bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 11
Deuteronomy 11
Kamba (MBIVILIA ŨVOO MŨSEO)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 12 →
1
“Mwendei Mwĩai Ngai, Ngai wenyu, na kĩla ĩvinda mũyĩanĩasya maũndũ ala ũmwĩaĩe mwĩkae, myamũlo, motw'ĩo, na mĩao yake.
2
Lilikanai ũmũnthĩ maũndũ ala mũmanyĩte ĩũlũ wa Mwĩai Ngai nũndũ nĩmwĩthĩĩtwe mwĩ vamwe nake. Ninyw'ĩ mũmanyĩte maũndũ asu na ti syana syenyu. Nĩmwoonie ũnene wa Mwĩai Ngai, vinya, na ũtonyi wake.
3
O ta ũu nĩmwoonie syama ila weekie, na ũndũ weekanie na Valao mũsumbĩ wa Misili na nthĩ yake yonthe;
4
ũndũ wooaie asikalĩ ma kaũ ma nthĩ ĩsu vamwe na mbalasi syoo, na aananga makasya moo ma kaũ. Nĩmwoonie ũndũ watumie kĩw'ũ kya Ũkanga Mũtune kĩmavw'ĩka yĩla mamũatĩĩe, na ũndũ wamaminie na mekala me asinde kũvika o na ũmũnthĩ.
5
Nĩmwĩsĩ ũndũ Mwĩai Ngai wamwĩkie mwĩ weũnĩ nginya mwesa kũvika kũũ.
6
O ta ũu lilikanai ũndũ weekanie na Ndathani na Avilamu ana ma Eliavu kuma mbaĩnĩ ya Lũveni. Nthĩ nĩyaathamisye yamamelya kĩla mũndũ asyaĩĩsye me vamwe na andũ ma mĩsyĩ yoo, maeema moo, athũkũmi na indo syoo.
7
Ĩndĩ inyw'ĩ nĩmwonete maũndũ manene ala Mwĩai Ngai wĩkĩte.
8
“Ĩkai ũndũ mĩao yonthe ĩla namũnenga ũmũnthĩ ĩkwasya, nĩ kana mwĩthĩwe na vinya wa kũinga Ũsĩ wa Yolotani na kũtũa nthĩ ĩla mũkilĩlye kũlika mũmesye.
9
O ta ũu mũkekala thayũ ĩvinda ĩasa mwĩ nthĩ nthwii na nou ĩla Mwĩai Ngai weevĩtie kũnenga aaũmae menyu na nzyawa syoo.
10
Nthĩ ĩla mũkilĩlye kũlika ndĩilyĩ ta nthĩ ya Misili, kũla mwatwĩe mbeenĩ. Mwĩ kũu yĩla mwavanda mbeũ, mweethĩawa mwaĩlĩte kũtethya wĩa waĩ vinya wa kũnyithya mĩũnda yenyu,
11
ĩndĩ nthĩ ĩla mũkilĩlye kũlika mũmesye nĩ nthĩ yĩ iĩma na myanda, na nĩ nthĩ ĩnyithaw'a nĩ mbua.
12
Mwĩai Ngai, Ngai wenyu nũsũvĩaa nthĩ ĩsu na nũmĩsyaĩĩasya kĩla ĩvinda kuma mwambĩlĩĩlyonĩ wa mwaka kũvika mũminũkĩlyo waw'o.
13
“Kwoou ĩndĩ, ĩkai ũndũ mĩao ĩla namũnenga ũmũnthĩ ĩkwasya; mwendei Mwĩai Ngai, Ngai wenyu na kũmũthũkũmaa na ngoo yenyu yonthe, na thayũ wenyu w'onthe.
14
Ethĩwa mũkeeka ũu akausya mbua mĩũndanĩ yenyu ĩvindanĩ yĩla yaĩlĩte kua; mbua ya nthwa na mbua ya uũa, nĩ kana mwĩthĩwe na ngetha ya mbaa mbeke, ndivai na mauta,
15
na nyeki kwondũ wa indo syenyu, na mũkaĩsaa mũkavũna.
16
Ĩsũvĩei mũikese kũkengwa mwelelũke na kũeka kũthaitha Mwĩai Ngai, na mũithaitha ngai ingĩ.
17
Mweeka ũu mũkathatya Mwĩai Ngai na ailea kusya mbua. Nĩvo ĩndĩ mĩũnda yenyu ĩkoma wĩthĩe ndĩtonya kwĩthĩwa na ũsyao. Ĩtina wa ũu mũkakw'a mĩtũkĩ mũthele nthĩ ĩsu nzeo ĩla Mwĩai Ngai ũkũmũnenga.
