bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Numbers 13
Numbers 13
Kamba (Mbivilia) 1956
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
1
Na Yeova aneena na Mose, akĩmwĩa,
2
Tũma andũ mathi makathiane nthĩ ya Kanaani, ĩla ngũmanenga ana ma Isilaeli: ũkatũme mũndũ wa kĩla mbaĩ ya aaĩthe moo, kĩla ũmwe mũnene nthĩnĩ wamo.
3
Na Mose amatũma kuma weũnĩ wa Valani kwĩanana na mwĩao wa Yeova: onthe maĩ andũ ala maĩ atongoi ma ana ma Isilaeli.
4
Na masyĩtwa moo nĩ aa: Wa mbaĩ ya Leuveni, Samua mwana wa Nzakuli.
5
Wa mbaĩ ya Simeoni, Savati mwana wa Oli.
6
Wa mbaĩ ya Yuta, Kalevu mwana wa Yevune.
7
Wa mbaĩ ya Isakali, Ikali mwana wa Yosevu.
8
Wa mbaĩ ya Evalaimu, Osea mwana wa Nuni.
9
Wa mbaĩ ya Mbenyamini, Valiti mwana wa Lavu.
10
Wa mbaĩ ya Nzevuluni, Ngatieli mwana wa Soti.
11
Wa mbaĩ ya Yosevu wa mbaĩ ya Manase, Ngatiti mwana wa Susi.
12
Wa mbaĩ ya Ndani, Amieli mwana wa Ngemali.
13
Wa mbaĩ ya Aseli, Sethuli mwana wa Mikaeli.
14
Wa mbaĩ ya Navitali, Navi mwana wa Vovisi.
15
Wa mbaĩ ya Ngati, Ngeueli mwana wa Maki.
16
Asu nĩmo masyĩtwa ma andũ ala Mose watũmie mathi mathiane nthĩ. Na Osea mwana wa Nuni, Mose amwĩta Yosua.
17
Na Mose amatũma mathi kũthiana nthĩ ya Kanaani, na amea, Ambatai na nzĩa ĩno ya ngalĩ ya Ĩtheo, na ambatai mũvike nthĩ yĩ iĩma:
18
mwone nthĩ, ũndũ ĩilyĩ; na andũ ala matwĩe vo, ethĩwa me na vinya kana mati na vinya, ethĩwa nĩ avũthũ kana aingĩ;
19
na nthĩ ũndũ ĩilyĩ ĩla matwĩe, ethĩwa nĩ nzeo kana nĩ nthũku; na ndũa ila matwĩe ũndũ iilyĩ, ethĩwa matũaa myakonĩ ya maeema, kana ngomenĩ syĩ vinya;
20
na ũndũ nthĩ ĩilyĩ, ethĩwa nĩ nou kana nĩ mosu, ethĩwa yĩ na mĩtĩ kana ndĩĩ. Na ĩthĩwai na ũkũmbaũ mũnene, na mũiete ũsyao wa nthĩ ĩsu. Na ĩndĩ ĩvinda yĩu yaĩ ĩvinda ya nzavivũ kwambĩlĩlya kwĩw’a.
21
Na kwondũ wa ũu mambata, na mathiana nthĩ kuma weũ wa Nzini kũvika Leovu, kũvika ũlikĩlonĩ wa Amathi.
22
Na mambata ngalĩ ya Ĩtheo, na mavika Eviloni; na Aimani na Sesai na Talimai, ana ma Anaki maĩ vo. (Na ĩndĩ Eviloni nĩyakiwe myaka mũonza Nzoani ku Misili ĩtanamba kwakwa.)
23
Na mavika kyandanĩ kya Esikoli, na matema vo mũkoi wĩ na kĩtũngo kĩmwe kya nzavivũ, na andũ elĩ makĩkua na mũtĩ makwatanĩe; na maete o na makũngũmanga na makũyũ.
24
Vandũ vau veetwa kyanda kya Esikoli, nũndũ wa kĩtũngo kĩla ana ma Isilaeli matemie vo.
25
Na matukũ mĩongo ĩna mathela masyoka kuma kũthiana nthĩ.
26
Na mathi na mavika vala ve Mose, na Aluni, na ũmbano w’onthe wa ana ma Isilaeli, kũvika Katesi weũnĩ wa Valani; na mamatavya ũvoo, vamwe na ũmbano w’onthe, na mamon’ya ũsyao wa nthĩ ĩsu.
27
Na mamũtavya, makĩmwĩa, Twavika nthĩ ĩla watũtũmie; na nĩ w’o, yusũĩte ĩia na ũkĩ wa nzũkĩ; na ũũ nĩ ũsyao wayo.
28
Ĩndĩ andũ ala matwĩe nthĩ ĩsu me na vinya, na ndũa nithyũlũlũkĩtwe nĩ maũvai, na nĩ nene mũno: na ũndũ ũngĩ twoonie ana ma Anaki kw’o.
29
Amaleki nũtwĩe nthĩ ya ngalĩ ya Ĩtheo: na Mũititi na Mũyevusi na Mũamoli matwĩe nthĩ yĩ iĩma; na Mũkanaani nũtwĩe vakuvĩ na ũkanga, na ũtee wa ũsĩ wa Yolotani.
30
Na Kalevu avindĩthya andũ me mbee wa Mose, na amea, Twambatei oyu, na kũmĩmesya: nũndũ nĩtũtonya mũno kũmĩkĩlya vinya.
31
Ĩndĩ andũ ala mambatie nake masya, Tũtitonya kwambata kũkita na andũ asu; nũndũ me na vinya kwĩ ithyĩ.
32
Na mamaetee ana ma Isilaeli ũvoo mũthũku wa nthĩ ĩsu ĩla manathianaa, makĩmea, Nthĩ ĩla tũnangangaa tũkĩmĩthiana, nĩ nthĩ ĩla ĩthelelaa andũ ala mamĩtũaa; na andũ onthe ala twoonie vo nĩ andũ aasa mũno.
33
Na vo twoonie Nevilimu, ana ma Anaki, ala maumaa kwa Nevilimu; naitũ tweeyonie ta itooli, nao now’o matwonie.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36