bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Numbers 22
Numbers 22
Kamba (Mbivilia) 1956
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 23 →
1
Na ana ma Isilaeli maenda kyalo, na mamba maeema moo ndiĩnĩ sya Moavi mũingo wa Yolotani o vu Yeliko.
2
Na Mbalaki mwana wa Nzivoli oona ũu w’onthe ũla Isilaeli mekĩte Aamoli.
3
Na Moavi amakĩa andũ asu mũno, nũndũ maĩ aingĩ: na Moavi aũũya nũndũ wa ana ma Isilaeli.
4
Na Moavi amea atumĩa ma Mitiani, Yu nguthu ĩno ĩkanyenya kĩla kyonthe kĩtũthyũlũlũkĩte, o tondũ ng’ombe ĩnyenyaa nyeki ya weũ. Na Mbalaki mwana wa Nzivoli aĩ mũsumbĩ wa Moavi ĩvinda yĩu.
5
Na atũma atũmwa kwa Mbalaamu mwana wa Mbeoli, ku Vetholi, ĩla yĩ vakuvĩ na ũla Ũsĩ, nthĩ ya syana sya andũ make, mamwĩte, makĩmwĩa, Sisya, kwĩ andũ ala maumĩte Misili: sisya, mavw’ĩkĩte nthĩ, na mekalaa mambelekele nyie.
6
Ũka oyu ĩndĩ, nĩngũkwĩsũva, ũnumanĩĩe andũ aa: nũndũ nao me na vinya kũmbĩtũka nyie: nokwĩthĩwa nĩmakĩlya vinya, tũmakũne, nakwa nĩmalũngye maume nthĩ ĩno; nũndũ nĩnĩsĩ ũla ũmũathimaa we nĩ mũathime, na ũla ũumanĩaa nĩ mũumanĩe.
7
Na atumĩa ma Moavi na atumĩa ma Mitiani mathi makwete syĩndũ sya kũaũsya mokonĩ moo; nao mavika vala ve Mbalaamu, na mamũtavya ndeto sya Mbalaki.
8
Nake amea, Komai vaa ũtukũ ũũ, na ngamũetee ũvoo ĩngĩ, o tondũ Yeova wĩmbĩa: na ala anene me mbee ũsumbĩnĩ ma Moavi mekala kwa Mbalaamu.
9
Na Ngai ooka vala ve Mbalaamu, na amũkũlya, Andũ aa me kwaku naaũ?
10
Na Mbalaamu amwĩa Ngai, Mbalaki mwana wa Nzivoli, mũsumbĩ wa Moavi, nũtũmanĩte kwakwa, akĩmbĩa,
11
Sisya, andũ ala maumĩte Misili, nĩmavw’ĩkĩte nthĩ: oyu, ũka ũnumanĩĩe mo; nokwĩthĩwa ndonya kũkita namo, na kũmalũngya.
12
Na Ngai amwĩa Mbalaamu, Ndũkaende namo; ndũkaumanĩe andũ asu; nũndũ nĩ aathime.
13
Na Mbalaamu ookĩla kĩoko, na amea anene me mbee ũsumbĩnĩ ma Mbalaki, Alũkai nthĩ yenyu; nũndũ Yeova nũnũkũlea kũnenga ũthei wa kũthi nenyu.
14
Na anene me mbee ũsumbĩnĩ ma Moavi mookĩla na mamũsyokea Mbalaki, na mamwĩa, Mbalaamu nũleile kũkan’ya naitũ.
15
Na Mbalaki atũma ĩngĩ anene me mbee ũsumbĩnĩ aingangĩ, na me na ndaĩa kwĩ asu ma mbee.
16
Na mavika kwa Mbalaamu, na mamwĩa, Ũũ nĩw’o Mbalaki mwana wa Nzivoli ũnũkwasya, Nĩngũkwĩsũva, ndũkasiĩĩwe nĩ ũndũ o na wĩva kũka vala nĩĩ:
17
nũndũ ngakũnenevya wĩthĩwe na ndaĩa nene mũno, na o ũla wĩmbĩa ngawĩka: ũka ĩndĩ, nĩngũkwĩsũva, ũnumanĩĩe andũ aa.
18
Na Mbalaamu asũngĩa na amea athũkũmi ma Mbalaki, O na ethĩwa Mbalaki akanenga nyũmba yake yusũĩte vetha na thaavu, nditonya kũkĩla ndeto ya Yeova Ngai wakwa, kũmĩnyivya kana kũmyongelela.
19
Yu ĩndĩ, nĩngũmwĩsũva, ĩkalai vaa ũtukũ ũũ naw’o, nĩmanye ũndũ Yeova wĩongela kũmbĩa.
20
Na Ngai amũendea Mbalaamu ũtukũ, na amwĩa, Ethĩwa andũ nĩmooka ũkwĩta, ũkĩla, ũthi namo; ĩndĩ no ndeto ĩla nĩkũtavya, nĩyo wĩĩka.
21
Na Mbalaamu ookĩla kĩoko, na atandĩka ĩng’oi yake, na athi na anene me mbee ũsumbĩnĩ ma Moavi.
