bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 31
Deuteronomy 31
Kamba (MBIVILIA ŨVOO MŨSEO)
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 32 →
1
Mwose nĩwaendeeie kũneena na andũ onthe ma Ĩsilaeli
2
amea atĩĩ, “Yu nĩ na ũkũũ wa myaka ĩana na mĩongo ĩlĩ, nayu nyie ndĩtonya kũendeea kũmũtongoesya. Mwĩai Ngai nũneenete nakwa akambĩa, ‘Ndũkainga Ũsĩ wa Yolotani.’
3
Mwĩai Ngai, Ngai wenyu akainga ũsĩ ũsu e mbee wenyu. Akamina andũ ala matwĩe nthĩ ĩsu nĩ kana mũlike na kũtũa nthĩ yoo. Yosua nĩwe ũkwĩthĩwa mũtongoi wenyu o tondũ Mwĩai Ngai waĩtye.
4
Mwĩai Ngai akamina andũ asu o tondũ waminie Sioni na Oku asumbĩ ma Aamoli na aananga nthĩ yoo.
5
Mwĩai Ngai akatuma mũmasinda na no nginya mwĩkane namo kwĩanana na ũndũ nĩmwĩaĩĩte.
6
Ĩthĩwai mwĩ na vinya na ũkũmbaũ mũnene. Mũikakĩe kana kũtelemw'a nĩmo, nũndũ Mwĩai Ngai, Ngai wenyu akeethĩwa nenyu. Ndakamũtia kana kũmũeka.”
7
Nĩvo ĩndĩ Mwose weetie Yosua na aneena nake me mbee wa andũ onthe ma Ĩsilaeli amwĩa, “Ĩthĩwa na vinya na ũkũmbaũ mũnene, nũndũ nue wĩtongoesye andũ aa nĩ kana mathi makalike nthĩ ĩla Mwĩai Ngai weevĩtie kũla kwĩ aaũmae moo asya kana akamanenga yo. Ũkamanenga nthĩ ĩsu yĩthĩwe ng'ũndũ yoo.
8
Mwĩai Ngai akakũtongoesya na ayĩthĩwa vamwe naku. Ndakakũtia kana ũkũeka. Ndũkakĩe kana kũkw'a ngoo.”
9
Kwoou Mwose nĩwaandĩkie mĩao ĩno na amĩnenga athembi, ala nĩ ana ma Livai na makuaa Ĩsandũkũ ya Ũtianĩo, na o ta ũu amĩnenga atongoi onthe ma Ĩsilaeli.
10
Nĩvo ĩndĩ Mwose wameaĩe amea atĩĩ, “Ĩtina wa kĩla myaka mũonza, mwakanĩ ũla wa kũekanĩa mathiĩ, yĩla mũũtanĩa Mboka ya Tũsũmba twa Matũ,
11
yĩla andũ onthe ma Ĩsilaeli moombana vamwe mathaithe, vandũnĩ vala Mwĩai Ngai, Ngai wenyu wĩnyuva athaithĩawe, mũkamasomeaa mĩao ĩno na wasya mũnene methukĩĩsye.
12
Mwĩũmbanasya andũ onthe; aũme, aka na syana, o vamwe na aeni ala matũaa ndũanĩ syenyu, nĩ kana kĩla mũndũ ethukĩĩsye ndeto isu na kwĩmanyĩsya kwĩthĩwa na kĩkĩo kya Mwĩai Ngai, Ngai wenyu na mayĩkĩa kĩthito maatĩĩae mĩao ĩno yonthe.
13
Kwa kwĩka ũu, syana syoo ila itesĩ mĩao ya Mwĩai Ngai ikamĩw'a na kwĩmanyĩsya kũmwĩw'aa ĩvindanĩ yonthe yĩla meĩthĩwa matwĩe nthĩ ĩla mũkilĩlye kũthi kũlika mũingo wa Ũsĩ wa Yolotani yĩthĩwe ng'ũndũ yenyu.”
14
Mwĩai Ngai nĩwaneenie na Mwose amwĩa atĩĩ, “Ĩvinda ya kũkw'a kwaku yĩ vakuvĩ. Ĩta Yosua na mũyũkany'a Ĩeemanĩ yakwa Ĩtheu nĩ kana nĩmũtw'ĩkĩthye mũtongoi wa andũ ma Ĩsilaeli.” Kwoou Mwose na Yosua nĩmaendie Ĩeemanĩ ĩtheu ya kũkomanĩa na Ngai.
