bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 28
Deuteronomy 28
Kamba (MBIVILIA ŨVOO MŨSEO)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 29 →
1
“Ethĩwa mũkamwĩw'aa Mwĩai Ngai, Ngai wenyu na kwĩanĩasya na kĩthito mĩao yake ĩla ngũmũnenga ũmũnthĩ, akatuma mwĩthĩwa mwĩ nguma mbee wa andũ ma mbaĩ ila ingĩ ĩũlũ wa nthĩ.
2
Moathimo aa onthe makeethĩwa me menyu mweethĩwa mwĩ ewi kũla kwĩ Mwĩai Ngai, Ngai wenyu:
3
“Mwĩai Ngai akamũathima mwĩ ndũanĩ na mĩũndanĩ yenyu.
4
“Mwĩai Ngai akamũathima na syana, ũsyao mwingĩ wa mũũndanĩ na wa indo syaku; ng'ombe, mbũi na malondu.
5
“Mwĩai Ngai akamũathima na ngetha mbingĩ ya mbaa mbeke mwĩthĩwe na lĩu mwingĩ wa kũya.
6
“Mwĩai Ngai akaathima maũndũ onthe ala mwĩkaa.
7
“Mwĩai Ngai akasinda amaitha menyu yĩla mamũvithũkĩa. Makookaa na nzĩa ĩmwe kũmũkita, ĩndĩ makasembaa na nzĩa mũonza mamũkĩĩte.
8
“Mwĩai Ngai akaathima wĩa wenyu w'onthe na kusũsya makũmbĩ menyu na ngetha ya mbaa mbeke. Akamũathima mwĩ nthĩ ĩla ũkũmũnenga.
9
“Ethĩwa mũkeanĩasya mĩao ya Mwĩai Ngai, Ngai wenyu, na kwĩkaa maũndũ ala mamwendeeasya, akamũtw'ĩkĩthya andũ make o tondũ wathanie.
10
Nĩvo ĩndĩ andũ onthe ĩũlũ wa nthĩ memanya kana Mwĩai Ngai nũmũnyuvĩte mwĩthĩwe andũ make, na makamũkĩaa.
11
Mwĩai Ngai akamũnenga syana mbingĩ, indo mbingĩ na ũsyao mwingĩ wa mũũndanĩ, mwĩ nthĩ ĩla wathie aaũmae menyu akamũnenga.
12
Akauasya mbua ĩvindanĩ ya yo kuma ũthwiinĩ wake ũla wiaa matunĩ, na kũathima wĩa wenyu w'onthe ũla mũtethasya. Mũkakovethasya mbaĩ mbingĩ, ĩndĩ mũikakova kuma mbaĩnĩ o na ĩmwe.
13
Mwĩai Ngai, Ngai wenyu akamũtw'ĩkĩthya atongoi katĩ wa mbaĩ mbingĩ, na ti ala matongoeaw'a; mũkaendeeaa nesa na mũikona naĩ mweethĩwa na kĩthito kwĩanĩsya mĩao yake yonthe ĩla ngũmũnenga ũmũnthĩ.
14
Ĩndĩ mũikalee kwĩanĩsya mĩao ĩsu, kana kũthaitha na kũthũkũma ngai ingĩ.
15
“Ĩndĩ mwalea kũmwĩw'a Mwĩai Ngai, Ngai wenyu, na kũlea kwĩthĩwa na kĩthito kwĩanĩsya mĩao na motw'ĩo ala ngũmũnenga ũmũnthĩ, mũkakwatwa nĩ iumo ii syonthe:
16
“Mwĩai Ngai akamũumanĩa mwĩ ndũanĩ na mĩũndanĩ yenyu.
17
“Mwĩai Ngai akamũumanĩa wĩthĩe mũi na ngetha ya mbaa mbeke, na mũi na lĩu wa kũya.
18
“Mwĩai Ngai akamũumanĩa wĩthĩe mũi na syana mbingĩ, na mũi na ũsyao mwingĩ wa mũũndanĩ, na o ta ũu mũi na ũsyao mwingĩ wa ng'ombe, mbũi na malondu.
19
“Mwĩai Ngai akaumanĩa maũndũ onthe ala mwĩkaa.
20
“Mweeka maũndũ mathũku na kũmũlea Mwĩai Ngai, akamũetee maũndũ mathũku, kũvũavũana, na kũtuma mũkw'a ngoo maũndũnĩ onthe ala mwĩkaa, nginya mwanangwe mĩtũkĩ na kũminwa vyũ.
