bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Numbers 32
Numbers 32
Kamba (Mbivilia) 1956
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Na ĩndĩ ana ma Leuveni na ana ma Ngati maĩ na indo nyingĩ mũno; na yĩla moonie nthĩ ya Yaseli, na nthĩ ya Ngileati, kana, sisya, nĩ vandũ va kũĩthĩsya indo;
2
ana ma Ngati na ana ma Leuveni mooka na maneena na Mose, na mũthembi Eleasali, na anene ma ũmbano, makĩmea,
3
Atalothi, na Ndivoni, na Yaseli na Nimila, na Esivoni, na Eleale, na Sevamu, na Nevo, na Mbeoni,
4
nthĩ ĩla Yeova wakũnie ũmbano wa Isilaeli wene, nĩ nthĩ ya ũĩthĩsya indo; na ithyĩ athũkũmi maku twĩ na indo.
5
Na masya, Ethĩwa nĩtwonete ũseo methonĩ maku, nthĩ ĩno ĩnengwe ithyĩ athũkũmi maku yĩthĩwe ng’ũndũ yaitũ; ndũkatũingye Yolotani.
6
Na Mose amakũlya ana ma Ngati na ana ma Leuveni, Ana‐a‐ĩthe menyu makathi kaũnĩ, na inyw’ĩ mũkekala vaa?
7
Na nũndũ wa kĩ mũũtuma ana ma Isilaeli makw’a ngoo matikainge malike nthĩ ĩla Yeova ũmanengete?
8
Ũu nĩw’o aaĩthe menyu meekie, yĩla namatũmie kuma Katesi‐mbalinea mathi mathiane nthĩ.
9
Nũndũ yĩla maendie na malika kyandanĩ kya Esikoli, na moona nthĩ, matuma ngoo sya ana ma Isilaeli ikw’a, matikalike nthĩ ĩla Yeova ũmanengete.
10
Na ũthatu wa Yeova wakana mũthenya ũsu, na eevĩta, akyasya,
11
Nĩ w’o, vati mũndũ o na ũmwe ũla waumie Misili, ũla ũvikĩtye myaka mĩongo ĩlĩ na mbee, ũkona nthĩ ĩla namathie Avalaamu, na Isaka, na Yakovo; nũndũ matyaambikĩla ki:
12
ate o Kalevu mwana wa Yevune Mũkenisi, na Yosua mwana wa Nuni; nĩkwĩthĩwa nĩmamũvikĩlaa Yeova ki.
13
Na ũthatu wa Yeova wakanĩa Isilaeli, na atuma manganga kũũ na kũũ weũnĩ myaka mĩongo ĩna, kũvika nzyawa ĩsu yonthe yathela ĩla yeekie naĩ Yeova ene.
14
Na, sisyai, inyw’ĩ nĩmũkĩlĩte vandũ va aaĩthe menyu, wingĩvo wa andũ athe, o kwongelela ũthatu mwai wa Yeova kwa Isilaeli.
15
Nũndũ ethĩwa mũkeethyũũa na kũeka kũmũatĩĩa, akamatia ĩngĩ weũnĩ; na inyw’ĩ mũkaananga andũ aa onthe.
16
Na mamũthengeea, na mamwĩa, Tũkaaka syengo vaa ũndũ wa indo sitũ, na ndũa ũndũ wa syana sitũ nini:
17
ĩndĩ ithyĩ ene tũkeeyũmban’ya twĩ na mĩio ya kaũ kũmatongoesya ana ma Isilaeli, kũvika yĩla twĩmavikya vandũ voo: na syana sitũ nini ikekala ndũanĩ isu mbiie nũndũ wa andũ ala matwĩe nthĩ ĩsu.
18
Tũtikasyoka nyũmbanĩ sitũ, kũvika ana ma Isilaeli o kĩla mũndũ akeethĩwa akwatĩte ũtiĩwa wake.
19
Nũndũ tũtikosa ũtiĩwa vamwe namo mũingo ũla ũngĩ wa Yolotani, na vau mbee; nũndũ kwatw’ĩkie ũtiĩwa witũ wĩ mũingo ũũ wa Yolotani kwelekela wumĩlonĩ wa syũa.
