bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Numbers 35
Numbers 35
Kamba (Mbivilia) 1956
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
1
Na Yeova aneenea na Mose ndiĩnĩ sya Moavi vakuvĩ na Yolotani ku Yeliko, akĩmwĩa,
2
Meaĩe ana ma Isilaeli mamanenge Alivai ndũa sya kũtũa nthĩnĩ wa ũtiĩwa wa ng’ũndũ syoo; na mũkanenge Alivai syengo ila ithyũlũlũkĩtye ndũa ngalĩ syonthe.
3
Na ndũa isu ikeethĩwa syoo sya kũtũa; na syengo isu ikeethĩwa sya indo syoo, na sya ũthwii woo, na sya nyamũ syoo syonthe.
4
Na syengo sya ndũa isu, ila mũkanenga Alivai, ikeethĩwa kuma ũvainĩ wa ndũa kũthyũlũlũka ngalĩ syonthe mĩkono ngili ĩmwe.
5
Na mũkathime ũtee wa ndũa mĩkono ngili ili ngalĩ ya wumĩlonĩ wa syũa, na ngalĩ ya ĩtheo mĩkono ngili ilĩ, na ngalĩ ya ũthũĩlonĩ wa syũa mĩkono ngili ilĩ, na ngalĩ ya ĩũlũ mĩkono ngili ilĩ, na ndũa ĩkeethĩwa yĩ katĩ. Ũu nĩw’o syengo sya ndũa ikethĩwa iilyĩ kwoo.
6
Na ndũa ila mũkanenga Alivai, ikeethĩwa ndũa thanthatũ sya kwĩvitha, ila mũkanengane kwondũ wa mũndũ ũla ũkoaa ũngĩ akĩĩae vo: na vamwe na isu mũkanengane ndũa ingĩ mĩongo ĩna na ilĩ.
7
Ndũa syonthe ila mũkanenga Alivai ikeethĩwa mĩongo ĩna na nyanya; nĩsyo mũkamanenga vamwe na syengo syasyo.
8
Na ũndũ wa ndũa ila mũkanengane kuma nthĩnĩ wa ng’ũndũ ya ana ma Isilaeli, kuma kwa andũ aingĩ mũkoosa ndũa nyingĩ; na kuma kwa andũ anini mũkoosa nini: kĩla mũndũ akanenga Alivai ndũa imwe syake, kwĩanana na ũtiĩwa wake ũla watiĩwe.
9
Na Yeova aneena na Mose, akĩmwĩa,
10
Neena na ana ma Isilaeli, noimea, Yĩla mwĩinga Yolotani mũlike nthĩ ya Kanaani,
11
nĩvo ĩndĩ mwĩia ndũa syĩthĩwe ndũa sya kwĩvitha kwondũ wenyu, nĩ kana mũndũ ũla ũkoaa mũndũ o na wĩva na mbanga akĩĩae vo.
12
Na ndũa isu ikeethĩwa kwenyu kwondũ wa kũmwĩvitha mũĩvanĩsya, nĩ kana mũndũ ũla ũkoaa ũngĩ ndakoawe, atanaũngama mbee wa ũmbano asilĩlwe.
13
Na ndũa ila mũkanengane ikeethĩwa kwenyu ndũa thanthatũ sya kwĩvitha.
14
Mũkanengane ndũa itatũ mũingo wa Yolotani; na mũkanengane ndũa itatũ nthĩ ya Kanaani; isu ikeethĩwa ndũa sya kwĩvitha.
15
Ndũa isu thanthatũ ikeethĩwa sya kwĩvitha kwondũ wa ana ma Isilaeli, na kwondũ wa mũeni, na kwondũ wa mwĩkali wa ũeninĩ wĩ kwoo; nĩ kana kĩla mũndũ ũla ũkoaa mũndũ o na wĩva na mbanga akĩĩae vo.
16
Ĩndĩ ethĩwa nĩwamũkũna na kĩndũ kya kĩaa, na akw’a, ũsu mũkũnani nĩ mũaani: mũaani nde ndĩi ya kũlea kũawa.
17
Na ethĩwa nĩwamũkima na ĩvia akwete na kw’oko kwake, yĩla yĩtonya kũaa mũndũ, na akw’a, ũsu mũkimani nĩ mũaani: mũaani nde ndĩi ya kũlea kũawa.