21
Akatuma mũkwatwa nĩ mowau mathũku nginya mũthele nthĩ ĩla mũũlika mũmesye.
22
Mwĩai Ngai akamũetee ũwau wa kũkooa, ndetema, na wa kũvolekanga itau. O ta ũu akamũetee ũvyũvu mwingĩ, mũnyao, kĩseve kĩvĩvasya kĩvĩvye mĩmea yenyu na mbuka. Mũkeethĩawa na mathĩna asu nginya mũkw'e.
23
Mbua ndĩkaua, na nthĩ ĩkooma ta kyũma.
24
Vandũ va kusya mbua, Mwĩai Ngai akaetae kĩtoo kingĩ na kĩthangathĩ kĩũlũkĩtw'e nĩ kĩseve nginya mũminwe vyũ.
25
“Mwĩai Ngai akatuma amaitha menyu mamũsinda. Mũkaendaa na nzĩa ĩmwe mũkamavithũkĩe, ĩndĩ mũkasembaa na nzĩa mũonza mũmakĩĩte, na andũ onthe ĩũlũ wa nthĩ makatelemaa moona maũndũ ala mekwĩkĩka ĩũlũ wenyu.
26
Mwakw'a mĩĩ yenyu ĩkaĩsawa nĩ nyũnyi na nyamũ sya kĩthekanĩ, na vaikethĩwa mũndũ wa kũilũngya.
27
Mwĩai Ngai akamũetee mĩimũ, o tondũ weekie andũ ma nthĩ ya Misili. Akatuma mĩĩ yenyu ivolekanga itau na mũikwatwa nĩ mowau ma kĩkonde na ũnyeeo, ĩndĩ vaikethĩwa ndawa ya kũiita mowau asu.
28
Mwĩai Ngai akatuma mũkwatwa nĩ ndũũka, mũtw'ĩka ilalinda na kwĩthĩwa na ilĩko mbũavũanu.
29
Mũthenya katĩ mũkaendaa mũivavata ta ilalinda, na mũikethĩawa mũtonya kũmanya nzĩa ĩla mũkwĩsĩla, na mũikaendeeaa nesa maũndũnĩ ala mwĩĩkaa. Mũkathĩnaw'a na kũvenwa syĩndũ, na vaikethĩawa mũndũ wa kũmũtetheesya.
30
“Mũkeevaasya eĩtu, ĩndĩ aũme angĩ maimanyana kĩ-mwĩĩ namo. Mũkaakaa nyũmba, ĩndĩ mũilea kwĩkala vo. Mũkavandaa mĩũnda ya mĩsavivũ, ĩndĩ mũilea kũya matunda mayo.
31
Indo syenyu ikooaawa mũsyaĩĩsye, ĩndĩ mũilea kũya nyama o na imwe syasyo. Mũkavenawa mang'oi menyu mũsyaĩĩsye na mũilea kũtũngĩwa. Malondu menyu makatwawa kwa amaitha menyu, na vaikethĩwa mũndũ wa kũmũtetheesya.
32
Ana menyu na eĩtu menyu makanenganawe mũsyaĩĩsye makatw'ĩke ngombo mbaĩnĩ ingĩ. Kĩla mũthenya mũkasyaĩĩasya na mea syana syenyu isyoke, ĩndĩ mũyĩthĩwa mũtatonya kwĩka ũndũ o na ũmwe nĩ kana isyoke.
33
Andũ ma mbaĩ mũtesĩ makaĩsaa syĩndũ ila mwavanda na mwatethisye wĩa mwakwata, ĩndĩ inyw'ĩ mũkekalaa mũithĩnw'a kĩla ĩvinda.
34
Mathĩna ala mwĩkwataa makatuma mũkwatwa nĩ ndũũka.
35
Mwĩai Ngai akatuma mũkwatwa nĩ mĩimũ yĩ woo ĩtavoaa maũũnĩ na maunĩ menyu. Mĩimũ ĩsu ĩkeethĩwa kĩla vandũ kuma nyaĩĩ kũvika mũtwe.
36
“Mwĩai Ngai akamũtwaa nthĩ ĩngĩ inyw'ĩ vamwe na mũsumbĩ ũla mwĩnyuva amũsumbĩke; nthĩ ĩla mũtesĩ, o na aaũmae menyu mataamanya. Mwĩ kũu mũkathũkũmaa ngai ingĩ sya mũvw'anano iseũvĩtw'e na mũtĩ, na ingĩ sya ĩvia.
