Numbers 7 — Kamba (Mbivilia) 1956

1Na kweethĩwa mũthenya ũla Mose waminie kũngamya wĩkalo, na kũwĩtĩkĩsya mauta, na kũvathan’ya wĩthĩwe wĩ mũtheu, na mĩio yonthe yaw’o, na kĩthembeo na mĩio yonthe yakyo, na kũsyĩtĩkĩsya mauta na kwivathan’ya syĩthĩwe syĩ ntheu;

2nĩvo ĩndĩ anene ma Isilaeli, atongoi ma nyũmba sya aaĩthe moo, maetie moelo. Aa maĩ anene ma ila mbaĩ, aa nĩo maĩ anene ma ala matalilwe:

3na mamũetee Yeova moelo moo, makasya thanthatũ ala maĩ mavw’ĩke ĩũlũ, na ng’ombe ĩkũmi na ilĩ; kĩla ĩkasya yaumiw’e nĩ anene elĩ, na ng’ombe ĩmwe yaumaw’a nĩ kĩla mũnene: na maiete mbee wa wĩkalo.

4Na Yeova aneena na Mose, akĩmwĩa,

5Osa syĩndũ isu maete syĩthĩwe sya kũthũkũmaa nasyo ũthũkũminĩ wa ĩeema ya kũmbanĩa; na ũkamanenge Alivai syĩndũ isu, kĩla mũndũ kwĩanana na ũthũkũmi wake.

6Na Mose oosa makasya asu na ng’ombe isu na amanenga Alivai.

7Anenga ana ma Ngelisoni makasya elĩ na ng’ombe inya, kwĩanana na ũthũkũmi woo;

8na anenga ana ma Melali makasya ana na ng’ombe nyanya, kwĩanana na ũthũkũmi woo, makĩsyaĩĩw’a nĩ Ithamali mwana wa mũthembi Aluni.

9Ĩndĩ ana ma Koathi ndaamanenga kĩndũ, nĩkwĩthĩwa ũthũkũmi wa vala vandũ vatheu waĩ woo; nĩmakuaa na ituo syoo.

10Na ala anene maumya moelo kwondũ wa kũvatha kĩthembeo kĩthĩwe kĩ kĩtheu mũthenya ũla kyetĩkĩw’e mauta, asu anene maete moelo moo kĩthembeonĩ.

11Na Yeova amwĩa Mose, Makaete moelo moo, kĩla mũnene mũthenya wake, kwondũ wa kũvatha kĩthembeo kĩthĩwe kĩ kĩtheu.

12Na ũla waetie ũelo wake mũthenya wa mbee nĩ Nasoni mwana wa Aminatavu, wa mbaĩ ya Yuta:

13na ũelo wake waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;

14na kĩko kĩmwe kya thaavu kya sekeli ĩkũmi, kyusĩe ũvani;

15na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;

16na nthenge ĩmwe yĩthĩwe nthembo kwondũ wa naĩ;

17na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Nasoni mwana wa Aminatavu.

18Mũthenya wa kelĩ Nethaneli mwana wa Nzuali, mũnene wa Isakali, aete ũelo wake:

19ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;

20na kĩko kĩmwe kya thaavu kya sekeli ĩkũmi, kyusĩe ũvani;

21na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;

22na nthenge ĩmwe yĩthĩwe nthembo kwondũ wa naĩ;

23na nthembo ya nthembo sya mũuo ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Nethaneli mwana wa Nzuali.

24Mũthenya wa katatũ Eliavu mwana wa Eeloni, mũnene wa ana ma Nzevulunĩ, aete ũelo wake:

25ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;

26na kĩko kĩmwe kya thaavu kya sekeli ĩkũmi, kyusĩe ũvani;

27na kasalũ kamwe, na ndũũme ĩmwe, na katũlũme ka mwaka ũmwe, syĩthĩwe nthembo ya kũvĩvw’a;

28na nthenge ĩmwe yĩthĩwe nthembo kwondũ wa naĩ;

29na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Eliavu mwana wa Eeloni.

30Mũthenya wa kana Elisuli mwana wa Seteuli, mũnene wa ana ma Leuveni, aete ũelo wake:

31ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;

32na kĩko kĩmwe kya thaavu kya sekeli ĩkũmi, kyusĩe ũvani;

33na kasalũ kamwe, na ndũũme ĩmwe, na katũlũme ka mwaka ũmwe, syĩthĩwe nthembo ya kũvĩvw’a;

34na nthenge ĩmwe yĩthĩwe nthembo kwondũ wa naĩ;

35na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Elisuli mwana wa Seteuli.

36Mũthenya wa katano Selumieli mwana wa Nzuli‐satai, mũnene wa ana ma Simeoni, aete ũelo wake:

37ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syeli syusĩe mũtu mũvinyu ũvulanĩtw’e na mauta wĩthĩwe nthembo ya mũtu;

38na kĩko kĩmwe kya thaavu kya sekeli ĩkũmi, kyusĩe ũvani;

39na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;

40na nthenge ĩmwe yĩthĩwe nthembo kwondũ wa naĩ;

41na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Selumieli mwana wa Nzulisatai.

42Mũthenya wa thanthatũ Eliasavu mwana wa Ndeueli, mũnene wa ana ma Ngati, aete ũelo wake:

43ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;

44na kĩko kĩmwe kya thaavu kya sekeli ĩkũmi, kyusĩe ũvani;

45na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;

46na nthenge ĩmwe yĩthĩwe nthembo kwondũ wa naĩ;

47na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Eliasavu mwana wa Ndeueli.

