bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Numbers 14
Numbers 14
Kamba (Mbivilia) 1956
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 15 →
1
Na ũmbano w’onthe wookĩlya wasya woo, na kũĩa; na andũ asu maĩa ũtukũ ũsu.
2
Na ana onthe ma Isilaeli mamanyungunyĩĩsya Mose na Aluni: na ũmbano w’onthe wamea, Twenda kethĩwa twakw’ĩĩe nthĩ ya Misili! Kana twenda kethĩwa twakw’ĩĩe weũnĩ ũũ!
3
Na nũndũ wa kĩ Yeova watũetie nthĩ ĩno, tũvalũkw’e na ũvyũ? Iveti sitũ na syana sitũ nini ikeethĩwa syĩ syĩndũ sya mbuta: ti kavaa kwitũ tũsyoke Misili?
4
Na maneenan’ya, Twie ũmwe ethĩwe kavuteni, na tũkĩsyoka Misili.
5
Nĩvo ĩndĩ Mose na Aluni mavalũkile na mothyũ moo mbee wa ũmbano w’onthe ũla wũmbanĩte wa ana ma Isilaeli.
6
Na Yosua mwana wa Nuni na Kalevu mwana wa Yevune, ala maĩ na asu ala mathianie nthĩ, matembũanga ngũa syoo:
7
na maneena na ũmbano w’onthe wa ana ma Isilaeli, makyasya, Nthĩ, ĩla tũnangangaa tũkĩmĩthiana, nĩ nthĩ nzeo mũno.
8
Ethĩwa Yeova nĩwendeeaw’a nĩ ithyĩ, akatũtwaa nthĩ ĩsu, na kũtũnenga yo; nthĩ ĩla yusũĩte ĩia na ũkĩ wa nzũkĩ.
9
Ĩndĩ mũtikamũng’endee Yeova, o na mũtikakĩe andũ ma nthĩ ĩsu; nũndũ nĩo kya ũya kitũ: muunyĩ ũla melingĩtye ũla waĩ ĩũlũ woo nĩ mũvete, na Yeova e vamwe naitũ: mũikamakĩe.
10
Ĩndĩ ũmbano w’onthe wasya makimangwe na mavia. Na ũtheu mũtisu wa Yeova wamaumĩlĩla ana onthe ma Isilaeli ĩeemanĩ ya kũmbanĩa.
11
Na Yeova amwĩa Mose, Andũ aa makambũthya kũvika ĩndĩĩ? Na makalea kũndĩkĩĩa ĩvinda yĩana ata, nũndũ wa syama syonthe ila neekie katĩ wamo?
12
Ngamakũna na mũimũ, na kũmavata ũtĩĩwa woo, na ngakũtw’ĩkĩthya mbaĩ nene na yĩ vinya kwĩ mo.
13
Na Mose amwĩa Yeova, Nĩvo ĩndĩ Amisili meĩw’a ũu; nũndũ nĩwaumisye andũ aa kwoo na vinya waku;
14
nao makatavya andũ ala matwĩe nthĩ ĩno. Nĩmwew’ĩte kana we Yeova wĩ katĩ wa andũ aa; nũndũ we Yeova nĩwonawa ũthyũ kwa ũthyũ, na mũumbĩ waku ũũngamaa ĩũlũ woo, na nũendaa ũmatongoesye kĩtuĩnĩ kya mũumbĩ mũthenya, na kĩtũĩnĩ kya mwaki ũtukũ.
15
Na yu ethĩwa ũkooaa andũ aa o ta kũaa mũndũ ũmwe, nĩvo ĩndĩ mbaĩ ila syeewie nguma yaku ikaneena, ikyasya,
16
Nĩkwĩthĩwa Yeova ndaatonya kũtwaa andũ aa nthĩ ĩla wameavĩe, kwondũ wa ũu amoaĩa weũnĩ.
17
Na yu, nĩngũkũvoya, vinya wa Mwĩaĩi wĩthĩwe wĩ mũnene, kwĩanana na ũndũ waneenie, ũkyasya,
18
Yeova ndathataa na mĩtũkĩ, e na wingĩ wa ũseo wĩ wendo, akĩekea ũthũku na ĩvĩtyo; na ũla ũtakatw’a mũvĩtan’ya kwĩthĩwa ti mũvĩtan’ya o na ata, na akĩĩvanĩsya kwa syana ũthũku wa aaĩthe moo, kũvika nzyawa ya katatũ na ya kana.
19
Ekea, nĩngũkũvoya, ũthũku wa andũ aa kwĩanana na ũnene wa ũseo waku wĩ wendo, na kwĩanana na ũndũ wamaekeaa andũ aa, kuma Misili kũvika o na yu.
