Na syĩtwa ya vandũ vau veetwa Tavela: nĩkwĩthĩwa mwaki wa Yeova wakana katĩ woo.
4
Na nguthu ya elikya yĩla yaĩ katĩ wamo maya ĩtomo mũno: na ana ma Isilaeli namo maĩa ĩngĩ, na masya, Nũũ wĩtũnenga nyama tũye?
5
Nĩtũũlilikana makũyũ ma manzĩnĩ ala twaĩsaa Misili mana; na mongũ, na matikitiki, na ĩtũngũũ sya liki, na itũngũũ, na itũngũũ sya sumu:
6
ĩndĩ yu ngoo sitũ nĩ ndevu; na vati kĩndũ nongi kya kũsisya ate o lĩu ũũ wĩtawa mana.
7
Na mana ũsu wailyĩ ta mbeke ya kolianda, na kwoneka kwaw’o wailyĩ ta veteliumi.
8
Andũ nĩmangangaa, na makyũkolan’ya, na kũthiĩa ithiinĩ, kana kũkima na ndĩĩ, na kũua na mbisũ, na maiseũvya tũmũtũ naw’o: na ũsamo waw’o waĩ ta ũsamo wa mauta ma mĩtũkĩ.
9
Na yĩla kwaya ĩmwe ũtukũ mwakonĩ wa maeema, mana ũsu nĩwavalũkaa ĩũlũ wayo.
10
Na Mose eew’a andũ ma mĩvĩa yonthe makĩĩa, kĩla mũndũ mũomonĩ wa ĩeema yake: na ũthatu wa Yeova wakana mũno; nake Mose eew’a woo.
11
Na Mose amwĩa Yeova, Nũndũ wa kĩ kũmbĩka naĩ nyie mũthũkũmi waku? Na nũndũ wa kĩ ndekwona ũseo methonĩ maku, ũndũ ũũmbaĩkya mũio wa andũ aa onthe?
12
Ninyie namaitavie andũ aa onthe? Ninyie namasyaie, ũndũ ũũmbĩa, Makue kĩthũinĩ kyaku, o tondũ ĩthe ũla ũeaa syana ũkuaa kana kala kongaa, kũvika nthĩ ĩla weevĩtie kũmanenga aaĩthe moo?
13
Nĩumya nyama va sya kũnenga andũ aa onthe? Nũndũ nĩmeũndĩĩa, makĩmbĩa, Tũnenge nyama, tũye.
14
Nditonya kũkua andũ aa onthe nĩ nyioka, nũndũ nĩ mũio mũito kũthonoka ũndũ ndonya.
15
Na ethĩwa nũũmbĩka ũu, mbũaa vyũ, nĩngũkwĩsũva, ethĩwa nĩnonete ũseo methonĩ maku; nĩeke kwona mathĩna aa nĩ namo.
16
Na Yeova amwĩa Mose, Mbũmbanĩsya andũ mĩongo mũonza ma atumĩa ma Isilaeli, ala wĩsĩ nĩ atumĩa ma andũ, na anene kwoo; na ũimaete ĩeemanĩ ya kũmbanĩa, nĩ kana maũngame vo vamwe naku.
17
Nakwa ngatheea na kũneenea naku vo: na ngoosa kĩlungu kya Veva ũla wĩ nake na ngamekĩa mo; namo makakuan’ya naku mũio ũsu wa andũ, nĩ kana ndũkokue wĩ weka.
18
Matavye andũ, Ivathan’yei mwĩthĩwe mwĩ atheu ũnĩ, na mũkaya nyama; nũndũ nĩmũnaĩie matũnĩ ma Yeova, mũkĩmwĩa, Nũũ wĩtũnenga nyama sya ũya? Nũndũ twaĩ na ũseo kũya Misili: kwondũ wa ũu Yeova akamũnenga nyama, na mũkaya.