37
Mwĩ nthĩ ila Mwĩai Ngai wĩmũnyaĩĩkĩsya, andũ makaseng'wa nĩ maũndũ ala mekĩkĩte kũla mũĩ; makamũvũĩa ngũĩ na kũmũvũthya.
38
“Mũkavandaa mbeũ mbingĩ mĩũndanĩ yenyu, ĩndĩ mũkakwataa ngetha nini, nũndũ ngie ikookaa na kũya mĩmea yenyu.
39
Mũkavandaa mĩsavivũ, na kũmĩsũvĩa, ĩndĩ mũikakolany'a nzavivũ kana kũnyw'a ndivai kuma mĩsavivũnĩ ĩsu, nũndũ iinyũ ikamĩya.
40
Mĩthata ĩkameaa kĩla vandũ nthĩ yenyu, ĩndĩ mũikevaka mauta mayo, nũndũ ĩketĩkasya ũsyao wayo.
41
Mũkasyaa syana sya aũme na sya eĩtu, ĩndĩ mũikekalaa nasyo, nũndũ ikatavawa ikathi kũtw'ĩkĩthw'a ngombo.
42
Ithuĩ sya ngie ikaĩsaa mĩtĩ na mĩmea ĩla mwavanda mĩũndanĩ.
43
“Aeni ala matũaa nthĩ yenyu makaendeea kwĩthĩwa na ũtonyi, nenyu mũiendeea kwĩthĩwa mũte na vinya.
44
Makeethĩwa na mbesa sya kũmũkovethya, ĩndĩ inyw'ĩ mũikethĩwa na imwe mũtonya ũmakovethya, na ĩtina makamũsumbĩka.
45
“Iumo isu syonthe ikamũkwata. Ikamũatĩĩaa na mũkeethĩawa nasyo nginya mũminwe, nĩkwĩthĩwa mũyaamwĩw'a Mwĩai Ngai, Ngai wenyu, na kwĩanĩsya mĩao na motw'ĩo ala wamũnengie.
46
Iumo isu ikeethĩwa wonany'o wa ũkany'o wa Ngai ĩũlũ wenyu na nzyawa syenyu, ĩvindanĩ yonthe yĩla yũkĩte.
47
Mwĩai Ngai nĩwamũathimie maũndũnĩ onthe, ĩndĩ mũyaamũthũkũma na ũtanu na mũyo.
48
Kwoou ĩndĩ mũkathũkũma amaitha menyu ala Mwĩai Ngai wĩmũetee mwĩ na nzaa, waũni, kũtw'ĩkĩwa, na mwĩ na vata wa kĩla kĩndũ. Mũkathũkũma amaitha asu nginya mũthele vyũ.
49
Mwĩai Ngai akamũetee andũ ma mbaĩ ĩngĩ kuma nthĩ yĩ kũasa, ĩla kĩthyomo kyayo mũtesĩ. Mbaĩ ĩsu ĩkamũvithũkĩa mĩtũkĩ o tondũ ndiũ ĩtheeaa ĩkakwata kĩndũ.
50
Andũ ma mbaĩ ĩsu makeethĩwa me athũku na maikew'ĩa mũndũ o na ũmwe tei, o na ethĩwa nĩ mũkũũ kana nĩ mũnini.
51
Makaya indo syenyu na ũsyao wa nthĩ yenyu, na mũkakwatwa nĩ nzaa nginya mũkw'e. Maikamũtiĩa ngetha ya mbaa mbeke o na ĩmwe, ndivai, mauta, ng'ombe, mbũi kana malondu, nginya matie mwathela.
52
Makathyũlũlũka ndũa syenyu mokite nenyu mwĩ nthĩ ĩla Mwĩai Ngai, Ngai wenyu ũkũmũnenga, na ngũta syenyu ndũlu na ndũmu ila mwĩkwatasya ikavalũka.
53
“Yĩla amaitha menyu methyũlũlũka ndũa syenyu, mũkakwatwa nĩ thĩna mwingĩ mũno wa kwaĩwa nĩ lĩu nginya mũye syana syenyu, sya anake na sya eĩtu, ila Mwĩai Ngai, Ngai wenyu ũmũnengete.
54
O na mũndũ ũla mũseo vyũ na ũeetwe nesa katĩ wenyu akavata mwana-a-inyia lĩu, o na kĩveti kyake kĩla wendete, na syana syake ila syĩĩthĩwa itialĩte.
