bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Numbers 21
Numbers 21
Kamba (Mbivilia) 1956
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
1
Na Mũkanaani, mũsumbĩ wa Alati, ũla watwĩe ngalĩ ya Ĩtheo, eew’a atĩ Isilaeli nĩmokĩte na nzĩa ya Athalimu; nake okita na Isilaeli, na atava amwe moo.
2
Na Isilaeli eevĩtĩa Yeova wĩvĩto, na asya, Ethĩwa nĩ w’o wĩnengane andũ aa kw’okonĩ kwakwa, nĩvo ĩndĩ nĩananga ndũa syoo vyũ.
3
Na Yeova eethukĩĩsya wasya wa Isilaeli, na anengane Akanaani; na mamananga na ndũa syoo vyũ: na syĩtwa ya vandũ vau veetwa Olima.
4
Na maenda kyalo kuma kĩĩma kya Olu na nzĩa ĩla ĩelete Ũkanga Mũtune, mathyũlũlũke nthĩ ya Etomu: na andũ asu makw’a ngoo nũndũ wa ĩ nzĩa.
5
Na andũ mamũneenea Ngai naĩ, na Mose nake, makyasya, Mwatumisye Misili tũkw’ĩe weũnĩ nĩkĩ? Nũndũ vaiĩ kya ũya, na vaiĩ manzĩ; na ngoo sĩtũ niemetwe nĩ kya ũya kĩĩ kĩvũthũ.
6
Na Yeova amaetee andũ asu nzoka iilyĩ ta mwaki, na syamaũma andũ; na andũ aingĩ ma Isilaeli makw’a.
7
Na andũ mooka vala ve Mose, na mamwĩa, Nĩtũvĩtĩtye, nũndũ twamũneenea Yeova naĩ, naku we; mũvoye Yeova, aumye nzoka vala tũĩ. Na Mose amavoyea andũ asu.
8
Na Yeova amwĩa Mose, Seũvya nzoka ĩilyĩ ta mwaki, ũmĩkĩe mũtĩnĩ: na kũkeethĩwa, kĩla mũndũ ũla wĩũmwa, amĩsisya, akekala thayũ.
9
Na Mose aseũvya nzoka ya ũthuku, na amĩkĩa mũtĩnĩ: na kweethĩwa ethĩwa nzoka nĩyaũma mũndũ o na wĩva, asisya ĩla nzoka ya ũthuku, akavĩta.
10
Na ana ma Isilaeli maenda kyalo, na mamba maeema moo Ovothi.
11
Na maenda kyalo kuma Ovothi, na mamba maeema moo Iye‐avalimu, weũnĩ ũla welekele Moavi, kwelekela wumĩlonĩ wa syũa.
12
Kuma vo maenda kyalo, na mamba maeema moo kyandanĩ kya Nzeleti.
13
Na kuma vu maenda kyalo, na mamba maeema moo mũingo ũla ũngĩ wa Alinoni, ũla wĩ weũnĩ, ũla wumite mũvakanĩ wa Aamoli: nũndũ Alinoni nĩ mũvaka wa Moavi, katĩ wa Moavi na Aamoli.
14
Kwondũ wa ũu kũneenetw’e ĩvukunĩ ya Makaũ ma Yeova atĩĩ, Vaevu nthĩnĩ wa Suva, Na syanda sya Alinoni,
15
Na kĩvaũũko kya syanda Kĩla kĩelete wĩkalonĩ wa Ali, Na kĩtinene mũvakanĩ wa Moavi.
16
Na kuma vau maenda kyalo kũvika Mbeeli: na nĩ kĩthima kĩla Yeova wamũtavisye Mose ũndũ wakyo, Ũmban’ya andũ na ngamanenga manzĩ.