19
Mũtiiya mũthenya ũmwe, kana mĩthenya ĩlĩ, kana mĩthenya ĩtano, kana mĩthenya ĩkũmi, kana mĩthenya mĩongo ĩlĩ,
20
ĩndĩ mũkaya mwei mũima, kũvika yĩla ikaumĩla manyiũũnĩ menyu, na kwĩw’a tiiki nĩsyo; nũndũ nĩmwaleile Yeova ũla wĩ katĩ wenyu, na mwamũĩĩa, mũkyasya, Nĩ ũndũ wa kĩ twaumie Misili?
21
Na Mose asya, Andũ ala nĩ namo nĩ andũ ngili maana thanthatũ ala maendaa na maũũ; naku waĩtye, Ngamanenga nyama, maye mwei mũima.
22
Ndĩthya sya mbũi na malondu na ndĩthya sya ng’ombe ikoawa ũndũ woo, nĩ kana imeanĩe? Kana makũyũ onthe me ũkanganĩ makombanw’a ũndũ woo, nĩ kana mameanĩe?
23
Na Yeova amũkũlya Mose, Kw’oko kwa Yeova nĩkũkuvĩvĩte? Yu ũkoona ethĩwa ndeto yakwa ĩkeanĩw’a kwaku kana ti w’o.
24
Na Mose aumaala, na atavya andũ ndeto sya Yeova: na aumya andũ mĩongo mũonza ma atumĩa ma andũ, na amaia mathyũlũlũkĩte yĩla Ĩeema.
25
Na Yeova atheea mũumbĩnĩ na aneena nake, na oosa kĩlungu kya Veva ũla Mose waĩ nake, na amekĩa ala atumĩa mĩongo mũonza: na kweethĩwa, yĩla Veva wekalile ĩũlũ wamo, mathana, ĩndĩ matyaambĩla kwĩka ũu ĩngĩ.
26
Ĩndĩ matiala andũ elĩ mwakonĩ wa maeema, syĩtwa ya ũmwe eetawa Elitati, na syĩtwa ya ũla ũngĩ eetawa Metati: na Veva amekalĩla; maĩ ma asu ala maandĩkĩtwe, ĩndĩ matyaĩ manaenda Ĩeemanĩ; na mathanĩa mwakonĩ wa maeema.
27
Na kwasemba mwanake ũmwe, na atavya Mose, na amwĩa, Elitati na Metati nĩmekwathanĩa mwakonĩ wa maeema.
28
Na Yosua mwana wa Nuni, mũthũkũmi wa Mose, ũmwe wa andũ make anyuve, asũngĩa na amwĩa, Vwana wakwa Mose, mavate.
29
Na Mose amũkũlya, Wĩ na kĩwĩu nũndũ wakwa? Nenda kethĩwa andũ onthe ma Yeova nĩ athani, na kethĩwa Yeova nũmekĩa Veva wake!
30
Na Mose athi alika mwakonĩ wa maeema, we na atumĩa ma Isilaeli.
31
Na kĩuutani kyaumie vala ve Yeova kĩuutanĩte, na kyaumya ngwae ũkanganĩ, nakyo kyaitiĩla iũlũkae vakuvĩ na mwako wa maeema, ta mũendo wa mũthenya ũmwe ngalĩ ĩno na mũendo wa mũthenya ũmwe ngalĩ ĩla ĩngĩ, kũthyũlũlũka mwako wa maeema, na vakĩthimwa kuma nthĩ kũvika ĩũlũ ta mĩkono ĩlĩ.
32
Na andũ mookĩla mũthenya ũsu mũima, na ũtukũ mũima, na ũnĩ ũsu w’onthe, na moomban’ya ngwae: ũla wombanisye nini ombanasya sya omeli ĩkũmi: na masyanĩka maithyũlũlũkĩtye mwako wa maeema syĩthĩwe syoo ene.
33
O yĩla nyama syaĩ maeonĩ moo, mataitanyukĩte, ũthatu wa Yeova wamakanĩa, na Yeova akũna andũ na ũthĩn’yo mũnene.
34
Na syĩtwa ya vandũ vau veetwa Kivilothi‐ataava; nĩkwĩthĩwa nĩvo menzĩe nthĩ andũ ala maĩ na ĩtomo.
35
Kuma Kivilothi‐ataava andũ maenda kyalo kũvika Aaselothi; na mekala kũu Aaselothi.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36