bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 10
Deuteronomy 10
Kamba (MBIVILIA ŨVOO MŨSEO)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 11 →
1
“Nĩvo ĩndĩ Mwĩai Ngai waneenie nakwa ambĩa atĩĩ, ‘Asũvya masengea elĩ ma mavia mailyĩ ta ala ma mbee, na ũiseũvya ĩsandũkũ ya mbwaũ ya kwĩkĩa masengea asu. Ũka Kĩĩmanĩ kya Sinaĩ ĩũlũ vala nĩĩ,
2
nakwa nĩngũandĩka masengeanĩ asu ndeto ila naandĩkĩte ala ma mbee wooaie, na ĩndĩ ũimekĩa ĩsandũkũnĩ yĩu.’
3
“Kwoou nĩnaseũvisye ĩsandũkũ na mũtĩ wa mũea na nasũvya masengea elĩ ma mavia mailyĩ ta ala ma mbee. Nĩnambatie Kĩĩmanĩ kya Sinaĩ nguĩte masengea asu.
4
Mwĩai Ngai nĩwaandĩkie masengeanĩ asu ndeto ila waandĩkĩte ala ma mbee. Ndeto isu nĩ Mĩao Ĩkũmi ĩla wamũnengie yĩla waneenie kuma mwakinĩ mũthenyanĩ ũla mwoombanĩte kĩĩmanĩ. Mwĩai Ngai nĩwanengie masengea asu,
5
na navĩndũka natheea kuma kĩĩmanĩ. Nĩvo ĩndĩ neekĩie masengea asu ĩsandũkũnĩ yĩla naseũvĩtye o tondũ Mwĩai Ngai wambĩaĩĩte, na meovo o na yu.”
6
(Andũ ma Ĩsilaeli nĩmaendeeie na kyalo kuma ithimanĩ sya andũ ma Yaakani mathi kũvika Mosela. Vau nĩvo Alũni wakw'ĩĩe na athikwa, na mwana wake Eleasali atw'ĩka mũthembi ĩtina wake.
7
Kuma Mosela, nĩmaendeeie na kyalo kũthi kũvika Ngutokonda, na kuma vau mathi kũvika Yotivatha nthĩ yĩ tũlũsĩ twĩ kĩw'ũ.
8
Ĩvindanĩ yĩu Mwĩai Ngai nĩwavathie Alivai makuae Ĩsandũkũ ya Ũtianĩo, na maiũngamaa mbee wake mamũthũkũme, na kũneenaa ndeto sya ũathimo ĩsyĩtwanĩ yake. Ũsu nĩw'o wĩa ũla matethasya kũvika ũmũnthĩ.
9
Kĩu nĩkyo kyatumie Alivai matakwata kĩsio kya ng'ũndũ ta andũ ma mbaĩ ila ingĩ sya Ĩsilaeli. Mwĩai Ngai nĩwe ũtiĩwa woo, o tondũ Mwĩai Ngai, Ngai wenyu wamathie.)
10
“Nĩnekalile kĩĩmanĩ vandũ va mĩthenya mĩongo ĩna, ũtukũ na mũthenya, o tondũ nekalile ĩvindanĩ ya mbee. Mwĩai Ngai nĩwambĩthukĩĩisye ĩngĩ na eetĩkĩla kũlea kũmũmina.
11
Nĩvo ĩndĩ wambĩie nĩthi nĩmũtongoesye, nĩ kana mũkalike na kũtũa nthĩ ĩla wathanie kũnenga aaũmae menyu.
12
“Yu, andũ ma Ĩsilaeli, maũndũ ala Mwĩai Ngai, Ngai wenyu ũkwenda mwĩke nĩmo aa: Mwĩthĩwe na kĩkĩo kyake na kwĩkaa maũndũ onthe ala ũkũmwĩaĩa, mũmwendae na kũmũthũkũmaa na ngoo syenyu syonthe na thayũ wenyu w'onthe,
13
na kwĩkaa ũndũ mĩao na motw'ĩo ma Mwĩai Ngai mekwasya. Namũtavya maũndũ asu ũmũnthĩ nĩ kana maũndũ menyu methĩawe me maseo.
14
Mwĩai Ngai, Ngai wenyu nĩwe mwene wa matu, o na matu ala me ĩũlũ mũno, nthĩ na syĩndũ syonthe ila syĩ ĩũlũ wayo.
15
Ĩndĩ wendo wa Mwĩai Ngai kwa aaũmae menyu waĩ mũnene mũno na kwoou amũnyuva vandũ va kũnyuva andũ angĩ, na kũvika o na yu mwĩ o andũ make ala ũnyuvĩte.
16
Kwoou ĩndĩ kuma yu ĩthĩwai mwĩ ewi kũla kwĩ Mwĩai Ngai, na mũieka kwĩthĩwa na ngoo mbũmũ.
17
Mwĩai Ngai, Ngai wenyu nĩ mũnene mbee wa ngai syonthe na mavinya onthe. Nĩ mũnene na e ũtonyi, na aĩlĩte kũkĩwa. Ndonanasya kyendi, na ndetĩkĩla kũnengwa ĩtuvi ya wendeesyo.
18
Nũnengae syana ndiwa na aka ndiwa ũsili wa katĩ. Nĩwendete aeni ala matũaa na andũ maitũ, na nũmanengae lĩu na ngũa.
19
Kwoou o nenyu mwaĩlĩte kwenda aeni, nĩkwĩthĩwa mwaĩ aeni mwĩ nthĩ ya Misili.
20
Mwĩw'ei Mwĩai Ngai, Ngai wenyu, na mũimũthũkũmaa e weka. Lũmany'ai nake na kwĩvĩtaa na ĩsyĩtwa yake.
21
Mũtaĩei nũndũ nĩwe Ngai wenyu, na nĩmwonete maũndũ manene na maũseng'ya ala ũmwĩkĩte.
22
Yĩla aaũmae menyu maendie nthĩ ya Misili, ũtalo woo waĩ andũ mĩongo mũonza ki. Ĩndĩ yu Mwĩai Ngai, Ngai wenyu nũtumĩte mwĩthĩwa mwĩ aingĩ ta ndata ila syĩ yayayanĩ.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34