bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Numbers 3
Numbers 3
Kamba (Mbivilia) 1956
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
1
Na ĩndĩ ii nĩsyo nzyawa sya Aluni na Mose mũthenya ũla Yeova waneenee na Mose kĩĩmanĩ kya Sinai.
2
Na aa nĩmo masyĩtwa ma ana ma Aluni: Natavu ĩkithathi, na Aviu, na Eleasali, na Ithamali.
3
Nĩmo masyĩtwa ma ana ma Aluni, athembi ala metĩkĩiwe mauta, ala wamavathie methĩwe atheu mathũkũmae wĩanĩ wa ũthembi.
4
Na Natavu na Aviu makw’ĩa vu mbee wa Yeova, yĩla maumĩsye Yeova mwaki ũte wa vo, weũnĩ wa Sinai, nao matyaĩ na syana; na Eleasali na Ithamali mathũkũmaa wĩanĩ wa ũthembi Aluni ĩthe woo e vo.
5
Na Yeova aneena na Mose, akĩmwĩa,
6
Thengeesya mbaĩ ya Livai, na maie mbee wa mũthembi Aluni mamũthũkũmae.
7
Nao makasũvĩae wĩaĩo wake, na wĩaĩo wa ũmbano w’onthe vu mbee wa ĩeema ya kũmbanĩa, mathũkũmae wĩanĩ wa wĩkalo.
8
Nao makasũvĩae mĩio yonthe ya ĩeema ya kũmbanĩa, na ũla wĩaĩo wa ana ma Isilaeli, mathũkũmae wĩanĩ wa wĩkalo.
9
Namo Alivai ũkanenge Aluni na ana make: na nĩmanenganĩtwe kwake vyũ kwondũ wa ana ma Isilaeli.
10
Naku ũkamaie Aluni na ana make, na makasũvĩae ũthembi woo: na mũeni ũla wĩthengeea mũvaka oawe.
11
Na Yeova aneena na Mose, akĩmwĩa,
12
Nakwa, sisya, nĩnĩmaumĩtye Alivai nthĩnĩ wa ana ma Isilaeli vandũ va makithathi onthe ala mambaa kuma ĩvunĩ ya nyinyia ma ana ma Isilaeli; na Alivai makeethĩwa makwa:
13
nũndũ makithathi onthe nĩ makwa; mũthenya ũla nooaie makithathi onthe nthĩ ya Misili nĩnavathie makithathi onthe nthĩnĩ wa Isilaeli methĩwe atheu kwakwa, mũndũ o na nyamũ; makeethĩwa makwa; ninyie Yeova.
14
Na Yeova aneena na Mose weũnĩ wa Sinai, akĩmwĩa,
15
Tala ana ma Livai kũatĩĩa nyũmba sya aaĩthe moo, kũatĩĩa mĩvĩa yoo: kĩla mũndũ mũũme ũvikĩtye mwei ũmwe na mbee ũkamatale.
16
Na Mose amatala kwĩanana na ndeto ya Yeova, o ũndũ weaĩwe.
17
Na aa nĩo ana ma Livai na masyĩtwa moo: Ngelisoni, na Koathi, na Melali.
18
Na masyĩtwa ma ana ma Ngelisoni kũatĩĩa mĩvĩa yoo nĩ aa: Livini na Simei.
19
Na ana ma Koathi kũatĩĩa mĩvĩa yoo: Amilamu, na Isali, na Eviloni, na Usieli.
20
Na ana ma Melali kũatĩĩa mĩvĩa yoo: Mali na Musi. Ĩsu nĩyo mĩvĩa ya Alivai kũatĩĩa nyũmba sya aĩĩthe moo.
21
Kwa Ngelisoni kwaumie mũvĩa wa Alivini, na mũvia wa Asimei: ĩsu nĩ mĩvĩa ya Ngelisoni.
22
Ala matalilwe moo, kwĩanana na ũtalo wa aũme onthe, o na tũvĩsĩ tũla tũvikĩtye mwei ũmwe na mbee, o asu ala matalilwe moo maĩ ngili mũonza na maana atano.
23
Mĩvĩa ya Angelisoni makambae maeema moo mbĩlĩlo wa wĩkalo kwelekela ngalĩ ya ũthũĩlonĩ wa syũa.
24
Na mũnene wa nyũmba ya aaĩthe ma Angelisoni akeethĩwa Eliasavu mwana wa Laeli.
25
Na wĩaĩo wa ana ma Angelisoni ĩeemanĩ ya kũmbanĩa ũkeethĩwa wa kũsũvĩaa wĩkalo, na Ĩeema, na kĩla kya ũyĩvw’ĩka, na tama wa mũomonĩ wa ĩeema ya kũmbanĩa,
26
na ila ngũa sya kũniinw’a sya nza, na tama wa mũvĩanĩ wa nza, ĩla yĩ vakuvĩ na wĩkalo, na vakuvĩ na kĩthembeo kũkĩthyũlũlũka ngalĩ syonthe, na makanda mayo kwondũ wa ũthũkũmi w’onthe wayo.
27
Na kwa Koathi kwaumie mũvĩa wa Aamilamu, na mũvĩa wa Aisali, na mũvĩa wa Aeviloni, na mũvĩa wa Ausieli: ĩsu nĩyo mĩvĩa ya Akoathi.
