bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 32
Deuteronomy 32
Kamba (MBIVILIA ŨVOO MŨSEO)
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 33 →
1
Inyw'ĩ matu teai matũ, we nthĩ ĩthukĩĩsye ndeto ila ngũneena,
2
Ũmanyĩsyo wakwa nĩũvalũkange ta mbua, ũneeni wakwa ũthee ta ĩmwe, ta ũnyenyeũ nyekinĩ ya vuvĩ, ta mbua ntheke ĩũlũ wa mĩmea mĩnini.
3
Nĩngũtaĩa ĩsyĩtwa ya Mwĩai Ngai, tavany'ai ũnene wa ĩsyĩtwa yake.
4
Nĩwe Ĩvia, wĩa wake nĩ mwĩanĩu, na nzĩa syake nĩ sya ũw'o; Ngai mũĩkĩĩku, ũtekaa ũndũ ũthũku, nĩ Ngai wa ũw'o na mũlũngalu.
5
Ĩndĩ inyw'ĩ mũi aĩkĩĩku na mũyaĩlĩte kwĩthĩwa andũ make, mbaĩ ya eki ma naĩ na akengani.
6
Nĩmũkũlya, Ũu nĩw'o mwaĩlĩte kwĩka Mwĩai Ngai, inyw'ĩ andũ atumanu na mũtasũanĩaa? Nĩwe ĩthe wenyu, Mũmbi wenyu, nĩwe wamũmbie na amũtw'ĩkĩthya mbaĩ.
7
“Lilikanai mĩthenya ya tene; kũlyai asyai menyu mamũtavye ũndũ kweekĩkie, kũlyai ala akũũ mamũtavye maũndũ ma tene.
8
Yĩla Ũla wĩ Ĩũlũ Mũno wanengie mbaĩ ũtiĩwa woo, yĩla waanĩsye andũ onthe, nĩwamekĩĩie mĩvaka kwĩanana na ũtalo wa andũ ma Ĩsilaeli.
9
Kĩanda kya Mwĩai Ngai nĩ andũ make, Yakovo nĩwe ũtiĩwa wake.
10
“Nĩwamethĩie mayanganga mesĩlĩte weũnĩ, weũ mũnene mũno ũte andũ na wĩ kĩseve. Nĩwamaseseeie na amasũvĩa, nĩwamasũvĩie ta kyũma kya itho yake.
11
O tondũ ndiũ ĩmanyĩasya tũswii twayo kũũlũkaa, ĩitũkwata ĩtũsũvĩĩte na nthwau syayo itambũũkĩte, now'o Mwĩai Ngai wasũvĩie andũ ma Ĩsilaeli maikavalũke.
12
Mwĩai Ngai e weka nĩwatongoesye andũ make. Ndaatetheew'a nĩ ngai ngeni.
13
“Nĩwatumie andũ ma Ĩsilaeli masumbĩka nthĩ syĩ kũndũ kũtũlu, na amaĩthya na kĩla kyavandĩtwe mĩũndanĩ. Nĩwamaĩthisye na ũkĩ wa nzũkĩ kuma mavianĩ, na mauta kuma mĩtĩnĩ ya mĩthata ĩvandĩtwe myalĩkanĩ ya mavia.
14
Nĩwamaĩthisye na mauta ma ĩia na ĩia ya ng'ombe, mbũi na malondu, vamwe na mathunya ma tũtena twa malondu na ndũũme, ng'ombe na mbũi. Nĩwamaĩthisye na nganũ ĩla nzeo vyũ, na nĩmanywie ndivai ĩla nzeo vyũ.
15
“Andũ ma Mwĩai Ngai nĩmatw'ĩkie athwii ĩndĩ mang'enda; maĩ anou na makavũna mũno. Nĩmatiie Ngai Mũmbi woo, na maleana na mwovosya woo wĩ ũtonyi.
16
Kũthaitha kwoo kwa ngai sya mĩvw'anano nĩkwatumie Mwĩai Ngai ethĩwa na kĩwĩu; ũthũku ũla meekie nĩwamũthatisye.
17
Nĩmathembeie maimũ ala ti Ngai, ngai ila mateesĩ, ngai ngeni ila syaumĩlĩte mĩtũkĩ, ngai ila aaĩthe moo matakĩaa.