17
Nĩvo ĩndĩ Isilaeli mainie wathi ũũ: Vulutya, we kĩthima; kinĩei:
18
Kĩthima, kĩla anene me mbee ũsumbĩnĩ menzie, Kĩla anene ma andũ me ndaĩa mavukũie, Na ndata sya ũsumbĩ, na ndata syoo. Na kuma weũnĩ maenda kyalo kũvika Matana;
19
na kuma Matana mavika Naalieli; na kuma Naalieli mavika Mbamothi;
20
na kuma Mbamothi mavika kyanda kĩla kĩ weũnĩ wa Moavi, kũvika mũtumbĩnĩ wa kĩĩma kya Visika, kĩla kyelekele na ku ĩtheo weũnĩ.
21
Na Isilaeli atũma atũmwa kwa Sioni mũsumbĩ wa Aamoli, akĩmwĩa,
22
Ndeka nĩvĩtĩle nthĩ yaku: tũiathũka ũtee mũũndanĩ, kana kũlika mũũndanĩ wa mĩsavivũ; tũinyw’a manzĩ ma ithima: tũkavĩtĩla lelũnĩ wa mũsumbĩ, kũvika twakĩla mũvaka waku.
23
Na Sioni ndaaĩtĩkĩla kũmaeka Isilaeli mavĩtĩle mũvakanĩ wake: ĩndĩ Sioni oomban’ya andũ make onthe, na amaumaalĩla Isilaeli weũnĩ, na avika Yaasa; na okita na Isilaeli.
24
Na Isilaeli mamũkũna kwa kũmũtemanga na ũvyũ, na mamesya nthĩ yake kuma ũsĩ wa Alinoni kũvika ũla wa Yavoki, o kũvika ana ma Amimoni; nũndũ mũvaka wa ana ma Amimoni waĩ na vinya.
25
Na Isilaeli makwata ndũa isu syonthe: na Isilaeli matwĩe ndũanĩ syonthe sya Aamoli, ndũanĩ ya Esivoni, na tũtũla twayo tw’onthe.
26
Nũndũ Esivoni yaĩ ndũa ya Sioni mũsumbĩ wa Aamoli, ũla wokitie na mũsumbĩ wa Moavi ũla waĩ mbeange wa ĩvinda yĩu, na amũvena nthĩ yake kw’okonĩ kwake, o kũvika Alinoni.
27
Kwondũ wa ũu ala maneenaa na nthimo measya, Ũkai Esivoni; Ndũa ya Sioni nĩyakwe na kũlũlũmĩlw’a:
28
Nũndũ mwaki wumĩte Esivoni, Ũlĩlĩnzĩ wa mwaki wumĩte ndũanĩ ya Sioni: Nĩwanangĩte ndũa ya Ali ya Moavi, Eaĩi ma kũndũ kũtũlu kwa ũ Alinoni.
29
Woo nĩ waku, Moavi! Nĩmwathela, inyw’ĩ andũ ma Kemosi: Anenganĩte ana make methĩwe akĩi, Na eĩtu make mũtavonĩ, Kwa Sioni mũsumbĩ wa Aamoli.
30
Nĩtũmekĩtye mĩsyĩ; Esivoni nĩyaaie o kũvika Ndivoni, Na nĩtwanangie o kũvika Novia, O na kũvika Meteva.
31
Na ĩndĩ Isilaeli matwĩe nthĩ ya Aamoli.
32
Na Mose atũma andũ kũthiana Yaseli; na makwata tũtũla twa vo, na mamalũngya Aamoli ala maĩ vo.
33
Na meethyũũa na mambata na nzĩa ya Mbasani: na Oku mũsumbĩ wa Mbasani amaumaalĩla, we na andũ make onthe, kũkitĩa namo Etilei.
34
Na Yeova amwĩa Mose, Ndũkamũkĩe: nĩkwĩthĩwa nĩnĩmũnenganĩte kw’okonĩ kwaku, na andũ make onthe, na nthĩ yake; na ũkamwĩka o tondũ wamwĩkie Sioni mũsumbĩ wa Aamoli, ũla watwĩe Esivoni.
35
Kwondũ wa ũu mamũkũna we, na ana make na andũ make onthe, kũvika vatyaatiala mũndũ o na wĩva wake: namo mamĩmesya nthĩ yake.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36