55
Ndakanenga o na ũmwe woo nyama sya syana syake ila ũkethĩwa aiya, nũndũ ndakethĩwa na kĩndũ kĩngĩ kĩtialĩte ĩvindanĩ yĩla amaitha asu makethĩwa mathyũlũlũkĩte ndũa syenyu na kũmũthĩny'a.
56
O na mũndũ mũka ũla mwololo mũno na ũeetwe nesa katĩ wenyu, ũla ũtetĩkĩla kũkinya nthĩ na kũũ kũthei nũndũ mwĩĩ wake nĩ mũsũvĩe mũno na nĩ mwololo akavata mũũme wake ũla wendete na syana syake kĩla wĩĩthĩwa aiya.
57
Akaya kwa kĩmbithĩ nzou yake ĩla yumaa amina kũsyaa, na syana syake ila ũsyaĩte nũndũ akeethĩwa na nzaa mbingĩ mũno, ĩvindanĩ yĩla amaitha makathyũlũlũka ndũa syenyu na kũmũthĩny'a.
58
“Ethĩwa mũiĩthĩwa na kĩthito kwĩka ũndũ mĩao ĩla ĩandĩkĩtwe ĩvukunĩ yĩĩ ĩkwasya, nĩ kana mũnenge ndaĩa ĩsyĩtwa yĩĩ yĩna ũkumyo na ya kũkĩwa ya Mwĩai Ngai, Ngai wenyu,
59
nĩvo ĩndĩ Mwĩai Ngai wĩmũetee inyw'ĩ na nzyawa syenyu, mathĩna maingĩ na manene matathelaa na mowau mathũku matavoaa.
60
Akamũetee ĩngĩ mowau mathũku ala makwatie andũ ma Misili, o ala inyw'ĩ mwakĩaa na mũikavoa.
61
O ta ũu Mwĩai Ngai akamũetee mĩthemba yonthe ya mowau na mathĩna ala mataandĩkĩtwe ĩvukunĩ yĩĩ ya mĩao, nginya mũminwe vyũ.
62
O na kau nĩmwatw'ĩkie andũ aingĩ vyũ ta ndata sya ĩtunĩ, no anini menyu makatiala, nũndũ nĩmwaleile kũmwĩw'a Mwĩai Ngai, Ngai wenyu.
63
O tondũ Mwĩai Ngai wendeeiw'e nĩ kũtuma mũendeea nesa na mwingĩva, now'o ũkendeew'a nĩ kũmwananga na kũtuma mũthela. Mũkalũngw'a mume nthĩ ĩla mũũlika mũmesye.
64
“Mwĩai Ngai akamũnyaĩĩkĩsya katĩ wa mbaĩ syonthe, kuma ngalĩko ĩmwe ya nthĩ kũvika ngalĩko ĩla ĩngĩ. Mwĩ kũu mũkathaithaa ngai sya mĩvw'anano iseũvĩtw'e na mũtĩ na sya ĩvia, ngai ila inyw'ĩ kana aaũmae menyu mataathaitha mbeenĩ.
65
Mwĩ katĩ wa andũ ma mbaĩ isu mũikethĩwa na mũuo, na vai vandũ mũkethĩwa mũtonya kwasya nĩ kwenyu. Ĩndĩ Mwĩai Ngai akatuma mũkwatwa nĩ w'ĩa mwingĩ mũno, na mũyĩthĩwa mũtena wĩkwatyo, na mũikw'a ngoo.
66
Thayũ wenyu ũkeethĩawa mũisyonĩ mavinda onthe. Mũkekalaa na w'ĩa mũthenya na ũtukũ, na mũkekalaa kĩla ĩvinda mũikĩa kĩkw'ũ.
67
Kwakya mũkaneenaa mũkasya, ‘Twenda kethĩwa yu twĩ wĩoo’, na ĩa mawĩoo mũkaneenaa mũkasya, ‘Twenda keethĩwa yu twĩ kwakya!’ Ũu ũkeethĩawa nũndũ wa w'ĩa ũla wĩĩthĩawa wusũĩte ngoonĩ syenyu, na nũndũ wa maũndũ ala mwĩonaa.
68
Mwĩai Ngai akamũtũnga nthĩ ya Misili mwĩ melinĩ, o na kau nĩwaisye kana mũikasyoka kw'o ĩngĩ. Mwĩ kũu mũkenda kwĩthoosya kũla kwĩ amaitha menyu ta ngombo sya aũme na sya aka, ĩndĩ vai mũndũ ũkethĩwa ayenda kũmũthooa.”
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34