18
Kana ethĩwa nĩwamũkũna na kĩndũ kya mũtĩ akwete kw’okonĩ, kĩla kĩtonya kũaa mũndũ, na akw’a, ũsu mũkũnani nĩ mũaani: mũaani nde ndĩi ya kũlea kũawa.
19
Mũĩvanĩsya wa nthakame we mwene akooaa mũaani ũsu: akomana nake akamũaa.
20
Na ethĩwa nĩwamũluuta nũndũ wa kũmũmena, kana kũmwĩkya kĩndũ, amwoveesye, na kwondũ wa ũu aikw’a,
21
kana ethĩwa nĩwamũkũna na kw’oko kwondũ wa ũthũ, na kwondũ wa ũu aikw’a; ũla wamũkũna nde ndĩi ya kũlea kũawa; ũsu mũkũnani nĩ mũaani: mũĩvanĩsya wa nthakame akoaa mũaani ũsu, o yĩla wĩkomana nake.
22
Ĩndĩ ethĩwa nĩwamũluuta na kĩthũlũmũkĩlo vate ũthũ, kana kũmwĩkya kĩndũ vate kũmwoveesya,
23
kana ĩvia o na yĩva, yĩla yĩtonya kũaa mũndũ, na akamwĩkya, atamwene, na kwondũ wa ũu aikw’a, na ti nthũ yake, o na ndaamantha kũmwĩka ũndũ ũthũku;
24
nĩvo ĩndĩ ũmbano ũkamasilan’ya ũla mũkũnani na mũĩvanĩsya wa nthakame, kwĩanana na motw’ĩo aa;
25
na ũmbano ũkamũvonokya mũaani kũmumya kw’okonĩ kwa mũĩvanĩsya wa nthakame, na ũmbano ũkamũtũnga ndũanĩ yake ya kwĩvitha, vala wakĩĩe: na akekala nthĩnĩ wayo kũvika yĩla mũthembi mũnene ũkakw’a ũla wetĩkĩw’e mauta matheu.
26
Ĩndĩ ethĩwa mũaani o na ĩndĩĩ akakĩla mũvaka wa ndũa yake ya kwĩvitha, vala wakĩĩe,
27
na mũĩvanĩsya wa nthakame akamwona akĩlĩte mũvaka wa ndũa yake ya kwĩvitha, na mũĩvanĩsya wa nthakame akoaa ũla mũaani; ndakethĩwae na ĩvĩtyo kwondũ wa nthakame ĩsu,
28
nĩkwĩthĩwa ũsu nĩwaĩlwe nĩ kwĩkala ndũanĩ yake ya kwĩvitha kũvika yĩla mũthembi mũnene ũkakw’a: ĩndĩ mũthembi mũnene akw’a ũla mũaani akasyoka nthĩ ĩla ya ng’ũndũ yake.
29
Na maũndũ asu makeethĩwa kwenyu mwamũlo na ũtw’ĩo mosyaanĩonĩ menyu onthe motũonĩ menyu onthe.
30
O ũla ũkoaa mũndũ o na wĩva, mũaani ũsu akooawa nũndũ wa makanyw’a ma ngũsĩ: ĩndĩ ngũsĩ ĩmwe yĩ yoka ndĩkamũkũsĩĩe mũndũ o na wĩva oawe.
31
Na ĩngĩ mũtikose mbovosya kwondũ wa thayũ wa mũaani, ũla wonekete nĩwaĩlwe nĩ kũawa; ĩndĩ mũndũ ũsu nde ndĩi ya kũlea kũawa.
32
Na mũtikose mbovosya kwondũ wa ũla wakĩĩe ndũanĩ yake ya kwĩvitha, nĩ kana asyoke kwĩkala nthĩ yake, mũthembi atanakw’a.
33
Na ĩndĩ mũtikavukye nthĩ ĩla mũtwĩe: nũndũ nthakame, nĩyo ĩvukasya nthĩ; na vai nthembo yumaw’a kwondũ wa nthĩ ũndũ wa nthakame ĩla yetĩkiwe vo, keka o nthakame ya ũla wamĩtĩkisye.
34
Na mũtikavukye nthĩ ĩla mũtũĩte, ĩla nyie nĩtũaa nthĩnĩ wayo: nũndũ nyie, Yeova, nĩtũaa katĩ wa ana ma Isilaeli.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36