20
Na Mose amea, Ethĩwa mũkeeka ũu, ethĩwa mũkeekĩa mĩio ya kaũ mũthi kaũnĩ mwenekee nĩ Yeova,
21
na kĩla mũndũ wenyu ũla wĩ na mĩio ya kaũ akainga Yolotani enekee nĩ Yeova, kũvika amina kũlũngya amaitha make mbee wake,
22
na nthĩ ĩsu ĩkakĩlw’a vinya Yeova ene; ĩtina wa ũu ĩndĩ mũkasyoka, na mũkeethĩwa mũte na ĩvĩtyo vala ve Yeova, kana vala ve Isilaeli; na nthĩ ĩno ĩkeethĩwa ng’ũndũ yenyu Yeova ene.
23
Ĩndĩ ethĩwa mũtikeka ũu, sisyai, nĩmwamũvĩtanĩsya Yeova; na manyai vate ndĩi naĩ syenyu ikamũkwata.
24
Akĩai syana syenyu nini ndũa, na malondũ menyu syengo; na ĩkai o tondũ mwaisye na makanyw’a menyu.
25
Na ana ma Ngati na ana ma Leuveni maneena na Mose, makĩmwĩa, Ithyĩ athũkũmi maku tũkeeka o tondũ mwĩaĩi wakwa ũtwĩaĩĩte.
26
Syana sitũ nini, na iveti sitũ, na ndĩthya sitũ sya mbũi na malondu, na indo sitũ syonthe, ikekala vo ndũanĩ sya Ngileati;
27
ĩndĩ ithyĩ athũkũmi maku tũkainga, kĩla mũndũ ũla wĩkĩĩte mĩio ya kaũ, enekee nĩ Yeova, aendete kaũnĩ, o tondũ mwĩaĩi wakwa ũneenete.
28
Kwondũ wa ũu Mose eeaĩa mũthembi Eleasali, na Yosua mwana wa Nuni, na atongoi ma nyũmba sya aaĩthe ma mbaĩ sya ana ma Isilaeli, ũndũ woo.
29
Na Mose amea, Ethĩwa ana ma Ngati na ana ma Leuveni makainga Yolotani vamwe nenyu, kĩla mũndũ ũla wĩkĩĩte mĩio ya kaũ, enekee nĩ Yeova, na nthĩ ĩkakĩlw’a vinya nĩ inyw’ĩ; nĩvo ĩndĩ mũkamanenga nthĩ ya Ngileati ĩthĩwe ng’ũndũ yoo:
30
ĩndĩ ethĩwa matikainga nenyu mekĩe mĩio ya kaũ, makeethĩwa na ng’ũndũ syoo katĩ wenyu nthĩ ya Kanaani.
31
Na ana ma Ngati na ana ma Leuveni masũngĩa, makyasya, O ũndũ Yeova wameie athũkũmi maku, tũkeeka o ũu.
32
Tũkainga twĩkĩĩte mĩio ya kaũ twenekee nĩ Yeova tũlike nthĩ ya Kanaani, na ng’ũndũ ya ũtiĩwa witũ ĩkeethĩwa mũingo wa Yolotani.
33
Na Mose amanenga, o ana asu ma Ngati, na ana ma Leuveni, na nyunzu ya mbaĩ ya Manase mwana wa Yosevu, ũsumbĩ wa Sioni mũsumbĩ wa Aamoli, na ũsumbĩ wa Oku mũsumbĩ wa Mbasani, nthĩ ĩsu, kwĩanana na ndũa syayo vamwe na mĩvaka yasyo, o ndũa sya nthĩ ĩla ĩthyũlũlũkĩte ngalĩ syonthe.
34
Na ana ma Ngati maaka Ndivoni, na Atalothi, na Aloeli,
35
na Atilothi‐sovani, na Yaseli, na Yokivea,
36
na Mbethinimila, na Mbethi‐aalani: ndũa mbiie, na syengo sya malondu.
37
Na ana ma Leuveni maaka Esivoni, na Eleale, na Kiliathaimu,
38
na Nevo, na Mbaalimeoni, (masyĩtwa masyo makĩalyũlwa,) na Sivima: na ndũa ila maakie nĩmaitw’ĩĩe masyĩtwa angĩ,
39
Na ana ma Makili mwana wa Manase mathi Ngileati, na mamĩkwata, na malũngya Aamoli ala matwĩe vo.
40
Na Mose anenga Makili mwana wa Manase nthĩ ya Ngileati; nake atũa vo.
41
Na Yaili mwana wa Manase athi na akwata tũtũla twayo, na atwĩta Avothi‐yaili.
42
Na Nova athi na akwata Kenathi, na mĩsyĩ yayo, na amĩta Nova, aimĩtanĩsya na syĩtwa yake mwene.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36