bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 12
Deuteronomy 12
Kamba (MBIVILIA ŨVOO MŨSEO)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 13 →
1
“Aa nĩmo motw'ĩo na myamũlo ĩla mwaĩlĩte kũatĩĩa mwĩ nthĩ ĩla Mwĩai Ngai, Ngai wa aaũmae menyu ũmũnengete yĩthĩwe ng'ũndũ yenyu. Mũkamĩatĩĩaa ĩvindanĩ yonthe yĩla mwĩ thayũ.
2
Mwalika nthĩ ĩsu, anangai kũndũ kw'onthe kũla andũ ala matũaa kw'o mathaithĩaa ngai syoo; kũndũ kũla kwĩ iĩmanĩ ndũlu, tũlĩmanĩ na ungu wa kĩla mũtĩ wĩ matũ maingĩ.
3
Anangai ithembeo syoo, na kũtũlanga ituĩ syoo sya ũthaithi itw'ĩke ilungu. Vĩvyai ituĩ syoo sya ngai nga ĩla yĩtawa Asela, na mũitemanga ngai syoo sya mĩvw'anano, nĩ kana iikaathaithĩwe ĩngĩ kũndũnĩ kũu.
4
“Mũikaathaithe Mwĩai Ngai, Ngai wenyu na nzĩa ĩla andũ ma nthĩ ĩsu mathaithaa ngai syoo.
5
Kuma isionĩ sya nthĩ ya andũ ma Ĩsilaeli, Mwĩai Ngai, Ngai wenyu akanyuva o vandũ vamwe vatw'ĩke wĩkalo wake. Vau nĩvo mwĩendaa kũmũthaithĩa
6
na mũithemba nthembo syenyu sya kũvĩvw'a na nthembo sya mĩthemba ĩngĩ. O ta ũu nĩvo mũkaetae ilungu syenyu sya ĩkũmi na nthembo, mĩthĩnzĩo ĩla mwathĩte Mwĩai Ngai, nthembo syenyu sya ngoo ya kwenda, na nyamũ syenyu ila isyaĩtwe mbee kuma ndĩthyanĩ syenyu sya ng'ombe na malondu.
7
Mwĩ vau mbee wa Mwĩai Ngai, Ngai wenyu mũkaĩsaa na kũtana mwĩ vamwe na andũ ma mĩsyĩ yenyu, nũndũ Mwĩai Ngai nũathimĩte wĩa w'onthe ũla mũtethasya.
8
“Mũyaĩlĩte kwĩka maũndũ ũndũ twĩthĩĩtwe tũyĩka kũvika ũmũnthĩ; kĩla mũndũ ayĩka maũndũ ala ũkwona ta mo maĩlĩte.
9
Twĩkaa ũu nĩkwĩthĩwa mũinamba kũlika vandũ va ũthũmũo, vala Mwĩai Ngai, Ngai wenyu ũkũmũnenga vethĩwe ng'ũndũ yenyu.
10
Ĩndĩ mwamina kũinga Ũsĩ wa Yolotani, na mũitũa nthĩ ĩla Mwĩai Ngai, Ngai wenyu ũkũmũnenga ĩtw'ĩke ũtiĩwa wenyu, na aimũsũvĩa kuma amaithanĩ menyu, na mũitũa vo na mũuo,
11
akanyuva o vandũ vamwe vala waĩlĩte kũthaithĩwa. Vau nĩvo mũkamũetee syĩndũ syonthe ila nĩmwĩaĩe: Nthembo syenyu sya kũvĩvw'a, nthembo sya mũthemba ũngĩ, ilungu syenyu sya ĩkũmi, na nthembo na mĩthĩnzĩo ila mwathĩte Mwĩai Ngai.
12
Tanaai mwĩ vau mbee wa Mwĩai Ngai, Ngai wenyu mwĩ vamwe na ana na eĩtu menyu, athũkũmi menyu ma aũme na ma aka, na Alivai ala me ndũanĩ syenyu nũndũ maina kĩsio kyoo kya ng'ũndũ.
13
Mũyaĩlĩte kũthembea nthembo syenyu sya kũvĩvw'a vala mũkwenda;
14
no nginya mũithembeae vandũnĩ o vamwe vala Mwĩai Ngai ũkũnyuva kĩsionĩ kya ĩmwe ya mbaĩ yenyu. Vau novo mũkathembeaa nthembo syenyu sya kũvĩvw'a, na kwĩka maũndũ ala angĩ onthe nĩmwĩaĩe.
15
“Ĩndĩ mwĩ na ũthasyo wa kũthĩnza na kũya nyama sya nyamũ syenyu mwĩ ndũanĩ syenyu, o ũndũ mũkwenda, kwĩanana na ũndũ ũathimo ũla Mwĩai Ngai, Ngai waitũ ũmũnengete wĩana. Andũ ala katĩ wenyu avuku, na ala atheu nĩmatonya kũya nyama isu, o tondũ matonya kũya nyama sya nthia kana sya kĩlong'a.