28
Kwĩanana na ũtalo wa aũme onthe, o na tũvĩsĩ tũla tũvikĩtye mwei ũmwe na mbee, maĩ ngili nyanya na maana thanthatũ, makĩsũvĩaa wĩaĩo wa vala vandũ vatheu.
29
Mĩvĩa ya ana ma Koathi makambae maeema moo ngalĩ ya ĩtheo ya wĩkalo.
30
Na mũnene wa nyũmba ya aaĩthe ma mĩvĩa ya Akoathi akeethĩwa Elisavani mwana wa Usieli.
31
Na wĩaĩo woo ũkeethĩwa wa kũsũvĩaa yĩla ĩsandũkũ, na mesa, na kĩla kĩndũ kĩkĩawa mataa, na ithembeo, na mĩio ya vala vandũ vatheu ĩla mathũkũmaa nayo, na ũla tama, na ũthũkũmi wa vo w’onthe.
32
Na Eleasali mwana wa mũthembi Aluni akeethĩwa mũnene wa anene ma Alivai, akeethĩwa mũsyaĩĩsya wa ala masũvĩaa wĩaĩo wa vala vandũ vatheu.
33
Kwa Melali kwaumie mũvĩa wa Amali, na mũvĩa wa Amusi: ĩsu nĩyo mĩvĩa ya Melali.
34
Na ala matalilwe moo, kwĩanana na ũtalo wa aũme onthe, o na tũvĩsĩ tũla tũvikĩtye mwei ũmwe na mbee, maĩ ngili thanthatũ na maana elĩ.
35
Na mũnene wa nyũmba ya aaĩthe ma mĩvĩa ya Melali aĩ Nzulieli mwana wa Aviaili: asu makambae maeema moo ngalĩ ya ĩũlũ ya wĩkalo.
36
Na wĩaĩo ũla ana ma Melali meaĩĩtwe ũkethĩwe wa kũsũvĩaa mbwaũ sya wĩkalo, na mĩamba yaw’o, na ituĩ syaw’o, na iĩndĩ syaw’o, na mĩio yonthe yaw’o, na ũthũkũmi wa vo w’onthe,
37
na ituĩ sya nza ila ithyũlũlũkĩte ngalĩ syonthe, na iĩndĩ syasyo, na syambo syasyo, na makanda masyo.
38
Na ala meambaa maeema moo ngalĩ ya mbee ya wĩkalo ngalĩ ya wumĩlonĩ wa syũa, mbee wa ĩeema ya kũmbanĩa kwelekela vala syũa yumĩlaa, makethĩwe Mose, na Aluni na ana make, makĩsũvĩaa wĩaĩo wa vala vandũ vatheu, o wĩaĩo wa ana ma Isilaeli; na mũeni ũla wĩthengeea mũvaka oawe.
39
Onthe ala matalilwe ma Alivai, ala Mose na Aluni matalile nũndũ wa mwĩao wa Yeova, kũatĩĩa mĩvĩa yoo, aũme onthe o na tũvĩsĩ tũla tũvikĩtye mwei ũmwe na mbee, maĩ ngili mĩongo ĩlĩ na ilĩ.
40
Na Yeova amwĩa Mose, Tala makithathi onthe aũme ma ana ma Isilaeli o na tũvĩsĩ tũla tũvikĩtye mwei ũmwe na mbee, noitala masyĩtwa moo.
41
Na ũkambosee Alivai (ninyie Yeova) vandũ va makithathi onthe ma ana ma Isilaeli; na indo sya Alivai vandũ va makithathi ma indo ma ana ma Isilaeli.
42
Na Mose atala makithathi onthe ma ana ma Isilaeli, o tondũ Yeova wamwĩaĩe.
43
Na makithathi onthe aũme kwĩanana na ũtalo wa masyĩtwa, o na tũvĩsĩ tũla tũvikĩtye mwei ũmwe na mbee, ma ala matalilwe moo, maĩ ngili mĩongo ĩlĩ na ilĩ na maana elĩ na mĩongo mũonza na atatũ.
44
Na Yeova aneena na Mose, akĩmwĩa,
45
Osa Alivai vandũ va makithathi onthe ma ana ma Isilaeli, na indo sya Alivai vandũ va indo syoo; na Alivai makeethĩwa makwa: ninyie Yeova.
46
Na ũndũ wa wovosyo wa ala maana elĩ na mĩongo mũonza na atatũ ma makithathi ma ana ma Isilaeli, ala mavĩtũkĩte ũtalo wa Alivai,
47
ũkose sekeli itano kwa kĩla mũndũ; kwĩanana na sekeli ya vala vandũ vatheu ũkasyosa (sekeli nĩ ngela mĩongo ĩlĩ):
48
na ũkanenge Aluni na ana make mbesa isu, ila syovoisye ala mavĩtũkĩte Alivai.
49
Na Mose amaumya asu ala mathonokie ala movoiwe nĩ Alivai mbesa sya wovosyo;
50
na oosa mbesa isu kwa makithathi ma ana ma Isilaeli, sekeli ngili imwe na maana atatũ na mĩongo thanthatũ na itano, kwĩanana na sekeli ya vala vandũ vatheu:
51
na Mose anenga Aluni na ana make mbesa isu sya wovosyo, kwĩanana na ndeto ya Yeova, o tondũ Yeova wamwĩaĩe Mose.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36