18
“Kwoou iai ndeto ii syakwa ngoonĩ na mathayũnĩ menyu, na mũisyoveea mokonĩ na mothyũnĩ menyu nĩ kana syĩthĩwe ũlilikany'o kwenyu.
19
Manyĩasyai syana syenyu mĩao ĩsu. Imanyĩasyei yĩla mwĩ mĩsyĩnĩ yenyu, yĩla mwĩ nzĩanĩ mũendete, yĩla mũthũmũĩte na yĩla mũũtethya wĩa.
20
Mĩandĩkei mbwaũnĩ ila syĩ ndeenĩ sya mĩomo ya nyũmba syenyu na sya mĩvĩa yenyu.
21
Mweeka ũu mwĩ na nzyawa syenyu mũkekala thayũ mĩthenya mingĩ mwĩ nthĩ ĩla Mwĩai Ngai, Ngai wenyu wathie kũnenga aaũmae menyu. Mũkatũaa vau ĩvindanĩ yonthe yĩla ĩtu yĩĩthĩawa yĩ ĩũlũ wa nthĩ.
22
“Ĩanĩsyai na kĩthito ũndũ mĩao yonthe ĩla namũnenga ĩkwasya, nayo nĩ: Kũmwenda Mwĩai Ngai, Ngai wenyu, kwĩka maũndũ onthe ala ũmwĩaĩe, na kwĩkala mũlũmanĩtye nake.
23
Mweeka ũu Mwĩai Ngai akalũngya andũ onthe ma mbaĩ ila ingĩ syume mbee wenyu, na mũkatũa nthĩ ya andũ ma mbaĩ nene na me vinya kwĩ inyw'ĩ.
24
Kũndũ kw'onthe kũla mwĩkinya na nyaĩĩ syenyu kũkeethĩawa kwenyu. Kĩsio kya nthĩ yenyu kĩkeethĩawa kyumĩte weũnĩ ũla wĩ ngalĩko ya ĩtheo kũthi kũvika iĩmanĩ sya Levanoni ila syĩ ngalĩko ya ĩũlũ, na kuma Ũsĩnĩ wa Euvalati ũla wĩ ngalĩko ya wumĩlonĩ wa syũa, kũthi kũvika Ũkanga wa Menditelenia ũla wĩ ngalĩko ya ũthũĩlonĩ wa syũa.
25
Vai mũndũ o na wĩva ũkethĩawa atonya kũmũsiĩĩa, nũndũ Mwĩai Ngai, Ngai wenyu akatuma andũ mamũkĩa na kũkwatwa nĩ w'ĩa mwingĩ nũndũ wenyu, kũndũ kw'onthe kũla mwĩendaa nthĩ ĩsu o tondũ wamwathie.
26
“Ũmũnthĩ nĩngũmũnenga mwanya wa kũnyuva ũathimo kana kĩumo;
27
ũathimo ethĩwa mũkakwataa mĩao ya Mwĩai Ngai, Ngai wenyu ĩla namũnenga ũmũnthĩ,
28
ĩndĩ mũikwata kĩumo mwalea kũatĩĩa mĩao ĩsu, na mũyelelũka mũtie mwĩkalo ũla ngũmwĩaĩa ũmũnthĩ, na kwambĩĩa kũthaitha ngai ingĩ ila mũtaathaitha mbeenĩ.
29
Yĩla Mwĩai Ngai, Ngai wenyu wĩmũlikya nthĩ ĩla mũendete kũmesya yĩthĩwe ng'ũndũ yenyu, tavany'ai ndeto isu sya ũathimo mwĩ Kĩĩmanĩ kya Ngelisimu, na ndeto isu sya kĩumo mwĩ Kĩĩmanĩ kya Evali.
30
Iĩma isu syelĩ syĩ ngalĩko ya ũthũĩlonĩ wa syũa ya Ũsĩ wa Yolotani, kĩsionĩ kya nthĩ ya Akanaani ala matũaa Mwandanĩ wa Yolotani. Syĩ ngalĩko ya ũthũĩlonĩ wa syũa vakuvĩ na mĩtĩ mĩtheu ya mũndũ weetawa Mole, vakuvĩ na ndũa ya Ngilikali.
31
Mũkilĩlye kũinga Ũsĩ wa Yolotani mũlike na kũmesya nthĩ ĩla Mwĩai Ngai, Ngai wenyu ũkũmũnenga. Mwamina kũlika nthĩ ĩsu na kũtũa vo,
32
ĩanĩsyai na kĩthito motw'ĩo na myamũlo yonthe ĩla namũnenga ũmũnthĩ.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34