20
Na Yeova amwĩa, Nĩnamaekea kwĩanana na ndeto yaku:
21
ĩndĩ nĩ w’o, o tondũ nĩ thayũ, na o tondũ nthĩ yonthe ĩkausũwa nĩ ndaĩa ya Yeova;
22
nĩkwĩthĩwa andũ asu onthe ala moonie ũnene wakwa, na syama syakwa, ila neekie Misili na weũnĩ, ĩndĩ mandatie mavinda aa ĩkũmi, na matyaaĩthukĩĩsya wasya wakwa;
23
vate ndĩi matikona nthĩ ĩla nameavĩe aaĩthe moo, o na vai ũmwe wa asu ala mambũthisye ũkamyona:
24
ĩndĩ mũthũkũmi wakwa Kalevu, nĩkwĩthĩwa aĩ na veva ũngĩ nthĩnĩ wake, na nũmbikĩlĩte vyũ, ũsu ngamũtwaa nthĩ vala walikile, na ĩkeethĩwa yĩ ng’ũndũ ya ũsyao wake.
25
Na ĩndĩ Mũamaleki na Mũkanaani matũaa mwandanĩ: ũnĩ ĩthyũũei na mũithi weũnĩ na nzĩa ĩelete Ũkanganĩ Mũtene.
26
Na Yeova aneena na Mose na Aluni, aimea,
27
Ngoomĩĩsya ũmbano ũũ mũthũku ũla ũnyungunyĩĩasya ĩvinda yĩana ata? Nĩneewie monyungunyĩsyo ma ana ma Isilaeli ala manyungunyĩĩasya.
28
Matavyei, O tondũ nĩ thayũ, easya ũu Yeova, nĩ w’o, o tondũ mũneenete matũnĩ makwa, ngamwĩka o ta ũu:
29
simba syenyu ikavalũka weũnĩ ũũ; na inyw’onthe ala mũtalilwe, kwĩanana na ũtalo wenyu w’onthe, ala mũvikĩtye myaka mĩongo ĩlĩ na mbee, ala mũnyungunyĩĩasya,
30
nĩ w’o mũtikalika nthĩ ĩsu, ĩla neeavĩe ngamwĩkalya vo, ate o Kalevu mwana wa Yevune, na Yosua mwana wa Nuni.
31
Ĩndĩ syana syenyu nini, ila mwaisye ikeethĩwa syĩndũ sya mbuta, isu nĩsyo ngaitwaa vo, nasyo ikamanya nthĩ ĩla mũleete.
32
Ĩndĩ ũndũ wenyu, simba syenyu ikavalũka weũnĩ ũũ.
33
Na syana syenyu ikeethĩwa angangi weũnĩ myaka mĩongo ĩna, na ikakua mũio wa ũmalwaya wenyu, kũvika yĩla simba syenyu ikanangĩkĩa weũnĩ.
34
O ta ũtalo wa mĩthenya ĩla mũnathianie nthĩ, o mĩthenya mĩongo ĩna, mwaka vandũ va kĩla mũthenya, mũkakua ũthũku wenyu, o myaka mĩongo ĩna, na mũkamanya kũtaanĩsya nakwa ũndũ kũilyĩ.
35
Nyie, Yeova, nĩneenete, nditĩa kwĩka ũu ũmbano ũũ w’onthe mũthũku, ũla wambũmbanĩe: makanangĩkĩa weũnĩ ũũ, na nĩvo makakw’ĩa.
36
Na andũ, ala Mose watũmie kũthiana nthĩ, ala masyokie, na matuma ũmbano w’onthe ũmũnyungunyĩĩsya, kwondũ wa kũete ũvoo mũthũku ũndũ wa nthĩ,
37
o andũ asu ala maetie ũvoo mũthũku wa nthĩ, makwie na ũ mũimũ Yeova ene.
38
Ĩndĩ Yosua mwana wa Nuni, na Kalevu mwana wa Yevune, nĩmo mekalile thayũ, ma andũ asu ala maendie kũthiana nthĩ.
39
Na Mose atavya ana onthe ma Isilaeli ndeto isu: na andũ maĩa mũno.
40
Na mookĩla kĩoko tene, na mambata mũtumbĩnĩ wa kĩĩma, makyasya, Sisya, twĩ vaa, na tũkambata tũthi vandũ vala Yeova watwathie: nũndũ nĩtwavĩtisye.
41
Na Mose amea, Yu nũndũ wa kĩ mũũvĩtya mwĩao wa Yeova, nũndũ ũndũ ũsu ndũkaathimĩka?
42
Mũtikambate, nũndũ Yeova nde vamwe nenyu; mũikakũnwe mũvalũkw’e nthĩ nĩ amaitha menyu.
43
Nũndũ Mũamaleki na Mũkanaani me vo mbee wenyu, nenyu mũkavalũkw’a na ũvyũ: nĩkwĩthĩwa nĩmũsyokete na ĩtina mũkaeka kũmũatĩĩa Yeova, kwondũ wa ũu Yeova ndakethĩwa vamwe nenyu.
44
Ĩndĩ maema na mambata mũtumbĩnĩ wa kĩĩma: ĩndĩ ĩsandũkũ ya ũtianĩo ya Yeova yĩtyaauma mwakonĩ wa maeema, o na Mose nake ndaauma.
45
Nĩvo ĩndĩ Mũamaleki na Mũkanaani ala matwĩe kĩĩmanĩ kyu matheeie, na mamakũna na mamavalũkya nthĩ, o na kũvika Olima.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36