18
Nĩmoolilwe nĩ Ngai woo, mwovosya woo wĩ ũtonyi, Ngai ũla wamanengete thayũ.
19
“Yĩla Mwĩai Ngai woonie ũu, nĩwamaekie, nũndũ nĩwathatiw'e nĩ ana make na eĩtu make.
20
Nĩwaneenie asya atĩĩ, ‘Ndikamatetheesya ĩngĩ, na ngoona ũndũ mũminũkĩlyo woo wĩĩthĩwa ũilyĩ, andũ asu me ngoo mbũmũ na mate aĩkĩĩku.
21
Nĩmanthatĩtye nũndũ wa ngai syoo sya mĩvw'anano, makatuma nĩthĩwa na kĩwĩu nũndũ wa syĩndũ isu mekwĩta ngai, ila kwa w'o ti ngai. Kwoou nĩngũtuma makwatwa nĩ kĩwĩu nũndũ wa ala mate andũ makwa, ngatuma mathatw'a nĩ andũ atumanu ma nthĩ ĩngĩ.
22
Woo wakwa wĩakana ta mwaki, na kũvĩvya syĩndũ syonthe ĩũlũ wa nthĩ, kũvika kũla maveva ma ala akw'ũ mekalaa, na kũvĩvya myambĩlĩĩlyo ya iĩma.
23
Nĩngũmaetee mothũku matathela, na ngĩmaatha nginya maangi makwa onthe mathele vyũ.
24
Makooawa nĩ nzaa na ndetema, makooawa nĩ mowau ma kũtelemya, Ngamaetee nyamũ mbai imavithũkĩe, na nzoka syĩ sumu imaũmange.
25
Nzĩanĩ sya ndũa, syana syoo ikooaĩwa kaũnĩ; na mĩsyĩnĩ yoo maũndũ ma kũtelemya makeethĩwa. Anake na eĩtu ma mũika makakw'a, o na syana na andũ akũũ maikatiala.
26
Nĩthĩwa namaminie vyũ ũkethĩa vai ũmwe ũtialĩte, nĩ kana wĩthĩe o na vai mũndũ ũmalilikana,
27
ĩndĩ ndyaĩ nĩtĩkĩla amaitha moo mekathĩĩe, na kwĩsa kũlanĩlw'a masye kana nĩmo masindie na vinya woo na ti Mwĩai Ngai wĩkĩte ũu.’
28
“Andũ ma Ĩsilaeli nĩ mbaĩ ĩtasũanĩaa, maina ũĩ o na vanini.
29
Nĩmaleete kũmanya masindiwe nĩkĩ; maitonya kũelewa ũndũ kweekĩkie.
30
Mũndũ ũmwe atonya kũsinda andũ ngili ata, na andũ elĩ matonya kũsinda andũ ngili ĩkũmi ata? Ũu ũtonyeka Mwĩai Ngai, Ngai woo amatiĩte; Ngai woo ũla wĩ ũtonyi amakolete.
31
Amaitha moo nĩmesĩ kana ngai syoo nĩ mbonzu, ii vinya ta Ngai wa andũ ma Ĩsilaeli.
32
Amaitha moo meany'a mothũku ta andũ ma Sondomu na Ngomola, mailyĩ ta mĩsavivũ ĩla ĩsyaa nzavivũ syĩ wũũ na syĩ sumu,
33
mailyĩ ta ndivai ĩseũvĩtw'e na sumu wa nzoka, sumu mũthũku wa nzoka sya kĩko.
34
“Mwĩai Ngai nũlilikanaa ũndũ amaitha moo mekĩte nĩweteelaa ĩvinda yĩla yaĩlĩte amakany'e.
35
Mwĩai Ngai akeeyĩĩvanĩsya na kũmakany'a; ĩvinda nĩyũkĩte yĩla mevalũka; mũthenya wa thĩna woo mũnene wĩ vakuvĩ, na wanangĩko nĩwũkĩte ĩũlũ woo wĩkalaatĩte.
36
Mwĩai Ngai akatetea andũ make, amina kwona kana vinya woo nĩ mũthelu. Akeew'ĩa tei ala mamũthũkũmaa, amina kwona ũndũ matetonya.