22
Na ũthatu wa Ngai wakana nũndũ nĩwathi; na mũlaĩka wa Yeova aũngama nzĩanĩ ethĩwe nthũ yake. Nake aenda akuĩtwe nĩ ĩng’oi yake na athũkũmi make elĩ maĩ vamwe nake.
23
Na ĩng’oi yoona mũlaĩka wa Yeova aũngeme nzĩanĩ, akũĩte ũvyũ wake wĩ kw’okonĩ kwake; na ĩng’oi yaathũka ũtee wa nzĩa, na yathi mũũndanĩ: na Mbalaamu akũna ĩng’oi, ayĩtũnge nzĩanĩ.
24
Nĩvo ĩndĩ mũlaĩka wa Yeova aũngama nzĩanĩ ntheke katĩ wa mĩũnda ya mĩsavivũ, ũvai wĩ ngalĩ ĩno, na ũvai ngalĩ ĩya.
25
Na ĩng’oi yoona mũlaĩka wa Yeova, na yeethũũan’ya na ũvai, na yavinyĩĩa kũũ kwa Mbalaamu ũvainĩ: nake ayĩkũna ĩngĩ.
26
Na mũlaĩka wa Yeova aenda mbee, na aũngama vandũ vatheke, vala vataĩ ũthei wa kwathũka ngalĩ ya kw’oko kwa aũme kana kw’oko kwa aka.
27
Na ĩng’oi yoona mũlaĩka wa Yeova, na yavalũka nthĩ yĩkuĩte Mbalaamu: na ũthatu wa Mbalaamu wakana, na akũna yĩla ĩng’oi na ndata yake.
28
Na Yeova aathamya kanyw’a wa ĩng’oi, nayo yamwĩa Mbalaamu, Nakwĩkie ata, ũndũ ũũngũna mavinda aa atatũ?
29
Na Mbalaamu ayĩa ĩng’oi, Nĩkwĩthĩwa nũũmbũĩa ngũĩ: nenda kethĩwa nĩĩ na ũvyũ kw’okonĩ kwakwa, nũndũ yu nĩthĩwa ngũaie.
30
Na ĩng’oi yakũlya Mbalaamu, Nyie ndi ĩng’oi yaku, yĩla yĩũkuaa matukũ maku onthe kũvika ũmũnthĩ? Nĩ ĩndĩĩ nakwĩkie ũu? Nake asũngĩa, Aiee.
31
Nĩvo ĩndĩ Yeova wasalukilye metho ma Mbalaamu, nake oona mũlaĩka wa Yeova aũngeme nzĩanĩ, e na ũvyũ wake akũĩte wĩ kw’okonĩ kwake; na akunamya mũtwe wake, na avalũka na ũthyũ wake.
32
Na mũlaĩka wa Yeova amwĩa, Wakũna ĩng’oi yaku mavinda aa atatũ nĩkĩ? Sisya, nĩnumie nĩthĩwe mũmaitha, nĩkwĩthĩwa nzĩa yaku nĩ ya ngũlũ vala nĩĩ:
33
na yĩ ĩng’oi yambona, na yaathũka ũtee mbee wakwa mavinda aa atatũ: kethĩwa yĩtyaathũka ũtee mbee wakwa, nĩthĩwa ngũaie vate ndĩi, na kũyĩeka yĩ thayu.
34
Na Mbalaamu amwĩa mũlaĩka wa Yeova, Nĩnĩvĩtĩtye; nũndũ ndyĩĩsĩ kana ũũngeme nzĩanĩ kũnziĩĩa: kwondũ wa ũu yu ethĩwa ũu ndũũkwendeesya, nĩngũalũka.
35
Na mũlaĩka wa Yeova amwĩa Mbalaamu, Enda na andũ aa; ĩndĩ no ndeto ĩla nĩũtavya, nĩyo wĩneena. Kwondũ wa ũu Mbalaamu athi na anene me mbee ũsumbĩnĩ ma Mbalaki.
36
Na yĩla Mbalaki wewie Mbalaamu nĩwooka, aumaala amũthaũe kũvika Ndũa ya Moavi, ĩla yĩ mũvakanĩ wa ũsĩ wa Alinoni, ũla wĩ mũminũkĩlyonĩ wa mũvaka.
37
Na Mbalaki akũlya Mbalaamu, Ndinatũmana na kĩthing’ĩĩsyo makwĩte? Ndũnoka vala nĩĩ nĩkĩ? Nditonya ũkũnenevya wĩthĩwe na ndaĩa?
38
Na Mbalaamu amwĩa Mbalaki, Sisya, nĩnooka vala ũĩ: nĩ na vinya o na wĩva o na yu ndonya ũneena ũndũ o na ũmwe? Ndeto ĩla Ngai wĩmbĩkĩa kanyw’anĩ wakwa, noyo nĩneena.
39
Na Mbalaamu athi na Mbalaki na mavika Kiliathiusothi.
40
Na Mbalaki athemba ng’ombe na malondu, na amwatũĩla Mbalaamu, na anene me mbee ũsumbĩnĩ ala maĩ nake.
41
Na kweethĩwa ũnĩ ũsu, Mbalaki amwosa Mbalaamu, na amwambatya kũndũ kũtũlu kwa Mbaali; na e kũu oona andũ onthe o vala mathelele.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36