bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 29
Deuteronomy 29
Kamba (MBIVILIA ŨVOO MŨSEO)
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 30 →
1
Ii nĩsyo ndeto sya ũtianĩo ũla Mwĩai Ngai weeaĩie Mwose aseũvye na andũ ma Ĩsilaeli me nthĩ ya Moavi. Ũtianĩo ũsu nĩ vamwe na ũla Mwĩai Ngai waseũvĩtye na andũ ma Ĩsilaeli vau mbeenĩ me Kĩĩmanĩ kya Sinaĩ.
2
Mwose nĩweetie andũ onthe ma Ĩsilaeli mombane vamwe na amea atĩĩ, “Inyw'ĩ ene nĩmweeyoneie ũndũ Mwĩai Ngai weekanie na mũsumbĩ wa Misili, na ũndũ weekanie na anini make na nthĩ yake yonthe.
3
Nĩmweeyoneie inyw'ĩ ene ala motato manene, syama na maũndũ manene ma kũseng'ya ala Mwĩai Ngai weekie.
4
Ĩndĩ kũka kũvika ũmũnthĩ, Mwĩai Ngai ndaaĩsa kũmũnenga kĩlĩko kya kũmanya, metho ma kwona kana matũ ma kwĩw'a.
5
Ĩvindanĩ ya myaka mĩongo ĩna yĩla Mwĩai Ngai wamũtongoesye kwĩsĩla weũnĩ, ngũa syenyu ila mweekĩĩte iyaatw'ĩka na iatũ ila mweekĩĩte iyaatw'ĩka.
6
Mũyaĩ na mĩkate ya kũya na mũyaĩ na ndivai ya kũnyw'a kana ũkĩ o na wĩva ũmilaa, ĩndĩ Mwĩai Ngai nĩwamũnengie lĩu mwaya nĩ kana amũmanyĩthye kana nĩwe Ngai wenyu.
7
Yĩla mwavikie vaa, Sioni mũsumbĩ wa Esivoni na Oku mũsumbĩ wa Mbasani nĩmookie kũkita naitũ, ĩndĩ twamasinda.
8
Nĩtwoosie nthĩ yoo na twamĩaanĩsya andũ ma mbaĩ ya Lũveni na ya Ngandi na nyusu ya andũ ma mbaĩ ya Manase, yĩthĩwe ng'ũndũ yoo.
9
Atĩĩai ndeto sya ũtianĩo ũũ na kĩthito nĩ kana mũendee nesa maũndũnĩ menyu onthe ala mũkekaa.
10
“Ũmũnthĩ inyw'onthe nĩmũũngamĩte mbee wa Mwĩai Ngai, Ngai wenyu, mwĩ vamwe na atongoi ma mbaĩ syenyu, atumĩa na atongoi ala angĩ ma Ĩsilaeli,
11
o vamwe na iveti, syana syenyu, na aeni ala matwĩe katĩ wenyu ala mamunĩaa ngũ na ala mamũutĩaa kĩw'ũ.
12
Mũũngamĩte vaa nĩ kana mũseũvye wĩw'ano na Mwĩai Ngai, Ngai wenyu. Wĩw'ano ũũ Mwĩai Ngai eũseũvya nenyu ũmũnthĩ na nũkũwũĩkĩĩthya kwa wĩvĩto,
13
nĩ kana ũmũnthĩ aĩkĩĩthye kana inyw'ĩ mwĩ andũ make, nake nĩ Ngai wenyu, o tondũ wamwathie, na o tondũ weevĩtie kwa aaũmae menyu Avalaamu, Isaka na Yakovo.
14
Ndiũseũvya ũtianĩo ũũ na wĩvĩto ũũ nenyu mwĩ inyw'oka,
15
ala mũũngamĩte mwĩ naitũ vaa mbee wa Mwĩai Ngai, Ngai waitũ, ĩndĩ nĩ vamwe na ala mate vaa naitũ ũmũnthĩ.
16
“Inyw'ĩ ene nĩmwĩsĩ ũndũ twatũaa nthĩ ya Misili na ũndũ twesĩlile isionĩ sya andũ ma mbaĩ ingĩ.
17
Nĩmwoonie mĩvw'anano yoo ya kũthatya ĩseũvĩtw'e na mĩtĩ, mavia, silĩva na thaavu.