37
Nĩvo ĩndĩ Mwĩai Ngai wĩkũlya andũ make atĩĩ, “Iĩva ngai isu syĩ ũtonyi ila mũneekwatĩtye?”
38
Mwaiĩthisye na mathunya ma nthembo yenyu, na mwainenga ndivai ya nthembo syenyu sya kũnyuwa. Yu nĩsyũke imũtetheesye, nĩsyũke isembete imũtangĩĩe.
39
“Nyie, nĩ nyioka, ninyie Ngai; vai ngai ĩngĩ ate o nyie. Nĩnũaa na nganengane thayũ, nĩnĩũmĩasya na ngavosya, na vai ũmwe ũtonya kũtangĩĩa mũndũ kuma ũtonyinĩ wakwa.
40
Nĩngũkĩlya kw'oko kwakwa ĩũlũ ĩtunĩ na kwĩvĩta nasye: ‘O ũndũ kwa w'o nyie nĩ thayũ,
41
nĩngũnoa ũvyũ wakwa ũla ũtisatisaa, na kwa w'o ngĩtia noona kana ũsili wa katĩ nĩweanĩw'a.’ Ngeeyĩĩvanĩsya kwa amaitha makwa, na ngĩkany'a ala mamenete.
42
Maangi makwa makanyw'a nthakame yoo makole, na ũvyũ wakwa ũkooaa onthe ala mamenete. Ndikatialya mũndũ o na ũmwe ũla ũmbũkitaa, o na ala aũmĩsye na ala me yela makooawa.
43
“Inyw'ĩ andũ ma mbaĩ ingĩ, taĩai andũ ma Mwĩai Ngai, nũkanasya ala mamoaa. Nĩwĩyĩĩvanĩasya kwa amaitha make na kũekea naĩ sya andũ make.”
44
Mwose na Yosua mwana wa Nuni nĩmainie wathi ũsu w'onthe andũ onthe ma Ĩsilaeli methukĩĩsye.
45
Yĩla Mwose waminie kũtavya andũ ma Ĩsilaeli ndeto isu syonthe,
46
nĩwameie atĩĩ, “No nginya mwĩthĩwe mwĩ ewi kũatĩĩa mĩao ĩsu yonthe namũnenga ũmũnthĩ, nĩ kana mwĩaĩe syana syenyu iatĩĩae nesa ndeto syonthe sya mĩao ĩsu.
47
Mĩao ĩsu ti ndeto sya mana; nĩyo thayũ wenyu. Ĩthĩwai mwĩ ewi na kũmĩatĩĩa na mũkekala myaka mingĩ mwĩ nthĩ ĩla yĩ mũingo wa Yolotani ĩla mũkilĩlye kũthi kũlika mũmesye.”
48
Mũthenyanĩ o ũsu Mwĩai Ngai nĩwaneenie na Mwose amwĩa atĩĩ,
49
“Enda ĩimanĩ sya Avalimu ila syĩ nthĩ ya Moavi ngalĩkonĩ ĩla ĩngĩ ya ndũa ya Yeliko, na ũyambata kĩĩmanĩ kĩla kĩtawa Nevo, na ũisisya nthĩ ya Kanaani ĩla ngilĩlye kũnenga andũ ma Ĩsilaeli yĩthĩwe ng'ũndũ yoo.
50
Nũũkw'ĩĩa kĩĩmanĩ kĩu ĩũlũ o tondũ mwana-a-inyia waku Alũni wakw'ĩĩe Kĩĩmanĩ kya Olu,
51
nũndũ inyw'ĩ mwĩ elĩ nĩmweethĩiwe mũte aĩkĩĩku kũla nĩĩ mwĩ mbee wa andũ ma Ĩsilaeli. Nĩmwaleile kũnenga ndaĩa mbee wa andũ ma Ĩsilaeli, yĩla mwaĩ kĩw'ũnĩ kya Meliva vakuvĩ na ndũa ya Katesi weũnĩ wa Nzini.
52
Kwondũ wa ũu, nũkwona nthĩ ĩsu wĩ vaasa, ĩndĩ ndũkalika nthĩ ĩsu ngũnenga andũ ma Ĩsilaeli.”
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34