48Mũthenya wa mũonza Elisama mwana wa Amiuti, mũnene wa ana ma Evalaimu, aete ũelo wake:

49ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;

50na kĩko kĩmwe kya thaavu kya sekeli ĩkũmi, kyusĩe ũvani;

51na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;

52na nthenge ĩmwe yĩthĩwe nthembo kwondũ wa naĩ;

53na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe; isu nĩsyo syaĩ ũelo wa Elisama mwana wa Amiuti.

54Mũthenya wa nyanya Ngamalieli mwana wa Vetasuli, mũnene wa ana ma Manase, aete ũelo wake:

55ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;

56na kĩko kĩmwe kya thaavu kya sekeli ĩkũmi, kyusĩe ũvani;

57na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;

58na nthenge ĩmwe yĩthĩwe nthembo kwondũ wa naĩ;

59na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Ngamalieli mwana wa Vetasuli.

60Mũthenya wa kenda Avitani mwana wa Kiteoni, mũnene wa ana ma Mbenyamini, aete ũelo wake:

61ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;

62na kĩko kĩmwe kya thaavu kya sekeli ĩkũmi, kyusĩe ũvani;

63na kasalũ kamwe, na ndũũme ĩmwe, na katũlũme kamwe ka mwaka ũmwe syĩthĩwe nthembo ya kũvĩvw’a;

64na nthenge ĩmwe yĩthĩwe nthembo kwondũ wa naĩ;

65na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Avitani mwana wa Kiteoni.

66Mũthenya wa ĩkũmi Aieseli mwana wa Amisatai, mũnene wa ana ma Ndani, aete ũelo wake:

67ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;

68na kĩko kĩmwe kya thaavu kya sekeli ĩkũmi, kyusĩe ũvani;

69na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;

70na nthenge ĩmwe yĩthĩwe nthembo kwondũ wa naĩ;

71na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe; isu nĩsyo syaĩ ũelo wa Aieseli mwana wa Amisatai.

72Mũthenya wa ĩkũmi na ũmwe Vakieli mwana wa Okalani, mũnene wa ana ma Aseli, aete ũelo wake:

73ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;

74na kĩko kĩmwe kya thaavu kya sekeli ĩkũmi, kyusĩe ũvani;

75na kasalũ kamwe, na ndũũme ĩmwe, na katũlũme kamwe ka mwaka ũmwe syĩthĩwe nthembo ya kũvĩvw’a;

76na nthenge ĩmwe yĩthĩwe nthembo kwondũ wa naĩ;

77na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Vakieli mwana wa Okalani.

78Mũthenya wa ĩkũmi na ĩlĩ Aila mwana wa Enani, mũnene wa ana ma Navitali, aete ũelo wake:

79ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;

80na kĩko kĩmwe kya thaavu kya sekeli ĩkũmi, kyusĩe ũvani;

81na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;

82na nthenge ĩmwe yĩthĩwe nthembo kwondũ wa naĩ;

83na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Aila mwana wa Enani.

84Moelo asu nĩmaumiw’e nũndũ wa kũvatha kĩthembeo kĩthĩwe kĩ kĩtheu, mũthenya ũla kyetĩkĩw’e mauta nĩ anene ma Isilaeli: masaani ĩkũmi na elĩ ma vetha, na mbakũli ikũmi na ĩlĩ sya vetha, na syĩko ĩkũmi na ĩlĩ sya thaavu;

85kĩla ĩsaani ya vetha ũito wayo waĩ sekeli ĩana yĩmwe na mĩongo ĩtatũ, na kĩla mbakũli, sekeli mĩongo mũonza; vetha w’onthe wa mĩio waĩ sekeli ngili ilĩ na maana ana, kwĩanana na sekeli ya vala vandũ vatheu;

86na syĩko ĩkũmi na ilĩ sya thaavu syusĩe ũvani, ũito wa kĩla kĩmwe waĩ sekeli ĩkũmi, kwĩanana na sekeli ya vala vandũ vatheu; thaavu w’onthe wa syĩko waĩ sekeli ĩana yĩmwe na mĩongo ĩlĩ;

87ng’ombe syonthe sya nthembo ya kũvĩvw’a syaĩ tũsalũ twa mũew’a ĩkũmi na twĩlĩ, na ndũũme ĩkũmi na ilĩ, na tũtũlũme twa mwaka ũmwe ĩkũmi na twĩlĩ, na nthembo ya mũtu ya kũthembanĩsya nasyo; na nthenge ĩkũmi na ilĩ sya nthembo kwondũ wa naĩ;

88na ng’ombe syonthe sya nthembo ya nthembo sya mũuo syaĩ tũsalũ twa mũew’a mĩongo ĩlĩ na tũna, na ndũũme mĩongo thanthatũ na nthenge mĩongo thanthatũ na tũtũlũme twa mwaka ũmwe mĩongo thanthatũ. Moelo asu nĩmaumiw’e nũndũ wa kũvatha kĩthembeo kĩthĩwe kĩ kĩtheu, kyamina kwĩtĩkĩw’a mauta.

89Na yĩla Mose walikile ĩeemanĩ ya kũmbanĩa aneene nake, nĩvo ĩndĩ wewie ũla Wasya ũkĩneena nake ũkyuma wĩkalonĩ wa tei ũla waĩ ĩũlũ wa ĩsandũkũ ya ũkũsĩ, kuma katĩ wa ala akeluvi elĩ: na Yeova aneena nake.