bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 26
Deuteronomy 26
Kamba (MBIVILIA ŨVOO MŨSEO)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 27 →
1
“Mwamina kũlika nthĩ ĩla Mwĩai Ngai, Ngai wenyu ũkũmũnenga yĩthĩwe ng'ũndũ yenyu, na mũimĩmesya na kũtũa vo,
2
mwĩosa ũsyao wa mbee wa syĩndũ ila mwĩketha kuma mĩũndanĩ yenyu nthĩ ĩla Mwĩai Ngai, Ngai wenyu ũkũmũnenga, na mũisyĩkĩa kĩkavũnĩ. Nĩvo mwĩitwaa vandũnĩ vala Mwĩai Ngai ũnyuvĩte athaithĩawe.
3
Mwĩthi kwa mũthembi ũla wĩĩthĩwa wĩanĩ ĩvindanĩ yĩu na kũmwĩa atĩĩ, ‘Yu nĩngũneena nĩ mbee wa Mwĩai Ngai, Ngai waitũ kana nĩnĩminĩte kũlika nthĩ ĩla wathie aaũmae maitũ kana akatũnenga.’
4
“Mũthembi akoosaa kĩkavũ kĩu na aikia mbee wa kĩthembeo kya Mwĩai Ngai, Ngai wenyu.
5
Mũndũ e vau mbee wa Mwĩai Ngai akaneena asye atĩĩ, ‘Ũmae wakwa aĩ Mũsilia wangangaa. Nĩwatheeie nthĩ ya Misili e vamwe na ũtalo wa andũ anini matũa vo na matw'ĩka mbaĩ nene yĩ ũtonyi na ya andũ aingĩ mũno.
6
Ĩndĩ andũ ma Misili nĩmatwĩkie naĩ na matũthĩny'a mũno kwa kũtũthũkũmĩthya ta ngombo.
7
Nĩvo ĩndĩ twamwĩkaĩlile Mwĩai Ngai, Ngai wa aaũmae maitũ. Mwĩai Ngai nĩweewie kĩĩo kitũ, na oona thĩna witũ, wĩa wĩ vinya ũla twatethasya na kũnyamaa kwitũ.
8
Kwoou nĩwatumisye nthĩ ya Misili vinyanĩ na ũtonyinĩ wake mũnene. Nĩweekie maũndũ ma kũtelemya, syama na moseng'yo.
9
Nĩwatũetie kũũ na atũnenga nthĩ ĩno nthwii na nou.
10
Kwoou yu we Mwĩai Ngai nĩnakũetee ũsyao wa mbee ũla ũnengete kuma nthĩ ĩno.’ “Nĩvo ĩndĩ mũndũ ũsu wĩia kĩkavũ kĩla kĩ ngetha ĩsu mbee wa Mwĩai Ngai na aimũthaithĩa vau.
11
Inyw'ĩ na andũ ma mĩsyĩ yenyu mũkatana mwĩ vamwe na Alivai na aeni ala matwĩe katĩ wenyu kwondũ wa syĩndũ nzeo ila Mwĩai Ngai, Ngai wenyu ũmũnengete.
12
“Mwakanĩ wa katatũ umasyai kĩlungu kĩmwe kya ĩkũmi kya ngetha yenyu. Nengaei Alivai, aeni, syana ndiwa na aka ndiwa kĩlungu kĩu, nĩ kana maĩsae makeanĩwa me ndũanĩ syenyu. Mwamina kwĩka ũu,
13
mwĩneenaa mwĩ vau mbee wa Mwĩai Ngai mũkasya atĩĩ, ‘Vai kĩndũ o na kĩmwe kĩtheu kya kĩlungu kya ĩkũmi kĩtiĩtwe nyũmba kwakwa; nĩnĩnengie Alivai, aeni, syana ndiwa, na aka ndiwa kwĩanana na ũndũ ũmbĩaĩĩte kwĩka. Ndinalea kwĩanĩsya kana ngolwa nĩ ũmwe wa mĩao yaku ĩũlũ wa kĩlungu kya ĩkũmi.
14
Ndyaaya kĩmwe kya kĩlungu kĩu kĩtheu ĩvindanĩ ya kyeva, kana ngaumya kĩmwe kya kĩlungu kĩu nyũmba yĩla naĩ mũvuku. O ta ũu ndyaanengane kĩmwe kyakyo ta nthembo kwondũ wa andũ akw'ũ. Ame Mwĩai Ngai nĩnĩkwĩw'ĩte; nĩnĩkĩte maũndũ onthe ala ũmbĩaĩĩte ĩũlũ wa kĩlungu kya ĩkũmi.
15
Sisya kuma vandũnĩ vaku vatheu va kwĩkala ĩtunĩ, na kũathima andũ maku ma Ĩsilaeli. O ta ũu athima nthĩ nthwii na nou ĩla ũtũnengete o tondũ wathie aaũmae maitũ.’
16
“Ũmũnthĩ Mwĩai Ngai, Ngai wenyu emwĩaĩa mwĩke ũndũ motw'ĩo na myamũlo ĩsu ĩkwasya. Kwoou ĩthĩwai na kĩthito kwĩanĩsya mĩao ĩsu yonthe na ngoo, na thayũ wenyu w'onthe.
17
Ũmũnthĩ nĩmwaneena mwasya kana Mwĩai Ngai nĩwe Ngai wenyu, na mũkeekaa maũndũ ala mamwendeeasya; mũkeanĩasya motw'ĩo, mĩao, na myamũlo yake na kũmwĩw'aa.
18
O ta ũu nake Mwĩai Ngai nĩwaneena ũmũnthĩ asya kana mwĩ andũ make o tondũ wamwathie, na nũkũmwĩaĩa mwĩke ũndũ mĩao yake ĩkwasya.
19
Nũkũtuma mwĩthĩwa na nguma na ndaĩa mbee wa andũ ma mbaĩ ĩngĩ o na yĩva ala woombie, na mũkeethĩwa mwĩ andũ make, o tondũ wathanie.”
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34