bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 24
Deuteronomy 24
Kamba (MBIVILIA ŨVOO MŨSEO)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 25 →
1
“Ethĩwa Mũndũ-ũme nĩwatwaa kĩveti, na ĩtina ayĩthĩwa atekwendeew'a nĩkyo nũndũ ve ũndũ mũthũku ĩũlũ wakyo ũmanyĩte, na mũndũ-ũme ũsu aikĩandĩkĩa valũa wa kũkĩlea na kũkĩnenga, na aikĩlũngya mũsyĩ kwake,
2
na ethĩwa kĩveti kĩu nĩkyathi kũtwawa nĩ mũndũ-ũme ũngĩ,
3
na o ta ũu mũũme ũsu wakyo wa kelĩ aieka kwendeew'a nĩkyo na aikĩandĩkĩa valũa wa kũkĩlea, na kũkĩnenga, na aikĩlũngya mũsyĩ kwake kana aikw'a,
4
mũũme wakyo wa mbee, ũla wakĩekie ndaĩlĩte kũkĩtwaa ĩngĩ ĩtina wa kyamina kũvukw'a. Ũsu nĩ ũndũ mũthũku kũla kwĩ Mwĩai Ngai. Mũikeke naĩ ĩthũkĩte ũu mwĩ nthĩ ĩla Mwĩai Ngai, Ngai wenyu ũkũmũnenga yĩthĩwe ng'ũndũ yenyu.
5
“Ethĩwa mũndũ-ũme nũnatwaanie mĩtũkĩ, ndaĩlĩte kũtũmwa athi kaũnĩ, kana kũnengwa wĩa o na wĩva atethye. Mũndũ-ũme ũsu aĩlĩte kwĩthĩwa e na ũthasyo wa kwĩkala mũsyĩ vandũ va mwaka ũmwe, nĩ kana atane e vamwe na kĩveti kyake kĩla ũnatwaie.
6
“Yĩla wakovethya mũndũ ũngĩ kĩndũ, ndwaĩlĩte kwosa ĩvia yake ya kũthia yĩthĩwe ngwatĩlĩĩlyo, nũndũ weeka ũu wĩĩthĩwa woosa kĩndũ kĩla andũ ma mũsyĩ ũsu matũmĩaa kũseũvya lĩu nĩ kana mekale thayũ.
7
“Ethĩwa mũndũ o na wĩva nĩwakwatwa oyĩte mũndũ ũngĩ wa mbaĩ ya Ĩsilaeli na kũmũtw'ĩkĩthya ngombo yake, kana akamũthoosye ta ngombo, no nginya mũndũ ũsu oawe. Kwa kwĩka ũu mũkeethĩwa mwavetanga ũthũku ũsu katĩ wenyu.
8
“Yĩla mũndũ wakwatwa nĩ ũwau wa mangũ, nĩeke maũndũ onthe ala athembi, ala nĩ Alivai meũmũtavya. No nginya eke maũndũ ala nĩmeaĩe.
9
Lilikanai ũndũ Mwĩai Ngai, Ngai wenyu weekanie na Miliamu mwĩ nzĩanĩ mumĩte nthĩ ya Misili.
10
“Wakovethya mũtũi waku kĩndũ, ndũkalike nyũmba kwake wĩyosee kĩndũ kĩthĩwe ngwatĩlĩĩlyo;
11
eteela nza nĩ kana mũtũi ũsu waku newe akũetee kĩndũ kĩu kya ngwatĩlĩĩlyo.
12
Ethĩwa mũtũi ũsu waku nĩ ngya, ndũkaie kĩndũ kĩu kya ngwatĩlĩĩlyo ũtukũ mũima.
13
Mũtũngĩae ngũa ĩsu kĩla wĩoo nĩ kana evw'ĩke. Nĩvo ĩndĩ mũtũi ũsu waku wĩkũtũngĩa mũvea, na Mwĩai Ngai, Ngai waku aitala ũndũ ũsu kwĩthĩwa ũndũ wa ũlũngalu.
14
“Ndũkalee kũĩva mũthũkũmi ngya na wĩ na vata, o na ethĩwa nĩ ũmwe wa andũ ma Ĩsilaeli, kana mũeni ũtwĩe nthĩ yaku, nthĩnĩ wa ĩmwe ya ndũa syenyu.
15
Kĩla mũthenya syũa yĩtanamba kũthũa, mũĩve ĩtuvi yake ya wĩa wa mũthenya ũsu, nũndũ ethĩawa e na vata wa mbesa isu na e na wĩkwatyo wa kũikwata. Walea kũmũĩva, akeekaĩla Mwĩai Ngai nũndũ waku, naku ũyĩthĩwa wĩ na ĩvĩtyo.
16
“Asyai mayaĩlĩte kũawa nũndũ wa mavĩtyo mekĩtwe nĩ syana syoo, nasyo syana iyaĩlĩte kũawa nũndũ wa mavĩtyo mekĩtwe nĩ asyai masyo. Mũndũ aĩlĩte kũawa nũndũ wa naĩ ila we mwene wĩkĩte.
17
“Ndũkelelũkye sila wa katĩ ũla waĩlĩte kũnengwa aeni na syana ndiwa, na ndũkose ngũa ya mũndũ mũka ndiwa yĩthĩwe ngwatĩlĩĩlyo ethĩwa nĩwamũkovethya kĩndũ.
18
Lilikanai kana mwaĩ ngombo mwĩ nthĩ ya Misili, na Mwĩai Ngai, Ngai wenyu nĩwamwovoisye kuma kw'o. Kĩu nĩkyo kyatuma nĩmũnenga mwĩao ũsu.
19
“Yĩla mwaketha ngetha yenyu na mwatia iia imwe mũũndanĩ, mũikasyokae kũikolany'a. Ekanaai nasyo kwondũ wa aeni, syana ndiwa na aka ndiwa. Mweeka ũu Mwĩai Ngai, Ngai wenyu akamũathima maũndũnĩ menyu onthe ala mwĩkaa.
20
Yĩla mwathingithya mĩtĩ yenyu ya mĩthata mũtw'e matunda menyu, mũikasyokae kũmĩthingithya ĩngĩ. Ekanaai na ala matialĩte kwondũ wa aeni, syana ndiwa na aka ndiwa.
21
Yĩla mwaketha nzavivũ syenyu, mũikasyokae mĩsavivũnĩ yenyu ĩngĩ; nzavivũ ila itialĩte nĩ sya aeni, syana ndiwa na aka ndiwa.
22
Lilikanai kana mwaĩ ngombo mwĩ nthĩ ya Misili; kĩu nĩkyo kyatuma nĩmũnenga Mwĩao ũsu.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34