15
Nĩvo ĩndĩ Mwĩai Ngai wamaumĩlĩĩile e kĩtuĩnĩ kya mũumbĩ, kĩla kyaũngamie mũomonĩ ma Ĩeema ĩtheu ya kũkomanĩa na Ngai.
16
Mwĩai Ngai nĩwaneenie na Mwose amwĩa atĩĩ, “Ũkilĩlye kũkw'a na ĩtina wa kĩkw'ũ kyaku, andũ ma Ĩsilaeli makeethĩwa mate aĩkĩĩku kwakwa na mayananga ũtianĩo ũla naseũvisye namo. Makandia na kwambĩĩa kũthaitha ngai ngeni sya andũ ma nthĩ ĩla makilĩlye kũlika.
17
Andũ asu meeka ũu makatuma nĩthata na ngĩmaeka, namo maiminwa vyũ. Makakwatwa nĩ mothũku maingĩ na mathĩna, na mũthenyanĩ ũsu makamanya kana maũndũ asu mamakwatĩte nũndũ nyie Ngai woo ndi vamwe namo.
18
Ĩvindanĩ yĩu ngalea kũmatetheesya nũndũ wa maũndũ mathũku onthe ala mekĩte na kũthaitha ngai ingĩ.
19
“Kwondũ wa ũu andĩka wathi ũũ, na ũiũmanyĩsya andũ ma Ĩsilaeli mawinae nĩ kana wĩthĩawe ũkũsĩ wa ũkany'o kwoo.
20
Namina kũmaete malike nthĩ nthwii na nou, nthĩ ĩla nathie aaũmae moo kwa kwĩvĩta, na maiya mavũne na kũendeea nesa, makeethyũũĩa ngai ingĩ na mayambĩĩa kũithaitha. Makandea na kwananga ũtianĩo wakwa namo.
21
Yĩla mothũku na mathĩna maingĩ memakwata, wathi ũũ ũkeethĩwa ũkũsĩ ĩũlũ woo nũndũ nzyawa syoo iikolwa nĩw'o. Nĩnĩsĩ ũndũ masũanĩĩte kwĩka o na mbee wa ndanamaete nthĩ ĩla namathie kwa kwĩvĩta.”
22
Kwoou mũthenyanĩ o ũsu, Mwose nĩwaandĩkie wathi ũsu na aũmanyĩsya andũ ma Ĩsilaeli.
23
Nĩvo ĩndĩ Mwĩai Ngai waneenie na Yosua mwana wa Nuni na amwĩa atĩĩ, “Ĩthĩwa na vinya na ũkũmbaũ mũnene nũndũ nue ũũtongoesya andũ ma Ĩsilaeli makalike nthĩ ĩla namathie nakwa ngeethĩawa vamwe naku.”
24
Yĩla Mwose waminie kũandĩka mĩao ĩno yonthe ĩvukunĩ,
25
nĩweeaĩie Alivai ala makuaa Ĩsandũkũ ya Ũtianĩo amea atĩĩ,
26
“Osai Ĩvuku yĩĩ ya Mĩao na mũiyia ũtee wa Ĩsandũkũ ya Ũtianĩo ya Mwĩai Ngai, Ngai wenyu nĩ kana yĩkalae vau ta ũkũsĩ ĩũlũ wenyu.
27
Nĩnĩsĩ ũndũ mũng'endete na mũmĩtye ngoo. Ethĩwa nĩmwĩthĩĩtwe mũing'endea Mwĩai Ngai nyie nĩo thayũ na nĩ o vamwe nenyu, mũkeethĩwa mũng'endete ata namina kũkw'a!
28
Mbũmbanĩsyei atumĩa onthe ma andũ ma Ĩsilaeli na atongoi nĩ kana nĩneene ndeto ii mayĩw'a; nĩngwĩta ĩtu na nthĩ syĩthĩwe ngũsĩ syakwa ĩũlũ woo.
29
Nĩnĩsĩ kana ĩtina wa kĩkw'ũ kyakwa andũ makeeka naĩ na maileana na kĩla nĩmeaĩĩte. Ĩvindanĩ yũkĩte, makakwatwa nĩ mothũku nũndũ makatuma Mwĩai Ngai athata kwa kwĩka maũndũ ala wonaa me mathũku.”
30
Nĩvo ĩndĩ Mwose wainie wathi ũũ w'onthe andũ onthe ma Ĩsilaeli methukĩĩsye:
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34