18
Ĩsũvĩei mũno nĩ kana vaikese kwĩthĩwa na mũndũ-ũme kana mũndũ mũka, mĩsyĩ kana mbaĩ ĩmwe katĩ wa ila syĩ vaa ũmũnthĩ ĩkwĩthyũũa ĩmũtie Mwĩai Ngai, Ngai waitũ na kũthaitha ngai sya andũ ma nthĩ isu. Ũndũ wa mũthemba ũsu ũkeethĩwa ũilyĩ ta mwĩi ũla wĩanaa na kũtw'ĩka mũtĩ ũsyaa matunda me wũũ na me sumu.
19
Vaikethĩwe ũmwe katĩ wenyu ala mweew'a ndeto sya ũtianĩo ũũ na wĩvĩto ũũ ũsũanĩa ngoonĩ yake kana maũndũ make makeethĩwa me maseo o na alea kwa ũng'endu kwĩanĩsya maũndũ asu. Ũndũ ũsu ũkatuma inyw'onthe mũminwa; ala aseo o na ala athũku.
20
Mwĩai Ngai ndaketĩkĩla kũekea mũndũ ũsu, ĩndĩ ũthatu na kĩwĩu kyake ikamwakanĩa mũndũ ũsu ta mwaki, na iumo syonthe ila iandĩkĩtwe ĩvukunĩ yĩĩ ikamũkwata nginya Mwĩai Ngai amũmine vyũ vamwe na mũsyĩ wake.
21
Mwĩai Ngai akavatha mũndũ ũsu kuma mbaĩnĩ syonthe sya andũ ma Ĩsilaeli na aimũetee mothũku kwĩanana na iumo syonthe ila iwetetwe ũtianĩonĩ, ila iandĩkĩtwe ĩvukunĩ yĩĩ ya mĩao.
22
“Nzyawa ila syũkĩte sya syana syenyu na aeni ala maumĩte nthĩ sya kũasa, makoona mothũku na mathĩna ala Mwĩai Ngai ũetete nthĩ yenyu.
23
Mĩũnda yenyu yonthe ĩkeethĩwa ĩvw'ĩkĩtwe nĩ mũnyũ na lavuti. Vaikethĩwa kĩndũ kĩvande kana kũmea vo, o na ĩia yĩikamea vo. Nthĩ yenyu ĩkeethĩwa yĩ mbanange ĩkekala ta ndũa sya Sondomu na Ngomola, Atima na Nzevoiimu ila Mwĩai Ngai waanangie yĩla waĩ na ũthatu mwingĩ mũno.
24
Andũ ma nthĩ yonthe makakũlya atĩĩ, ‘Mwĩai Ngai ekanĩte na nthĩ yoo ũu nĩkĩ? Nĩ kyaũ kĩtumĩte athata mũno wĩana ũu?’
25
Nĩvo ĩndĩ andũ mesũngĩa atĩĩ, ‘Nũndũ andũ aa nĩmaleile kũatĩĩa ũtianĩo wa Mwĩai Ngai, Ngai wa aaũmae moo, ũtianĩo ũla waseũvisye namo ĩvindanĩ yĩla wamaumisye nthĩ ya Misili.
26
Nĩmambĩĩie kũthũkũma na kũthaitha ngai ingĩ, ila mataĩ maaimanya vau mbeenĩ, nasyo nĩ ngai ila Mwĩai Ngai wamavatĩte kũthaitha.
27
Kwa kĩtumi kĩu Mwĩai Ngai nĩwathatie na amaetee iumo ila iandĩkĩtwe ĩvukunĩ yĩĩ,
28
na nũndũ wa ũthatu wake mũnene nĩwamaumisye nthĩ yoo, na amekya nthĩ ya ũeninĩ na vau nĩvo maĩ yu.’
29
“Ve maũndũ amwe ala Mwĩai Ngai, Ngai waitũ wiĩte kĩmbithĩ, ĩndĩ maũndũ ala ũtũvuanĩsye nĩ maitũ na nzyawa sitũ ĩvindanĩ yonthe yĩla yũkĩte, nĩ kana tũtonye kwĩanĩsya mĩao ĩno yonthe.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34