16
Mũyaĩlĩte kũya nthakame ya nyamũ isu; ĩtai nthakame ĩsu nthĩ nza wa vala maeema mambĩtwe ũndũ kĩw'ũ kĩtawa nthĩ.
17
Mũikaye syĩndũ ii ithembewe Mwĩai Ngai mwĩ kũndũnĩ kũla mũtũaa: Ilungu sya ĩkũmi sya ngetha yenyu ya mbaa mbeke, ndivai, mauta, nyamũ ila isyaĩtwe mbee kuma ndĩthyanĩ syenyu sya ng'ombe na malondu, mĩthĩnzĩo ĩla mwathĩte Mwĩai Ngai, nthembo syenyu ila mumĩtye na ngoo ya kwenda, na nthembo sya mĩthemba ĩngĩ.
18
Mwaĩlĩte kũya nthembo isu mwĩ mbee wa Mwĩai Ngai, Ngai wenyu mwĩ vandũnĩ o vamwe vala va kũthaithĩa vala we ũnyuvĩte. Iyei mwĩ vamwe na syana syenyu, athũkũmi menyu ma aũme na ma aka, na Alivai ala matũaa ndũanĩ syenyu, na mwĩ vau mũitana nũndũ wa maũndũ onthe ala mwĩkĩte.
19
Mũikaatate kũlwa nĩ Alivai ĩvindanĩ yonthe yĩla mwĩĩkalaa nthĩ ĩsu yenyu.
20
“Yĩla Mwĩai Ngai, Ngai wenyu wĩmina kũnenevya kĩsio kya nthĩ yenyu kwĩanana na ũndũ wathanie, nĩmũtonya kũya nyama ĩvindanĩ o yĩla mũkwenda.
21
Ethĩwa vala Mwĩai Ngai, Ngai wenyu ũnyuvĩte athaithĩawe nĩ vaasa kuma vala mũĩ, nĩmũtonya kũthĩnza nyamũ kuma ndĩthyanĩ syenyu sya ng'ombe na malondu ila Mwĩai Ngai ũmũnengete kwĩanana na ũndũ nĩmwĩaĩe. Yai nyama isu ũndũ mũkwenda mwĩ ndũanĩ syenyu.
22
Mũndũ o na wĩva mũtheu, kana mũvuku nũtonya kũya nyama isu, o ũndũ ũtonya kũya nyama sya nthia kana sya kĩlong'a.
23
Ĩndĩ mũikaye nyama yĩna nthakame, nũndũ thayũ wĩ nthakamenĩ, na mũyaĩlĩte kũya thayũ vamwe na nyama.
24
Mũyaĩlĩte kũya nthakame, ĩndĩ mĩtei nthĩ ũndũ kĩw'ũ kĩtawa.
25
Mwaatĩĩa Mwĩao ũsu, Mwĩai Ngai nũkwendeew'a, na maũndũ menyu makeethĩawa me maseo mwĩ vamwe na nzyawa syenyu.
26
Twaai nthembo syenyu na mĩthĩnzĩo ĩla mwathĩte Mwĩai Ngai vala vandũ wĩnyuva va kũthaithĩa.
27
Umĩsyai nthembo syenyu sya kũvĩvw'a kĩthembeonĩ kya Mwĩai Ngai, Ngai wenyu; nyama vamwe na nthakame. Nthakame ya nthembo syenyu no nginya yĩtwe ũtee wa kĩthembeo kĩu, ĩndĩ nĩmũtonya kũya nyama syayo.
28
Ĩthĩwai na kĩthito kwĩanĩsya maũndũ onthe ala nĩmwĩaĩĩte, na maũndũ menyu vamwe na nzyawa syenyu makeethĩawa me maseo ĩvindanĩ yonthe yĩla yũkĩte, nũndũ mwĩĩthĩwa mũyĩka ũla waĩlu na ũla ũmwendeeasya Mwĩai Ngai, Ngai wenyu.
29
“Mwĩai Ngai, Ngai wenyu akavetanga mbee wenyu andũ ma mbaĩ ingĩ ala mũkilĩlye kũlũngya na kũmesya nthĩ yoo, na mũitũa vo.
30
Ĩtina wa Mwĩai Ngai kũvetanga mbaĩ isu, ĩsũvĩei mũikakwatw'e nĩ mũteo wa kũatĩĩa maũndũ moo ma kĩ-ũthaithi. Mũikende kũmanya ũndũ mathaithaa ngai syoo, nĩ kana mũthaithae na nzĩa isu.
31
Mũikathaithe Mwĩai Ngai, Ngai wenyu na nzĩa ĩla mathaithaa ngai isu, nĩkwĩthĩwa yĩla meũthaitha ngai isu syoo mekaa maũndũ ala Mwĩai Ngai ũmenete, o na nĩmavĩvasya syana syoo syĩthĩwe nthembo kwa ngai syoo.
32
“Ĩkai maũndũ onthe ala nĩmwĩaĩĩte, na mũikatate kwongela kana kũola kĩndũ maũndũnĩ asu.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34